فتل ونقض ........... فتل ونقض

طي
X
 
  • التوقيت
  • إظهار
مسح الكل
المشاركات الجديدة
  • رجا بن فهيد الهاجري
    شـــاعــر
    • Jul 2007
    • 372

    #16
    مطلق الثبيتي


    ترا عقل البني آدم يا حمد الناصر سواة القيـد=يخلي السر دايم صرة في الجيب مصـروره


    نسيت الفقه والتوحيـد والتفسيـر والتجويـد=بعد عودت معهم كـل يـوم تلعـب الكـوره




    احمد الناصر


    تهرج يالثبيتي انت ابـو مـا تشتهـي وتريـد=وليا ضيعت دربك نزهدك في راس باكـوره


    تكايدني واناخا بـرك رجـال تحـب الكيـد=جوازك للسفر ما فيـه توقيـع ولا صـوره




    مطلق الثبيتي


    عطوك البندقية مار ياجعلـك تصيـد الصيـد=لها روحين صار البندقة ما هيـب ممهـوره


    يجيبون الـدوا للعـود يبونـه يصيـر وليـد=وليا شافوه يعرج بين اهل رابـغ ومستـوره





    احمد الناصر


    تشوف اللي قريبه يالثبيتي مـا تشـوف بعيـد=سواة التاجر اللي في البحر غرقـان بابـوره


    اظن الفقع جنبه شجرة الرقروق بالتأكيـد=ولو ما تحسن اللحية لقيت البيـض منثـوره
    تم التعديل الأخير بواسطة رجا بن فهيد الهاجري؛ 02-Oct-2007, 11:42 PM.

    تعليق

    • رجا بن فهيد الهاجري
      شـــاعــر
      • Jul 2007
      • 372

      #17
      مـصـلــح بــــن عــيــاد
      ياطبيب الجرح منته خبيـرٍ فـي دواه = وأنت في دفترك مليون سيـه وحسنـه
      ياجبل ورقان مأهتز منك ولا حصـاه = سير مضمونٍ حسابـه وسيـرٍ ندهنـه




      عـبــدالله بــــن عـتـقــان
      أسلمي ماتقبله لو ماشي فـي سـراه؟؟ = وشلوي وألا عـلاوه سريـع أتعينـه
      البلكه والحجر تختلـف عنـد البنـاه = الحجر صعب الكسـر والبلكـه هينـه




      مـصـلــح بــــن عــيــاد
      أدخل المسجد ليا قـال حيـا للصـلاه = وأضبط التوقيت وأحفر لسرك وأدفنـه
      لا تعاين فوق وجهك على كـم العبـاه = لا تحنحن صاحبك مايحـب الحنحنـه






      عـبــدالله بــــن عـتـقــان
      ماتركنا فرض ربي ولا حنـا عصـاه = خاف ربك وأعرف أسليم والظن أحسنه
      ياولد عياد ذيب الفـلا يجـزي عـواه = لا تدندن صاحبـك مايحـب الدندنـه

      تعليق

      • فلاح الهاجري
        عضو ماسي
        • Jul 2007
        • 632

        #18
        بيض الله وجهك

        تعليق

        • نواف العصيمي
          مشرف عــام
          • Sep 2006
          • 10282

          #19

          يعطيك العافيه ..وبيض الله وجهك

          يشرفني متابعت موضوعك دوماً

          ولك التقدير والإحترام

          ..

          تعليق

          • رجا بن فهيد الهاجري
            شـــاعــر
            • Jul 2007
            • 372

            #20


            شاعر خطير مرحبابك ولاهنت على المشاركه

            فلاح الهاجري ونواف العصيمي


            الله لا يهينكم يشرفني تواجدكم
            تم التعديل الأخير بواسطة رجا بن فهيد الهاجري؛ 03-Oct-2007, 09:00 PM.

            تعليق

            • رجا بن فهيد الهاجري
              شـــاعــر
              • Jul 2007
              • 372

              #21
              في هذى الابيات مطلق الثبيتي يتوجد على غياب الشاعر شلويح المطيري

              بعد اعلن اعتزاله لعب المحاوره وفي البيت الثاني كان واضح المعنى لشاعر مطلق

              وقاااال

              الثبيتي

              لا يا وجودك على السجه بحره سليم = اللي تروع عقاربها وديبانها

              وانا وجودي على شوف الرفيق القديم = اللي ليا جا يقود الجيش برسانها




              واعجبني للامانه رد ابومشعاب وقال

              ابو مشعاب السلمي


              أمن امس وانته هنيا يالثبيتي مقيم = اترفع الخيمه البيضه بعمدانها


              اعلم ترا ماش غيري ياثبيتي غريم = اصبر على نار عوض الله ودخانها
              تم التعديل الأخير بواسطة رجا بن فهيد الهاجري؛ 03-Oct-2007, 09:21 PM.

              تعليق

              • رجا بن فهيد الهاجري
                شـــاعــر
                • Jul 2007
                • 372

                #22
                السناني

                يالرياحي مابقى ضحك سن وهز رؤوس= دنت الساعه وكلاً سمع دناتها

                وش تحرى بعد قلع الثنايا والضروس= إنزل الميدان وإللي برأسك هاته
                ا


                الرياحي

                يالسناني كل واحد يدورله عروس = ماتزين الحاجه إلا على حزاتها

                قرّب إذنك وإفهم الدرس والدنيا دروس = وإحتزم والطايره ولعت لنباتها




                السناني
                أشهد إن الطيبه تندفع فيها الفلوس = مير رؤوس القوم ماأحدٍ كسب مرضاتها

                باقيٍ عشرين ساعه على اليوم العبوس = يمكن أحيا الناس تبغى تزور أمواتها




                الرياحي

                لاتحسف والله أنجاك من حرب البسوس = صلت أمك وإدعت والسبب دعواتها

                مابقي إلايوم يومين وتطيب النفوس = ثم أذكيها وأسمي على مذكاتها

                تعليق

                • رجا بن فهيد الهاجري
                  شـــاعــر
                  • Jul 2007
                  • 372

                  #23
                  ملفي الشلاحي :

                  ياضيوفٍ حضرتوا يسعد الله مساكم = كل ضيفٍ نبي نأخذ حمايض علومه



                  الزلامي يحسب انه على الشعر حاكم = ما درى إنّا على الشعار مثل الحكومة




                  الزلامي :

                  كان فيها تحدي فارقونا وراكم = عارفين القمر والليل نحسب نجومه



                  ياعرب مالحقنا شك في مستواكم = مير ياليت حضن الضلع يلزم بقومه





                  ملفي الشلاحي :

                  ياعتيبة زعلكم ما يباعد رضاكم = من يحب التحدي ما تردى عزومه

                  ياوسيع البنايد ما رضينا خطاكم = وادري ان المطيري ما فرحت بقدومه



                  الزلامي :

                  شرنا مانعينه وان طلبتوه جاكم = مير خلوا لحاكم غالية ومحشومة

                  امتحنتوا عتيبة هالسنة وش بلاكم = والمراجل بحر واللي يعومه يعومه

                  تعليق

                  • رجا بن فهيد الهاجري
                    شـــاعــر
                    • Jul 2007
                    • 372

                    #24
                    هذى محاوره قديمه لشاعر حارثي ما يحضرني اسمه

                    ولكن اعرف سالفته وهو كان في كل حفلة تقام فى الكويت

                    يحضر لها ويحاول ان يلعب مع شلويح المطيري

                    وكل ما حب انه يلعب مع شلويح قاله اجلس ياورع


                    لين مره من المرات صار عندهم حفل ودعو شلويح

                    وقام الولد يبي يطلب شلويح وقاله اجلس يورع

                    قال الحفل حفلنا ان بغيت تلعب ولا اجلس انت


                    قال عندي المبدا ولا عندك ... قال شلويح عندي


                    بدا شلويح وقال


                    مرحبا ياحصيني طامعٍ له فى ذيب = والحصاني توجد مع لغابيبها

                    بس ابعطيك تمره وطاسه حليب = في وسط غرفه مسكرتن دولايبها



                    قال الحارثي

                    منته بذيبٍ ولا انته من كلامك قريب = ارنبن رابضه والله بلاني بها

                    خذ نصيحه مجرب خل عنك الطبيب = شوف كرشك كبيره من مضاريبها


                    وضحك شلويح وعرف ان هذا الورع شاعر وله مستقبل

                    ولكن للاسف ذهب للحرب 73 وفقد ولا يعلمون عنه اي شيء لحد الان
                    تم التعديل الأخير بواسطة رجا بن فهيد الهاجري؛ 05-Oct-2007, 08:50 PM.

                    تعليق

                    • رجا بن فهيد الهاجري
                      شـــاعــر
                      • Jul 2007
                      • 372

                      #25
                      حبيّب:

                      يارشيد انت امتكبر مـا تمـر ولا نمـرك
                      ما تنازل غير مرّه واحده ماعرف سببهـا


                      السفينه مبحره في البحر والموج ايتحرّك
                      وان غفل عنها الدريول دفّها الموج وقلبها




                      الزلامي:

                      خايفٍ من مرّةٍ يالشاعر الناشي تضرّك
                      خل الين اتشد رأس المرجله والا ذنبها


                      والله انك يا حبيّب لو تكافي الناس شرّك
                      اعتقد ما ضاقت الديره ولا شدّو عربها




                      حبيّب:

                      الزمان اللي ضحك لك بالثنايا لا يغـرك
                      ثم تحسب انّك تخطّم قبلها وانت اتعقبها


                      والله اني يالزلامي محتسي حلوك ومّرك
                      نعنبوها لحيةٍ ما تحتمي ما قف شنبهـا




                      الزلامي:

                      يا حبيّب ما تبا منـا بريـره لـو نبـرّك
                      طامعاَ في خزنة الدنيا تبا تسرق ذهبهـا


                      انت لو تمسك طريقك والعواصف ما تفرّك
                      كان ذبّحت الرجال اللـي مثنيـةٍ ركبهـا

                      تعليق

                      • رجا بن فهيد الهاجري
                        شـــاعــر
                        • Jul 2007
                        • 372

                        #26
                        مطلق

                        يالعصيمي معاشك من بنوك اليمامة000 ولا انا من بنوك الله يجيني معاشي

                        جبت ستين شيخ وكل شيخ بعمامه0000 جعلهم عند نو بارقه في المناشي





                        مستور
                        وانت رزقك تجيبه من جحلط تهامة000 مزنة من مطرها مالحقنا رشاشي

                        اطلب الله يامطلق في طريق السلامة00 لاانت قاطع نصيب ولا انت خادم بلاشي
                        تم التعديل الأخير بواسطة رجا بن فهيد الهاجري؛ 07-Oct-2007, 05:13 AM.

                        تعليق

                        • رجا بن فهيد الهاجري
                          شـــاعــر
                          • Jul 2007
                          • 372

                          #27
                          ملفي الشلاحي :

                          سلطان لو يشتكي ماني بشاكـي لاحـد = مطية القـوم ثـارت وقطعـت قيدهـا

                          العام في المحكمة سلطان قـام وشهـد= شهـادةٍ مـا عرفنـا وش مقاصيدهـا



                          الهاجري :
                          شهادتي فيـك مجروحـة ولا تعتمـد= الوقت قفـى بعنترهـا وابـو زيدهـا

                          اليا عقدنا العقـد منهوو يحـل العقـد= كثرت علوم البدو من كثـر ترديدهـا



                          الشلاحي :

                          ان كان تشهد شهادة زور مـا تنحسـد= يا عاقل البدو ياللـي صايـرٍ سيدهـا
                          كنت احسب انك على نية وراعي جلد= وشلـون تحلـف بديـن الله وتعيدهـا


                          الهاجري :

                          كان المجامل يبا ينفعـك انـا مستعـد = تابـع فواتيـر جـوالـي وتسديـدهـا

                          العام الاول وصوتك مثل صوت الرعد = واليوم يالاجـودي زعلـت اجاويدهـا
                          تم التعديل الأخير بواسطة رجا بن فهيد الهاجري؛ 07-Oct-2007, 04:37 AM.

                          تعليق

                          • فلاح الهاجري
                            عضو ماسي
                            • Jul 2007
                            • 632

                            #28
                            مبدع في هذا الموضوع وتستحق الشكر عليه وانا انتضر مشركاتك

                            تعليق

                            • لماح
                              عضو نشيط
                              • May 2007
                              • 83

                              #29
                              مشكووووور يا أبو زيد ..


                              وفعلا موضوعك اكثر من رائع ..

                              اتمنى مواصلة الأبداع ..



                              واعلم ان أتحرى مشاركاتك الجديده .. بفارغ الصبر ..


                              يا ليت مثل موضوعك مئة موضوع !!



                              وشكرا .,.,.,.,.,.,

                              تعليق

                              • رجا بن فهيد الهاجري
                                شـــاعــر
                                • Jul 2007
                                • 372

                                #30
                                يامرحبا بالجميع والله لايهينكم يافلاح ويا لماح والله ودنا نستفيد لا اكثر ولا اقل

                                واعتبروها اجتهادات مني واهم شي ان الموضوع يحوز على رضا الجميع


                                واسمحولنا على القصور اخوكم ابوزيد

                                تعليق

                                العمل...