حبيب العازمي ينضم إلى طالبان؟؟؟

طي
X
 
  • التوقيت
  • إظهار
مسح الكل
المشاركات الجديدة
  • ابن بريم المقاطي

    رابطة محبي الهيلا

    • May 2007
    • 1738

    #1

    حبيب العازمي ينضم إلى طالبان؟؟؟

    عنوان للأثاره لأ اكثر...


    اخواني اخواتي

    اعضاء وزوار منتدى عتيبه الهيلا نت


    محاوره بين شاعرين

    رائعين

    وكلنا نعرف

    الشاعر .. حبيب العازمي

    هذا الشاعر الذي ليس بشاعر عادي انما شاعر ارتقى بشعر المحاوره وأوصلها إلى اعلا قممها

    شاعر من نجوم الساحه كان ولا يزال من أروع الشعراء اذا لم يكن الاوحد

    وشاعرنا الاخر الشاعر الرائع والخلوق صاحب الجزاله شاعر ديوان العرب / ملفي الشلاحي

    الذي شهد له شعراء اعلام امثال .. رشيد الزلامي وسلطان الهاجري وحبيب العازمي وعبدالله العير الله يرحمه وكثر..

    قد يكون منقطع في السنوات الاخيره .. ولكن اتمنى ان يعود .

    محاورة شعرية بين كل من الشاعر / حبيب العازمي والشاعر ملفي الشلاحي

    اتمنى تعجبكم :


    ملفي الشلاحي :

    هلا يامرحبا والفرح نورٍ على نور = عسى ربي يديم الفرح والعيد أعاده

    ألا ياحبيب العازمي ماجور ماجور = كلامٍ واقعي كان أشاه الله وأراده



    حبيب العازمي :

    يدوم الك البقاء والفرح والبال مسرور = وعيد الفطر لو طال قابل للزيادة

    عسى ربي يجيرك وانا ماجاني عثور = لكن أقر التحيات وانطق بالشهادة




    ملفي الشلاحي :

    نبي نلعب سوى والليال أفراح واسرور = يقال انك على الشعر ماخذ لك ريادة

    ليا منك صرفت الدواء من غير دكتور = خطاك وفيك وش ذنب دكتور العيادة



    حبيب العازمي :

    تجوّد في خطام المطية واقضب الكور = ترى صاحبك ماله شداد الا شداده

    أنا اخاف الدواء ما يداوي كل مسحور = لو إنّا نربط الخزن في حلقه قلاده




    ملفي الشلاحي :

    توقع يالعتيبي بلاش تلفّ وتدور = مادام انك كذا . . وامتمركز فالقيادة

    تنشد للمطر وانت من قبل أمس ممطور = وكم من واحدٍ مات ما حقق مراده



    حبيب العازمي :

    أنا ماني بجاهل وأنا ماني بمغرور = لكن الوقت عينه مثل عين الجرادة

    مادام الأرض ممطور والشعار طابور = ليا منك تعافيت تلقى لك وسادة




    ملفي الشلاحي :

    ألا يالعازمي لو تطيع وتسمع الشور = تسمّع في كلامي وتهرج بالركاده

    ترى الشعّار طابور وانته ماسك الدور = ولن ما كفوك دوّر عتيبيٍ وناده



    حبيب العازمي :

    نصيجة طيّبة مير انا ماني بمجبور = يا ملفي ما وصلنا ليا حرب الإبادة

    كلامك مشتبه كن في شعارنا قصور = وهذي غلطةٍ طارية مدري قرادة




    ملفي الشلاحي :

    تنومس بالشجاعة لو ان الوضع مخبور = تروح لطالبان وتشارك في جهاده

    نقول ادخل مع الباب لا تطمر مع السور = قرادة منك يوم القرادة فيك عاده




    حبيب العازمي :

    ليا شاركت في نصر مسلم سعي مشكور = ولكن المريكي لابو ملحه وزاده

    بغينا ندخل البيت واليا البيت مهجور = وراع البيت ابو شوشةٍ مثل العرادة




    ملفي الشلاحي :

    ترى ما كل من يرفع الرايات منصور = تعاند واحدٍ فالزمن صعبٍ عناده

    دخلت البيت يالعازمي والبيت معمور = وكل من هذا الدار ناره من زناده



    حبيب العازمي :

    ترى من حارب الكفر يدخل جنة الحور = ولابه كافرٍ له على مسلم سياده


    ــــــــــــــــــــــــــــــــــــــــــــــــــ ــــــــــــــــــــ.........

    اتمنى ان تلقى الاستحسان

    وعذراً اذا كان نقلي به قصور

    تحياتي للجميع..
    تم التعديل الأخير بواسطة ابن بريم المقاطي؛ 09-Jun-2007, 10:43 PM.
  • مرزوق حمدان العتيبي
    مشـرف عام
    • Nov 2003
    • 20403

    #2
    ..
    .
    بيض الله وجهك على نقل هذه المحاوره الرائعه
    .....
    [align=center]
    [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
    حط حبه في كياني ماتغيّره السنيني = وانثني من دون عرضه بالذراع وباللساني[/poem]







    @Marzouq_MHD
    [/align]

    تعليق

    • fahad8088

      رابطة محبي الهيلا

      • Oct 2006
      • 1742

      #3
      والله الموضوع مثير
      لكن لو كتبت الشاعر حبيب كان دخلنا طوالي لأنه شاعر يستاهل البحث
      عن جديده وقديمه.
      وعموما مشكور على النقل

      تعليق

      • ابن بريم المقاطي

        رابطة محبي الهيلا

        • May 2007
        • 1738

        #4
        اخوي مرزوق وفهد أألف شكر على الرد والمرور

        تعليق

        • فالح الكرنافـ
          عضو ذهبي
          • May 2007
          • 359

          #5
          مشكور على المحاورهـ

          وبيضـ اللهـ وجهكـ ياذيبـ

          واللهـ يعطيكـ العافيهـ

          ونتظر جديدكـ

          تحياتيـ لكـ

          تعليق

          • ابوبجاد الرويس
            عضو مميز
            • Feb 2006
            • 4205

            #6
            مشكور

            ويعيطك العافيه يابن بريم على االمحاوره

            تعليق

            • ابن بريم المقاطي

              رابطة محبي الهيلا

              • May 2007
              • 1738

              #7
              لا هنت يا فالح ولاىهنت يا ابو بجااد على الرد والمرور

              تعليق

              • عبدالله الغامدي
                عضو نشيط
                • May 2007
                • 64

                #8
                بيض الله وجهك على هل المحاوره

                والله يعطيك العافية

                تعليق

                • صعوط المجانيين
                  عضو ماسي
                  • May 2007
                  • 560

                  #9
                  صح السان الشعار

                  وتسلم يمينك

                  تعليق

                  • دكتور العضيان
                    عضو نشيط
                    • Jun 2007
                    • 61

                    #10
                    ونعم في الشعار وشكرا على المجهود

                    تعليق

                    • سعد الحارثي
                      عضو مميز
                      • Aug 2006
                      • 761

                      #11
                      مشكور على المحاورة الرائعة 000

                      ومثل ما قال أخوي فهد وجود اسم حبيب كافي لأن الأعضاء يقرأون الموضوع 0

                      تعليق

                      • محمد الزايدي

                        رابطة محبي الهيلا

                        • Mar 2007
                        • 1388

                        #12
                        صح لسان الشعار

                        وتسلم يمناك

                        تعليق

                        العمل...