محاورة بين الشيخ عائض القرني وتركي 2000

طي
X
 
  • التوقيت
  • إظهار
مسح الكل
المشاركات الجديدة
  • شهري النماص
    عضو
    • Aug 2007
    • 26

    #1

    محاورة بين الشيخ عائض القرني وتركي 2000

    تركي2000
    سلام يارمز الادب والدين وبحور القصيد
    ياللي بنيت امجاد وصروحا ماتمحاها السنين
    انت بزمنا اكبر عطايا وقتنا واغلى الرصيد
    ولااقول غير الله يخليكم ذخرللمسلمين



    عائض القرني
    اهلا هلا بالشاعر المقدام والشهم الرشيد
    في حضرتك ننثر سنابل كادها والياسمين
    الياذكر تركي ذكرنا قصه القول المفيد
    اقطف زهور الورد من شعره على مر السنين




    تركي2000
    الله يبارك فيك ياللي كلما زادوا تزيد
    وتبني من الاشعار ماتذهل عقول السامعين
    النار فاتح بابها والموت في حبل الوريد
    لكن متى تصحى قلوب الغافلين النايمين




    عائض القرني
    ذكرتني بالنابغه والبحتري وابن العميد
    مجالس المامون في بغداد وايام الامين
    معاويه نمدح علومه مير مانمدح يزيد
    وش لون نمدح من توهق حيل في قتل الحسين




    تركي2000
    هذي شهاده والشهاده منك يادكتور عيد
    نبي تعلقها على جدار الزمن للتابعين
    احدا بها الدنيا شقى واحدا بها الدنيا سعيد
    تمر دورات الزمن والعاقبه للمتقين



    عائض القرني
    ابي ارسل الاشواق لكن كيف يحملها البريد
    احسن نوصلها وليله عيد شوق الطيبين
    ارجوك خبر كل مخذول وشيطان مريد
    قبر الغزاه ديارنا وحنا عيال الفاتحين


    تركي2000
    ضاعت حلول المشكله ياشيخنا مابه جديد
    الاغرور اهل اليسار وصمت اصحاب اليمين
    مدري نقول لما مضى من وقتنا ليته يعيد
    والاعليك نهل كل الدمع يابدر وحنين



    عائض القرني
    الياس ذنب وعندنا احفاد المثنى والوليد
    والشبل من ذاك الاسد وارض الوطن كله عرين
    من يعتصم بالله ربه عاش في عمره سعيد
    يبشر بحفظ الله له ويكون في حصن حصين



    تركي2000
    حنا بلشنا بالقريب اللي عرض دون البعيد
    ياصعبها لاحولت مابين خشم وبين عين
    الجرح مبطي مابرى والصبر ذاب مع الجليد
    ولااقول غيرالله يعين القانتين الصابرين



    عائض القرني
    حنا تعودنا على طحن الحجاره والحديد
    ولانخاف الموت لنا للجنان مسافرين
    عدونا والله مايحميه زيد ولاعبيد
    على جماجمهم نشيد مجدنا الباهي المتين

    ارجو ان تحوز على رضاكم


    وإن شاء الله تشوفون المزيد

    وتقبلوا تحيااااااااااااتي
  • طيب الصيت
    عضو
    • Aug 2007
    • 2

    #2
    الله يعطيك العافيه على نقل مثل هذه المحاورات القيمه


    صح الله لساانهم كلهم شعاار متميزين








    تقبل احترامي وتقديري

    تعليق

    • مخلف الهقاوي
      عضو ماسي
      • Apr 2007
      • 667

      #3
      مشكووور اخوي على النقل الجميل

      لكن هالمحاوره وين صارت فيه؟

      تعليق

      • شهري النماص
        عضو
        • Aug 2007
        • 26

        #4
        الله يسلمكم ومشكورين على المرور
        وتبغى الصراحة والله ما أدري أخوي مخلف الهقاوي
        وين صايرة المحاورة بالضبط
        وسلمت والسامعين

        تعليق

        • ولد الروقه
          موقوف لمخالفة الأنظمة
          • Jun 2007
          • 255

          #5
          محاوره طيبه
          اخس يتريكي صيرن مطوع مدرا انه اكبر سربوت

          يحلالا ابووووووو صاهد

          تعليق

          • البدوووي
            عضو نشيط
            • Jun 2007
            • 55

            #6
            تم النشر في الأصل بواسطة ولد الروقه عرض المشاركة
            محاوره طيبه
            اخس يتريكي صيرن مطوع مدرا انه اكبر سربوت

            يحلالا ابووووووو صاهد


            ولد الروقه

            الله يسامحك بعض الكلام مايجوز وان اخوك

            وتركي وابو صاهد

            كلهم عيال حموله طيبه ونعم فيهم

            لاكن بعض الكلام مايجوز

            وانت تحمل اسم روق كلها

            وهذا شي كبير

            يعني تمثل الروقه عامه

            ولابد ان مايطلع منك مثل هالكلام


            وارجو ان اكون وفقت في التوضيح

            تعليق

            العمل...