قضية الإرهاب .... في محاورة بين حبيب العازمي وراشد السحيمي

طي
X
 
  • التوقيت
  • إظهار
مسح الكل
المشاركات الجديدة
  • سهم الروقه

    #1

    قضية الإرهاب .... في محاورة بين حبيب العازمي وراشد السحيمي

    هذه المحاورة جرت في بيت المدينة المنورة في الجنادرية وتناول بها الشاعرين قضية الإرهاب بكل اقتدار :






    [poem=font="Simplified Arabic,4,white,bold,italic" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
    حــــــبــــــيـــــــب =
    مرحبا ترحيبة الاسـلام فـي بيـت المدينـة=الذي شيد على ارض العاصمة للـي يـزوره
    يابلادي دام عزك في رخـا وامـن وسكينـه=في ذرى الله ثم ذرى حكم الملوك اخوان نوره

    راشــــــــــــــــــــد =

    البقا ووجودكـم ووجودنـا فرصـه ثمينـه=فالمحل اللي منـور ليلينـا مـن زود نـوره
    يابلادي دام زك فـي ذرى اليمنـى الأمينـة=البلاد اللي بشرع الله علـى العـز امعمـوره

    حــــــبــــــيـــــــب =
    دايم المسلم معه غيره على عرضـه ودينـه=والمخالف كل مايبحث عنه تشويـه صـورة
    وانت ياراشد مسافر فالبحـر فـوق السفينـه=والمسافر بآخر الرحلة يعبـر عـن شعـوره

    راشـــــــــــــــــــد =

    واحـد ماهـو غيـور لدينـه الله لايعيـنـه=ليه نخطي والشريعة واضحة والأمر شـوره
    السفينـة مابهـا إلا الكبتـن اللـي فالكبينـة=جايز انا ناصلـة ونكلمـه عنـد الضـرورة

    حــــــبــــــيـــــــب =

    الخطا وارد لاكن من القريـب اكبـر غبينـة=مير مال الشر طب الا اجتثاثه مـن جـذوره
    خلها بيني وبينـك والخطـر بينـك وبينـه=سور واقي يحمي المخطور من شر الخطورة

    راشــــــــــــــــــــد =
    ياحبيب يمكن الواحـد يشكـك فـي قرينـه=والصحيح الشمس كوكب ثابته والأرض كوره
    من يقول انه ليا مرض الجمل يكوى سنينـه=يلتمس له عذر مير النفس ماهـي بمعـذورة

    حــــــبــــــيـــــــب =

    الرجال ارجال ثم جبال وحصـون حصينـة=والزمن ياكثر فضله والدهر ياكثـر جـوره
    علمـوا راشـد يوضـح دوره الله لايهينـه=الشجيع اللي يحسـم المعركـة والـدور دوره

    راشـــــــــــــــــــد =

    كم باقي عن طلوع الشعـرة اللـي فالعجينـة=شعرة لو خمها واحد غلـط نشبـت بـزوره

    دورنا دور الولا والصدق في وقتـه وحينـه=ماتقوله في غياب الرجل قوله في حضـوره [/poem]
    للأمانه منقول
  • محارب الزله
    عضو فعال
    • Jan 2007
    • 110

    #2
    محاوره طيبه

    ياسهم وصح الله السان شعارهاا

    وبيض الله وجهك على النقل

    تعليق

    • سهم الروقه

      #3
      وجهك ابيض يامحارب الزله ولا هنت

      تعليق

      • الفراهيدي
        مشرف سابق
        • Jan 2005
        • 3188

        #4
        الله يعطيك العافية

        ياسهم الروقة

        والله لا يحرمنا منك ومن مواضيعك الجميلة

        وبيض الله وجهك على النقل


        AL-frahedi@hotmail.com


        تعليق

        • زيزوم ثبيت
          عضو نشيط
          • Dec 2006
          • 62

          #5
          جعلك سالم يالروقي يالغربي يالروووقي


          يطيك العافية

          تعليق

          • سهم الروقه

            #6
            وانت سالم يازيزوم ثيبت اشكرك على مرورك

            تعليق

            • خلف بن مرزوق
              مشرف سابق
              • Apr 2005
              • 2765

              #7
              ...
              ..

              لاهنت ياسهم الروقي

              رااااااااااااائعة واعتدنا منك الروائع

              وصح لسان ابوفيصل وراشد

              مودتي
              .
              اهداء لاعضاء وزوار الهيلا
              777
              77
              7

              ديوان الشاعرالعملاق / رشيد الزلامي

              ديوان الشاعر الكبير / حبيّب العازمي

              al3azmi@w.cn

              تعليق

              • ابو شرف
                عضو ماسي
                • Jun 2007
                • 806

                #8
                صح لسان الشعار والله لايهينك.
                سلمت الله يعطيك العافيه..

                تعليق

                العمل...