بالأدله والبراهين من الافضل ؟؟؟ (صياف او مطلق او المسعودي او الجبرتي )

طي
تم إغلاق هذا الموضوع.
X
X
 
  • التوقيت
  • إظهار
مسح الكل
المشاركات الجديدة
  • صاهود
    موقوف لمخالفة الأنظمة
    • May 2009
    • 2784

    #16
    تم النشر في الأصل بواسطة أبـوحرب عرض المشاركة
    ليش ماتكلمت غير على صياف؟؟؟؟؟؟؟

    وأنت واضح أنك من اللي يسمعون كلام ويرددونه ولايعرفون معناه (حاله إستثنائيه) و(لن تتكرر) وماعندك رأي أو بالأصح رأيك تتخذه بماتسمعه ماهو بماتراه


    لاكن أصبر كم يوم إنشاءالله وأجيبلك فيديو صياف رحمه الله يلعب ضد ثلاثه شعار في محاوره وحده وقاف واحد إستمر ساعه إلاثلث كل شوي واحد يغطي للثاني وهم محمد بن شريف الجبرتي رحمه الله وسعيد الحليلي السلمي وشاعرآخر على شان لايكثر هرجك

    انت الظاهر ماتدري وش اقول


    لاتعليق

    تعليق

    • سرحان الشيباني
      عضو ماسي
      • May 2005
      • 573

      #17
      كلهم رحمهم الله شعراء اقوياء وفي مستوى واحد ومن الصعب تحدد شاعر منهم تحتار من تختار

      لاكن اذا سألتني عن ميولي وعن الشاعر اللي معجب فيه بقولك عبدالله المسعودي ومطلق الثبيتي واضع تحت اسم عبدالله المسعودي خط فهو شاعر لايرحم في ميدان المحاوره ويتميز بالأبيات القويه بالاظافه الى سرعة الرد مما جعل الكثير من الشعراء يتحاشونه للفارق والامكانيات بينهم وبينه

      اما مطلق الثبيتي رحمه الله فهو شاعر جزل ويستخدم اسلوب السهل الممتنع فمستحيل تجد شخص يقرا محاوراته او يسمعها ولا يميل اليه والميزه الفارقه عن زملائه انه هو من يبدأ بالمحاوره دائما فلقد عرف عنه انه شاعر هجومي

      وباقي الشعراء اللي ذكرتهم واللي ماذكرتهم مثل بن تويم وناصر بن سرحان الشيباني وشليويح بن شلاح المطيري واحمد الناصر الشايع وغيرهم الكثير فيهم الخير والبركه ولا يقلون عن ماذكرتهم فهم شعراء اقوياء ايضا

      تعليق

      • سرحان الشيباني
        عضو ماسي
        • May 2005
        • 573

        #18
        يااخوان اتمنى الجميع يختار بعيدا عن العصبيه القبليه هذا شعر والشاعر يمثل الشعر قبل ان يمثل قبيلته كل واحد يختار الشاعر اللي يميل اليه وسبب اعجابه به حتى لو كان ابن قبيلته مافيها شي بس الاهم انه مايستنقص من الشعراء الاخرين

        تعليق

        • ناصر حامد الثبيتي
          عضو ماسي
          • May 2009
          • 717

          #19
          [align=center]
          تم النشر في الأصل بواسطة ّديب عروا عرض المشاركة
          'طيب انا اسف يالثبيتي واسمح لي وانا خوك لك مني عهد ماعاد اتدخل فالمواضيع هاذي ابدا

          الاول مطلق

          والثاني رشيد

          والثالث مستور

          والرابع حبيب

          والجبرتي والمسعودي لا يفقهون فالشعر ولا قبايل خندف عتيبة وبس الحين اعتقد مافيها تعصب

          دمت بخير يالثبيتي


          اخوي الكريم ذيب عروى انا ماجيت ادافع عن شعراء عتيبة بالعكس فيه في القبائل الاخرى
          من متميز بشعره واسلوبه وله جماهيريته انا اللي تحسست منه اسلوب الاستنقاص والترتيب
          فانت عددت بالاسماء هذا وهذا لحال وهؤلاء كلهم تحت منهم بالشعر والمستوى
          وكما هو واضح انت مطيري والمسعودي هذلي والجبرتي سلمي لذلك لارى اي وسيلة ربط سوى خندف

          واعيد واكرر هم متميزين واسماء بارزة في ساحات المحاورة التي بقيت وبقي ماآرخوه من الشعر
          مع احترامي لرايك وهو اكيد راي سليم لانها ميول شخصيه فمستحيل تجد شاعر لايميل لشعراء قبيلته
          لكن نعاود ونكرر وفي اكثر من نقاش خارج هذا المنتدى من مسالة التحسس من ذكر الاسماء
          اذا كنت بجد تريد ابداء رايك اذكر احب شعر هذا وهذا وهذا واعتبرهم متميزين بالنسبه لي

          واعتذر عن العودة للمرة الثالثه واشكر ابو فايح لرحابة صدره ورحابة صدر صفحته الراقيه
          وكل امتناني لذيب عروا وحياه الله بين اهله وربعه

          [/align]
          تم التعديل الأخير بواسطة ناصر حامد الثبيتي؛ 02-Jul-2009, 07:39 AM.

          تعليق

          • محمد ابن رووق
            عضو مميــز
            • Jan 2009
            • 2632

            #20
            صراحه كل قبيله بتمدح شاعرها وخنذف مع الخناذف وشبابه مع الشبابي


            انا اتوقع كلا له اسلوب في المحاوره


            وحسب المعنى اللي بينهم ربما المعنى يخدم شاعر على حساب شاعر


            مثلا لو عن معركه بين قبيلتين بيخدم الفايز بشكل كبير المعنى


            لكن انا اقول مطلق موب علشانه عتيبي


            لكن تخيل قبل ثلاثين سنه رجل معه شهاده ماجستير بينما البدو حدهم سادس


            فرق بينهم واحد مطلع والباقين لا اميين









            مطلق انسان مبدع رحمه الله كانت المحاوره عن القبايل نقلها الى محاوره كثيره


            انسان فاهم متعلم


            شكرا لك ابو فايح على الموضوع

            تعليق

            • عبدالمجيد النفيعي
              مشرف القسم الإسلامي والاقسام العامة
              • Jul 2007
              • 2048

              #21
              فعلاً شعراء كبار وكلٍ له اسلوب ونهج يختلف عن الثاني

              أما بالنسبه لـ الحميا القبيله في المحاوره فلا تشره

              أنت تشوف إذا برز شخص في مجال مشرف للقبائل كـ الشعر أو في مزاين اللإبل

              تلقا معظم مشجعينه من القبيله ويحق لهم لأن هذا مجال يشرفهم لاكن هاذي غيّرت بمفهوم الجمهور عند بعض الناس صار الجمهور هو القبيله

              يعين شيء طبيعي إذا كان كلٍ بـ يبدي شاعر قبيلته


              ،،،،،،،،،،،

              أما بالنسبه لمن تختار الأفضل بين الشعراء فـ أنا أغيّر السؤال وأقول ماهو الأسلوب الأفضل

              مطق الثبيتي الله يرحمه قال اخونا عقاب إنه قيادي فعلاً أذكر مقابله مع شاعر كبير يتكلم عن مطلق

              وأنا ماني حافظ كلامه زين لاكن إلي فهمته عن مطلق يرحمه الله إنه يحب يطرح اسئله وأكون له مجاوب

              فـ الي يحب الأسلوب هذا يقول مطلق الله يرحمه الأفضل وهو مايحتاج رمز في هذا المجال

              الشاعر الجبرتي يرحمه الله يختلف شاعر يحب الفكاهه وفي الفكاهه دفن معنى والفكاهه شيء محبوب


              يعني الزبده كلهم شعراء فطاحله

              ولافيهم شاعر مفروض على الاخرين إنه الأفضل كلٍ له وجهة نظر بـ الي يعجبه
              تم التعديل الأخير بواسطة عبدالمجيد النفيعي؛ 02-Jul-2009, 08:20 AM.
              تذكر

              قول الرسول صلى الله عليه وسلم :-"المسلم من سلم المسلمون من لسانه ويده"





              أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

              تعليق

              • وحي العقل
                ناقد ومحلل ادبي
                • Mar 2007
                • 702

                #22
                /
                /


                لاهنت ياصديقي ابو فايح ,, والتاريخ يقف مع مطلق ,,
                هو الافضل بلا منازع

                تعليق

                • ابو فايح
                  مشـرف عام
                  • Jul 2006
                  • 5343

                  #23
                  [align=center]انحرف مسار الموضوع 180 درجه

                  لكن

                  لا تعليق

                  وشاكرين لجميع من مر من هنا [/align]
                  عالم تويتر



                  abofayeh@

                  تعليق

                  • سهم الليل
                    عضو ماسي
                    • Nov 2007
                    • 571

                    #24
                    ابو فايح
                    مواضيعك دايم ثريه ولكن العقول الفاضيه لا تتوافق مع ماتريد او ماتقول
                    يجي سبحان الله كنه لاحق شك في قبيلته



                    الشعراء الاربعه مانقدر نقيمهم لاسباب
                    1)قوة شاعريتهم وعمقها
                    2)الفرق الزمني
                    3)تغير الاهتمامات والانفتاح العصري
                    لن يفيدنا في هذا الموضوع الا الشعراء الكبار اللى سبق ولعبو معهم
                    مثل مستور رشيد ابو مشعاب وغيرهم


                    وجهة نظر فقط
                    تحياتي

                    تعليق

                    • شاكر الثبيتي
                      عضو فعال
                      • Mar 2009
                      • 131

                      #25
                      مطلق شاعر مبدع رحمه الله كانت المحاوره عن القبايل نقلها الى محاوره متعدده المعاني كثيره


                      انسان فاهم و متعلم


                      هذا من جهت نظري وشكرآ

                      تعليق

                      • رائد الكيرعاني القحطاني
                        شـاعـــر
                        • Apr 2009
                        • 1247

                        #26
                        أبو فايح

                        متميز دائما

                        الاخوان مدري وش فيها ثايرة عجّتهم على مجرد اراء ابو حرب والثبيتي وغيرهم

                        الكلام الحين زي ما قال ابو فايح اللي يقول ان مطلق افضلهم ينزل لنا محاورات مطلق اللي يرى انها تقدمه عليهم ويقول انه افضل

                        وهكذا جميع الشعراء

                        مع اني ارى انا شخصيا انه خطأ هذا التصنيف

                        لان كل منهم يتميّز بصفه فمنهم الفكاهي ومنهم السهل الممتنع ومنهم القوي الضارب ومنهم واسع الخيال ... الخ

                        فلا تستطيع ان تاتي الان وتقول من الافضل رشيد ولا مستور ولا سلطان الهاجري ولا حبيب

                        لكن كل منهم يتميّز بصفه عن الاخر

                        والمشكله يا شباب ان المحاورة ليست مباراه تنتهي بواحد صفر او اثنين صفر

                        هي بيت ورده والمعنى والجماليه هي اللي تحكم فقد يكون شاعر في ليلة في قمة عطاه وفي ليلة اخرى العكس

                        اررررجو رجــاء خاااص
                        (عدم التهجّم) ههههههه

                        لك تقديري يا بو فايح

                        تعليق

                        • عبدالله المطرفي الهذلي
                          موقوف لمخالفة الأنظمة
                          • Aug 2008
                          • 462

                          #27
                          تم النشر في الأصل بواسطة ابو فايح عرض المشاركة
                          [align=center]رائك على العين والراس ولكن لست مقتنعا فيه الى الان !!! ربما في المستقبل اوافقك!!!


                          طيب شايب او شايبين او مئه وقالوا كلام لازم نوافقهم فيه قبل لا نعرف سبب قولهم لهذا الراي ؟؟؟ ونقتنع فيه؟؟؟


                          بيوت المسعودي فيها جمال وصور رائعه ادعم ماتقول بابيات وفهمني صورها ومعانيها التي جعلته يتفوق بها على البقيه من وجهة نظرك لكي اقتنع بما تقول ويقتنع غيري !!!
                          [/align]
                          والله يابو فايح أن بيوت عبدالله المسعودي الرائعه لاتعد ولاتحصى ويكفي ماكتبوه الدكاتره عن شعر عبدالله المسعودي وتحدثوا عن جمال بيوته وصورة الشعريه وخياله البعيد بعيداً عن معناه الذي كان يقصده في المحاورة واللي مثلك أكيد عنده ديوان المسعودي قم وتصفح كل محاورات وطلع بيوت إلى أن تقول بس يابو فايح يكفي بيت واحد بس

                          أنا ماهمني فالوقت لامطلق ولامستور *** مركبها على قمة جبل وتهز رجليها

                          هذا يكفي عن تاريخه الشعري كله الله يرحمه والشيبان ماقالوا عبدالله المسعودي هو أقوى شاعر على عماها أول جمهور المحاورة جمهور معنى ويعرفون البيت القوي من الضعيف وصاحب الخصمه القويه والقيادي وصاحب الحجاه إلى آخره وماقالوا هذا الكلام إلى على علم .
                          تم التعديل الأخير بواسطة عبدالله المطرفي الهذلي؛ 02-Jul-2009, 06:26 PM.

                          تعليق

                          • المقدام
                            عضو فعال
                            • Jun 2009
                            • 140

                            #28
                            أول شي هو نقاش مايحتاج تطلعون من الموضوع


                            ثاني شي .. ياعبدالله المطرفي الهذلي

                            أول شي مسيت بالخير ..

                            ثاني شي البيت اللي ذكرته لعبدالله المسعودي

                            انا ماهمني فـالوقت لا مطلق ولا مستور ../.. مركبها على قمة جبل وتهز رجليها

                            انت حكمت على بيت ولا حكمت على الرد وعلى ماظن أن الرد أقوى من البدع من وجهة نظري


                            وهو قول مطلق الثبيتي

                            تقوله وانت محني في يديه حنية الباكور ../.. وانا اللي من قديم الوقت طابخها وشاويها

                            ماودنا ندخل في نقـآش لأني سبق وأن ذكرت أن شهادة الشعراء الكبار خير دليل

                            وانا وأنت وغيرنا أقل من مستوى الشعراء العمالقه بكثير .. وصعبه شوي أن نحكم ويكون حكمنا دقيق

                            ميه بالميه

                            تعليق

                            • وافي الخماش
                              عضو ممـــيز
                              • Apr 2008
                              • 4089

                              #29
                              ابو فآيح ..


                              جل اخترامتي لك ..



                              لن أتي بأبيات .. لـ كبر قآمة الشعراء ..


                              لآكن في رأي .. مطلق الثبيتي (( غير في نهج المحاورة ))


                              نقلها من القبلية .. الى .. مواضيع اخرى اجتماعية .. سياسية ..


                              وحاصل على الدكتوراه .. في الشعر العربي ..



                              قل ما تجد من ينسى احد جمهور المحاورة .. اسم مطلق الثبيتي ..


                              ..

                              تعليق

                              • الجـذع
                                عضو ماسي
                                • Sep 2006
                                • 412

                                #30
                                السلام عليكم

                                ابو فايح من اشد المتابعين لك انت واخوي وحي العقل

                                دائما مواضيعكم حساسه وهادفه ومفيده ايضا .. لأنها تكون مدعمه بالادله

                                بعكس بعض المنتديات الي يجونك بموضوع قص ولزق ولايدري هو وين رايح


                                .....


                                لن اذهب لما ذهبوا اليه الاخوه قبلي من تطرق إلى العنصريه والدخول في مواضيع اخرى وتجنبوا صلب الموضوع

                                لكن حبيت ارد على الاخ المطرفي

                                أنا ماهمني فالوقت لامطلق ولامستور *** مركبها على قمة جبل وتهز رجليها

                                بيت لعبدالله المسعودي جميل لكن ليس فيه جماليات !

                                انت تقول فيه جماليات عطني الجماليات وينها ؟؟

                                الشطر الاول:

                                يقول فيه انا ماهمني مطلق ومستور !! << وين الجمال الي فيه؟؟؟ شخص لا يهتم بالاخرين !!

                                الشطر الثاني:
                                مركبها على قمة جبل وتهز رجليها... تشبيه من وجهة نظري عادي ... واذا انت تقولي تشبيه قوي جيب لي معناه ان كنت تعرفه وانا اشك في ذلك



                                ...


                                جميع الشعراء والمختصين في شعر الرد يتفقون على ان البدع انثى و الرد ذكر

                                بما معناه ان دائما التركيز على الرد وهذا لاينقص من حق راعي البدع بالعكس

                                لكن خلنا نشوف وش قال مطلق

                                تقوله وانت محني في يديه حنية الباكور=وانا الي من قديم الوقت طابخها وشاويها

                                الشطر الاول:

                                تقوله وانت محني في يديه حنية الباكور << هنا التصوير وهنا الجماليات الي تتكلم عنها ..

                                يحيث شبه مطلق عبدالله المسعودي بالباكور الذي يستطيع مطلق ثنيه وحنيه والايماء به متى اراد وانه لا يشكر عائق عليه

                                الشطر الثاني:

                                وانا الي من قديم الوقت طابخها وشاويها << فرق كبير بين تصوير عبدالله ومطلق شف مطلق وش لون جاب المعنى بطريقه ادبيه بحيث يقول الي ركبتها على الجبل انا طابخها وشاويها قبلك



                                وبما انك انت الي جبت البيت واستشهدت فيه اذا لازم تكون عارف وش هي الي ركبها المسعودي على الجبل ووش هو الجبل الي جلست تهز رجلينها فوقه

                                اذا تستطيع ان تقارن بين اسلوب المسعودي الي جابه بطريقة من وجهة نظري عاديه .. واسلوب مطلق الي توسع فالمعنى ووظفه توظيف احسن من توظيف المسعودي بمراحل

                                ...


                                كلامي هذا لا يعني ان الثبيتي احسن من المسعودي شعريا .. بالعكس انا مثلكم لا املك الحكم على هؤلاء العمالقه كلهم مبدعين وكلن يحاول يغرق الثاني

                                لكن انا بس حبيت ادلي برأي في ما قاله الاخ الكريم :المطرفي

                                الي قال ان بيت المسعودي فيه جماليا ونسى مدري تناسا رد مطلق


                                وشكرا لك يابو فايح على طرح هذا الموضوع .. ومتشوقين لسماع ارائك واتشهاداتك

                                تعليق

                                العمل...