قصيدة رشيد الزلامي ( جديده ) ورد عبدالله الهديريس

طي
X
 
  • التوقيت
  • إظهار
مسح الكل
المشاركات الجديدة
  • الباااسل
    عضو ماسي
    • Mar 2007
    • 817

    #1

    قصيدة رشيد الزلامي ( جديده ) ورد عبدالله الهديريس

    [align=center]




    [ramv]http://www.youtube.com/watch?v=Cxm31D7rw8Y[/ramv]








    كتابية :






    رشيد الزلامي






    [poem=font="Simplified Arabic,7,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    يابن بديَع وقفت بـي علـى الشـاط=المـوج عالـي والسباحـه مخيفـه
    تعبت ماباقـي مـن الجهـد قيـراط=دفيتها ليـن ابركـت فـي النصيفـه
    في رحلـةِ مابيـن تمـوز وشبـاط=عنوانها واضـح بصـدر الصحيفـه
    راحت سدى باسباب تفريط وافـراط=واستنزفـت دم القلـوب النظيـفـه
    لوكنت من شيد حضـارات الانبـاط=فـوق الجبـال الشامخـات المنيفـه
    ولو كنت بالحكمه منافـس لسقـراط=باح الكلام , وصدرت بـي امعيفـه
    طال الزمان وجرح الايـام ماخـاط=ينـزف وعيـا لايـوقـف نزيـفـه
    فقدت وقفات السدارى هـل الغـاط=اهـل المواقـف والنوايـا الشريفـه
    الياطرى لي شخص ابوزيد , تنساط=كبـدي ,,وقلبـي مايهـود رجيفـه
    وقدام يدخل خاطري يـاس واحبـاط=او يقتحمنـي سيـل وادي حنيـفـه
    افزع وناد الهاجري وابـن شلحـاط=ومدغم وابن قضعان وايضا ابن ريفه
    ولابد لـك بمحمـد الذيـب تحتـاط=يكفيك عن عنتـر ورمحـه وسيفـه
    انا بذلت الجهد فـي كـل الاوسـاط=لكـن دنـيـا خاتمتـهـا ضعيـفـه
    ماتصفـي الا مـع منافـق وخـراط=ومعـوق ٍ باقـي لـجـده خليـفـه
    رزقه حرام ولايجـي غيـر نقـاط=وغير النذالـه مالقـى لـه وظيفـه
    ياجعل يلقطهـم مـن القـاع لقـاط=ومن الغضب تنـزل عليهـم قذيفـه
    تضرب جماجم روسهم ضرب مخباط=ليـن الوليـف يقـوم يلعـن وليفـه [/poem]





    عبدالله الهديريس





    [poem=font="Simplified Arabic,7,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    تناقلـوا عبـر المجالـس والاوسـاط=ابيـات شعـر ٍ مكتنفـهـا كنيـفـه
    تداولوهـا بالموبـايـل والاسـقـاط=ومن خَفّ ،، رام الذبذبـات الخفيفـه
    من شاعر ٍ واسع محيطه وقـد حـاط=سبـع المحيطـات الكبـار العنيـفـه
    ورشيد من طبعـه محافـظ ومحتـاط=سوّى لهـا عـن كـل طـق إتغليفـه
    من ركنها الاول ليا سبـع الاشـراط=الـوزن كامـل والمقاصـد شريفـه
    تناولوهـا بيـن شـايـل وحـطّـاط=كل ٍ على محصـول فكـره وكيفـه
    خلطت الاسمـاء يالزلامـي بخـلاط=وحطيتهـا بيـن الخشـب والسقيفـه
    وقسم ٍ صفطته في مخابيـك مصفـاط=لـو تنخلـه ماجـاك منـه النصيفـه
    اسمين والباقي هدب رمـث واحمـاط=مير انـت كيلـك مايخلـي الطفيفـه
    تسحب يدين اللي بالاغـواط منغـاط=وتعلقـه فـوق الغصـون الهديـفـه
    عرضّت به درب الشقاوه والاشطـاط=لو ان قسمـه مـن حفـاف الرغيفـه
    من خوف من يم العرب يقطع الخـاط=تحرص على وصل الخيوط الرهيفـه
    تبـا تمهّـد لـك بالامصـار مهبـاط=مـن شـان دورات الليـال المحيفـه
    والرزق عند اللـي لـلارزاق بسـاط=ماهو بشوراهـل النفـوس الضعيفـه
    اللي لهم فـي كـل ميـدان مرقـاط=الشكـل منعـم والضمايـر هجيفـه
    بافكارهم رفـع المكانـه والإحطـاط=متساويـه فـي وصفهـا والوصيفـه
    وان صـار للّقمـة مدرمـح وزرّاط=لـو الثمـن مـن غاربـه مايعيـفـه
    هلس وضعافة نفس وهْتـار وخْـراط=وهـذا ثمـر تـال السنيـن الحفيفـه
    واليوم محـري يالزلامـي بالاحبـاط=وبعض العلوم من العـوارف طريفـه
    ويامشين الراقي ليـا جـاء تخـرّاط=مـن راس مزمـوم ٍ رقـاه إتهريفـه
    فكرك سرت به بعض الافكار واشتاط=مـع درب بـراق ٍ تلاحـق قنيـفـه
    عم الديار اللي بهـا خلـط وإخـلاط=ولا فرق في حـي المدينـه وريفـه
    المالكي والشافعـي ستـر وإغطـاط=ويلَعّنون احمـد علـى ابـو حنيفـه
    ملفى السقيـم ومشبعـة كـل لهّـاط=قـوم ٍ لعميـان البصايـر مضيـفـه
    فوضى انحطاط ولعبة اسياط وسمـاط=وقطن الصعيدي في حـراوي نديفـه
    وانته مخضرم فالزمن جالك اشـواط=والعلـم تـدرك صادقـه وإتحريفـه
    ماخبرنا ألا ّ انك على بسـط وبسـاط=وبرد الهدى يضحـك لعينـك هفيفـه
    وساسك من الهيلا عمى الخصم لاشاط=يـوم انهـا مابيـن غـزو ونكيـفـه
    لاقربـو للحـرب ولعـة ومشخـاط=يـروون حـدّ المرهفـات الهقيـفـه
    تاريخهـم مايلحقـه كــل خـطـاط=من قبل قصة من سرى عـن رديفـه
    اهل المواقـف لاختلـف كـل هيّـاط=ويامن بهـم مـن حدتـه كـل خيفـه
    في دولـة ٍ بالديـن والمجـد تنحـاط=وحكم الملوك اهل العقول الحصيفـه
    فـي ظلهـم مافيـه للحـق غطـاط=ومنهاجهـم فـوق الشعـار إتعريفـه [/poem]





    (((( منقول من صحيفة الدوادمي الشعبيه ))))[/align]
  • ܓܨ عبدالله البرقاويܓܨ
    عضو مميـــز
    • Sep 2009
    • 1405

    #2
    يعطيك العافيه على النقل

    وعبدالله الهريديس اول مره اسمع له

    تعليق

    • الصف الواحد
      عضو فعال
      • Oct 2007
      • 185

      #3
      صح لسااااااااااااانك ياعبدالله الهديرس . ابداع ابداع ابداع ابداع....



      وصراحه غريبه من ابو جميل هاالابياااااااااااااات....

      تعليق

      • الباااسل
        عضو ماسي
        • Mar 2007
        • 817

        #4
        شكراً يالبرقاوي على المرور الكريم

        تعليق

        • ابو مشاري العتيبي
          عضو نشيط
          • Sep 2008
          • 45

          #5
          القصيدة موجه من الزلامي لعبدالرحمن بن بديع

          تعليق

          • محمد الذيابـــي

            مشرف منتدى قصائد الاعضاء

            • Mar 2011
            • 12133

            #6
            ..


            لا هنت يالغالي...
            التوقيع

            محمد الذيابـــي

            تعليق

            العمل...