[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لله , مدوا كفوف قلوبكم يمي =لله , جودوا قبل لا تاقف أيامي !
اسرفت فـ/ لحومكم لين انهدر دمي ! =محتاج من عفوكم ما يكسي عظامي !
كلي خطا من يْدَي لـ/قلبي لـ/فمي =غفلة جوارح تمر , وتجرح اسلامي !
ظالم ومظلوم , وديون البشر همي =هذاك يركض وراي وذاك قدامي !
طاوعت نفسي , وصيَّرت الغضب عمي =والحلم حلمي , وعمّي قاتل احلامي !!
تفضلوا واعتقوا لحلوقكم ذمّي=والكم عليْ اعتق لشوفتكم اقدامي !
الصدق فيني ورثته من حليب أمي=والطيبة الزايده ورثي من فطامي !
لو قالت اخلاقنا لـ/فعولنا تمي =ما تمت فعولنا , بالمظهر السامي !!
جبريل طهر فؤاد الصادق الأمي =وابليس بين افئدتنا نزغه الدامي !
اعوذ بالله من الشيطان واسمّي =وتفز سبابتي , ويسبح ابهامي !
واسقي عروقي ذكر , ينساب في دمي =واسهر على دمعتي خشية من ختامي !
يارب ودموعي تعانق طرف كمي =خذني وانا في سجود ولابس "احرامي"[/poem]
تعليق