سؤال للشعار

طي
X
 
  • التوقيت
  • إظهار
مسح الكل
المشاركات الجديدة
  • الضلع الشامخ
    عضو
    • Jan 2010
    • 14

    #1

    سؤال للشعار

    يالربع ابمدح واحد وقلت
    يفدونك اهل العزوه الوايليه
    وهو عنزي طبعاا
    هل الشطر فيه شي
  • زيزوم الثبيتي
    عضو
    • Feb 2010
    • 11

    #2
    حسب معلوماتي المتواضعه عن الشعر انه الشطر مكسور

    لو قلت يفدونك هل العزوه الوايليه بدون الالف يكون أفضل وأوزن وأنشاء الله اني اكون صادق

    تعليق

    • الضلع الشامخ
      عضو
      • Jan 2010
      • 14

      #3
      تم النشر في الأصل بواسطة زيزوم الثبيتي عرض المشاركة
      حسب معلوماتي المتواضعه عن الشعر انه الشطر مكسور

      لو قلت يفدونك هل العزوه الوايليه بدون الالف يكون أفضل وأوزن وأنشاء الله اني اكون صادق
      مشكور اخوي زيزوم انا ما اتكلم عن الكسر
      انا اتكلم عن يفدونك (الوايليه)
      هل هي سب ام مدح

      تعليق

      • زيزوم الثبيتي
        عضو
        • Feb 2010
        • 11

        #4
        والله هذي صعبه تحكم عليها بحكم الميانه اللي بينك وبينه

        تعليق

        • الضلع الشامخ
          عضو
          • Jan 2010
          • 14

          #5
          تم النشر في الأصل بواسطة زيزوم الثبيتي عرض المشاركة
          والله هذي صعبه تحكم عليها بحكم الميانه اللي بينك وبينه
          زيزوم لا هنت لكن نسمع راي الربع

          تعليق

          • شاعر وادي عبقر
            موقوف لمخالفة الأنظمة
            • Feb 2010
            • 193

            #6
            لا ماغلطت بس هدمت بيته ههههههه

            كيف مايزعل قبيله كامله تحطها في مقام شخص اكيد يزعل

            لأن فيها انتقاص من قبيلته

            تحياتي

            تعليق

            • عبدالرحمن بن سهيه البلوي
              عضو
              • Sep 2009
              • 6

              #7
              افعل ماتريد وخــــــــــــــــــــــــــــــــــــــــــــــــ ـــــلك طبيعي المهم سدد وارمي

              تعليق

              • حسن إبراهيم الدجيماء

                شـــــاعــر

                • Jun 2009
                • 1983

                #8
                أتوقع انها تنقيص من حجم القبيلة ..

                وهي في الاول والاخير ترجع عند المتلقي وفهمه ..

                بعضهم يفهمها على انها تنقيص .. ومنهم غير ذلك ..

                مثال على التجريح
                (( جعل يفدونك الانذال )) ..

                كذا رفعته ونقصت من قيمة الانذال التي هي كذلك في الاصل ..

                أما عن ردك بالضبط قلت لك ترجع للمتلقي ومع انها تدخل في السب ..!!

                أتمنى اكون افدتك .. تحيتي وتقديري لشخصك ..!!

                تعليق

                • & محمد خالد القحطاني &
                  عضو ذهبي
                  • Aug 2009
                  • 375

                  #9
                  اذا كانك تمدحه وهو عنزي فانا من رايي انك تغيرها

                  تعليق

                  • مرزوق الجعيد

                    رابطة محبي الهيلا

                    • May 2004
                    • 1318

                    #10
                    من وجهة نظري انها تجي مدح وتجي سب

                    ولكن حسب سياقها التي تاتي فيه

                    فمثلا قولك(يفدونك اهل العزوه الوايليه) يعني يفتدون من دونك بارواحهم لبطولتهم ولكبر مقامك لديهم

                    مثال عندما نقول (كلنا فداء للوطن)هل هنا اصبحنا في مكان الانذال على قول اخوي الدجيماء

                    -----------
                    وتاتي سب على المقوله المشهوره (يفداك اللاش)

                    ولكن ارى انها مدح له وليست سب وخاصه اذا كان سياق القصيده تمجيد ومدح للشخص ولقبيلته

                    هذا والله اعلم

                    قد نجهل بعض العلوم ولكن لا يعيبنا ان نتعلم من بعض ونسعى الى الفعل الغانم

                    تحياتي

                    تعليق

                    • ابوشنـب
                      عضو نشيط
                      • Feb 2010
                      • 84

                      #11
                      اترك ذا البيت ويعوضك الله خير منه

                      تعليق

                      • شمروخ ابن عايد
                        موقوف لمخالفة الأنظمة
                        • Nov 2009
                        • 417

                        #12
                        لا البيت ماهو طيب بالمرة .

                        لأن قبيلة الرجل أغلى مايملك , وانت جعلت طيبهم وخبلهم كلهم يفدونه .


                        لو قلت يفداك البخيل , أو الرخمه أو الضعيف بدون تحديد قبيلة , لكان أفضل .



                        والبيت ماهو جيد ابداً .


                        إما الكسر مافيه كسر .

                        تعليق

                        • عبدالمجيد النفيعي
                          مشرف القسم الإسلامي والاقسام العامة
                          • Jul 2007
                          • 2048

                          #13
                          أكيد إنك تقصد إن الرجال هذا من طيبه يحامون عنه كل عزوته ويفدونه

                          هاذي لو توضحها بالقصيده مافيها شي لاكن كذا يمكن خويك يفسرها غلط ويشيل بخاطره


                          على فكره إعذرني انا ماني بـ شاعر لاكن لي رأي وحبيت أشاركك فيه
                          تم التعديل الأخير بواسطة عبدالمجيد النفيعي؛ 13-Feb-2010, 09:33 PM.
                          تذكر

                          قول الرسول صلى الله عليه وسلم :-"المسلم من سلم المسلمون من لسانه ويده"





                          أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

                          تعليق

                          • علي الثبيتي
                            النشمي
                            • Oct 2005
                            • 6033

                            #14
                            للمدح مافيها شي

                            ولكم بعض الامثله

                            يفداك رقمي وجوالي ومرسولي
                            يفداك عمري يابعد عمر مغليك
                            يفداك قلبي
                            ومن ماقيل في ذلك

                            مويضي بنت زعيفر العتيبيه

                            كانت تعشق رجلا فرفضت الزواج لأنها تعتقد انه لايرغب الزواج بغيرها ولكنها فوجئيت في اخر الأمر بنبأ زواجه من فتاة غيرها فعابت عليه عدم وفائه وأنشدت الأبيات التاليه تلومه :

                            ياسعود يوم أنك لحق العزيـب ** لاوهنيـك يالمقاطـي هنـيـاه
                            انتـه تدورلـك بكـار ذهيـب ** ونا ذهيبي ضايع وين ابا القـاه
                            اعوي توالى الليل كني صويـب ** كني صويب يسهر الناس بعواه
                            عيني تخايل كـل نجـم يغيـب ** الليل كله بس اهوجس بطريـاه
                            قالواتطيب وقلت والله ماطيـب ** يافـري مولـع القلـب فريـاه
                            يفدى وليفي كل قرم تعيب**وشيوخ برقا كلهم من فداياه
                            ويفداه ابن هندي مجري الرعيب**ولو كان شيخ والمراكيب تناصاه
                            ويفداه ابن سحمان سقم الحريب ** اللي نطالع ظلم مع درب شلفـاه
                            السود من عندي تنصا صحيـب ** اللي فهق حوضه وقدم ظمايـاه


                            احدى بنات السلقا من العمارات من عنزه.
                            وهي مجهوله .... تتغزل بحمود بن رميزان التميمى ..

                            يـازول أبويـه هـلا ياحمـود ** وان جيت من أقصى العرب عاني
                            يفداك أخويـه وابويـه العـود ** واللي لنـا مـن العـرب دانـي
                            ويفداك مـن حـودروا للسـوق ** نجعـة هـيـازع وشمـلانـي
                            ويفـداك مـن علـق البـارود ** المـطـر فــي والمضيـانـي








                            هناك شاعره شمريه لم استطع معرفة اسمها
                            قد عشقت الفارس والشيخ حمود الحميداني عشقا بريئا عفيفا فقالت :





                            يايوم (يا أمي) ماريد كود حمود ** اللـي ذبحنـي وانـا حـيـه
                            يفداه ابويـه واخـوي سعـود ** واللـي بعـد مـن دوانـيـه
                            ويفـداه مـن ينقـل البـارود ** واللـي تحـيـزم بشبـريـه
                            ويفـداه مـن يجـذب البالـود ** واللي وقف لـه علـى الطيـه



















                            يامل قلب ٍمن هـوى زيـد مطـروق ** طـرق الحديـد ملـيـن بالضـويـا
                            أمسيت قلبي في وأصبحـت مسـروق ** وثـورت فـي قلبـي عميـلٍ وعيـا
                            يفدا عشيـري كـل برقـا مـع روق ** واللـي بعيـد الـدار واللـي هنـيـا
                            ويفداه من يمشي على الأرض من فوق ** واللـي يشوفـون القمـر والثـريـا
                            ويفداه حضرٍ لجـو العصـر بالسـوق ** وابن رشيد اللي علـى الحكـم عيـا

                            وقالوا لابن رشيد : سبتك اذبحها !!
                            قال : ماسبتنى مدحتنى!!









                            :



                            وضحا العبدالله

                            من بادية السر فى وسط نجد تتغزل فى معشوقها ابن دويرج فتقول:

                            البارحـة عديـت بالمستقـلـه ** في راس مزمومٍ طويل البياحـي
                            يايوه عزينـي بـدا فـيّ خلـه ** سدي على بعض المخاليق باحي
                            من يم قصر دويرج مدهـل لـه ** غليـمٍ ينقـل جديـد السلاحـي
                            اهلي مع اهله كلهـم فـدوةٍ لـه ** يفدونه الفرسان واهل المناحـي
                            والله يا لولا الخوف وادرى المذله ** لا حط له بين النواهـد مراحـي





















                            المصادر :

                            1- شاعرات من الباديه – عبدالله بن محمد بن رداس



                            2- مصادر اخرى متفرقه
                            __________________
                            [poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
                            ماني بلا روقي ولا برقاوي = انا ثبيتي جد روق وبرقا [/poem]

                            تعليق

                            • & محمد خالد القحطاني &
                              عضو ذهبي
                              • Aug 2009
                              • 375

                              #15
                              انت بتمدح الشخص هذا لاكنك بتقلل من قبيلته

                              تعليق

                              العمل...