الا ياعتيبـه رشـــوا الارض بــالــخـيـــــرات؟؟؟؟

طي
X
 
  • التوقيت
  • إظهار
مسح الكل
المشاركات الجديدة
  • السامي الجعيد
    عضو ذهبي
    • Jul 2008
    • 307

    #1

    الا ياعتيبـه رشـــوا الارض بــالــخـيـــــرات؟؟؟؟

    [frame="7"]محاورة بين الكبيرين مستور بن تركي العصيمي و ذيب الشمري

    ذيب الشمري :

    يقول المعزب مرحبـا وابـرك الساعـات

    يـدوم التعـاون للشـعـوب الخليجـيـه

    الا يالعصيمي عنـدي علـوم محفوظـات

    من اشهر وعندي لـك دروسٍ خصوصيـه




    مـسـتــور العصيمي:

    يـدوم البقـا والله يصلـح لنـا النـيـات

    اغنـي بهـا بسمـي وبسـم السعـوديـه

    انا اعرف علومك خلهـا همـزةٍ بسكـات

    ويحتـار فكـرك بيـن هــذي وهـذيـه




    رد ذيـــب الـشـمــري:

    بعـد جالـك الفنـان واعطيتـه الابيـات

    قصـايـدك غنوها(فواصل)موسيقـيـه

    تكلمـت بالاحيـاء وشهـرت بـالامـوات

    كـلامٍ يسبـب ضغـط وامـراض نفسيـه




    رد مـــســــتــــور العصيمي :

    نصحت الولد عن ذي السوالف عشر مرات

    لكن فـي راسـه راسـه ثلاثيـن جنيـه

    انا معك وانته معـي لاتلحـق اللـي فـات

    وربـي شـرّع لعبـاده احكـام شرعـيـه





    رد ذيـــب الـشـمــري:

    تبـي تنصـح الرعيـان بالدبلماسـيـات

    ولاعنـد رعـيـان الغـنـم دبلماسـيـه

    ضروري من الماضي نطوّف بعض صفحات

    ولا كـل صفحـه يالعصيمـي ضـروريـه





    رد مـــســــتــــور العصيمي :

    جميع الرجال ارجال ميـر العقـول افـوات

    بعضهـم يـروح ولايجـيـب الامـاريـه

    عسى الله يبعدنـا عـن الشـر والنكبـات

    والارواح مـامـوره والارواح منـهـيـه





    رد ذيـــب الـشـمــري:

    اذا نترك الواقع ونمشـي علـى الرغبـات

    تضيع الكثيـر مـن الحقـوق الجماعيـه

    عتيبـه صداقتهـا تجيـان علـى دفعـات

    ثلاثيـن بالمـيـه وخمسـيـن بالمـيـه





    رد مـــســــتــــورالعصيمي :

    الا ياصحيبي ضم صوتـك مـع الاصـوات

    ومن يعمل الحسنـات مـا يعمـل السيّـه

    ياذيب الذيابه صـرت علـه مـن العـلات

    نجهّـز علـى الاصحـاب قـوات حربيـه






    رد ذيـــب الـشـمــري:

    الا ياعتيبـه رشـوا الارض بالخـيـرات

    ينـام الغبـار اللـي يثيـر الحساسـيـه

    عفـا الله عنكـم خففـوا حـدة النعـرات

    نقول القلـم مرفـوع والصحـف مطويـه
    [/frame]
  • ولد ميسان
    موقوف لمخالفة الأنظمة
    • Sep 2008
    • 112

    #2
    محاوره رائعه بين العملاقين

    تعليق

    • ابو فايح
      مشـرف عام
      • Jul 2006
      • 5343

      #3
      [align=center]محاوره رائعه اعتقد انها عن الاشاعه التي ظهرت عن مستور قبل عامين[/align]
      عالم تويتر



      abofayeh@

      تعليق

      العمل...