محاورة مجنونة حبيب وفيصل الرياحي

طي
X
 
  • التوقيت
  • إظهار
مسح الكل
المشاركات الجديدة
  • بدر المر
    عضو نشيط
    • Aug 2006
    • 63

    #1

    محاورة مجنونة حبيب وفيصل الرياحي

    السلام عليكم
    هذي محاورة قريتها في منتديات الندواي وهي من اقوى محاورات ابو فيصل والرياحي فيصل :

    فــيــصـــل الــريــاحـــي
    سلام ياهل الديـار اللـي عليهـا سـلام حامينها أهل السيوف الحـدب حامينهـا
    الليلـه الملعبـه ماتعـتـرف بالنـظـام وليا حضرنـا تبـى ترجـح موازينهـا
    حــبــيـــب الــعــازمـــي
    يامرحبا يارجال(ن) من ديـار(ن) كـلام يازينهـا فـي ليـال الصيـف يازينهـا
    الليلـه الملعبـه تحتـاج ربـط الحـزام وليـا وقفنـا نبـى نخـزي شياطينهـا
    فــيــصـــل الــريــاحـــي
    اليا خلطت السوالف من حـلال وحـرام لكلمـه الثانـيـه عـنـدي براهينـهـا
    ياحبيب اليوم خلك شعرة(ن) فـي سنـام والبـدو تلقـاك لاشــدت بعارينـهـا
    حــبــيـــب الــعــازمـــي
    أن جنبت في اللحم وأن وافقت في العضام والكلمـه الثانيـه تاصلـك فـي حينهـا
    ماني بشعره أناخصمـك قطـوع العـرام وان زاد جن البقـوم أحشـر مجانينهـا
    فــيــصـــل الــريــاحـــي
    أن وقعت في الصخر وان وقعت في العدام حنا سيـوف المعـارك وأنـت سكينهـا
    الله ربـي وربـك يامـطـوع جـهـام تسجد علـى الأرض لاثـارت براكينهـا
    حــبــيـــب الــعــازمـــي
    لو مامعي غير سكيـن ومطـرق بشـام أخذ سيوف أكثر البقمـى مـن يدينهـا (ههههه)
    الله رب الجميـع وصاحـبـي مـايـلام هجـت ذلولـه تلـوى فـي كراعينهـا
    فــيــصـــل الــريــاحـــي
    كم عالم(ن) يحلمون ويشمتـون الحـلام مـاردك عـن البقـوم ألا سلاطينـهـا
    ترا هذيك الهنـوف أم الذهـب والزمـام ماعدك ألا قذاة(ن) فـي طـرف عينهـا
    حــبــيـــب الــعــازمـــي
    وين السلاطين يوم(ن) الشجـاري خيـام هي بيـض مـن طبعهـا ولا مكسينهـا (هههه) وأنته بعد في حدا الخديـن دقـت وشـام لله يعينـك عـلـى الأيــام ويعينـهـا
    فــيــصـــل الــريــاحـــي
    شهد لنا بخيت يوم الهوش تحت العسـام ماهـي بكذبـه مـع العبلـه مسوينهـا
    عاملتهـا بالوفـا والطيـب والأحتـرام وأنته تجمـع علـى الخبـزه وراعينهـا
    حــبــيـــب الــعــازمـــي
    شهـادة طيبـه لاهـل الهـوا والغـرام قصيدتـن كـل خـلـق الله مغنينـهـا
    ياصحابنا لايزيـد الطـق فـوق اللحـام أنـتـم مغدينـهـا حـنـا معشينـهـا
    فــيــصـــل الــريــاحـــي
    أنتم كما الزرع ياعتيبه وحنـا الصـرام لأرض مـاعـاد تحمـاكـم ميادينـهـا
    ياشاعرن في الملاعب لبسـوك الوسـام ضيعت في الليـل عشرتهـا وعشرينهـا
    حــبــيـــب الــعــازمـــي
    كلمتك هـذي ماتنقـص للنشامـا مقـام ياللـي تهـدد عتيبـه وينـك ووينهـا
    يالشاعر اللي نبتلك مثـل ريـش النعـام ماصالـحـن للبـقـوم ألا دكاكيـنـهـا
    فــيــصـــل الــريــاحـــي
    ندخل على الله ترانـا مانسـب الكـرام أقوللـي سالـفـه مـاهـم بناسينـهـا
    من يوم ركبت طوقن مثل طـوق الحمـام حتى أم ضرفين جادينـك علـى دينهـا
    حــبــيـــب الــعــازمـــي
    السـب مالـه مجـال ولايفـك الزحـام وأن جبتلـك سالفـه ميعـادك دوينهـا
    مايختلف هالرياحـي منتفـخ كـل عـام كـن أم ضرفيـن غاذيتـه بضرفينـهـا
    فــيــصـــل الــريــاحـــي
    مزكـوم ياصاحبـي واعديتنـي بالزكـام دينـت بنـت الحـلال ولا قضـا دينهـا
    سبحان من حط جسمك مثل عود الثمـام كنـك مـن أفريقيـا وأحـد مساكينهـا
    حــبــيـــب الــعــازمـــي

    خلـه لعلـه عساكـم كلـكـم للهيــام العافيـه صــح منـتـم مستحقينـهـا
    وزن الخشب طن ولا الماس كيلو جـرام حمـر الفلسطيـن نكبتهـا فلسطينـهـا (هههههههههه)
    تم التعديل الأخير بواسطة بدر المر؛ 01-Sep-2007, 10:16 PM.
  • مشاري الحبردي
    ذيـب الـهـيـلا
    • Aug 2006
    • 4888

    #2
    وين السلاطين يوم(ن) الشجـاري خيـام هي بيـض مـن طبعهـا ولا مكسينهـا

    لا هنت

    وصح لسانك

    تعليق

    • ابو براك

      رابطة محبي الهيلا

      • Feb 2006
      • 1587

      #3
      مشكور على المحاوره ولاهنت

      تعليق

      • فهد العصيمي ss
        شـــاعــر
        • Dec 2006
        • 201

        #4
        مكسينها الله عليك يابو فيصل سريت الرياحي

        تعليق

        • أسامة العتيبي
          عضو ماسي
          • Apr 2007
          • 424

          #5
          مشكور على المحاوره ولاهنت

          تعليق

          • العفريت
            عضو ماسي
            • Jun 2006
            • 873

            #6
            مشكور على المحاورة والله لايهينك يالذيب

            تعليق

            • ابن مرغي
              عضو نشيط
              • Sep 2007
              • 48

              #7
              اللة يعافيك يالغالي

              تعليق

              • ابو محمد المقاطي
                موقوف لمخالفة الأنظمة
                • Aug 2007
                • 39

                #8
                حــبــيـــب الــعــازمـــي
                كلمتك هـذي ماتنقـص للنشامـا مقـام ياللـي تهـدد عتيبـه وينـك ووينهـا

                كلمتك هـذي ماتنقـص للنشامـا مقـام ياللـي تهـدد عتيبـه وينـك ووينهـا


                كلمتك هـذي ماتنقـص للنشامـا مقـام ياللـي تهـدد عتيبـه وينـك ووينهـا

                الله الله الله

                كفوا كفوا كفوا والله هذا الكلام ولا بلاش

                سلم الله يد الناقل وصح لسان ااالشعار

                تعليق

                • سلطان السليفي
                  عضو فضي
                  • Jul 2005
                  • 204

                  #9
                  مشكور يا بدر

                  والله يا ابو فيصل حبيب بدع في الرياحي

                  علمن ان الرياحي كان متغطرس

                  لاكن حبيب كرهه في شي اسمه قلطه


                  والي يعرف محاورة حبيب معه في قصر الخالديه بحضور مطلق


                  اول محاوره بينهم يو م سراه ابو فيصل


                  عيه تحسب الناس مثلك كلهم عيات

                  تعليق

                  • الدعجاني 000
                    عضو ماسي
                    • Feb 2007
                    • 602

                    #10
                    بدر المر

                    بيض الله وجهك

                    ولاهنت على النقل يالذيب

                    تعليق

                    • ابو شرف
                      عضو ماسي
                      • Jun 2007
                      • 806

                      #11
                      مشكور وماقصرت والله يطول في عمر العلم العازمي..

                      تعليق

                      • احمد الملاح
                        عضو فضي
                        • Sep 2007
                        • 209

                        #12
                        بيض الله وجهك اخوي بدر وصح لسان الشعار

                        تعليق

                        • عبدالله الجـــذع
                          مشرف منتدى قصه وقصيده
                          • Sep 2007
                          • 8093

                          #13
                          يابعد قلبي ياأبو فيـــصل ...


                          الله يخليـــه ويطول في عمـــره...




                          مشكور على المحاوره الرائعـــه..


                          عبد الله الجــــذع...
                          قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


                          .
                          قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
                          فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

                          .

                          موقع يضم جميع القراء


                          هنا

                          تعليق

                          • محمد الفقيه
                            عضو نشيط
                            • Jun 2007
                            • 60

                            #14
                            مشكوور وبيض الله زجهك عالمحاوره

                            تعليق

                            • _الثبيتي_
                              عضو فضي
                              • Aug 2006
                              • 235

                              #15
                              لاهنت على المحاوره الطيبه وصح لسان حبيب , والرياحي
                              والابداع متواصل يابوفيصل كل ماكبرت كل ما زاد البحر اطال الله عمرك يالبحـــر

                              لو مامعي غير سكيـن ومطـرق بشـام أخذ سيوف أكثر البقمـى مـن يدينهـا (ههههههه)
                              الله رب الجميـع وصاحـبـي مـايـلام هجـت ذلولـه تلـوى فـي كراعينهـا

                              تعليق

                              العمل...