رد الشاعر الكبير مرزوق الشمري على المستشعر تركي 2000

طي
تم إغلاق هذا الموضوع.
X
X
 
  • التوقيت
  • إظهار
مسح الكل
المشاركات الجديدة
  • الحلحيل
    عضو
    • Oct 2007
    • 5

    #1

    رد الشاعر الكبير مرزوق الشمري على المستشعر تركي 2000

    السلام عليكم ورحمة الله وبركاته

    اخواني ابناء عتيبة الكرام يشرفني ان اكون احد منتسبي منتداكم العامر باسم قبيلة مثل قبيلة عتيبة الهيلا
    ويشهد الله علي انني من المعجبين والمتابعين لمنتداكم من سنوات وقد استفدت منه تاريخي وادبي وغيره
    واليوم اتشرف بوضع اولى مشاركتي وهي عبارة عن رد على احد المستشعرين المساكين الذين يحاولون تهميش وسلب حقوق الاخرين بالزور والكذب والبهتان وللاسف يجد له بعض ........ المطبلين والمزمرين له

    وهو المدعو تركي 2000 فقد تجنى على تهميش رمز من رموزنا العربية التي يضرب بها المثل وهو حاتم الطائي في كلام مصفف له بطريقة الاشعار عندما قال:

    [poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    ((خلو كرم حاتم))وماضي عهوده=سلطان يعطي شي حاتم مايعطيه[/poem]

    فلماذا لم يجد غير هذا الرمز العربي الذي يضرب به المثل من المحيط للخليج حتى يقلل منه ويقول ( خلو كرم حاتم ) ثم يرجع ويقول حاتم مايعطيه

    هل قل المدح عند هذا الصعلوك حتى يتجنى على تاريخ منهو ................
    وانتم تعلمون ان هناك محاولات من .......... له يقولون انك شاعر الوطن ...............
    وشاعر الوطن هو الشاعر الكبير خلف بن هذال العتيبي ولان ننسى وقفاته ورفع معنويات للشعب السعودي ايام حرب الخليج الثانية


    ومع ذلك لم يسكت له الشاعر الضرغام مرزوق الرمالي الشمري فقد رد عليه الصاع بصاعين واليكم قصيدة هذا المستشعر ورد الشاعر الكبير مرزوق الرمالي


    يقول المستشعر تركي:

    [poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

    كريم يانوّ(ن)هبوبه تقوده=لي مدة(ن)وانا عيوني تراعيه
    اكبر من الغربي ترازم رعوده=سيله حقاق والمخايل تباريه
    اللي وطا حزم البلاد ونفوده=عقب المحل ماناش من عرق يحييه
    ايام وسمه ماتجيك معدوده=ثابت على طول السنه من مناشيه
    هتان ودان ذعاذيع نوده=تجلا هموم القلب والجرح تبريه
    وليا سمك وبله وخيّم ركوده=تفرح به البيدا وتروا ضواميه
    فوق البسيطه ماتحدد حدوده=مافيه وادي غير تجري مجاريه
    والعشب انواعه تلاعب وروده=طلعه سوا من مدلهم(ن)يساقيه
    هذي هماليله وهذي شهوده=كل(ن)يرحب به وكل(ن)يحييه
    هذاك سلطان السعد من جدوده=غيث(ن)على غيث(ن)يعافيه
    ياراح قلنا الله علينا يعوده=من كثر حبه ودّ شعبه يخاويه
    وليا رجع تباشروا في وجوده=شيخ(ن)وحنا برض البلاد لمواطيه
    حنا تحت رايه وحنا جنوده=واعمارنا في ساحة الحرب تفديه
    القايد اللي منبع الجود جوده=صار الكرم صرح(ن)للأمجاد بانيه
    ((خلو كرم حاتم))وماضي عهوده=سلطان يعطي شي حاتم مايعطيه
    خيره على العالم عسا الله يزوده=لو جيت ابذكر ماتعدد حسانيه
    وفاه وصلة لكل دوله وفوده=من مد كفه مايبا احد(ن)يكافيه
    وليا قدح من نار فكره زنوده=رايه سديد وكل تايه يقديه
    وليا بطش ضاعت روابع حسوده=من سطوته خصمه يضيع هقاويه
    هداج تيماء اللي يصدر وروده=ياحي ابو خالد وياحي طاريه
    كنت اتمنى وقفتي في وجوده=واليوم انا موجود مابين اياديه[/poem]:


    وهذا هو رد الشاعر الكبير مرزوق بن محمد الرمالي الشمري :

    [poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    كريم ياقاف(ن)خذته البروده=وعلى صفا سلمى تحطّم معانيه
    قدام اجا غصب يتبخر صموده=ويصبح سراب(ن)بأوله لين تاليـه
    اصغر من اللي عن سمانا يذوده=يقفي وذعذاع الشمال متقفّيه
    ماينثني لأطماع نفس(ن)حقوده=ياصار راعيها الخطا من مباديه
    نفسه عن الكايد عزوم(ن)شروده=والا على الذمه كبار(ن)هقاويه
    حايل غنيه عن نفوس(ن)جحوده=وتركي يبي سب الاجاويد يغنيه
    سيرة سجاح اليوم منه معيوده=متفرش(ن)نهجه ونهجه مغطيه
    لو كان مسلم ماسجد مع سجوده=فرض الصلاة اللي نصلي يصليه
    شرهاتنا بالطيب نثبت بنوده=والا الردي ماله علينا مشاريه
    وتركي عطا الله قام يشعب قعوده=يبي كرم حاتم يشيله ويمحيه
    اكرم رجل يوم الحبال معقوده=واطلق شنب يجري كرم مايجاريه
    تركي جحد والا النبي جاب جوده=تركي طعن والمصطفى اللي مزكيه
    يمكن يشيل جبال حايل لسوده=وطويق للصمان يرسي مراسيه
    دامه لحاتم طي جنّد جنوده=ويمكن فرس حاتم هو اللي مذكيه
    دام الكلام بلاش يبذل جهوده=شاعر وطن يالله عسا الله يخليه
    شاعر وطن يبغى المشاعر يسوده=وعلى حساب الغير يبني مبانيه
    نعم(ن)بحكام الجزيره واسوده=حكام تاخذ حق وافي وتعطيه
    حكام عدّو للمعالي سنوده=والكل منهم مانزل عن معاليه
    الهرج ياجاهم تقيّد قيوده=يطيب هرج الطيب بلسان راعيه
    ال سعود احرار جو مهدوده=وسلطان منهم ماتردا مداليه
    والسرد مايغني رجال(ن)سروده=لو ماانسرد يعجبه سرده بشافيه[/poem]


    القصايد منقولة من منتديات حايل نت
  • مالك الذيابي

    رابطة محبي الهيلا

    • Feb 2007
    • 2018

    #2
    [align=center]الله يعطيك العافية

    وسلمت يداك على النقل المميز
    [/align]

    تعليق

    • ابو فايح
      مشـرف عام
      • Jul 2006
      • 5343

      #3
      [align=center]والله عطاه القاز وتركي اخطا خطا فادح وهذا رد كبير على كل من قال انه شاعر وطن [/align]
      عالم تويتر



      abofayeh@

      تعليق

      • النيروز
        عضو نشيط
        • Mar 2005
        • 54

        #4
        لله در مرزوق الشمري عرف كيف يداويه

        تعليق

        • رعد الشيباني
          موقوف لمخالفة الأنظمة
          • Oct 2006
          • 175

          #5
          استغفر الله بس

          ..........................
          ابك هو ما همش صورة
          حاتم الطائي ولا سبه هو يقول سلطان يعطي اللي ما يعطيه حاتم
          وهذا صحيح فالامير سلطان معروف بالكرم والجووود

          .............................................
          ...............................................

          وشكرا

          تعليق

          • ذيب الجهني
            عضو فعال
            • Oct 2006
            • 166

            #6
            [align=right]الله اكبر يالحلحيل . وش هاذى التهجم على الشاعر تركي وتكبير الموضوع . ترى هاذا تشبيه بليغ من تركي دون نقص من حق حاتم . وقوله خلو كرم حاتم ضرب مثل لرمز من رموز الكرم لتعلق كرم حاتم بالأذهان . ومن ثم أنتقاله لولي العهد سلطان وأبراز كرمه بالقصيده دون نقص او تشكيك بكرم حاتم [/align]


            [align=center]
            أقتباس من مشاركتك أخوي حلحيل

            [frame="1 90"]هل قل المدح عند هذا الصعلوك حتى يتجنى على تاريخ منهو .............
            وانتم تعلمون ان هناك محاولات من ........ له يقولون انك شاعر الوطن وماهو ........... [/frame][/align]


            [align=center]
            حلحيل ماهاكذا توّرد الأبل[/align]
            [align=right]وأرجو من الاداره أتخاذ الامر المناسب [/align]

            تعليق

            • ابن عقاب الشمري
              عضو فعال
              • Aug 2007
              • 146

              #7
              مشكور على المووضوغ ....

              ولكن تركي لم يقصد ذلك


              ........................................

              تعليق

              • Man من العتبان

                رابطة محبي الهيلا

                • Oct 2007
                • 2397

                #8
                تسلم يا الحلحيل ع النقل الرائع

                وصح لسان الشاعر مرزوق الشمري

                تعليق

                • الرتوعي
                  عضو ماسي
                  • Aug 2004
                  • 525

                  #9
                  [align=center]كفو يا الشمري ورد قوي وساحق
                  واما بالنسبة للاخوان الذين ردوا
                  بانه لم يقصد فهذا يجوز لان الشاعر
                  لا يشره عليه ولاكن حاتم الذي عاش فالبرد
                  والحر الشديدان وايايمها الفقر الشديد
                  والاموال قليلة وهو الذي كان غنيا ومن اجل
                  الكرم اصبح فقيرا حتى انه ذبح فرسه من اجل الضيف مركوبه الوحيد
                  ................................................. [/align]

                  تعليق

                  • ابو براك

                    رابطة محبي الهيلا

                    • Feb 2006
                    • 1587

                    #10
                    الله يعطيك العافية

                    وسلمت يداك على النقل المميز

                    تعليق

                    • واسفاه
                      موقوف لمخالفة الأنظمة
                      • Oct 2007
                      • 22

                      #11
                      اولا سلطان كما قال الشيباني عطى عطايا ماعطاها لاحاتم ولا غيره
                      كم من رقبه فكها عطا فيها من الملايين لين شراها
                      وكم من ناس طارت في العلالي يوم خوة عليه ومعروفن مجلسه ومعروف حتى كرمه مع السودان والصومال والبوسنا والباكستان ............... سلطان مهو حول حاتم


                      ثانيا حتى لو كان حاتم اكرم فانه يحمل على صيغة المبالغه واجد الامثله على هالشي حتى في مثل دارج يقال اكرم من حاتم
                      مع ان سلطان من جد مهو حول حاتم

                      تعليق

                      • ابو شرف
                        عضو ماسي
                        • Jun 2007
                        • 806

                        #12
                        بسم الله الرحمن الرحيم
                        اشكرك اخوي الحلحيل على طرح هذا الموضوع.
                        اولا:كلام تركي مافيه شي والحق ينقال مافيه شي هو شبه كرم صاحب السمو الملكي ولي العهد الامير/سلطان بن عبدالعزيز بكرم حاتم الطائي وافضل من كرم حاتم مافيه شي وكرم حاتم يضربه المثل وهذا شي صحيح ووارد مع الناس كلهم ولكن ماننسى كرم الامير ولا كرم حاتم كرم الامير كل الناس تدريبه ياما وياما وياما سوا وسوا وسوا اشياء واجد ومعروف طيبه وكرمه من الجدان ومن ماضي الزمان ولاينجحد كرم حاتم.
                        ثانيا:الموضوع المفروض ياطويل العمر ماينزل كذا ينزل على النقاش الجيد الشريف بعيدا عن الالفاظ اللي مالها داعي.
                        ولك مني جزيل الشكر والعرفان.
                        مــــــــــودتــــــــــــي...

                        تعليق

                        • عبدالرحمن الهيلوم
                          عضو
                          • Apr 2007
                          • 21232

                          #13
                          والنعم بالكريم ابن الكريم ( سلطان الخير)..والنعم برمز الكرم (حاتم الطائي )الذي سمي الكرم باسمه ((الكرم الحاتمي)ولكن الرجاء احترام صبي شمر فهو من اعز قبيله من قبائل الجزيره علي قلوب عتيبه .. الاخذ والعطاء ولكن بحدود المعقول(( في الختام)) مرحبا مليوووووووون انت راعي المحل يابن السناعيس الطنايا)) والله يعز الاسلام والمسلمين ويعز ابو متعب ويعز سلطان((((((( الهيلوم النفيعي. ابن عتيبه البار)))))))))

                          تعليق

                          • عبدالله الجـــذع
                            مشرف منتدى قصه وقصيده
                            • Sep 2007
                            • 8093

                            #14
                            وتركي يبي سب الاجاويد يغنيـه..

                            ياشباب اللي ينتقد الشمري والله ماعنده سالفــه اولا:الاميــر سلطان لايختلف اثنان على كرمـــه ....ولكـــن هل يقارن بمــن اثنى على كرمــه الرسول صلى اله عليــه وسلــم ..ياليــت تركــي قارنهم ببعــض لكــن فضــل الأميــر سلطــان حفظه الله على حاتم الطائـــي ...


                            اقول اللي يدري يدري واللي ماي\ري يرقــد بــدري والمجامــلات مالها داعـــي؟؟؟؟؟؟؟؟؟؟؟؟؟؟؟؟؟؟؟؟؟


                            صح لسان المبــدع مرزوق الشـــمري..
                            قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


                            .
                            قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
                            فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

                            .

                            موقع يضم جميع القراء


                            هنا

                            تعليق

                            • بندر الحافي
                              فريق التصميم والتطوير
                              • Oct 2006
                              • 661

                              #15
                              عطاه القاز

                              والله اخطاء خطأ كبير

                              في تهجمه على

                              مضرب المثل ومنبع الجود

                              حاتم الطائي

                              ومرزوق ما قصر
                              [align=center][/align]

                              تعليق

                              العمل...