الشاعر رشيد الزلامي والشاعر عبدالله العير

طي
X
 
  • التوقيت
  • إظهار
مسح الكل
المشاركات الجديدة
  • صعوط المجانيين
    عضو ماسي
    • May 2007
    • 560

    #1

    الشاعر رشيد الزلامي والشاعر عبدالله العير

    بسم الله الرحمن الرحيم

    اقدم لكم محاوره جميله دارت بين المرحوم/ عبدالله بن عبيد العضيله والشاعر رشيد الزلامي
    اتمنى ان تحوز على اعجابكم .
    عبدالله العير :
    سلام يا اصحابنا اللي جيتهم بالوعد=وانا لياجتني الدعوات لبيتها
    اصفى سما نجد لابارق ولامن رعد=وانا لمحت المزن ورعودها اوحيتها
    رشيد الزلامي :
    الله يحييك ترحيبٍ بليا عدد=قدمك رجالٍ ترحبك ليا جيتها
    بس المصيبه تجيهم وانت مامعك احد=قامت بك الارض واشتغلت عفاريتها
    عبدالله العير:
    البارحه يارشيد وليت الاول بعد=وشلون حال الجماعه يوم مريتها
    حنّا طراقي ولاحنّا من اهل البلد=لكن دعوتك هذي تعرف بويتها
    رشيد الزلامي :
    ان كان تنشد جماعتنا بحال السعد=ومطير ماهي على الدرب وتعديتها
    وش رايكم في عجوز بليس جابت ولد=واليا اسر الله ضحكتك وبكيتها
    عبدالله العير :
    الله ولا النشده اللي تاليتها نكد=وشلون موجتك للمطران فريتها
    اللي عطتك البريره وانت وسط المهد=قالوا لي انك بعد شيّبت جازيتها
    رشيد الزلامي :
    الله يعلم رشيد وقصده اللي قصد=مطير من قبل جيراني وحبيتها
    لاتحفر المقبره يطبق عليك اللحد=واللي عطتني البريره جيت وارضيتها
    عبدالله العير:
    الليله انته بعيرٍ تنتظم وتهبد=ماتنتثنّى يدينك مير ثنيتها
    اللي عطتك البريره حظها منقرد=عرضتها لاهب الكنّه وخليتها
    رشيد الزلامي :
    الموج اشوفه طفح والبحر جاله زبد=لكنّ ذيك البضاعه وين وديتها
    فزعتك عشرين واللي طاح واللي قعد=وخمخمتها في ظلام الليل واخطيتها
    عبدالله العير :
    حطيتها في بيوتٍ جودت بالعمد=وانته تباها لكنّك ماتحليتها
    الله يعذبك كيف اشغلتني بالنشد=عن حرجةٍ تطلب الميته وذكيتها
    رشيد الزلامي :
    اقول سبحانك الخلاق فردٍ صمد=عيون فتحتها وعيونٍ اعميتها
    يالعير دم الخواجه ماع مدري جمد=وارد عراوي دخل ماها على زيتها
    عبدالله العير :
    الله ليا راد له حاجه بليا جهد=حرّم عليك الزقاره وانت كنيتها
    ماعاد عند الخواجه دم كله نفد=اتعبت رجلك على دربه وعنيتها





    (( للأمانـــه منقــــــول))
  • ذيب الشمري
    موقوف لمخالفة الأنظمة
    • Dec 2006
    • 187

    #2
    الف شكر على النقل .....



    الله الله يا عبدالله العير رحمك الله ...

    عبدالله العير :
    الله ولا النشده اللي تاليتها نكد=وشلون موجتك للمطران فريتها
    اللي عطتك البريره وانت وسط المهد=قالوا لي انك بعد شيّبت جازيتها

    تعليق

    • كاتم الاسرار
      عضو نشيط
      • Apr 2007
      • 50

      #3
      لاهنت على النقل

      الله الله يا رشيد الزلامي

      الله يعلم رشيد وقصده اللي قصد مطير من قبل جيراني وحبيتها


      لاتحفر المقبره يطبق عليك اللحد واللي عطتني البريره جيت وارضيتها

      تعليق

      • ابوبجاد الرويس
        عضو مميز
        • Feb 2006
        • 4205

        #4
        الله الله يارشيد

        مشكور اخوي ولاهنت على النقل

        وتقبل مروري يالغالي

        تعليق

        • صعوط المجانيين
          عضو ماسي
          • May 2007
          • 560

          #5
          مرحبا مليون
          كاتم الاسرار
          ابوبجاد الرويس
          ذيب الشمري
          اسعدني مروركم

          تعليق

          • الهاوي990
            عضو نشيط
            • Jan 2007
            • 36

            #6
            ابداع
            الله يعلم رشيد وقصده اللي قصد=مطير من قبل جيراني وحبيتها
            لاتحفر المقبره يطبق عليك اللحد=واللي عطتني البريره جيت وارضيتها

            مشكوووووور على النقل

            تعليق

            • صعوط المجانيين
              عضو ماسي
              • May 2007
              • 560

              #7
              الهاوي الله يحييك
              اسعدني مرورك

              تعليق

              العمل...