قصيدة ناصر الفراعنهـ بصوتـ (وشيلهـ ) سعد الكرنافـ

طي
X
 
  • التوقيت
  • إظهار
مسح الكل
المشاركات الجديدة
  • فالح الكرنافـ
    عضو ذهبي
    • May 2007
    • 359

    #1

    قصيدة ناصر الفراعنهـ بصوتـ (وشيلهـ ) سعد الكرنافـ

    قصيدهـ لشاعر المعجزهـ / ناصر الفراعنهـ السبيعيـ ..


    (( الــتــوجـــد))

    وبصوتـ // سعد الكرنافـ




    المدهـ ( 12دقيقهـ )



    كل ما فاضت عيوني نجر ابـن حربـان دنّـا = في ضلوعي يسمع اللـي مـن ورا بغـداد دنّـه

    يوم ابن مدعث لنا سـن الوجـود الحـق سنّـا = وا فوادي كن دود الارض يرعـى فـي مسنّـه

    وا فوادي لو تضنّـى يابـن مدعـث ماتضنّـى = كنّّـه المجـدور عقـب الجـور مرمـيٍٍّ بعنّـه

    اشعل التنبـاك مـن خلقتـه مـا شبّـه وكنّـا = مير كنّّه من عجاج فـاح مـن صـدره يكنّـه

    وا وجودي وجد منهو عـض بابهامـه وحنّـا = واحدٍٍ شـاف الثـلاث البيـض سـودٍ مستجنّـه

    شـاف قـدّام الخيـام خشيـف ريـمٍ مرجهنّـا = وثوّر البندق يبي صيـده وراغ الخشـف عنّـه

    اطلق اربع عقبها اربع ثم سمـع صـوةٍ يونـا = واثرها امه صابها طلقه و طـار العقـل منّـه

    واتهمـوه بذبحـة امـه ليلـة العيـد وتجـنّـا = اتهمته النـاس و صـدوف المقاديـر اتهمنّـه

    قالوا اخوانه تـرا منّـا بمنـك ولا انـت منّـا = يفرق الله بيننا و بينـك عسـى مالـك مظنّـه

    لك ثلاث ايام من ذلحين و ارحـل مـن وطنّـا = عقبها تخطر على راسـك مضاريـب الاسنّـه

    ودّع مريتـه وتـو بنتـه صغيـره مـا تحنّـا = توها ام اربع شهـور و فـي لحمهـا زودلنّـه

    ركب غوجه و انقلـب قبلـه بليـلٍ مـا تونّـا = والحمايا مـن خلافـه ارخـوا حبـال الاعنّـه

    المطايـا و السبايـا مـن خـلافـه عمـدنّـا = والمنايـا سـجـدٍ قــدام عيـنـه يحتـرنّـه

    كل ما عنّز علـى قـومٍ وطـن الـراس طنّـا = قالوا اذلف ذابح امـه لعـن ابونـا لـو نحنّـه

    ذابـح امـه لـو زبنّـا عـدّه انّـه مـا زبنّـا = لعن ابـوك بيـوت قـومٍ ذابـح امـه زبننّـه

    الجمالـه مـا تجمـل فـي ولـد حـرٍ تدنّـا = ميـر دوّرغيرنـا وانحـش بقلبـك لا ندنّـه

    وانقلب من عندهـم كنّـه علـى محمـاس بنّـا = يمة اهل الغوص عجـلات الركايـب وجهنّـه

    ركب بابور البحـر و دمـوع عينـه يذرفنّـا = فـوق خـدّه كنّـهـن اذواد بــدوٍ مرثعـنّـه

    يـوم حـل الليـل اشرعـة السفينـه دودلـنّـا = و الهبايـب مـا يخلـن محبـلٍ مـا دودلـنّـه

    قام ربّـان السفينـه قـال يـا نـاس امتحنّـا = قوموا ادعوا ربكم عـلاّم مـا وسـط الاجنّـه

    قـال شيـخٍ منهـم الا عنـدي الـراي المطنّـا = ضحّوا بواحد عسـى الله ينقـذ ايديـنٍ رجنّـه

    و طاحت القرعه على اللي ذابح امّـه مـا تتنّـا = ثم رموا بـه فـي ظلمـات البحـور المستكنّـه

    و ادبحوا عنّه وهـو فـي غبّـة المـوج يتثنّـا = ثم عرض له من وحوش القرش جرجورٍ و صنّه

    عض جرجور البحر ساقه و صايح و استجنّـا = ابك لولا الله كـلاه القـرش مـا يسلـم مطنّـه

    وفي ديارٍ من بلاد الهنـد بيـن انـسٍ و جنّـا = من فضل ربي عليه اطراف الامـواج احذفنّـه

    ومثل ما قبل امـس متهـومٍ بذبـح امـه معنّـا = اتهمـوه بذبـح سلطـان الـبـلاد المطمئـنّـه

    و في السجون المظلمه خمسة عشر عامٍ قضنّـا = مع ثلاث ما قضـنّ الا عقـب حالـه قضنّـه

    لا سمع ورقـا تغنّـي جـر مسحوبـه و غنّـا = وكل مغنى يزعجه غصـبٍ يجـي تاليـه ونّـه

    ولا طرته بيـوت قـومٍ فـي الخلايـا يرفعنّـا = دار دولاب الدبـا الدالـوب دولابـه وزنّــه

    وكل ما برقٍ سرى شرقٍ صدوق الغيـث شنّـا = كن قلبـه فـوق سبـق طيـور بـرٍ شطرنّـه

    عقـب مـدّه جـاه مــن داره نذيرٍمرثعـنّـا = قـال انـا جيتـك بعلـمٍ والله انّـه والله انّــه

    حرمتك ماتت لها عشـر سنـواتٍ قـد مظنّـا = و البنيّه معمـسٍ تقـرع عليـك قـراع شنّـه

    عمّها عزّر بهـا فـي وسـط بيتـه مـا تهنّـا = خادمـة نسوانـه الثنتيـن و اللـي ضيفـنّـه

    ثم زوّجهـا لبـو سبعيـن عـامٍ مـا انقصنّـا = شايبٍ يطرب خفوقـه لا سمـع للقـرش رنّـه

    يوم سمع هروجهم فاضـت عيونـه و ازحرنّـا = وسط سجنه كنّّه اللـي ساكـنٍ لـه فـي مجنّـه

    قال يا ربعي افزعوا لي مـن سجـونٍ غيضنّـا = و قبر قلبـي الدمـدم آغـادي يديكـم يظهرنّـه

    قالوا انّـا وش لنـا انّـا والله انـه مـا شحنّـا = غير بنتك ولا مثلك مـا قربـه بقـرب جنّـه

    وانتحـوا وعيـون قايدهـم جنـوبٍ خايلـنّـا = وهو ورا سجنـه عيونـه كـل نجـمٍ خايلنّـه

    وعقب عامٍ من مجي ربعه و سنٍ عـض سنّـا = اعفوا الكفّـار عنّـه مـن عقـب سـودٍ دهنّـه

    يوم فكوا قيـد رجلـه وانطلـق خاطـره منّـا = و انفلت يبغى ديـارٍ مـن ورا نجـد اشحننّـه

    حث ساقـه مـا يشـوف الا بنيتـه يـوم قنّـا = من عقب عشرين عامٍ في وطـن قـومٍ مصنّـه

    ومن ردى حظه نهار اغضن عيونـه وارقدنّـا = فز من نومه عقـب عضّـه حنـش دابٍ بسنّـه

    ومن اثر سم الحنش يونـس ضلوعـه يطبخنّـا = و طاح عزّي لواحـدٍ سـود الافاعـي طيحنّـه

    يـوم اهـو فكّـر ولا فوقـه نجـومٍ يبرقـنّـا = وشاف بكيـة بنتـه اللـي جـا يبيهـا بينهنّـه

    قال يا نجوم السما تكفين روحي صـوب اهلنـا = علمي بنتي عن اللي صـاب ابوهـا واستسنّـه

    اشهد انّا مـا بحلنـا فـي الليالـي اشهـد انّـا = مير حظي خانّي ثم مـات مـا بـه مـن يقنّـه

    ذاك وجده وجد حالي فـي وطنّـا مـن عطنّـا = من هنوفٍ خدرهـا بيـض الهنـادي يحتمنّـه




    اتمنى انـ تنالـ اعجابكمـ


    اخوكمـ

    فالح الكرنافـ
  • ابوبجاد الرويس
    عضو مميز
    • Feb 2006
    • 4205

    #2
    مشكور

    والله يعطيك العافيه

    ولاهنت على القصيدة والشيله

    تعليق

    • fahad8088

      رابطة محبي الهيلا

      • Oct 2006
      • 1742

      #3
      مشكور يالكرنافـــ على النقل

      دايم مبدع

      تعليق

      • فالح الكرنافـ
        عضو ذهبي
        • May 2007
        • 359

        #4
        العفو ابو ابجاد

        واللهـ يعافيكـ ياذيبـ

        واللهـ لايحرمنا مروركـ

        تحياتيـ لكـ

        تعليق

        • فالح الكرنافـ
          عضو ذهبي
          • May 2007
          • 359

          #5
          العفو يا فـــ@ـــد

          ومشكور على المرور

          واللهـ لا يحرمنا منـ مروركـ المميز

          تحياتيـ لكـ ياذيبـ

          تعليق

          • المجهولـ
            عضو نشيط
            • Jun 2007
            • 99

            #6
            مشكووور

            والله يعطيك العافيه

            تعليق

            • تركي عايض
              عضو فعال
              • Jul 2006
              • 127

              #7
              أخوي فالح الكرناف رابط التحميل مايشتغل

              تعليق

              • ابو براك

                رابطة محبي الهيلا

                • Feb 2006
                • 1587

                #8
                مشكور على القصيده والشيله

                والله يعطيك العافيه

                تعليق

                • محمد الزايدي

                  رابطة محبي الهيلا

                  • Mar 2007
                  • 1388

                  #9
                  الف شكر لك

                  قصيده رااااائعه

                  تعليق

                  • فالح الكرنافـ
                    عضو ذهبي
                    • May 2007
                    • 359

                    #10
                    العفوو يا المجهووولـ

                    واللهـ يعافيكـ

                    ومشكور على المرور

                    تعليق

                    • فالح الكرنافـ
                      عضو ذهبي
                      • May 2007
                      • 359

                      #11
                      مرحبا اخويـ تركيـ

                      اما عنـ التحميلـ عطنيـ موقعـ احملـ عليهـ


                      ومشكور على المرور

                      تعليق

                      • فالح الكرنافـ
                        عضو ذهبي
                        • May 2007
                        • 359

                        #12
                        العفو اخويـ ابو برااكـ

                        واللهـ يعافيكـ ياذيبـ

                        ومشكور على المرور

                        واللهـ لا يحرمنا مروركـ العطر

                        تعليق

                        • فالح الكرنافـ
                          عضو ذهبي
                          • May 2007
                          • 359

                          #13
                          العفو اخويـ الزايديـ


                          ومشكور على المرور

                          واللهـ لا يحرمنا مروركـ العطر

                          تعليق

                          • أبوعزومي
                            عضو نشيط
                            • Jul 2007
                            • 93

                            #14
                            مشكور............................................. .........

                            تعليق

                            • نفيع العتيبي
                              منتظر رسالة تفعيل
                              • Dec 2006
                              • 642

                              #15
                              بيض الله وجهك

                              ونتتظر جديدك


                              تحااااتي لك
                              نفيــــع العتيــــــبي

                              تعليق

                              العمل...