من منتدى تعاليل

طي
X
 
  • التوقيت
  • إظهار
مسح الكل
المشاركات الجديدة
  • سعود العصيمي
    شــــاعــر
    • Sep 2006
    • 6539

    #1

    من منتدى تعاليل

    حبيت انقل لكم هذه المحاورة يااعضاء منتدانا الغالي التي كانت بتاريخ 9/4/1428


    مقعد





    يالعصيمي بعد ماشفتك على الصفحه تنادي
    استوى الطاروق واحسب للجديده والقديمه
    انت تال الوقت تشعبها بلا خرج وشدادي
    مايتوب اللي سواتك لين ياخذلـه قسيمـه





    سعود





    العصيمي جاك واليا جاك جاك النور بادي
    شد حيلك واسر ليلك لاظلام ولا ظليمـه
    والله اني فالمواقف بالوفاء يقدح زنـادي
    مار هات العلم هاته لين ندري بالوسيمه





    مقعد





    والله أني ماتسمع فالهـروج وفالـدوادي
    وانت كف الرجل قبل ينوشها داب الهشيمه
    بين زرقات الرماح وبين سلات الهنـادي
    جايزه ذبحتك بس تردني حشمـة حليمـه





    سعود





    ماتتوب الكافره عن دينها حسب اعتقـادي
    لين اريّع راسها باخطامهـا مثـل البهيمـه
    لن بغيتوها صباح ولـن بغيتوهـا هجـادي
    يضربك قرناس فوق الراس واتروح بهزيمه





    مقعد





    خابرٍٍ نارك تولع وآخر الدعـوى رمـادي
    وانت ابو يمناً قصيره وانت ابو عينٍ كريمه
    عندكم دعواً خفيه والوضع ماهوب عـادي
    الاشاره كافيه حاول تـذب مـع الخريمـه





    سعود





    الحرار الشقر يامقعد تصيد ولا تصـادي
    وانت كل الناس تدري عنك ماجبت الغنيمه
    خابرٍ نيتـك لوبيضتهـا فيهـا سـوادي
    لاتقول اني سليـم ونيتـي دايـم سليمـه






    مقعد





    الله اكبر كـم حـراراً ماتفيـدك فالهـدادي
    والله اكبر كم حصـانٍ كاربينـه بالشكيمـه
    طافت وعدت وراحت قبل هـز الاقتصـادي
    وانت وش محرمك تالي الوقت يامال الحريمه






    سعود





    انت لو نركبك يامقعد على ظهر الجـوادي
    بالرمح والسيف ما سويت لاخصامك جريمه
    ثروة البترول خير للبلـد واهـل البـلادي
    والعصيمي للغريمي خصم وفعوله عظيمـه






    مقعد





    العقيمه يالعصيمي ماهي بغاية مـرادي
    قد خطبناها شبب وانته تدورها عقيمـه
    ماطلبتك عون والارزاق من رب العبادي
    ماترجيتك ولاتعـزم ولابغالـك عزيمـه





    سعود





    ان خطبتوها وجبتوها قضاء والامر عـادي
    كل رجل لـه مقـام وكـل طقـه بتعليمـه
    انت تجحدني وانا مشبعك من شربي وزادي
    مار انا مااريد غير الاجر من رزق اليتيمه





    مقعد






    الغشيم اللي يقول الضل من تحت العرادي
    والعصيمي جاه موته ياعتابه من بريمـه
    الصراحه ماوراكم غير تفريـك الايـادي
    وابك حنا اللي وقفنا واحتمينا شداد ريمه





    سعود





    من مشى فالدرب بالاقدام وهـوه امتحـادي
    مايحصّل عندنا ياكـود طقـه فـي بصيمـه
    السحاب اليااستهل وهـل سيّـل كـل وادي
    جاك عقب الديم سيل وجاك عقب السيل ديمه





    مقعد





    المكان اللي وصلته حسب جهدي واجتهادي
    واحمد الله والسعد ذعذع على دربي نسيمه
    كل طقه بتعليمه كـل زرعٍ لـه حصـادي
    ازرعوها واحصدوها مادرى عنك البهيمـه





    سعود





    انت حاسد مانت فاسد والحسد والا الفسـادي
    كلبوها شر مـار الحسـد عاقبتـه وخيمـه
    البعير اللـي سواتـك لايسـاق ولا يقـادي
    ابغض النفس البغيضه واحشم النفس الحشيمه






    مقعد





    حاول انك تحترف واسجلك في وسط نادي
    زال منتب محترف مالك قبول ولاش قيمه
    الخطايا مايطول عمرهـا غيـر التمـادي
    قصروها طولهـا يالشياطيـن الرجيمـه






    سعود





    عقب درستك وعلمتك تحاول فانتقادي
    وانت دايم ماتشب النار يابرطم شريمه
    باقين لك دورة وحده بناد الاتحـادي
    عقبها معاد لك فرصه توظف يالهليمه






    مقعد





    أنت شاعر بس هايم كل ليله وسط وادي
    ماتطيب الا بصبخه يالعصيمي مع عزيمه
    الجمل ياسعود ماهمه نبانيش القـرادي
    والله محمد رسوله واعتقد موسى كليمه





    سعود





    لو سألتك عن رجوعك وش جوابك المهادي
    مابلاك الا حقاق الوبل مـن نـو المغيمـه
    ياعواريف الرجال وياهل الراي السـدادي
    احكموها حكم حق وكل رجل والـه شيمـه
    [poem= font="traditional arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.

    ماني على قربه شفي والاّ على بعده شفوح = الله خلقني مااعترض من صد من كل الملا.[/poem]
  • السميــــــري
    مشرف سابق
    • Jan 2006
    • 2524

    #2


    ..

    صح لسانك ياسعووود .. يسلم فكرك على هذا الابدااع ..
    وش اقووول وش اخلي .. في المدااايح ..
    ..
    كذالك صح لسان الرائع .. مقعد ..
    ولاهنتم .. على هذه المحاورة العملاقة ..
    [poem=font="Simplified Arabic,5,sienna,normal,normal" bkcolor="white" bkimage="" border="solid,4,sienna" type=2 line=1 align=center use=ex num="0,black"]
    ربيت في حضن الزمانُ وتربيتْ = وأخذت لي من مرّ الأيام قرطوع
    ومن دون حدي ماغلطت وتعديتْ = ولا آطى الخطاء لو كان للناس مشروع
    وأمشي على نهج الرجال النعاتيتْ = واتعب لها لو هي كما حبةَ الكوع
    ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع[/poem]

    تعليق

    • وصل العطياني؟؟؟
      مشرف عام
      • Jul 2003
      • 3809

      #3


      يعطيك العافية ...

      وصح لسانك ولسان مقعد ...


      تحيااااااتي .
      [align=center][/align]




      [align=center][move=right]na111na@hotmail.com[/move][/align]

      تعليق

      • سعود العصيمي
        شــــاعــر
        • Sep 2006
        • 6539

        #4
        تم النشر في الأصل بواسطة السميــــــري عرض المشاركة


        ..

        صح لسانك ياسعووود .. يسلم فكرك على هذا الابدااع ..
        وش اقووول وش اخلي .. في المدااايح ..
        ..
        كذالك صح لسان الرائع .. مقعد ..
        ولاهنتم .. على هذه المحاورة العملاقة ..
        السميري


        صح بدنك وسلمت من كل شر


        مودتي لشخصك الكريم
        [poem= font="traditional arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.

        ماني على قربه شفي والاّ على بعده شفوح = الله خلقني مااعترض من صد من كل الملا.[/poem]

        تعليق

        • سعود العصيمي
          شــــاعــر
          • Sep 2006
          • 6539

          #5
          تم النشر في الأصل بواسطة وصل العطياني؟؟؟ عرض المشاركة


          يعطيك العافية ...

          وصح لسانك ولسان مقعد ...


          تحيااااااتي .
          وصل العطياني

          صح بدنك ولك مودتي وتقديري
          [poem= font="traditional arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.

          ماني على قربه شفي والاّ على بعده شفوح = الله خلقني مااعترض من صد من كل الملا.[/poem]

          تعليق

          العمل...