محاورات عالميه بعضنا لم يسمع عنها لنحاول حل المشكله سويا!!!

طي
X
 
  • التوقيت
  • إظهار
مسح الكل
المشاركات الجديدة
  • ابو فايح
    مشـرف عام
    • Jul 2006
    • 5343

    #1

    محاورات عالميه بعضنا لم يسمع عنها لنحاول حل المشكله سويا!!!

    [align=center]الحقيقه وكما تعلمون عن كثرة الحفلات وتوزعها بين مناطق المملكه وكثرة المكاتب التي تدعم الشعراء ولانه لم يكن يوجد سابقا الا مكتب القصير فقد أصبحت كثير من المحاورات لا نسمع عنها وهي من أفضل المحاورات لانها من خلال مكتب لايوجد في نفس المنطقه التي يسكن فيها اي واحد منا فطرت في بالي فكره وهي ان يقوم كل منا بالاعلان عن الحفله التي اعجب بها او سمع انها من اقوى المحاورات ولانها ربما تخفى على كثير من الاعضاء ولم يسمع عنها من قبل باختصار:[/align]
    [align=center]
    ماهي أفضل محاوره سمعتها أو أخبرت عنها ؟[/align]



    [align=center]شروط المشاركه او(طلبات) ولا عليكم امر:
    [align=center][/align]

    1/ ان تحدد المحاوره في عام كم.
    2/ ان تحاول ذكر جميع الشعراء.
    3/ان تحاول ذكر المكتب الذي قام بتصويرها.
    4/ان تخبر عن مكان المحاوره في اي مدينه وفي اي قاعه.
    5/ ان تحاول ذكر ما تذكره من ابيات قيلت بها.[/align]
    تم التعديل الأخير بواسطة ابو فايح؛ 12-Sep-2007, 07:02 AM.
    عالم تويتر



    abofayeh@
  • الزراقي2
    عضو نشيط
    • Jan 2006
    • 49

    #2
    بيض الله وجهك على الفكره

    والبدايه عندي المحاوره بين الشاعر صياف الحربي الله يرحمه وشبيب الزراقي وكان شعراء الحفل
    حبيب العازمي
    شبيب الزراقي العتيبي
    صياف الحربي الله يرحمه
    بن حوقان وكانت اول ملعبه اه في القلطه
    فيصل الرياحي
    صورها القصير
    جده قصر الروابي
    عام 1410

    واليكم المحاوره كامله


    شبيب الزراقي

    يا حبيب يا محمد يا سعيد وياالرياحي
    قوموا صياف والأ قوموا فيصل بداله
    كل رجال يبى يشرب من الجم القراحي
    مير ضن المالكي يقدر يلاعبكم لحاله
    صياف الحربي

    كلنا نكتب ونقرا في المساء والا الصباحي
    قايد الحملة ولا نشوف الا خياله
    نادو الزراقي اللي عام الأول كان صاحي
    كان مثل الضلع يوم الناس تجلس في ظلاله
    شبيب الزراقي

    كل ما قلنا تبى تمزح مفارقها المزاحي
    قادها مسكين ما يعرف يمينه من شماله
    جاك رجال يشوف الدرب ولو علمت ياحي
    لو يموت العود والله ما يفكونك عياله
    صياف الحربي

    أن لحقت الطايره خلك علي ظهر الجناحي
    الركوب على ظهر الجمل مالك وماله
    الخفيف يا أبيض الشارب تطيربه الرياحي
    ليلة القدر معروفه والشهر شفنا هلاله
    شبيب الزراقي

    طايرتكم جالها طيار واللي راح راحي
    والجمل شقران يا صياف يقعد في حباله
    أكثر العربان يجمع كريكات ومساحي
    لا تركها واستراح ولا كسب منها جماله
    صياف الحربي

    نشتريهم بالسياسه وأن عصونا بالسلاحي
    عارفين أن المكاسب ما تجينا بالسهاله
    انتركنا فوق راس الريح واللي طاح طاحي
    والصديق اللي منول ما لقيت ألا عقاله
    شبيب الزراقي

    كيف تسلم والخطر واصلك من كل النواحي
    العمى ينزل بدرب السيل لين السيل شاله
    والله انك تعرف الدكتور دكتور الجراحي
    ما تغير عن دروب الطيب ودروب الرجاله

    صياف الحربي

    أنت راسك من حجر يصبر على كثر النطاحي
    مير بعد الفين من ميلاد عيسى وش بقاله

    تعليق

    • سعود النفيعي
      عضو ماسي
      • Apr 2006
      • 827

      #3
      موضوع رائع يا ابو فايح وأكثر من رائع كما عودتنا يالذيب

      أما انا عن نفسي عندي شريط محاوره لو يعطوني مليون ما أبيعه شاريه من مكتب فالكويت بس أظنه من تصوير القصير لأنه حفل بالطايف عند الامير فيصل بن خالد أمير عسير وحظر الحفل كل من :رشيد الزلامي وصياف الحربي وملفي المورقي وفيصل الرياحي وحمود السمي وعواض الشهيب وراشد السحيمي ومحمد بن حوقان بكر الحضرمي ومحمد السناني وهي قبل 5 سنين يمكن منها صياف ورشيد الزلامي:

      الزلامي:



      الصاحب اللي غاب عنا سنه واليوم شفناه
      ماودي أنشد صاحبي عارفٍ سبة غيابه
      بس المهم اليا تعافى نقول الحمدلله
      ون كان ماقالوه خندف يقولونه شبابه


      صياف:



      الادمي فالكون مسؤول عن دينه ودنياه
      اما رجع ولا تلوى به الذيب وسرابه
      ليت الزلامي هاك الايام خامسني بيمناه
      ثم أعتزى بحزامه اللي مع الناس اعتزوا به


      رشيد الزلامي:



      ياصاحبي صياف ماقيل فالماضي لقيناه
      مليت من مشعان مجول وهذيك الربابه
      إلى صدف له واحدٍ في هذاك الدرب خاواه
      وانا اتحرى صاحبي لين تلفي به ركابه


      صياف:



      روح إقلب الصفحة وتلقى الكتاب اللي كتبناه
      وان كان ماتقراه يقراه غيرك بالنيابه
      ياليت ذاك الحمل عند العرب فقصاه وادناه
      لكن اخاف إنك تجي به وتعطيه القرابه


      رشيد الزلامي:



      شفنا لنا خطٍ على الصفحه ملواه
      واكيد ماهو من كلام النبي ولا الصحابه
      العام يوم نسوق الجمل يازين ممشاه
      واليوم عسى الله يغيثه بقطره من سحابه


      صياف:



      هرج الزلامي لو تلقاه فالسوق اشتريناه
      لكن من كثر الحسد يلتوي به فالشعابه


      وهي أروع محاوره

      وكانت الصفوف صفوف الثبته


      أشتروها من أقرب مكتب تراها عالميه


      اشكرك مره أخره اخوي أبو فايح


      موودتي

      تعليق

      • لماح
        عضو نشيط
        • May 2007
        • 83

        #4
        الله عليك يا أبو فايح ..

        مشكوووور على هذا الموضوع العالمي ..

        والحقيقي أنا كانت عندي فكرة مشابهه لهذا الموضوع ..

        لكن سبقتني وما قصرت ..

        هذي محاورة قريبه والحقيقه محاورة رااااائعه وأنا أسميها محاورة الموسم ..


        المحاورة جمعت الشعراء :

        مستور العصيمي .. حبيب العازمي .. زيد العضيله .. فلاح القرقاح .. ملفي المورقي .. حياد الشيباني ..

        في الرياض أظن في قصر دسمان ..

        وهي في شهر 5 .. قبل تقريبا ثلاث أشهر وشوي ..

        وكان نجم لامحاورة بلا منازع هو حبيب العازمي

        أذكر فيها بيت لحبيب مع ملفي يقول ..

        أنا مسيسها وبانيها على الساس الوثيق = وأنا اعرف اللي يجود الكيه ليا منه كوا ..

        وأيضا ..:

        يا شيخ لا تسحب عباتك من فريق إليا فريق = أنته رفيع المستوى خلك رفيع المستوى

        ..


        وهناك محاورات ثانية راح أجيبها لكم .. وشكرا

        تعليق

        • العفريت
          عضو ماسي
          • Jun 2006
          • 873

          #5
          الاخ ابو فايح شكرا على الفكرة الجيدة
          شكرا لك ولجميع الاخوان

          عندي ملاحظة بسيطة الله لايهينكم
          ارقام الاشرطة غير موجودة(وهذا اساس الفكرة ) فكيف سوف نحصل على الشرطة والمحاورات

          شكرا مرة اخرى

          تعليق

          • ابو فايح
            مشـرف عام
            • Jul 2006
            • 5343

            #6
            [align=center]شكرا لكم جميعا ولكن نريد مشاركات بقية الاعضاء [/align]
            عالم تويتر



            abofayeh@

            تعليق

            • ابو شرف
              عضو ماسي
              • Jun 2007
              • 806

              #7
              المحاورات الرائعه كثيره لكن اذكر المحاوره التي جمعت عبدالله المسعودي ومطلق الثبيتي ومستور العصيمي في عام 1399ه وبالتحديد محاورة المسعودي والثبيتي.
              المسعودي*
              نهاية شهر ذالحجه بداية ليل من عاشور*الا يامرحبا والمملكه باحلى لياليها
              انا ما همني فالوقت لامطلق ولا مستور*مركبها على قمة جبل وتهز رجليها

              تعليق

              العمل...