الوزن الثقيل سلطان بن وسام وذيب الشمري الطايف محاوره

طي
X
 
  • التوقيت
  • إظهار
مسح الكل
المشاركات الجديدة
  • فلاح الهاجري
    عضو ماسي
    • Jul 2007
    • 632

    #1

    الوزن الثقيل سلطان بن وسام وذيب الشمري الطايف محاوره

    [align=center] سلطان الهاجري
    عن حجاز المملكة عن نجد والشرقية = مرحبا باصحابنا جيراننا الغاليني
    شد حيلك واحتزم ياذيب بالجنبية = مار قل لصفوف شمر تنقسم قسميني

    ذيب الشمري
    بالنيابه عن شمال الكوره الارضيه = البقا باللى جميع اخبارهم تعنيني
    صفنا ما يقبل التقسيم فى برقيه = دافعٍ قومي ايقسّمهم ودافع ديني

    سلطان الهاجري
    ودي اسير عليكم بعد عيد ضحيه = وان طرالي شي ثاني جيتكم ذالحيني
    اجدع الجوال واخف ارقامه السريه = واطلع من العازل الصوتي لجل توحيني

    ذيب الشمر
    صاحبك ناويك يا سلطان نفس النيه = اقنع بفرض الكفايه قبل فرض العيني
    تحترق بالنار نصف اشواقك القلبيه = وجايز انه يلتغي عقلك قبل تلغيني

    سلطان الهاجري
    خلني ياذيب لين اقص راس الحيه = لاتروح الحبحبه تزحف علي السكين
    قبل اشيد خيمتي فالفيضه المحميه = وضعها مهوب مزعلني ولا مرضيني

    ذيب الشمري
    بالخلال ومن خلال الرغبه الشعبيه = امسح اللى كنت كاتب فى قلمك الشيني
    لا تفكرها ليالي شارع الحلميه = فيه دسكٍ ما يعالج بالعلاج الصيني

    سلطان الهاجري
    والله اني مالويت الشوشه الملويه = لين شفت افكاركم تلعب علي الحبليني
    شي اكيد ان البشر مامورتن منهيه = بس لاتنسى ترى نص الميه خمسيني

    ذيب الشمري
    احفظ حقوقك وخل حقوقي الشرعيه = لا تسير براي نابليون واستاليني
    المطالب يالهواجر غير قانونيه = مالكم عندي مطالب وينكم غاديني

    سلطان الهاجري
    حارس الخزنه علامه يسرق الربيه = وان وصله الموت قام يصيح ويناديني
    علم اللي لابسن له مشلحن عاريه = قله انه هو سبب نكبتك يا مسكيني

    ذيب الشمري
    اختلف رمى الرجال وطاحت الطاقيه = والعرب شافت هلال العيد شوف العيني
    انت يا سلطان ضمن الجمله الفعليه = بالليال القادمه يطويك ما يطويني


    واسمحولي على القصور
    [/align]
  • مالك الذيابي

    رابطة محبي الهيلا

    • Feb 2007
    • 2018

    #2
    [align=center]بيض الله وجهك يافلاح[/align]

    تعليق

    • فلاح الهاجري
      عضو ماسي
      • Jul 2007
      • 632

      #3
      وجهك ابيض يا الغالي

      تعليق

      • ^^العصيمي^^
        عضو ماسي
        • Apr 2003
        • 521

        #4
        صح الساان الشااعررين
        وبيض الله ووجهك على الطررح الجميل
        والله لايهينك

        تعليق

        العمل...