صيــاف الحربي و مستور العصيمي

طي
X
 
  • التوقيت
  • إظهار
مسح الكل
المشاركات الجديدة
  • أبو ناب
    عضو
    • Apr 2008
    • 4

    #1

    صيــاف الحربي و مستور العصيمي

    [align=center]هذه محاوره قديمه للشاعر صياف السحيمي الحربي رحمه الله والشاعر مستور العصيمي


    صياف الحربي:

    اشوف مستور العصيمي جاب حبله وجملـــــــه
    وليا قضى تمر الحساء جاني يبي تمر القصيم
    ان مــد وحــده من يديــه امـلا يــدي واحطلـــه
    وان كــان مد يدينه الثنتيــن اقــول الله كريــم


    مستور العصيمي:

    ان كان عندك تمر جيتك بالبعيــر وحملـه
    لكن لا تخلط لي التمـر الجديد مع القديــم
    اظن صياف السحيمي ناسيا ويـش قلتلــه
    وان كان ناسي يا صياف قل بالله العظيم


    صياف الحربي:

    التمــر يامستــور مــا عندك سنــون تاكلـه
    أكل الضروس السوس والنيبان مافيها سليم
    ياللي تبي ترضي هذاك وذاك تبـي تزعلــه
    اهون عليك اللفلفــه والا الطـريق المستقيــم


    مستور العصيمي:

    لابــدنــا نلقــى لنــا غيــرك عميــل نعاملـــه
    وانا ضروسي من حديد وتكسر العظم الصميم
    وان كان ماتدرون ويــش الراي خلــوه لهلــه
    قــد قيــل بالامثــال مانــزال شدد لـه مقيــم

    صياف الحربي:

    ينفــك بــاب الخـير للطرقي وحظــه يقفلــه
    درب الصحيح يجيده العاقل ويخطيه الغشيم
    اليا نقصــت الكيــل والمكيــال قلنــا كملــه
    حنا ترى ماعندنا فاصحابنا خشم وخشيــم


    مستور العصيمي:

    بان الصحيح وكل رجــال عرفنــا منزلــه
    احد حياته في شقا واحد حياته في نعيم
    اللي يبي كحل العيون يلد يمي واكحلــه
    والا على قول المثل مال الغريم الا الغريم [/align]
  • دوسي زهراني

    رابطة محبي الهيلا

    • Sep 2007
    • 1591

    #2
    الف شكر يالغالي على المحاورة الجميله ..

    تعليق

    • عبدالله الجـــذع
      مشرف منتدى قصه وقصيده
      • Sep 2007
      • 8093

      #3
      محاوره قمه ..

      رحم الله صيآف وآطال بـ عمر آبو تركي

      محبك

      ,
      قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


      .
      قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
      فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

      .

      موقع يضم جميع القراء


      هنا

      تعليق

      • /عبد العزيز الجذع/

        رابطة محبي الهيلا

        • Apr 2008
        • 7289

        #4
        محاورة قوية...

        الله يرحم صياف..

        ويطول عمر مستور...

        مشكووور اخوي ابو ناب..

        تعليق

        العمل...