محاورة حبيب+عبدالله الميزاني<سوار الذهب>

طي
X
 
  • التوقيت
  • إظهار
مسح الكل
المشاركات الجديدة
  • سطام الرويس
    عضو فضي
    • Nov 2005
    • 203

    #1

    محاورة حبيب+عبدالله الميزاني<سوار الذهب>

    السلام عليكم ورحمة الله وبركاته

    محاورة رائعه لشاعرين كبيرين وأعلام من اعلام الشعر فالوقت الحالي هم الشاعر الكبير/عبدالله الميزاني (سوار الذهب) والشاعر الكبير/حبيّب العازمي..



    حبيب


    سلام بقاف للعراف مطوي مثل طي البير=وطي البير يحفضها مايدفنها علـى ماهـا
    أنا شاعر ولي وجهة نظر وحده فقط لاغير=أقول الشعر غبه من طفح عنهـا تعداهـا



    عبدالله


    هلا يامرحبا ترحيب يسبح في بحر ويطير=يحل من الدير اللـي حبيـب ماتحلاهـا
    كلامك مايتعبني بسيـط ولايبـا تفكيـر=ابا اكتبلك حروف منقطه بسطور ومحاها



    حبيب


    والا ياطير يالي مايشوفك غير جن مطير=متى تلقى الطيور اللي مخاليبك تعشاهـا
    ياعبدالله هداك الله تراك بخير وانا بخير=لاكن الرجل يتعب في لزومه لين يلقاهـا



    عبدالله


    أقول انك واشك انك تبيع الاجر بالتأجير=وهاذي عدها يالعازمـي وانـا اتعداهـا
    أبو سبعة كفر يمشي ولاهو مثل ابوجنزير=ابوجنزير يسرف فالجبال اليـا تولاهـا



    حبيب


    أنا مانيب مثل اللي يقولون الذهب قصدير=وخو مره على الجره لاكحلها ولا عماها
    لون الذيب يمشي لين يصدم في جبال النير=مصيبة قوم صالـح ناقـة الله وسقياهـا



    عبدالله


    أنا ماقول فيك اطقوق لاقاصـر ولاتقصيـر=ليا ضيعتلك حاجـه بعـد شهريـن تلقاهـا
    من اللي يحسبن الخمروالميسر لحـم خنزيـر=والارض وماطحاها من ضحاها الليل يغشاها

    حبيب


    ليا طاب المريض من المرض وش حاجة التقرير=نهايـة علتـه يومـن ربـي يسـر ادواهــا
    عطاك الله من هموم الليال السـود حمـل بعيـر=وحدتك الجمال اللي هديـرك ضـاع فرغاهـا



    عبدالله


    سمت انك عميل(ن)تدعم الارهاب والتفجير=من اللي كنت تنفض راسها وتحك علباهـا
    ولاكن النادم ماعليه ان المصيـر يصيـر=وتطهير النفوس احسـان نيتهـا وتقواهـا



    حبيب


    كمنك قد قضيت اسبوع في كابل وفي كشمير=وحالق لحيتـك وتعيـر العربـان بلحاهـا
    ولا يالزير سالم ليت مثلك لونـص الزيـر=علشان العرب تعرف عصاها اللي تعصاها



    عبدالله


    ولا يالعازمي مسرع ومتهور بدون انبيـر=ولا يازينها لو القـدور البيـض بغطاهـا
    أكل مفرودها سبع الخلا وازرت ترام الضير=ولاندري من اللي عندها ويـروح ماجاهـا



    حبيب


    أناخابرك ماتسرع ولاكنك عكست السير=وجتك النجده اللي يقبس ادناهامع اقصاها
    عساها ماترام الا بعد يحصلهـا تدبيـر=وعبدالله يرعاها مايدري كيف يرعاهـا
  • فهدالروقي
    عضو نشيط
    • Jul 2008
    • 55

    #2
    اخوي سطام بيض الله وجهك على نقل المحاورة الجميلة
    تقبل تحياتي

    تعليق

    • الباااسل
      عضو ماسي
      • Mar 2007
      • 817

      #3
      بيض الله وجهكـ على النقل الرائع

      تعليق

      • ابو شرف
        عضو ماسي
        • Jun 2007
        • 806

        #4
        لاهنت على المحاوره

        وبيض الله وجهك

        تعليق

        • ممدوح العقرب
          عضو
          • Sep 2008
          • 16

          #5
          بيض الله وجهك يالغالي علي النقل الرائع


          تقبل تحياتي

          تعليق

          العمل...