((آخر محاورات العلاوه وبن عياد وتحليل المعنى))

طي
X
 
  • التوقيت
  • إظهار
مسح الكل
المشاركات الجديدة
  • ولد ميسان
    موقوف لمخالفة الأنظمة
    • Sep 2008
    • 112

    #1

    ((آخر محاورات العلاوه وبن عياد وتحليل المعنى))

    هذه اخر محاوره جرت بين العملاقين
    الشاعر /عبدالله العلاوه والشاعر/مصلح بن عياد الحارثي
    ونرى ان مصلح يهاجم والعلاوه يدافع ولاأطيل عليكم


    العلاوه/

    سلام ياهل الحفله اللي جيتها عابر سبيل****حفلة بني عمي وأنا عابر سبيل وجيتها

    مريت حفلتكم بليل ولا بعد ذالليل ليل****مبروك للمعرس وتحيا حفلة مريتها

    ((((الشاعر يسلم على الحاضرين ويبارك للمعرس**البيت الثاني يمدح حفلاته في التي يحييها))))

    بن عياد/

    يامرحبا بالشاعر اللي غايب وقت طويل****والجيه اللي جيتها ياليتها ياليتها

    ياليتها تبقى على طول الحياه ولاتميل****حتى ليا جيت القلوب ام الحياه أحييتها

    ((((البيت الأول يرحب بالعلاوه ويتمنى **البيت الثاني يتمنى ان يلبي العلاوه جميع الحفلات اللتي يعزم فيها))))

    العلاوه/

    دام البقا ماغبت عنكم غير ابسوي ثقيل****سميتها غيبه وأنا راحت بدن سميتها

    أنته حزامي في نهار الضيق لاضاع الدليل****وفي الرخا كل العرب ياكيتها من كيتها

    (((البيت الأول قمه في الدهاء حيث يقول العلاوه انني اريد ان ارتاح من الشعر والمحاورات ولم اغب للظروف التي يتداولها الناس وهذا عكس الحقيقه **البيت الثاني يمدح مصلح ويقول لاضاقت الدنيا انت حزامي اذا لم اجد محزم وفي الرخا جميع العرب يتوعدون ان يقفوا معي ويذهبون في الشده)))

    بن عياد/

    وجه السماء يفقدك يانجم الجدي مدري سهيل****ياللي ليا ادلتبك أصحاب العقل دليتها

    عزالله اني قلتلك لاتاصل الهول المهيل****وأنته تجاوزت الخطوط الحمر لين اخفيتها

    (((البيت الأول يقول بن عياد ان الشعر فاقد نجم كبير مثلك يالعلاوه وانت تعرف معاني الشعر وتقودها**البيت الثاني يقول بن عياد اني حذرتك لاتمشي مع اهل الخراب لكن لم تستمع لنصيحتي وضربته بها عرض الحائط)))

    العلاوه/

    ان غاب نجم الجدي ماغاب القمر والله وكيل****الله وكيل الخلق والأيام ماعديتها

    ربعي بن الحارث مافيهم لا ضعيف ولا ذليل****انا نطحت القوم وانت اخذتها واعطيتها

    (((البيت الأول يقول العلاوه اني لو غبت عن الساحه لم تغيب يامصلح وانت اكبر سنآ وخبره مني وأني لم اعد الأيام التي قضيتها يامصلح في مسيرتك الشعريه**البيت الثاني يقول العلاوه ان بالحارث لايستطيع احد ان يوقعهم في الخراب مثلما تقول يامصلح ولكني تركتهم وانت اخذت الخبره من الشعراء العتبان وهذا معناهم)))

    بن عياد/

    يالله يامعبود يامخلص عميل من عميل ****ياللي ليا منك نويت نويت اتردها رديتها

    ياكبر حظي كان جاني بالاصيل ابن الأصيل****وانا ليا حدتني جنوب العرب حديتها

    (((البيت الأول يدعي بن عياد للعلاوه ان يخلص العلاوه من اصحاب السوء والشطر الثاني اتحفظ في تحليله خوفا ان بعض الأعضاء يتعصب قبليآ**البيت الثاني يرفع معنويات العلاوه ويقول انت من بيت شرف وصدق الشطر الثاني يقول مصلح انا اذا رايت القوم تحاربني حاربتها)))

    العلاوه/

    يالله ياللي صبر ايوب النبي صبر جميل****انك تصبرني وتقبل ركعة صليتها

    ياصاحبي مصلح سواة كلها حط وشيل****ان قلتلي سويتها قلتلك ماسويتها

    (((البيت الأول يطلب العلاوه من الله الصبر بعد تركه للخراب وانه تاب واصبح يصلي**البيت الثاني يقول العلاوه ان العرب قامت تظهر الاشاعات في غيابي عن الساحه الشعريه وعليك عدم تصديقهم بشيء مما يصدر في بالك)))








    ((((المحاوره ليست كامله وانشاءالله اجيبها لكم كامله والعذر ان قصرت او غلطت))))
  • فواز السعيدي
    شـــاعــر
    • May 2008
    • 2268

    #2
    العلاااوة شاعر كبير وغيابة فراااغ كبير



    ومصلح عاااد مايحتااج



    محاورة جميلة جدا



    شكرا يبو حارث
    [poem=font="Simplified Arabic,5,black,bold,normal" bkcolor="transparent" bkimage="backgrounds/17.gif" border="solid,4,gray" type=2 line=0 align=center use=ex num="0,black"]
    حنـا هذيـل ان صـار فالعلـم زرقــه=نغضب غضب سيل الربوع ودماره


    حريبنـا يونـس علـى الكـبـد حـرقـه=نهـدر هديـر السيـل لا جـات غــاره


    مهما حصل مايدخـل الصـف فرقـه=نورث شجاعـه والشجاعـه شطـاره


    مجـد اهذلـي مايقبـل الوقـت درقــه=درع الحجـاز وفزعـتـه وانتـصـاره


    مـن طبعنـا مانسـرق المجـد سـرقـه=يشهـد لنـا التـاريـخ باحـسـن عـبـاره [/poem]

    تعليق

    • فهد الزهراني
      عضو مميــز
      • Mar 2007
      • 3237

      #3
      ياسلام عليك

      مبدع

      والله

      الف شكر

      وصحت السن الشعراء الكبار

      تعليق

      • ابو فايح
        مشـرف عام
        • Jul 2006
        • 5343

        #4
        [align=center]محاوره جميله جدا وابدعت في تحليلها ولكن ان سمحت لي هناك معنى جميل من العلاوه ورد لا باس به من ابو فهد

        ربعي بن الحارث مافيهم لا ضعيف ولا ذليل****انا نطحت القوم وانت اخذتها واعطيتها


        هنا المعنى جميل جدا انني ا مصلح لم اجامل مع الشعراء ولهذا ابعدوني ولكن انت اخذت واعطيت معهم والمقصود اعتقد العتبان خاصه .



        ياكبر حظي كان جاني بالاصيل ابن الأصيل****وانا ليا حدتني جنوب العرب حديتها
        هنا مصلح يقول يا كبر حظي ان كان جيت معى وساعدتني عليهم وانا ان رايت من خلاف ساوقفهم عند حدهم اي نفى انه يجامل.

        اما الشطر الذي لم تفسره فان كان حسب فهمي لمعناه فانا اقول انها اشاعه كبيره والكل يعرف سبب تدهور العلاوه.[/align]
        عالم تويتر



        abofayeh@

        تعليق

        • كريزي نجد
          عضو فعال
          • Nov 2006
          • 124

          #5
          عندي تعليق بسيط على بيت العلاوه ،، وأبيات أخرى ذكرت في المحاورة


          سلام ياهل الحفله اللي جيتها عابر سبيل****حفلة بني عمي وأنا عابر سبيل وجيتها

          أتوقع أنه بيت من محاورة بين الزلامي وشاعر سبيعي وهي قدميه شوي كانت الحفلة في الخرمة على مأعتقد

          وشاااااااكر لصاحب الموضوع على المحاورة الرائعة

          تعليق

          • ولد ميسان
            موقوف لمخالفة الأنظمة
            • Sep 2008
            • 112

            #6
            أخوي ابو فايح يعطيك العافيه
            وكل له وجهة نظر لكن لقربي من الشاعر عبدالله العلاوه مالك لواء في التفسير للشطر الذي قلته

            تعليق

            • فزاع الاسعدي
              عضو فعال
              • Aug 2008
              • 117

              #7
              مشكووووووور اخوي تفسير رائع وجميل استفدنا منه كثيراا


              ولكن في تفسير اللي هو

              ولكني تركتهم وانت اخذت الخبره من الشعراء العتبان وهذا معناهم)))

              ماهي الدلاله على انهم العتبان ؟؟ او ماهو المعنى اللي دل على ان

              المقصد هم العتبان ؟؟

              فقط للفائده لاني كل المعاني رايت لها دلاله واضحه الا هذا المعنى

              مالقيت له شي .

              ارجو تقبل الاستفساار والف شكر لك ..

              تعليق

              • ولد ميسان
                موقوف لمخالفة الأنظمة
                • Sep 2008
                • 112

                #8
                عندما يقول العلاوه انا نطحت القوم وانت اخذتها واعطيتها يعني الشعراء خصوصا شعراء عتيبه لان بن عياد يستمتع باللعب مع شعراء عتيبه الكبار فقط حسب كلامه في لقاء صحفي

                تعليق

                • حباب بن زريبة
                  عضو
                  • Aug 2008
                  • 12

                  #9
                  محاورة تكلفت في تحليلها

                  رغم انها واضحة وسطحية نوعاً ما

                  ع العموم يعطيك العافية

                  تعليق

                  • ولد ميسان
                    موقوف لمخالفة الأنظمة
                    • Sep 2008
                    • 112

                    #10
                    ياخوي حباب نحن نتعب في خدمة الموروث والقصد مو المعنى سطحي ولا غيره
                    ومدام المعنى سطحي فسرلي الشطر اللي مافسرته؟؟

                    تعليق

                    • ماجد العصيمي
                      شبل مرجحين الموازين
                      • May 2007
                      • 1956

                      #11
                      يعطيك العافيه ياولد ميسان

                      الشطر الذي تحنفظ بتفسيره فأنا أقول

                      يقول مصلح /

                      يالله يامعبود يامخلص عميل من عميل

                      أولاً / عميل من عميل = العلاوه من ....................

                      طبعا مصلح يبتهل الى الله

                      الشطر الثاني مكمن السؤال فيه هو /

                      من هو الذي اذا نوى ان يردها فهو سوف يردها ؟

                      هو كذا ولا شطحت ياولد ميسان ؟

                      وانت أعرف مني في المعاني طبعا

                      تعليق

                      • ولد ميسان
                        موقوف لمخالفة الأنظمة
                        • Sep 2008
                        • 112

                        #12
                        ياخوان اتمنى الشطر مايسبب اشكاليه الرجاء اقفال الموضوع

                        تعليق

                        • راع العليا
                          عضو نشيط
                          • Nov 2004
                          • 88

                          #13
                          المفروض ذكر المعني اذا كان صحيح 100%
                          اما اذا اجتهاد يحتمل الصحه والخطأ فالافضل السكوت وعدم تفسيرة
                          حتى لانتلحق خلق الله ونحط فيهم شي مهوب فيهم


                          وتحياتي لكم

                          تعليق

                          • ولد ميسان
                            موقوف لمخالفة الأنظمة
                            • Sep 2008
                            • 112

                            #14
                            تم النشر في الأصل بواسطة راع العليا عرض المشاركة
                            المفروض ذكر المعني اذا كان صحيح 100%
                            اما اذا اجتهاد يحتمل الصحه والخطأ فالافضل السكوت وعدم تفسيرة
                            حتى لانتلحق خلق الله ونحط فيهم شي مهوب فيهم


                            وتحياتي لكم

                            وهذا اللي انا مسويه لأن فيه شك

                            تعليق

                            العمل...