إهب ياوقتن قهرني وانا حيّ للشاعر منصور الغازي

طي
X
 
  • التوقيت
  • إظهار
مسح الكل
المشاركات الجديدة
  • خلف القثامي
    عضو مميــز
    • Nov 2006
    • 5690

    #1

    إهب ياوقتن قهرني وانا حيّ للشاعر منصور الغازي

    شـِعـر / منصور بن شعوان الغازي الشيباني العتيبي
    الشيله بأداء الشاعر / خضير الشمري




    إهب ياوقتن قهرني وانا حيّ
    ...................... ضاقت علي أكبر فيافي حزومه
    أمسيّ على شين واصبح ولاشيء
    ...................... كنّ النكاده في حشاي معزومه
    احيان احس اني مع الناس في فيء
    ........................ واحيان اشوف الوقت يهد سمومه
    ياميّ ماجتني على الكيف يامي
    ........................ البعد قطع الفتى عن لزومه
    احتاج لك أكبر من الزاد والميّ
    ........................ واشتاق لك شوق الطفل للأمومه
    يالايمن قلبي على روحة دبي
    ......................... الله يلوم اللي مراحي يلومه
    بنت النشاما تسكن بديرة الحيّ
    ..................... في عز ابوها عايشه ومحشومه
    لعيونها باأطوي مسافاتها طي
    ..................... ضبي يونسني طرايف علومه
    الشيخه اللي حسنها يشعل الضي
    ................. إسمه لحاله بس يسوى حكومه
  • وافي الخماش
    عضو ممـــيز
    • Apr 2008
    • 4089

    #2
    مشكور يالذيب منصور شاعر وله مستقبل كبير والاروع اللحن ..

    تعليق

    • عبدالله الجـــذع
      مشرف منتدى قصه وقصيده
      • Sep 2007
      • 8093

      #3
      قصيده جميله من شاآعر جميل

      صح لسان شاعرنا منصور

      لاهنت يالغالي

      والرآبط مو شغآل عندي

      محبك

      ,’
      قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


      .
      قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
      فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

      .

      موقع يضم جميع القراء


      هنا

      تعليق

      • /عبد العزيز الجذع/

        رابطة محبي الهيلا

        • Apr 2008
        • 7289

        #4
        صح لسانه...



        بس الرابط ما اشتغل...

        تعليق

        • خلف القثامي
          عضو مميــز
          • Nov 2006
          • 5690

          #5
          تم النشر في الأصل بواسطة وافي الخماش عرض المشاركة
          مشكور يالذيب منصور شاعر وله مستقبل كبير والاروع اللحن ..


          العفو يالوافي



          ولاعدمنا حضورك الدائم المميز

          تعليق

          • خالد العصيمي
            موقوف لمخالفة الأنظمة
            • Jun 2006
            • 746

            #6
            أمسيّ على شين واصبح ولاشيء


            صدق في ذي عز الله

            تعليق

            • عبدالله العمى
              عضو
              • May 2007
              • 25

              #7
              بغض النظر عن قصيدته الشاعر ذا مايستاهل

              نسمعله قصيدة وحده لان انشهر عن طريق سب وشتم

              بني عمه بصراحه على كثر الجمهور اللي حبوا يوسف

              كرهوا الغازي ولو فيه خير ماسب عيال عمه قدام العالم

              وصراحه اسلوبه يبي يشتهر بالقوة راح يقول قصيدة

              لبنت صدام والغازي هذا قابلته ياجماعه بالتميمي

              اللي بالعليا وجلست اسولف معه والله يااخوان من

              يوم عرفته بنفسي وقلتله انا من بني عمك والله ربع ساعه جلست اسولف معه ماله موضوع الا يوسف

              ومزاين الهيلا والغنامي سب وسوو فيني وفعلو ورخوم ومدري ايش واتمنى مانشوف له ولا قصيدة

              تعليق

              • المحيــــــط
                عضو نشيط
                • Apr 2007
                • 61

                #8
                يعطيك العافيه يا خلف القثامي على النقل المميز لشاعر مميز

                كفوووو يا منصور وعز الله انك شنب

                والشاعر منصور الغازي شاعر غصب عن اللي ما يرضى

                واشوف كل من هب ودب جانا يهايط هنا ويقول انه شايف فلان ومسولف مع فلان

                اجل شايفه بالتميمي ههههههههههههههههه

                وعلى فكره حتى انا شايف وزير الماليه يزحف في التحليه ووقفته وقعدت اسولف معه

                وماعنده سالفه الا وزير التجاره هههههههههه

                منصور الغازي ولد عمنا وعلى عينا وراسنا وفي قلوبنا

                ولو عتيبه ما تحبه كان ما استدعوه بني عمه في مناسبات كثيره

                آخرتها امسيه قبل اسبوعين تقريبا هو والشاعر خالد الدعجاني والشاعر بندر المحيا والشاعر مشعل شباب في الرياض

                الله يحفظك يا منصور الغازي والله لا يضرك

                وشكرا لك يا خلف القثامي

                تعليق

                • خلف القثامي
                  عضو مميــز
                  • Nov 2006
                  • 5690

                  #9
                  الله يعطيكم العافيه ع الحضور المشرف


                  ومنصور الغازي شاعر نحترمه ونقدر شعره الجزل ومهما زل في

                  بعض الكلام سابقا له شعره الجزل ومكانته المرموقه

                  ويوسف ومنصور كلهم من رجال الهيلا والانسان يزداد غضبه في لحظات

                  ويتراجع بعدها


                  تحياتي لكم

                  تعليق

                  • ابوزعبه

                    رابطة محبي الهيلا

                    • Dec 2006
                    • 3969

                    #10
                    لاهنت يالذيب

                    تعليق

                    • هيلاوي شقاوي
                      ضيف
                      • Apr 2008
                      • 530

                      #11
                      صح لسانه شاعر اثبت نفسه بغض النظر عن قصيدة رغد او خلافه مع يوسف قصائد منصور من اروع مايكون واصنفها على مستوى النخبه رغم صغر سن شاعرها

                      اما انت ياعبدالله العمى فالمواضيع كثيره في المنتدى ليس بالضروره ان تقحم نفسك وتتفوه بكلام سيئ ماعجبك الشاعر لا تقرأ قصائده ولا ترد على مواضيعه

                      تعليق

                      • عبدالله العمى
                        عضو
                        • May 2007
                        • 25

                        #12
                        تم النشر في الأصل بواسطة هيلاوي شقاوي عرض المشاركة
                        صح لسانه شاعر اثبت نفسه بغض النظر عن قصيدة رغد او خلافه مع يوسف قصائد منصور من اروع مايكون واصنفها على مستوى النخبه رغم صغر سن شاعرها

                        اما انت ياعبدالله العمى فالمواضيع كثيره في المنتدى ليس بالضروره ان تقحم نفسك وتتفوه بكلام سيئ ماعجبك الشاعر لا تقرأ قصائده ولا ترد على مواضيعه

                        والله يااخوك الشاعر هذا اخطا على القبيلة ككل وشكك في لجان المزاين وعلى التلفزيون


                        انا مابيني وبينه اي شي ولكن لازم يدري ان تصرفه خطا مهوب يخطي على يوسف وعلى اللجان المنظمه

                        للمزاين وحنا نصفقله ونشجعه هذا بعد خطا وهو كسب كره الكثير بسبب لقاءه على الواحه اللي هو اصلا

                        داخل اللقاء يبي يلفت الانتباه ويبي يشتهر على حساب ذم بني عمه


                        هذا وجه نظري اخوكم الفليت النفيعي

                        تعليق

                        • هيلاوي شقاوي
                          ضيف
                          • Apr 2008
                          • 530

                          #13
                          تم النشر في الأصل بواسطة عبدالله العمى عرض المشاركة
                          والله يااخوك الشاعر هذا اخطا على القبيلة ككل وشكك في لجان المزاين وعلى التلفزيون


                          انا مابيني وبينه اي شي ولكن لازم يدري ان تصرفه خطا مهوب يخطي على يوسف وعلى اللجان المنظمه

                          للمزاين وحنا نصفقله ونشجعه هذا بعد خطا وهو كسب كره الكثير بسبب لقاءه على الواحه اللي هو اصلا

                          داخل اللقاء يبي يلفت الانتباه ويبي يشتهر على حساب ذم بني عمه


                          هذا وجه نظري اخوكم الفليت النفيعي

                          تظل وتبقا خلافاتهم شعريه على مستوى الشعر لا دخل للقبيله فيها ومنصور مهوب من برا عتيبه حتى نصب جام غضبنا عليه والنبي عليه الصلاة والسلام يقول في حديثه الكريم ( انصر اخاك ضالما او مضلوما ) ننصره بالنصح والارشاد اذا كان ضال وليس بالتهجم عليه ومادامها حصلت ولا قدرنا نردها اذا من حق يوسف والغنامي الدفاع عن انفسهم خيرا من السكوت والاختفاء وارجو ان لايفهم كلامي بأني اقف في صف منصور لا انا لايهمني لا منصور ولا يوسف ولا غيرهم مايهمني هو المحافظه على تماسكنا كقبيله

                          تعليق

                          • عبدالله العمى
                            عضو
                            • May 2007
                            • 25

                            #14
                            تم النشر في الأصل بواسطة هيلاوي شقاوي عرض المشاركة
                            تظل وتبقا خلافاتهم شعريه على مستوى الشعر لا دخل للقبيله فيها ومنصور مهوب من برا عتيبه حتى نصب جام غضبنا عليه والنبي عليه الصلاة والسلام يقول في حديثه الكريم ( انصر اخاك ضالما او مضلوما ) ننصره بالنصح والارشاد اذا كان ضال وليس بالتهجم عليه ومادامها حصلت ولا قدرنا نردها اذا من حق يوسف والغنامي الدفاع عن انفسهم خيرا من السكوت والاختفاء وارجو ان لايفهم كلامي بأني اقف في صف منصور لا انا لايهمني لا منصور ولا يوسف ولا غيرهم مايهمني هو المحافظه على تماسكنا كقبيله
                            حلو اخوي انت يهمك تماسكنا كقبيلة يعني الشاذ واللي يشذ المفروض نكون ضده اما يرجع والا نكون ضده

                            ومنصور شذ وبدا بالهجوم ولو رد عليه يوسف او المنظمين بالمزاين كبر الموضوع وصار الفضيحه اكبر

                            تعليق

                            • خلف القثامي
                              عضو مميــز
                              • Nov 2006
                              • 5690

                              #15
                              [align=center]وضعت القصيده لجمال ابياتها ولم تنزل لاجل التطرق مواضيع اخرى



                              ارجوا منكم التركيز على القصيده فقط




                              وشكرا ع حضوركم
                              [/align]

                              تعليق

                              العمل...