شيلــه رائعه بعنوان مشتــآق للجنــه ..!

طي
X
 
  • التوقيت
  • إظهار
مسح الكل
المشاركات الجديدة
  • رايد الهديبي
    عضو مميـــز
    • Nov 2008
    • 997

    #1

    شيلــه رائعه بعنوان مشتــآق للجنــه ..!

    [align=center]السلام عليكم ورحمة الله وبركاته

    شيله مميزه وجزله لشاعر والفارس الأمير/سعود بن خالد بن سعود الكبير

    واداء صاحب الصوت الشجي: فارس المطيري

    بعنوان : مشـــتـآ ق للجنـه

    ..

    للاستماع



    ..

    لقراءة القصيــده

    ..
    [/align]

    [poem=font="Simplified Arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

    مشتاق للجنه وخايـف مـن النـار = بين الرجا والخوف بقضي حياتـي


    أحيان يزيد الخوف عنـدي بمقـدار = لأني كثير ذنـوب ومـن العصاتـي


    ولأني أتوب من الخطايـا والأوزار = وأرجع أطيع النفس في المعصياتـي


    يالله أنا من نفسـي اليـوم محتـار = أتعـب وأنجيهـا وتبغـي مماتـي


    يانفسي اللي تأمر بسـوء واشـرار = أريـد بـك خيـرٍ وهـذا جـزاتـي


    يانفس يوم الحشر ماتقبـل أعـذار = وفي الجنة الفردوس نبغى المباتـي


    لكن عندي لك سـؤالٍ لـه أسـرار = وشلون ناصلها وهـذي سواتـي!؟


    حملي ثقيل ومنه جسمي قد انهـار = وحتى الخشوع مضيعه في صلاتـي


    فيارب كيف أدعوك في وقت الأسحار = وكلي ذنوبٍ في العلـن والخفاتـي


    وياكيف أنا ما أدعوك والاسم غفـار = تغفر ولـو مثـل البحـر سيئاتـي


    أنـا أدري ان الله عظيـمٍ وجـبـار = وأنـه رحيـم وكلنـا لـه بناتـي


    وإنه علـى خلقـه حليـمٍ وستـار = وإنه رقيب وكامـلٍ فـي الصفاتـي


    فيا الله يامنزل من الغيـم الأمطـار = يامنبت من الارض خضـر النباتـي


    يامجري من القطر وديـان وأنهـار = ومن الحصى منشي جبال السراتـي


    يامقلب قلوب الخلايـق والأبصـار = ياحاشـر خلقـك حفـاةٍ عـراتـي


    أسألك أنا خشيتك في سـر وجهـار = وعلى الهدى طالبك ربـي الثباتـي


    أسألك حسن الخاتمه بآخـر الـدار = وتوبة نصوح وعفو قبـل الوفاتـي


    وأسألك أنا الجنه مع وفـد الآبـرار = مـع النبـي يـارب هـذي مناتـي [/poem]




    [align=center][align=center]تحياتي .. [/align][/align]
  • عيد بن مرضي
    شـاعـــر
    • Oct 2009
    • 1035

    #2
    سلمت يمناك يا رايد



    شيله مميزه يا القرم لاهنت

    تعليق

    • علي الشهراني

      شـــــاعــر

      • Sep 2009
      • 2702

      #3
      صح لسان الامير الشاعر


      و لا هان صاحب الصوت الرائع فارس


      مشكووووووور يا رائد
      [poem= font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
      يا بو محمد وش عليه أتحسّر=لا مرقدٍ دافي و لا ماكلٍ حار
      احسلّي اقصْر في شفوفي و اكسّر=اخير لي من عيشة الغار و النار[/poem]

      تعليق

      • سيف المساعيد
        عضو ماسي
        • Jul 2009
        • 574

        #4
        جزاك الله خير


        وجعلها في موازين حسناتك ...

        تعليق

        • ܓܨ عبدالله البرقاويܓܨ
          عضو مميـــز
          • Sep 2009
          • 1405

          #5
          والله شيله راااائعه تشكر على طرحها
          وصح لسان الامير

          تعليق

          • رايد الهديبي
            عضو مميـــز
            • Nov 2008
            • 997

            #6
            لاهنت علي المرور والمتابعه ..

            تعليق

            العمل...