محاوره ذيب الشمري وحبيب العازمي (قديمه لكن عظيمه)

طي
X
 
  • التوقيت
  • إظهار
مسح الكل
المشاركات الجديدة
  • علي بن مذكر
    عضو
    • Dec 2007
    • 29

    #1

    محاوره ذيب الشمري وحبيب العازمي (قديمه لكن عظيمه)

    نبي نسري على خط المعاني والحمول ثقال=واخوي حبيب اللي سرعته سرعه جنونيه
    معاك الاختبار الصعب بالاقفاي والاقبال=وشرار النار لايمكن يكون العاب ناريه


    حبيب

    نبي نمشي على شط الخليج اللي مافيه جبال=وانا ما اسرع ليا شفتك تدربا كنك الحيه
    ترى راعي المعاني يضرب الرجال بالرجال=واذا ما جات معاني رجعوها طاق طاقيه



    ذيب


    حبيب يدري بساعه قبل لاياقع الزلزال= وهذي ميزة عنده خصوصيه خصوصيه
    تحصنا بعشر ايات ضد الاعور الدجال=ولا نعكف على قبور الفلاشا والمسيحيه

    حبيب


    على سطح القمر مايطلع التشويش بالارسال= لكن الارض فيها والسبب فيها الحراميه
    تظلل بالعمامه كان راسك ماعليه ظلال = اهل حايل عرب ونته تكلم بالفرنسيه

    ذيب


    هي افضل مهنة الصعلوك ولا مهنة النشال = واهل صنعا يسمون الصعاليك الشريطيه
    تظللني فعول ماضيه في عهدي اللي زال= وحنا من خلقنا مانحب ظلال عاريه

    حبيب


    لو اني قلت لك تشهد تبي تشهد بنص ريال=يابو لحيه كبيره لاتيمم بالحونشيه
    انا والله ما ذم اهل الوفا فالحل والترحال =ولا فرقت بالشعب الكويتي والسعوديه

    ذيب


    مادام البرمكي يحيى وكيل وللخليفه خال = تبي تغليه قادات السرايا والفداويه
    انا والله ماحب الحق في حال من الاحوال= واحب الفتنه وعندي لهذا الحب شرعيه

    حبيب


    انا والله ماعرف البرمكي طيب ولا بطال = لكن الطيبه فيها من الرحمن ماريه
    عسى ربي يعين اللي معه حيله ولا يحتال= تجادله الروابع بين هاذيه وهاذيه


    ذيب


    عسى رزقي كثر خوفي من الحساد والانذال = يبيعون الضماير فالمحلات التجاريه
    بعد بكره عتيبه ينخلون الحب بالغربال=وكثير ليا صلح من حبهم عشرين بالميه

    حبيب


    عسى رزقك يجييك محول من الطايره بحبال = صلاة الفجر قبل الشمس تلحق بارد الفيه
    عتيبه ياوسيع العرف منها تعقل العقال = تنشد حرب ولا مطير والهيه سياسيه


    ذيب


    مادام هذا الرزق خلو اعتيبي فالاستقبال = بعد ما خوفتنا بعض الارزاق السماويه
    انا ما قول رومل مثل قيفاره وهاني بال = اقول حبيب ابحر في سفينته الشراعيه

    حبيب


    انا خابرك عاقل مير اشوفك صار فيك هبال = تشيل الحبحبه وتقول هاذي هندروجيه
    ...
  • روقي511
    عضو نشيط
    • Aug 2007
    • 94

    #2
    هثكذا حبيب كما عهدناه مبدع دائما

    الله يعطيك الف عافيه يالذيب

    تعليق

    • سهم جده
      عضو ذهبي
      • Nov 2007
      • 377

      #3
      مشكور علي بن مذكر

      وصح السان حبيب وصح السان ذيب شمر
      وطبعن حبيب رقم واحد في المحاوره

      تعليق

      • شبيب شافي الملعبي
        عضو ماسي
        • Sep 2007
        • 472

        #4
        صح السان أبو فيصل وذيب الشمري
        وعزاللة خوش طاروق

        تعليق

        العمل...