يستااهل الشاعر عيضة الثبيتي......لفتة نظر

طي
X
 
  • التوقيت
  • إظهار
مسح الكل
المشاركات الجديدة
  • المرقاااب
    عضو فضي
    • Sep 2008
    • 262

    #1

    يستااهل الشاعر عيضة الثبيتي......لفتة نظر

    السلام عليكم ورحمة الله وبركااته>>>>>
    هذي محاوره بين الشااعرين مستور العصيمي .....وعيضة الثبيتي..







    عـــيـــضـــة الـثــبــيــتــي


    يامستور العصيمي ويش رائك لو ناخـذ قـاف # ترى ليل الربيع يهيـض الشعـار مـن طولـه
    ترى أهل السيل تنشد عنك وتـدَّورك بالكشـاف # لكنـك غبـت عنهـم غيبـةٍ ماهـي بمعقولـه



    مــســـتـــور الـعـصــيــمــي


    ليا منك بغيت القـاف قـرّب والـزم الميقـاف # تراني خابر الرجال مـن زولـه ومـن قولـه
    والا ياعيضه الك سنين سـد سنيـن ماتنشـاف # وانـا رجلـي لـراع الحـق مثنيّـه ومعقولـه





    عـــيـــضـــة الـثــبــيــتــي


    والا ياطيبها يوم أنت طيّـب ماعليـك خـلاف # لو أن علومـك اللـي جبتهـا ماهـي بمقبولـه
    على الشعار وصّاك الثبيتـي مطلـق وصيـاف# وجيـت ادوّرك واليـا أنهـا البيبـان مقفولـه




    مــســـتـــور الـعـصــيــمــي


    علوم ٍ ماضيهـا ماجالهـا شاهـد ولا حـلاّف # سواة العقده اللّي عنـد رأس الحبـل محلولـه
    نبا يابن معيوض نعرض الدعوه على العُـرّاف # وأنا لـي دعـوة ياصاحبـي ماهـي بمجهولـه





    عـــيـــضـــة الـثــبــيــتــي


    والا يامسرع الروحه والا يامسـرع المنكـاف # على البحر الحمر والبحر الاحمر يصطفق جوله
    دمحنـا الأولـه والثانيـه والثالـثـه تنـعـاف # ووصلنا السلوك اللّي ثـلاث سنيـن مفصولـه




    مــســـتـــور الـعـصــيــمــي


    أنا طيَّب بخيـر ولا رزتنـي حذفـة الحـذاف # وانا قاضي ولد قاضي وبعض النـاس مهبولـه
    وأنا ماني سواة اللي يـروح يـدور الاسـلاف # يدور للسلف من عنـد نـاسٍ مامضـى حولـه



    عـــيـــضـــة الـثــبــيــتــي


    والا ياحضرة القاضي ترى ماهو بحكم انصاف # يدينـك فالدسـم ويـديَّ بالصابـون مغسولـه
    اثبتها علـى السيسـان مابنيهـا علـى مهيـاف # هذا مستـور مايعـرف رفيقـه ميـر قولولـه




    مــســـتـــور الـعـصــيــمــي


    ليـا منـا رمانـا يالثبيتـي نطـرح الاهـداف # وانـا خابـر يمينـك وافيـه ماهـي بمغلولـه
    ندور للذهب واثر الذهب في خزنـة الصـراف # من أهل السيل جاني واحداً ماهو علـى زولـه



    عـــيـــضـــة الـثــبــيــتــي


    يمينـي وافيـه والسيـف يامستـور للسيـاف # لكن الوقت الاقشر يالعصيمـي تقـرع طبولـه
    على البحر الحمر والله لو ترمي مية مغـراف # ماينقـص بحرنـا وأيامنـا دولـه ورى دولـه



    مــســـتـــور الـعـصــيــمــي


    أنا ماقول فيك قصـور ياحايـف ويـا منحـاف # ليـا ماقـدِّر الرجـال مـاقـدَّرت مرسـولـه
    بدينـا وانتهينـا والوعـد فبدايـة المصـيـاف # ولا تقضي حياتك في بيـوت السيـل معزولـه



    عـــيـــضـــة الـثــبــيــتــي


    والا يافكرتي يانكرتـي فـي هالونيـت الهـاف # ليا شديت صامولـه طلـع عشريـن صامولـه

    منقووووول\
  • فلاح القحطاني
    عضو فعال
    • Apr 2008
    • 188

    #2
    صحت السن الشعراء

    لا هنت على النقل

    تعليق

    • ابوتيجان
      عضو ماسي
      • May 2006
      • 446

      #3
      الشاعر الشاب / عيضة الثبيتي ابياته توحي بشاعر كبير قادم لساحة المحاورة ان شاء الله

      تعليق

      • صاهود
        موقوف لمخالفة الأنظمة
        • May 2009
        • 2784

        #4
        والله انه شاعر هذا خليفة الثبيتي

        علي تاريخ مستور الكبير ماتحس فيه فرق وثبيت ماتنضب اعدودها

        لاهنت يالمرقاب وفيه لعبه ويا حبيب ياليت تجيبها

        تعليق

        • نفيعي البجاديه
          عضو نشيط
          • Nov 2008
          • 99

          #5
          مشكور على النقل

          المحاوره هذي رائعه جدا

          وعيضه الثبيتي شاعر ولعب مع كبار الشعراء

          تعليق

          • المرقاااب
            عضو فضي
            • Sep 2008
            • 262

            #6
            الله لا يهينكم جمييعا على المرور والتشريف........
            ذيب عروا ابشر يااخوي والله اني ادورها وان لقيتها اباجيبها

            تعليق

            • أبـوحرب
              عضو ذهبي
              • May 2009
              • 356

              #7
              أشهد بالله إنه شاعر داهيه أبياته رائعه جدا وياليتكم تضيفون صورة له نبي نشوفه

              تعليق

              • بندر المرشدي
                إدارة الأقسام الأدبية
                • Nov 2006
                • 4292

                #8
                المرقاب



                شكرا لك على المجهود
                [poem=font="Simplified Arabic,3,tomato,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
                يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان
                لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان
                الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان
                اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان
                مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان
                [/poem]

                ::

                ديواني من إعداد الزميل/ عمر الدغيلبي ... بيض الله وجهه

                تعليق

                • ناصر حامد الثبيتي
                  عضو ماسي
                  • May 2009
                  • 717

                  #9
                  [align=center]
                  تم النشر في الأصل بواسطة أبـوحرب عرض المشاركة
                  أشهد بالله إنه شاعر داهيه أبياته رائعه جدا وياليتكم تضيفون صورة له نبي نشوفه
                  هو موجود بمنتديات الهيلا ومشرف فيها بعد . بس مايتحاور كثير اغلب ماينزله هنا قصائد .
                  تسلم يدك يالمرقاب ومحاورة بوجود العصيمي غير . وعيضه شاب مبدع ونتمنى له الاستمراريه .[/align]

                  تعليق

                  • زبن الجعفري العنزي
                    راع الجدعا
                    • Aug 2008
                    • 736

                    #10
                    عز الله ان عيضة شاعر داهية ماشاء الله عليه


                    لعب بهذا الشكل مع شاعر بمقام مستور ينبيء عن نجم قادم









                    تحياتي

                    تعليق

                    • محمد بن غازي
                      مشرف عــام
                      • Jun 2005
                      • 5252

                      #11


                      شاعرنا الكبير/ عيضه الثبيتي

                      نتشرف بأنه أحد المشرفين في منتديات الهيلا ...

                      وبالنسبه لصورته يابو حرب تجدها على الرابط التالي /



                      تعليق

                      • فايز بن سرحان الثبيتي

                        مشرف منتدى قصائد الاعضاء

                        • Nov 2008
                        • 5247

                        #12
                        عيضة الثبيتي


                        شاعرنا القادم بقوة الى سماء النجومية




                        صح لسانه ملايين والعصيمي علم من اعلام الساحة الشعريه ومجاراته ليست سهله

                        المرقاب بيض الله وجهك على نقل المحاورة وننتظر منك المزيد من المحاورات لابو فيصل
                        [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

                        إذا شئت أن تحيا سليما من الأذى=وحظك موفور وعرضك صين
                        لسانك لا تذكر به عورة امرىء=فكلك عورات وللناس السن
                        وعينك إن أبدت إليك معايبا = فصنهاوقل يا عين للناس أعين
                        وعاشر بمعروف وسامح من اعتدى=وفارق ولكن بالتى هى أحسن

                        [/poem]

                        تعليق

                        • المرقاااب
                          عضو فضي
                          • Sep 2008
                          • 262

                          #13
                          الله لايهيينكم جميعا على المرور والتشريف للموضوع
                          ويستااهل الثبيتي

                          تعليق

                          • علوش بن محيا
                            عضو
                            • Jul 2009
                            • 28

                            #14
                            والله شاعر وما يحتاج مدام هذي ردوده هذا خليفه مطلق

                            تعليق

                            • قادح شرار
                              شـــاعــر
                              • Jul 2007
                              • 2979

                              #15
                              هههههههههه.

                              سبحاااان مغيّر الأحواااال يالمرقاااب ..

                              بس أشوا يوم إنك حكّمت عقلك شوي ..

                              وشكرا ً على النقل ..

                              تعليق

                              العمل...