رشيد الزلامي Xxx إبن شايق ,,, أقوى محاورة بين عتيبة وقحطان !!!!!!

طي
تم إغلاق هذا الموضوع.
X
X
 
  • التوقيت
  • إظهار
مسح الكل
المشاركات الجديدة
  • نادر العش
    عضو مميز
    • May 2006
    • 407

    #1

    رشيد الزلامي Xxx إبن شايق ,,, أقوى محاورة بين عتيبة وقحطان !!!!!!

    [align=center]..


    أسعد الله مساكم .. ياجماعة



    هذه محاورة قوية بكل ما تعني الكلمة , وكل بيت منها يجذبك للبيت الذي بعده ولن يستطيع أي شخص أن يقلل من قوتها .

    وفيها تاريخ بين عتيبة وقحطان ..


    أبدع فيها إبن شايق ودافع بقوة وكان نعم الشاعر والخصم.

    ولكن كان أمامه شاعر يجمع قوة الرد و قوة الفتل والنقض و الإستفزاز في بيت واحد ..

    وجميع شعراء عتيبة لا يدافعون عن قبيلتهم مثل دفاع هذا الشاعر عنها .. ( مع أنهم يدافعون دفاعاً قوي ) ,, هو هامور الشعراء وصنفرتهم : رشيد الزلامي .


    والمحاورات خير دليل :





    إبن شايق :

    ياماعازيب الوفاء وأنتم دعيتونـا وجينـا
    قبل مردود البرا يا زين مـردود السلامـي

    الزلامي شاعر(ن) شايب وله حق(ن) علينا
    والحقيقه كل خلـق الله يحبـون الزلامـي






    رشيد الزلامي

    مرحبـا والله يحيكـم وحنـا حاضرينـا
    وانتبه للكلمه اللي لاحـلال ولاحرامـي

    اثر في قلبك محبّه من زمـان ولادرينـا
    شوف لك واحد سنينك يتّجه بك شرق شامي






    ابن شايق :

    الرجـال الطيبين يقـدّرون الطيبينـا
    خلنا نلعب ونكسب خبرتك خمسين عامي

    لاتناظر فوق وتعـد الليالـي والسنينـا
    الحرامي يحسب كل من قابله مثله حرامي





    الزلامي

    شد حيلك وإدحـم الشعار بالجنـب المتينـا
    والهدف في راس ظلع(ن)مايصيبه كل رامي

    والله انا مالقينا صورتك في حـرب سينـا
    مير هذا الوقت جبت البندقيـه والحزامـي






    ابن شايق :
    عيّت الشاره تطيح إليـا رميتوهـا رمينـا
    الطمع بيني وبينك فالـردوف وفالسنامـي

    وأنت لك صوره على شاطي بحر هادي ومينا
    لاتلحقنـا المـلام ولانلحـقـك المـلامـي






    الزلامي :

    ودّنا يسـرون ضيفـان الكرامـه مكرمينـا
    وإن بغيت أكوي كويت و ميسمي فالنار حامي

    عقـب ذاك الوقـت أظنّـا لانبـيـك ولاتبـيـنـا
    رحت مرواح الغراب اللـي تقـفّـاه العسامـي






    ابن شايق :

    ان رضيتوا مازعلنا ون زعلتو مارضينا
    لاتخلينا نشيل الروس ونقص العظامي

    فيك ثـنـتـين(ن) سوا والثالثه وحده وفينـا
    نحمد الله ضحكت الدنيا لنا والحظ قامي






    الزلامي :

    ياعيال العود مادون الحلـوق الا اليدينـا
    مير حنا يوم شفنا العود في خشمه عرامي

    من قرارة نجد سقناكم وجـيتـو مقبلينـا
    مادرا جنب الحصاه إلا تـردّون السلامـي






    ابن شايق :

    لونعد الفعل الاول كم خذيتوا كم خذينـا
    ياحليمه جوك خلان الأشدّه والمسامـي

    يوم حولنا عليكم من يسار ومن يمينـا
    رحت من نجد العذيه يالحجازي والتهامي





    الزلامي :

    شفت ذريَّة حليمه يوم جوكم سارحينا
    إن حييت بغبنها وإن مت مانته للرّحَامي

    إن فعلتو شي في ذاك الزمان مسامحينا
    انتبه هذا كلام المعركه ماهـو كلامـي






    ابن شايق :

    دورو لشيخوكم وليـا نسيتـو مانسينـا
    انت مانته حامي(ن) بيض الحباري والنعامي

    إن خجلتو وإستحيتوا ماخجلنا وإستحينـا
    إسمحوا لي باتكلـم ياعزيزيـن المقامـي






    الزلامي :

    الصحيح إنّا نسينا مَـن حنَّـا فاقدينـا
    تاخذ الراعي وناخذ فيه حامين الجهامي

    يالله إغفر ذنبنا وإن كان حنا مسرفينـا
    والخطيه يوم عَرَّضنا القحاطين المظامي




    * *

    بقي بيتين لإبن شايق وبيت للزلامي ,, ولكن لا تحضرني حالياً .

    * *



    للملاحظة /

    بإمكان الزلامي أن يذكر أحداث كثيرة بين عتيبة وقحطان .. ولكن ماذكره في المحاورة كان كافياً لإيصال المعلومة .






    مع أطيب الأمنيات[/align]
  • مدسم الشوارب
    عضو ماسي
    • Jul 2006
    • 536

    #2
    مشكور أخوي نادر العش على المحاورة الرائعة

    تعليق

    • محمد الروقي
      شـــاعــر
      • Aug 2006
      • 1174

      #3
      بيض الله وجهك يا نادر العش




      كالعادهـ دائما متميز ومبدع



      لاهنت والله ياسنايدي ولاتحرمنا من جديدكـ



      عقـب ذاك الوقـت اظنّـا لانبيـك ولاتبنـا
      رحت مرواح الغراب اللـي تقفّـاه العسامـي








      تحيااااتي لكـ

      تعليق

      • أبو نجر النفيعي
        مشرف سابق
        • Jun 2006
        • 6683

        #4
        [align=center],,,,,,

        ,,
        ,
        الله الله الله
        انا اشهد ان الشعر هنا

        نادر العش
        مبدع دااائما في مواضيعك
        والله لا يهينك

        اخوك
        [/align]
        .....




        تعليق

        • متعب العصيمي
          مشرف سابق
          • Aug 2006
          • 4855

          #5
          صح لسان الشاعر بن شايق وصح لسان الشاعر رشيد الزلامي

          ولاهنت اخوي نادر العش وبيض الله وجهك

          الزلامي :

          الصحيح إنّا نسينا مَـن حنَّـا فاقدينـا
          تاخذ الراعي وناخذ فيه حامين الجهامي

          يالله إغفر ذنبنا وإن كان حنا مسرفينـا
          والخطيه يوم عَرَّضنا القحاطين المظامي


          تحياتي لك

          تعليق

          • نادر العش
            عضو مميز
            • May 2006
            • 407

            #6
            [align=center]..


            مدسم الشوارب

            غرابيل الدهر

            ابو نجر النفيعي



            الله يعطيكم العافية على المرور




            تقبلوا التحية[/align]

            تعليق

            • نادر العش
              عضو مميز
              • May 2006
              • 407

              #7
              [align=center]..


              لاهنت يامتعب العصيمي


              لك التحية ..




              نادر العش[/align]

              تعليق

              • سهم العضيان

                رابطة محبي الهيلا

                • Feb 2006
                • 1171

                #8
                لاهنت يالقرم

                تعليق

                • $@المقاطي@$
                  عضو ماسي
                  • Jul 2006
                  • 679

                  #9
                  محاورة رائعة بين شاعرين كبيرين



                  تسلم على موضوعك الاكثر من رائع اخوي نادر



                  وتقبل مروري



                  المقاطي

                  تعليق

                  • نادر العش
                    عضو مميز
                    • May 2006
                    • 407

                    #10
                    [align=center]..


                    سهم العضيان

                    المقاطي



                    أنا في قمة السعادة لتواجدكم الطيب



                    لكم تحية ..[/align]

                    تعليق

                    • مشعل المقــاطي
                      عضو فعال
                      • Aug 2006
                      • 194

                      #11
                      بيض الله وجهك

                      وكنت اتوقعها مقطع من اخراجك تعودنا على ابداعاتك

                      اذا فيه مجال مقطع فديو بصيغه الجوال

                      ياليت تحطه

                      ومشكور

                      احترامي

                      تعليق

                      • الأمــير

                        رابطة محبي الهيلا

                        • Aug 2005
                        • 5162

                        #12
                        لاهنت على المحاااااااااااااااوره

                        تعليق

                        • نادر العش
                          عضو مميز
                          • May 2006
                          • 407

                          #13
                          [align=center]..

                          وجهك أبيض يامشعل

                          المعذرة وأنا أخوك .. لأن المحاورة هذي كتابية ولا قد سمعتها أو شفتها بفيديو ..

                          ولو حصلتها ماهي غالية عليك .



                          عموماً ماقصرت على مرورك الكريم ..

                          وتقبل إحترامي .


                          ..



                          ذيب الحنابج

                          مرورك لو بدون كلام , يكفي !

                          تسلم طال عمرك .


                          تقبل إحترامي أيضاً ..[/align]

                          تعليق

                          • فتى وادي الرشا
                            عضو ماسي
                            • Nov 2005
                            • 767

                            #14
                            مشكووووووووووووووووووووور

                            اخوي نادر العش على النقل الرائع للمحاوره وماقصرت

                            تحيتي لك

                            تعليق

                            • أبو فيصل
                              مشرف سابق
                              • Dec 2004
                              • 3538

                              #15
                              بيض الله وجهك يانادر العش

                              أشهد أنك وافي

                              الله لايهينك

                              تحياتي
                              لا إله إلا أنت سبحانك إني كنت من الظالمين

                              تعليق

                              العمل...