(جـديـد) مستور العصيمي وابو مشعاب

طي
X
 
  • التوقيت
  • إظهار
مسح الكل
المشاركات الجديدة
  • وافي الخماش
    عضو ممـــيز
    • Apr 2008
    • 4089

    #1

    (جـديـد) مستور العصيمي وابو مشعاب

    محاورة جرت بين الشاعرين الكبيرين مستور العصيمي وابو مشعاب في منتدى ميدان الشعر يوم 14/5/1429هـ حبيت انقلها لكم ..

    الطاروق الاول
    عوض الله السلمي


    موعدك يامستور مابين الثرياء والغيـوم
    قدمك ملآئكة السماء اقلط واستظل بظلها
    اصعدعلى ذات الجناح اللي تنسيك الهموم
    وليا و صلت بعافيه زبدة علومـك هلهـا



    مستور العصيمي



    أنته على سطح القمر ولا على سطح النجوم
    ولا يبو مشعـاب محتـل الكواكـب كلهـا
    اللي معه جنحان يقدر حيث مايبغى يحـوم
    واللي يدور للـدرو ب البارحـات يدلهـا




    عوض الله السلمي


    الورد والعنبر وطيب المسك وروات العلوم
    اما روايـه عابـره والا صـلاه وصلهـا
    ياقاضي الحق استمع فيما يقلون الخصـوم
    وليا سمعت السالفه ياشيـخ عطنـا حلهـا



    مستور العصيمي



    الدايم الله جل شانـه والخلايـق ماتـدوم
    افطنلها قـدام لاتطلـق رسنهـا افنطنلهـا
    ياقاضي الحق قل لعوض الله تريح ومخدوم
    واللي يباله حاجةِ في خاطـرة يـا صلهـا




    عوض الله السلمي


    لاتلتفت للارض اناخايف عليك من الرجوم
    وانته ليا جتك النجوم رجوم وش تعملهـا
    ان كان مالك عزم تاقف مع قويين العزوم
    خل المواقف عند غيرك يالعصيمي خلهـا




    مستور العصيمي


    خلك على خط الدفاع بعيد عن خط الهجوم
    مانتـه بلاقـي يالبقيلـي ديـرة ٍ تحتلهـا
    مال اللزوم الا الرجال اللي يسدون الزوم
    والكلمه اللـي ماتناسـب لاتزيـد تعلهـا




    عوض الله السلمي


    حنا نبيك تقـوم وانتـه فـي محلـك ماتقـوم
    الواجـب انـك ماتغيـب والسيـوف تسلهـا
    ليتك مع اهل الشوط الاول يوم ضربات السهوم
    وانته منول يـا و سيـع المعرفـه عـم لهـا




    مستور العصيمي


    السوق ابو مرزوق للي يشتري واللي يسوم
    خل العرب تشرب رها لين الحلوق تبلهـا
    مادامها ماوصلت الدعوى ليا فرك الخشوم
    اللي يصلي بالعرب ياصاحبي يـذن لهـا




    ************************************************** **************
    الطاروق الثاني

    مستورالعصيمي



    مرحبا بالصاحب اللي صحبته ماهي جديده
    كل مايطري علي يسوقني يمه طـواري
    عاهديبه قبل عام الفين يشرب من زبيـده
    والعشيه مايبل الريق غير من الخبـاري




    عوض الله السلمي


    البقاء ياصاحبـي حسـب المخـوه والعقيـده
    اعلم اني في انتظارك وانت خلك في انتظاري
    قبل عام الفين يـوم إنـا شراكـا فالقصيـده
    ما وردنا الا على هداج تيمـاء وانـت داري



    مستورالعصيمي


    هاك علمي يالبقيلي واعطنـي جملـه مفيـده
    لاتـدور للحقيقـه يالبقيلـي عنـد غــاري
    انت في بعض الامور اقول وش هذا الوليـده
    مير في بعض الامور تصير اذل من الحباري




    عوض الله السلمي


    علمك الي تطلبه يالله عسى ايامـك سعيـده
    تخبره من غير اذكر كيه ياذيـب الغـداري
    انت في بعض الامور تصير اذل من الشريده
    مير في بعض الامور تصير رجال انتحاري

  • محمد العتيبي

    مشرف منتدى شعراء قبيلة عتيبه

    • Mar 2005
    • 10789

    #2
    [align=center]هههههه

    ياسلام ياسلام

    محاوره جمعت شاعرين قديرين ..
    صح لسانهم ..

    وصح لسانك وسلمت يداك ياوافي الخماش ..
    ...
    [/align]
    [align=center][/align]








    [align=center]للتواصل عبر twitter تويتر


    al_bargawy@
    [/align]

    تعليق

    • ابو شرف
      عضو ماسي
      • Jun 2007
      • 806

      #3
      الله يطول في اعمارهم ومشكور على النقل.

      تعليق

      • وافي الخماش
        عضو ممـــيز
        • Apr 2008
        • 4089

        #4
        تم النشر في الأصل بواسطة ابومشعاب عرض المشاركة
        [align=center]هههههه
        ضحكنا معك يابو مشعاب ..ياسلام ياسلام

        محاوره جمعت شاعرين قديرين ..
        صح لسانهم ..

        وصح لسانك وسلمت يداك ياوافي الخماش ..
        ...
        [/align]
        شــآإكــر مرورك ولا هنت يالذيب ..

        تعليق

        • وافي الخماش
          عضو ممـــيز
          • Apr 2008
          • 4089

          #5
          تم النشر في الأصل بواسطة ابو شرف عرض المشاركة
          الله يطول في اعمارهم ومشكور على النقل.
          شــآإكــر مرورك يابو شرف ولا هنت ..

          تعليق

          • /عبد العزيز الجذع/

            رابطة محبي الهيلا

            • Apr 2008
            • 7289

            #6
            الله الله..



            محاورة جميلة..


            لاهنت على النقل يالغالي...

            تعليق

            • وافي الخماش
              عضو ممـــيز
              • Apr 2008
              • 4089

              #7
              تم النشر في الأصل بواسطة /عبد العزيز الجذع/ عرض المشاركة
              الله الله..



              محاورة جميلة..


              لاهنت على النقل يالغالي...
              شـآإكــر مرورك يالــ ج ــذع ولا هنت ..

              تعليق

              العمل...