حبيب العازمي وفلاح القرقاح مع تحليل المعنى

طي
X
 
  • التوقيت
  • إظهار
مسح الكل
المشاركات الجديدة
  • ابو فايح
    مشـرف عام
    • Jul 2006
    • 5343

    #1

    حبيب العازمي وفلاح القرقاح مع تحليل المعنى

    [align=center]هذه احد محاوراة المغتره بين الشاعرين حبيب العازمي وفلاح القرقاح


    وكان المعنى يدور حول مشاركة القرقاح في شاعر المعنى


    حبيب يسأل القرقاح عن سبب مشاركته وفلاح يقول من اجل ابيض الوجه الامير فيصل بن خالد وانني تقربت منه ولكن انت يا حبيب رحت بعيد ولم تحضر وحبيب يقول ماجاني دعوه لو جات رحت لو في مدريد وانت يالقرقاح على الريحه سمعت بالبرنامج ورحت مثل المجنون واستمر النقاش بين الشاعرين على ذلك



    حبيب


    سلام الله عليكم يا هل العوجاء هل التوحيد = سلاطين الرجال الللي تشرفها مواقفها
    ابن ريفه فرد سجادته يبا يصلي العيد=وقبل ان الامام يكمل الخطبه تلحفها


    القرقاح

    هل العوجاء ولاهم معتقد ومشاهدتهم فيد= هلا يا مرحبا ترحيبة ما احد يوصفها
    تبا تعرف هدف صاحبك ابن قرقاح بالتحديد= رضا ال سعود ولا شوفة الشعار عايفها


    حبيب
    ترا ماكل قناص قنص يقدر يصيد الصيد= ياراعي الصيده اللي روحت وانته تلاقفها
    يارجال اذكر الله ثم هات العلم بالتاكيد= وروحك بعد هاذي بالمشاكل لاتكلفها



    القرقاح
    بعير عن لزومه مايجوده الرسن والقيد = وبعير لو يورا ديرته ماهوب شايفها
    مادام انك معافى لاتصك الحيد فوق الحيد = تقويها نقويها تضعفها نضعفها


    حبيب
    لو ان الامر مثل اللي تقوله ماتصير وحيد = ولكن المجنن ماتريح لو تكتفها
    ولا يازيد علم عمر ولاياعمر علم زيد =مطاوعت الزمن هذا خطرها في مصاحفها


    القرقاح
    انا قربت عند الوجه الابيض وانت رحت بعيد = ياليتك جيت في تاج الجنوب احلا مصايفها
    تبا تقرا كتاب الله لازم تدرس التجويد =ولا تنقد يكون اهل التطرف في تطرفها

    حبيب
    انا لو جتني الدعوى وصلته لو في مدريد =لكن انته يابن ريفه على الريحه تخطفها
    بغيت تشدد العتبان والمطران بالتهديد = واثرها كلمتن دايم على لسانك مطرفها


    القرقاح
    تقوله والعرب يدرون وش ملهيك ويش تريد = ثلاث شهور واللي يلحق الخلفه يعطفها
    انا احارب على وضح النقا ماني بعرف الكيد = ولي عزوه مواقفها الشريفه ما تسلفها

    حبيب
    تحسب المشترا بالكاش مثل البيع بالتقصيد = ولو عندك طماعه لو بالغصب انتناصفها
    صحيح العمر يفنى يالعبيدي والثياب تبيد = ورجلن مايجينا بالحقيقه لايولفها


    القرقاح
    طماعتنا رضى اللي يكسبون المجد والتمجيد = لك الله ماتصرف ياحبيب لو تصرفها
    عسى ربي يعز اللي على زود الظروف يزيد *** للاه اهل المواهب ماتحصل من يوضفها

    حبيب
    على الله يا نصيبن تجمع الفاسق مع العربيد ** مايبقى الا الرموش اللي على عيوني تنتفها
    ياكثر الخير مير النفس ماتقنع بشي زهيد ** وهذا من شقاها لاتحسب انه يسعفها


    القرقاح
    ياكبر الكلمه اللي حرها يلحق رضيع الديد** امين المكتبه لو شاب راسه مايصنفها
    ترا اللي ميده فعله ماهو محتاج للتاييد ***وعند الله كل الخلق منشوره صحايفها[/align]
    عالم تويتر



    abofayeh@
  • فهد الزهراني
    عضو مميــز
    • Mar 2007
    • 3237

    #2
    جميله جدا

    ابدع حبيب وابدع القرقاح

    وما اجمل المحاورة عندما تكون متكافأة او على الأقل متقاربة المستوى من الشعراء ....

    هنا ابداع ليست بمستغرب

    وصاحب المشاركة دائما مبدع في اختياراته وتحليلاته

    تحياتي لك يالقرم..,,

    تعليق

    • المرقاااب
      عضو فضي
      • Sep 2008
      • 262

      #3
      بيض الله وجهك ياابو فاايح ولاهنت على المحااورة الرائعه بالحيل

      تعليق

      • ابو براك

        رابطة محبي الهيلا

        • Feb 2006
        • 1587

        #4
        مشكور على المحاوره والتحليل الرائع يابو فايح

        وبيض الله وجهك

        تعليق

        • محمد العتيبي

          مشرف منتدى شعراء قبيلة عتيبه

          • Mar 2005
          • 10789

          #5
          [align=center]لاهنت يابوفايح ماقصرت ..[/align]
          [align=center][/align]








          [align=center]للتواصل عبر twitter تويتر


          al_bargawy@
          [/align]

          تعليق

          • وافي الخماش
            عضو ممـــيز
            • Apr 2008
            • 4089

            #6
            لا هنت يابو فايح متميز .. دوم


            تبا تعرف هدف صاحبك ابن قرقاح بالتحديد= رضا ال سعود ولا شوفة الشعار عايفها

            وهنا القرقاح كشف المعنى .. كان يمديه يرد برد .. افضل وغير مكشوف ..

            تعليق

            • طائر الاشجان
              شـــاعــر
              • Dec 2008
              • 574

              #7
              ابن ريفه فرد سجادته يبا يصلي العيد=وقبل ان الامام يكمل الخطبه تلحفها

              ههههههه حبيب عليه طلعات

              اعجبني تركيبت البيت من حبيب الي يقصد فيه المسابقات الشعريه الي شارك فيها القرقاح واكل فيها هوا ,, او على قولتك حبيب تلحفهاا


              محاوره رائعه وتحليل اروع من استادنا ابو فايح

              تعليق

              • المزنكي
                عضو نشيط
                • Mar 2006
                • 46

                #8
                بعير عن لزومه مايجوده الرسن والقيد = وبعير لو يورا ديرته ماهوب شايفها

                تعليق

                • هاوي الطرقة
                  عضو نشيط
                  • Mar 2008
                  • 47

                  #9
                  وش معنى بيت حبيب


                  بغيت تشدد العتبان والمطران بالتهديد واثرها كلمتن دايم على لسانك ترددها

                  تعليق

                  • لافيزي
                    عضو ذهبي
                    • Mar 2007
                    • 373

                    #10
                    محاورة جامدة وفيها احتكاك قوي


                    مشكوووووووور على النقل

                    تعليق

                    • الجوراسي
                      عضو مميــز
                      • Feb 2007
                      • 2003

                      #11
                      مبدع كعادتك يابو فائح

                      بس فيه محاورة لحبيب وفلاح في عفيف بتاريخ 28/4/1430

                      على المروبع ومن اجمل المحاورات اللي سمعتها ياليت تجيبها لنا ,,,

                      تحياتي

                      تعليق

                      • سلطان بن دحيم
                        شــــاعـر

                        • Jan 2009
                        • 2859

                        #12
                        ابن ريفه فرد سجادته يبا يصلي العيد=وقبل ان الامام يكمل الخطبه تلحفها


                        تبا تعرف هدف صاحبك ابن قرقاح بالتحديد= رضا ال سعود ولا شوفة الشعار عايفها


                        حبيب و القرقاح شعر معنى من الدرجه الاولى ولا يحتاج اقولها لكن نلاحظ ان حبيب غطى المعنى والقرقاح كشف المعنى طوالي وهاذي تحسب على القرقاح حسب وجهة نظري

                        تحياتي

                        تعليق

                        • الرشيدي
                          شـــاعــر
                          • Feb 2006
                          • 249

                          #13
                          القرقاح كشف المعنى على شان يحرج حبيب

                          لأنه لو استمر المعنى مغطى ماراح يتخارج

                          تعليق

                          • سلطان بن دحيم
                            شــــاعـر

                            • Jan 2009
                            • 2859

                            #14
                            تم النشر في الأصل بواسطة الرشيدي عرض المشاركة
                            القرقاح كشف المعنى على شان يحرج حبيب

                            لأنه لو استمر المعنى مغطى ماراح يتخارج
                            [align=center]
                            مهما كان لا يجب على الشاعر كشف المعنى


                            لاهنت على المرور [/align]

                            تعليق

                            • الكهرب
                              عضو نشيط
                              • May 2009
                              • 37

                              #15
                              تم النشر في الأصل بواسطة سلطان بن دحيم عرض المشاركة
                              [align=center]
                              مهما كان لا يجب على الشاعر كشف المعنى


                              لاهنت على المرور [/align]
                              طيب أستفسار اخوي لسطان طلما انك من شعراء النخبه هنا وعندك خلفيه اكثر في الموضوع


                              كشف المعنى مثل البيت الي ذكرته للقرقاح مو يعتبر مثل حل اللغز بمعنى ان القرقاح كأنه يقول انا عارف معناك ياحبيب وهاك الرد كاش


                              وسؤال ثاني ياخ سلطان بالنسبه لرموز المعنى مثلا شاعر اعطاك معنى فيه رموزم ؟؟ مثلا في البيت سياره وخط ورخص واستماره من هذي الاشياء ,, طبعا هي مجرد رموز يستخدمها الشعر لمعنى في نفسه

                              السؤال هنا الشاعر المقابل يقدر يرد برموز مختلفه بمعنى انه يجيب بيت مثلا فيه مطر وارض وزرع وسيل ,, وفيها رد لمعني الشاعر لكن بختلاف الرموز .. أو الافضل الرد بنفس رموز الشاعر وعدم الخروج عن سياره وخط واستماره ومن هذا القبيل

                              وهل ينفع مثلا ان يرد الشاعر على ظاهر البيت ويتجاهل المعنى في حالاته انه حصل ثغره في ظاهر بيت الشاعر مثلا الي يقول يرمح الطير او ينهق الخيل ومن هذي الاشياء

                              تعليق

                              العمل...