محاورات الشبح وبن عتقان

طي
X
 
  • التوقيت
  • إظهار
مسح الكل
المشاركات الجديدة
  • عبدالرحمن الهيلوم
    عضو
    • Apr 2007
    • 21232

    #1

    محاورات الشبح وبن عتقان


    السلام عليكم ورحمة الله وبركاته

    مساء الخير


    هذه المحاورة جرت بين الشاعرين محمد الطويرقي ( الشبح ) و عبد الله بن عتقان ( سيف خندف ) في منتديات الريف يوم السبت الموافق 25/4/1428هـ في تمام الساعة التاسعة والنصف مساءً


    البداية

    محمد الطويرقي ( الشبح )



    يامرحبا ترحيب يثبت له مكانه فالوجـود
    من هاجسِ يقدر على بدع المثايـل كلهـا
    مادام ابن عتقان حاضر وأكثر العالم شهود
    بهرج معه واللي عقد روس الحبال يحلها



    بن عتقان ( سيف خندف )


    دام البقا ياعيال عمي ياعريبين الجـدود
    والله يعز الشجره اللي كلنـا فـي ظلهـا
    الناس حضروا يامحمد والعلم فوق العمود
    والمرجله تبغى ولد يطلع ولا ينـزل لهـا



    محمد الطويرقي ( الشبح )


    مابه منازع بعد جيتوا ياموفين الوعود
    لنا الشرف نلعب مع اللي كلمته مازلها
    ياناشدٍ عني تراني ذيب من بين الأسود
    بالسلطة العليا جميع دياركـم نحتلهـا



    بن عتقان ( سيف خندف )


    الأصل واحد طال عمرك والمواقف والعهود
    واللي تثمن وقفتي في صفهـا مـا ملهـا
    أنا أدري أنك كارثه عظمى وأنا ماني شرود
    وديارنا يتعـب لهـا الطامـع ولا ياصلهـا




    محمد الطويرقي ( الشبح )


    صار اختلاف أهل المذاهب فالنصارى واليهود
    وانته ليا كانك ذكي صـل الفريضـة صلهـا
    الكلمة اللي قلتها مابيـن نقـص وبيـن زود
    ربعي ثقيف أهل المواقف والسيوف تسلهـا




    بن عتقان ( سيف خندف )


    مسلم وأصلي في بيوت الله ولا فوقي قيود
    خل اليهود الله يحفظك والنصارى خلهـا
    العام فاقد لك جمل واليوم فاقد لك قعـود
    دور بعارينك عسى كـل الـدروب أدلهـا





    محمد الطويرقي ( الشبح )


    ساير زمانك وأخلص النية ولاتغدي جحود
    المشكلة بعض السوالف ليش ماتفطنلهـا
    الحمد لله مافٌقد لي شيء يالقلب يالحسود
    ماني سواة اللي يصيح والدمـوع يهلهـا



    بن عتقان ( سيف خندف )


    عايش زماني وأحسب أيامي مثل عد النقود
    أمـوت ماهانـت مكانـة عـزوه أمثلهـا
    وأشوف لي عالم تجي بين الصوادر والورود
    تنسـى قوانيـن الأوادم والكبـود أتعلهـا




    محمد الطويرقي ( الشبح )


    هذا عشان إنك مسالم ما تعديت الحدود
    خايف تموت من القهر وعلومنا في حلها
    لكن من جاب الفتايل عند قداح الزنـود
    أهل الحسد تبطي ولاظنيت يبـرد غلهـا




    بن عتقان ( سيف خندف )


    يكفيني التاريخ شاهد والفخر يرقى سنـود
    ياكثـر حسـادي وإذا قابلتهـا ياقلـهـا
    مرت سحابة صيف لا فيها بروق ولا رعود
    لو البدو تقعد بديرتها تـراه أحسـن لهـا





    النهاية
  • لافيزي
    عضو ذهبي
    • Mar 2007
    • 373

    #2
    [align=center]محــــاورة جميلــة تشكر عليها [/align]

    تعليق

    • عمر الدغيلبي
      مشرف سابق
      • Dec 2006
      • 2015

      #3
      لاهنت يا الهيلوووم

      وبيض الله وجهك
      [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
      في منتدى الهيلا زحول الرياجيل = بيت القبيله و النشاما إرواقه
      يزينه حرصه لزين التماثيل = ويجمله نبذ العلوم الدقاقه[/poem]

      تعليق

      • عبدالرحمن الهيلوم
        عضو
        • Apr 2007
        • 21232

        #4
        مشكوووووووورين علي المرور يالغالين

        تعليق

        العمل...