حداة مطير عند الثعلي بمناسبة شفاء حبيب العازمي ورد شبيب الزراقي

طي
X
 
  • التوقيت
  • إظهار
مسح الكل
المشاركات الجديدة
  • ابراهيم الزراقي
    شـــاعــر
    • Nov 2006
    • 1370

    #1

    حداة مطير عند الثعلي بمناسبة شفاء حبيب العازمي ورد شبيب الزراقي

    هذي حداة مطير عندما اتوا في حفل خالد الثعلي الي سواه للشاعر الكبير حبيب العازمي ورد على هذه الحداه الشاعر الكبير شبيب الزراقي لانه كان معزوم ذيك الليله وشبيب الزراقي احد افضل الشعراء في شعرالمحاوره والحدا وهو يميل للحدا كثيرا ويبدع




    حداه قبيلة مطير على العتبان في حفل خالد الثعلي بمناسبة شفاء الشاعر حبيب العازمي

    الاوله

    سلام واليمنى تصافح من يمينه مدها
    والشـكر لـلي نـعمتـه ابـن ادم عـدها
    لبـس حـبيب مـن ثـياب العافية في جدها
    يالله عسـاها دائـمة الشـر يقـفي مـايعود

    الثانيه

    حنا مطير وكل عـزوه تعتزي في جدها
    حمر النواظر في إلقاء يوم العيون نـلدها
    جينا مزبـنه الدخـيل اليا ادرق في سـدها
    حضرة عتيبة يشهد التاريخ والعالم شهود

    الثالثه

    وباقي القبايل كلـها كيد الحـريب لضدها
    بمسلبن ترجـم متـاريـس العـدى وتهـدها
    نمشي وراء شيخ ملك طيب القلوب ودها
    هذاك عبدا لله ولـد عبدا لعزيز ابن سعود

    ردا لشاعر شبيب الزراقي على حداه قبيلة مطير


    الاوله

    يـامـرحـبا والـي يـمد يداه يـأخذ ردهـا
    والشـكر لـله والـليـالي دايـره لابـدهـا
    تـرى السـلامة للرجال الغانمين نودها
    الله يطول عمر ابوفيصل ويبقي في الوجود

    والثانيه

    انتم مطير ونعم في وقت اللزوم وقدها
    وحنا عتيبة كل قـوم نضـدها ونصـدها
    نـوقـف الاخـصام عنـا مـاتـعدا حــدهـا
    وانتم وحنا فعلنا معروف من عهد الجدود

    الثالثه

    والطيب لأهل الطيب في لين الليال وشدها
    كل القبـايل يخلـق اللـه في القبايل نــدها
    اللـه يـعز الحـكم وعيـون الحسـود يسـدها
    والشيخ حنا فزعته والعود في عين الحسود

    والله ابالردود
    تم التعديل الأخير بواسطة ابراهيم الزراقي؛ 06-Aug-2007, 09:24 AM.
  • ابوبجاد الرويس
    عضو مميز
    • Feb 2006
    • 4205

    #2
    مشكور اخوي الزراقي

    والله يعطيك العافيه

    ولاهنت على الحدايـه ,,,,,,,,,,,,,,,,,,

    تعليق

    • الـــقـــرم
      عضو ماسي
      • Nov 2006
      • 568

      #3
      [align=center]ابــــراهـيــــــم الـــــــــــزراقـــــــــي ..

      ::
      ::
      ::

      تــسـلــم والله عـلـى هــالـحـدايــه ،،،،،، وصـح لـسـان شـبيب الـزراقـي

      ::
      ::
      ::
      جــزلــه لأبـعـد الـحـدود كـعـادتـك فـي الأخـتـيـار دائمـــــاً

      ::
      ::
      ::

      [ تــــقـبـــل مـــودتـــي وتــقـديـــري .../ الـــقـــرم ]
      [/align]

      تعليق

      • ابراهيم الزراقي
        شـــاعــر
        • Nov 2006
        • 1370

        #4
        ابو بجاد الرويس مشكور على مرورك ولاهنت يالذيب

        القرم الله يبارك فيك وشاكر لك اهتمامك

        تعليق

        • الدعجاني 000
          عضو ماسي
          • Feb 2007
          • 602

          #5
          مشكور اخوي الزراقي

          والله يعطيك العافيه

          لاهنت يالغالي

          تعليق

          • محمد الزايدي

            رابطة محبي الهيلا

            • Mar 2007
            • 1388

            #6
            الله يعطيك العافيه


            ولاهنت على الموضوع

            تعليق

            العمل...