اشوف الهاجري يلتفت لي كنه الذيب,,خالد العصيمي, سلطان الهاجري

طي
X
 
  • التوقيت
  • إظهار
مسح الكل
المشاركات الجديدة
  • االفيصل
    عضو فعال
    • Mar 2012
    • 100

    #1

    اشوف الهاجري يلتفت لي كنه الذيب,,خالد العصيمي, سلطان الهاجري

    خالدالعصيمي


    هلايا مرحبا ياضيوف الكم معازيب=اهل فعلٍ ينومس وهل طيب وزعامه

    اشوف الهاجري يلتفت لي كنه الذيب=ياذيب اطويق ماشفت نمرٍ في تهامه؟





    سلطان الهاجري

    يدوم الك البقا في محل اهل المواجيب=انا ونته وكلٍ رصاصه من حزامه

    طبيب الجرح يقدر يداوي الجرح ويطيب=لكن الجرح مايجرحه غير الغشامه







    خالدالعصيمي

    رصاص الماص روسه مثل حمر المشاهيب=يجيك ابه العتيبي ويصدق في كلامه

    على سلطان هذا السنه بعض الاصاويب= عسا سلطان يسلم ولاتكسر عظامه









    سلطان الهاجري

    تفقد محزمك لا يقع فيها مكاذيب= حدى ثنتين يما فخر ولا ندامه

    انا يمناي تومي على بعض الاشانيب= ويدفن جبهته كنها جبهة نعامه








    خالدالعصيمي


    رصاصي يا كل القوم ويسد المطاليب=لايا جاء يومٍ اقشر مثل يوم الرغامه

    لاتخلفك الهقاوي وتبعك للاجانيب=وتجيب الصبح طربوش وتكب العمامه







    سلطان الهاجري

    ياقطمان المحازم بدا فيكم عذاريب=من البارح وقبله تحبون السلامه

    لا تستغرب لامنه بدا في راسي الشيب=الذكي لك جمل ونت تأكل من سنامه






    خالد العصيمي

    ترى اللي يطلب الشر فيه الشك وريب= ومنهو يبذل الخير مافيها ملامه

    ليا كثرت همومك يحضر العقل ويغيب= تحسب ان العواصف مثل يوم القيامه





    سلطان الهاجري

    اخذنا من حياة الشقى درس وتجاريب= وعلمنا بها الطفل عاده في فطامه

    بغيت اقلع سنونك وركب فيك تركيب= لكنك تطرد الفن ياراغب علامه




    خالد العصيمي

    دروس الجامعه غير عن درس الكتاتيب= لكن الجد والصدق كلٍ بحترامه

    لقينا جرة الداب يخطى الدرب ويصيب=يابن هاجر مازين عشاك الا يدامه





    سلطان الهاجري

    ابيك اتصير مندوب من ظمن المناديب= لونك تسمع الشيخ وتفسر حلامه

    وردت العد لاكن غثربت المشاريب=وحنا نستحي لا ندفعك الغرامه





    خالد العصيمي



    بذلنا معك يا الهاجري كل الأساليب=وشمسك صايرن دونها مثل العسامه

    وردنا مارد الطيب ونته من هل الطيب=مواريد المطاليق مافيها ملامه
  • عثمان الثبيتي
    شــــــاعــــر
    • Jun 2011
    • 1664

    #2
    خالد العصيمي شاعر مظلوم اعلامياً


    بصراحه ماهو سهل سمعت له محاورات

    شاعر كبير واتمنى له التوفيق


    انكان طاب الوقت وانكان ماطاب=مايختلف نهج الشجيع وطموحه

    اما اقبلوني هكذا سلب وايجاب = والا ودعاً والعذر والسموحه

    اذا انقفل باب انفتح غيره ابواب = وكلً على ما قالوا ادرى بروحه

    تعليق

    • سعيد مرزوق العبد
      موقوف لمخالفة الأنظمة
      • May 2012
      • 2072

      #3
      صحة السنتهم

      والعصيمي شاعر سواء كان مظلوم او غير مظلوم

      مافي فرق بينه وبين سلطان في هالطاروق رغم فارق الخبره

      تعليق

      • محمد ناصر الأكلبي
        شــــاعــر
        • Jul 2011
        • 823

        #4
        خالد العصيمي

        شاعر معنى وجزالة وبعد عن المهاترات


        ورأيي أنه مظلوم إعلاميا

        وأرى فيه بدايات حبيب العازمي

        من حيث التعب على الأبيات والمعنى


        والهاجري مايحتاج فوق نقدنا

        والله يوفق الجميع

        ولاهنت ياكاتب الموضوع
        ...

        تعليق

        • االفيصل
          عضو فعال
          • Mar 2012
          • 100

          #5
          مشكورين على مروركم الرائع .






          كل التقدير ولاحترام

          تعليق

          • الحافي 1
            عضو فعال
            • Jul 2011
            • 154

            #6
            خالد العصيمي شاعر مظلوم اعلامياً

            والعلام ضالم ومصالح

            تعليق

            • ماجد العصيمي
              شبل مرجحين الموازين
              • May 2007
              • 1956

              #7
              خالد شاعر خالد شاعر





              وجايبين شي جديد





              كل العصمه شعار




              يعني ما تدرون

              تعليق

              • سعيد مرزوق العبد
                موقوف لمخالفة الأنظمة
                • May 2012
                • 2072

                #8
                تم النشر في الأصل بواسطة ماجد العصيمي عرض المشاركة
                خالد شاعر خالد شاعر





                وجايبين شي جديد





                كل العصمه شعار




                يعني ما تدرون
                ههههههههه

                صادق

                اصلا اللي مايقصد فيهم ماهو عصيمي

                الحقيقه اصبت الهدف كلهم شعار

                تعليق

                • طراد العصيمي
                  عضو ماسي
                  • May 2012
                  • 519

                  #9
                  تم النشر في الأصل بواسطة سعيد مرزوق العبد عرض المشاركة
                  ههههههههه

                  صادق

                  اصلا اللي مايقصد فيهم ماهو عصيمي

                  الحقيقه اصبت الهدف كلهم شعار




                  هههههههههههههههههههههههههههه

                  خربها ماجد

                  تعليق

                  • ابو جابر
                    عضو
                    • May 2012
                    • 3

                    #10
                    /

                    خالد جداً مبدع

                    تعليق

                    • االفيصل
                      عضو فعال
                      • Mar 2012
                      • 100

                      #11
                      تم النشر في الأصل بواسطة ماجد العصيمي عرض المشاركة
                      خالد شاعر خالد شاعر





                      وجايبين شي جديد





                      كل العصمه شعار




                      يعني ما تدرون





                      صحيح العصمه كلهم شعار



                      ولكن ليست الاصابع متساويه

                      تعليق

                      • مصعب العصيمي
                        عضو فعال
                        • May 2012
                        • 163

                        #12
                        صح لساان ابن العم خالد العصيمي وصح لسان الهاجري

                        تعليق

                        • حمدان العضياني
                          شــــاعــر
                          • Dec 2011
                          • 336

                          #13
                          خالد العصيمي شاعركبيرافضل من الهاجري و90%من شعراءالساحه المعروفين

                          كلام اراهن عليه بلا خبره وشهره وخرابيط والدليل على ان الخبره والشهره لاتعني شي فمثلاً سفرالدغيلبي اصغرالشعراء المعروفين سن وافضلهم شعر اضف الى ذلك الشيخي وغيرهم الكثير

                          تعليق

                          • االفيصل
                            عضو فعال
                            • Mar 2012
                            • 100

                            #14
                            حمدان العضياني



                            مشكــــــور علـــى المرور والتعليق الطيب

                            تعليق

                            • وصل الشهيب
                              شاعر محاوره معروف
                              • Oct 2010
                              • 959

                              #15
                              اشوف الهاجري يلتفت لي كنه الذيب=ياذيب اطويق ماشفت نمرٍ في تهامه

                              ــــــــــــــــــــــــــــــــــــــــــــــــــ ــــــــــــــــــــــــــــــــ


                              صياف يوم إنه بدالي بوجهه كنه الذيب= ذيبٍ على طول السنه مرقده في جال وادي

                              الله يرحمك يامطلق

                              كنه الذيب . يعني يشبه الذيب وهو ماهو بذيب ههههههههههه

                              وهنا خالد العصيمي يقتبس من بيت مطلق . والبيت عدًا ومر بسلاااام والهاجري لم يلقي له بال

                              أو أنه تجاهل معنى اليبت وبدأ بفتل المعنى لخالد بدل من نقض البيوت . الهاجري شاعر ذكي

                              وعلى طاري خالد العصيمي

                              خالد العصيمي شاعر من أروع الشعراء اللي ظهروا في جيله . لكن حظه مثل حظي تقريباً هههههه

                              تحياتي
                              [poem=font="Simplified Arabic,4,burlywood,normal,italic" bkcolor="transparent" bkimage="backgrounds/22.gif" border="groove,10,burlywood" type=0 line=0 align=center use=ex num="0,black"]
                              ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد
                              حراً يموت وحر بالجنحان ينهض بالمطير=حمل الأمانه لو ثقيله قدها يابو فهد[/poem]وصل بن وصل الله الثبيتي

                              تعليق

                              العمل...