زومالة لشاعر تركي الميزاني والرد عليها أثناء زيارته لقبيلة حليل من سليم بوادي ستارة
زومالة الشاعر تركي الميزاني
سلام رديه بعـد ماجيـت فـي وادي ستـاره
ديرة حليل اللي بها حصلت ابن مغلي وجـاره
وانا موصى كل عـام اروح لديرهـم زيـاره
وزيارة الطيب تزيد اللي يمـد الطيـب طيـب
والثانيه من ينتظر باب الفرج طـال انتظـاره
من شان ابن مغلي وابن مغلي معه ختم الاماره
وان كان سديتوا لزومه جاب ربعه من ديـاره
تكميـل للواجـب يالودياركـم ماهـي قريـب
والثالثة كاس الحلا ماهوكما كـاس المـرارة
والوقت لة بطن وظهروالنارتالع مـن شـرارة
والآد مي لازم يميزوش يمينـة مـن يسـارة
قدام يقنب لة على راس الجبل عشريـن ذيـب
وهذا الرد مني على الزومالة
يامرحبا في مرحبا والحـر تكفيـة الاشـارة
من واحدن لاحقو اهل الحق ما سده سبـارة
حنا تعرفنا عليـك ومعرفـة مثلـك تجـارة
حنا حمـاة بيوتنـا واللـي ينادينـا نجيـب
والثانية يومن كلـن فالفتايـل شـب نـارة
احدن مغفّر بندقة وأحدن على متنـة غفـارة
هذي تصاريف الدهرماعندنـا خونـة وبـارة
وان طاب أبو زيد ألهلالي ولد ابن غانم يطيب
والثالثة رجال أقر وضيـع الدعـوى قـراره
يومن كل ألمشكلة بيـن ألذيابـة وألنمـارة
وألصقر ياقع في محلة والغداء طيرالحبـارة
رجالنا ياقف على ساقة ولوعظمـة عطيـب
سلام ياقصر"ن"عزيز إبناه والماقف يعمه
فى الواجب الغصاب ياقف واللوازم ماتهمه
ومبروك يامن ساس أبوه مجود خاله وعمه
جينا على عز وشرف ومبروك منا للجميع
حنا عيال بقيل وإسم بقيل ماش أحدن يذمه
وقصر الذراء معمور يوم إن الثقات تلد يمه
نارد على عد الروى اللي من غزير الجم جمه
ودايم مواقفنا تشرفنا كما السد المنيع
خصم الخضرة
يامرحبا في مرحبا عد البحور اللي مطمه
من واحد"ن" مشيه على المجراه ضم العلم ضمه
الله يبارك فى الوفا والطيب لم الشمل لمه
واللي على درب الوفا يدخل مع الباب الوسيع
ونعم فيكم ياعيال بقيل أهل تقوى وذمه
مثل الجبال الراسيه والضلع ماش أحد"ن" يزمه
ميرادنا واحد نهار إن الخصيم يفور دمه
ومايختلف ميقافنا وقفة شجيعن مع شجيع
تعليق