هنا محاورات أخوكم سهيل في بعض المنتديات ...!

طي
X
 
  • التوقيت
  • إظهار
مسح الكل
المشاركات الجديدة
  • سهيل 1
    عضو ماسي
    • Sep 2011
    • 635

    #1

    هنا محاورات أخوكم سهيل في بعض المنتديات ...!

    بسم الله الرحمن الرحيم



    إخواني أعضاء المنتدى الكرام :

    السلام عليكم ورحمة الله وبركاته ، وأسعد الله جميع أوقاتكم بكل خير ..

    هنا في هذا المتصفح سأقوم بإدراج محاوراتي الشعرية مع بعض نجوم المحاورة في المنتديات التي أكتب

    بها .. وهدفي نقل تجربتي لزملائي وإخواني شعراء المنتدى .. وهي تجربة لا أدعي كمالها ونموذجيتها وربما يعتريها بعض القصور والنقص ..
    فإن راقت لكم .. كان بها .. وإن قصُرت عن إرضاء ذائقتكم الشعرية في هذا اللون من ألوان الشعر .. فأرجو
    السموحة والمعذره .. والجود من الموجود ..



    (( المحاورة الأولى ))




    محاورة جرت أحداثها بيني وبين شاعر محاورة قوي جدا في أحد المنتديات .. وموضوعها لايخفى عن
    شعراء المحاورة .. أترككم مع أحداثها .. والبداية مع زميلي ( كوكب عطارد )



    كوكب عطارد
    سلام الله على نجم (ن) تعلى في السماء جذاب
    سهيل النجم إله لمعه وإله عينين جذّابه

    يقولون الثريا في السماء جاها 100 خطّاب
    وأظن سهيل مع جملة نجوم(ن) جات خطّابه

    نجم سهيل
    ألا يا مرحبا ترحيبة الأصحاب بالأصحاب
    بعد كوكب عطارد جا للأرض وحطّتْ ركابه

    أبا أخطب ودّها وأغلي مهرها وأبذل الأسباب
    وهي تختار نجم ٍ واحد ٍ مطنوخ ترضابه

    كوكب عطارد
    يدوم إلك البقى صادق معي ما قلت لك كذاب
    من رجال الكرم والجود قصره شرّع أبوابه

    ألا ليتك تدور لك عن نجوم السماء مجناب
    نجوم الشام ونجوم اليمن والله ما تتشابه

    نجم سهيل
    ألا وش خانتك يا صاحبي كوكب من الإعراب
    خواجه والاسم مجهول ما ظني من عتابه

    تقوله بعد ما عارض سهيل من المنايا شاب
    ياكم نجم ٍ يحب سهيل ثم يموت في ترابه

    كوكب عطارد
    أنا كوكب سماوي حاضر (ن) في الماقف الغصّاب
    لا مرّ المســـجد الأول توضــابه وصــلابه

    تشاهد شاشة الساحة وانا شاعر من المرقاب
    سواة الصــقر لامنه تعلّى فوق مرقـــابه

    نجم سهيل
    تمرّ المسجد السنـّي لكنْ ماتاصل المحراب
    تصلي في آخر المسجد وأنا أصلي بمحرابه

    قناة الساحة تجمّل مع الأقراب والأجناب
    ولا ياصقر مكسوره جناحينِه ومخلابه

    كوكب عطارد
    أنا ما همني يا كود ظلم الأهل والأقراب
    ألا يالصاحب اللي ما يقدر صحبة أصحابه

    أنا با أنشدك عن رجّال في الساحة سواة الدّاب
    سواة الداب الأسود يا عرب والسمّ في نابه

    نجم سهيل
    ترى الطمّاع ما يملى فمه والجيب غير تراب
    يموت الجوع والجوعان والنكبه من أسبابه

    هذاك اللي تقوله رجل تاب الله عليه وتاب
    على السجاده يصلي ويبكي ماسك كتابه

    كوكب عطارد
    تقولونه بعد دسمتو اللحية مع الأشناب
    وهذا طبع ما هو زين ياربي لا تبلابه

    عساها توبة الصادق ويلحقها وراه حساب
    ما أقول ألا عسى الله يا سهيل يهوّن حسابه

    نجم سهيل
    عرفتك من هذا الليلة ياكوكب شاعر ٍ مغتاب
    علامك وش تبا بالغائب المسكين تغتابه

    بعد طوّلتها شكرك على ضربه من المشعاب
    ترى تطرحك ضربه من سهيل برأس مشعابه

    كوكب عطارد
    تعاتبني وانا أعاتبك وانت اللي فتحت الباب
    عسى ربي يسامح عبده اللي خايف عقابه

    ما دام إنك نويت الغدر مع صاحبك يانصاب
    أبا اقابلك بمهند مجود مسكة نصابه

    نجم سهيل
    ترى عن مركز التفتيش ما ظني لكم مجناب
    يبا يعطونك كتاب ٍ مميّز وانت تقرابه

    يا مخبل من يدوّر في غصون الحنظله عُنّاب
    هذاك نقول ظني ما معه عقل يتلهابه
    كوكب عطارد
    هذاك المركز يركز على الاجناب والاغراب
    ليا مره سهيل يجيه للحقان طلابه

    ألا وش رأيك نختم قبل ما تكثر الانشاب
    بعد شابت وشاب القاف كل جا وغنابه

    نجم سهيل
    ترى المطلوب يا كوكب عطارد جايكم طلاب
    حسدتوا نجمكم حتـّى على الماء اللي توضابه

    نختـّمها بذكر الله ترى من يذكره ما خاب
    يا ربي تذكره في خلوتك يا خوي وتهابه



    وسلامتكم ..

    أخوكم / عاشق الثريا ( سهيل)
  • صامل العصيمي

    رابطة محبي الهيلا

    • Mar 2012
    • 1373

    #2
    صح لسانك وبيض الله وجهك

    لكن من هي هذه الثريّا !!!!!!!!!!!!!

    لاعدمناك ...




    تعليق

    • سهيل 1
      عضو ماسي
      • Sep 2011
      • 635

      #3
      (( المحاورة الثانية ))



      وقد جرت أحداثها بين أخيكم سهيل وشاعر اسمه : ضامي الشوق ...

      والبدعة كانت من الشاعر ضامي الشوق :




      ضامي الشوق

      سلام مبدا مثل مبدا النور
      في منتدى ربعي وصدقاني

      الليله المعنى بوسط بحور
      وسهيل يذكرني وينساني


      سهيل
      يا مرحبا ليلك فرح وسرور
      يالصاحب اللي جيته وجاني

      أقول لك يا صاحبي ماجور
      لن كان في رأسك حميداني



      ضامي الشوق
      دام البقا والفعل جاله دور
      يا مكرمين الضيف والعاني

      شاعر وله بصمه مع الدكتور
      ماهو بالأول لاكن الثاني



      سهيل
      أنا أتحرى لك سنه وشهور
      أدورك ياذيب سرحــــــاني

      لن كان ودك نكشف المستور
      ولا تريّح لا تحــــــــداني



      ضامي الشوق
      ياسهيل منته بالقشر مجبور
      ون كان لازم لا تحراني

      عطني علوم الشاعر المشهور
      والليل ميدانك وميداني


      سهيل
      المشكله في عِودنا المشقور
      لكن ما ندري عن الجـــــاني

      أحد (ن) يولّع شِعلة الدافور
      وأحد (ن) حلف ما يقبل العاني



      ضامي الشوق
      القدر يطبخ والدلال تفور
      ونقهوي الضيفان من داني

      ياقشر حظك ياسنام الثور
      ياللي على الجنبين ميزاني


      سهيل
      الضيف ما يأكل طعام السور
      لو كان ضيف الله من أخواني

      نكبتكم اللي جت من الهامور
      أقولها صادق من لســــاني


      ضامي الشوق

      السالفه مرت عليها عصور
      لو كان فيها راح ما كاني

      وسهيل يشرحها على الطابور
      من دون زود ودون نقصاني



      سهيل
      اثنين سواقين في البـــابور
      اللي دخل مع ساحل عماني

      واحد من الاثنين شاهد زور
      والــثاني المظلوم نصراني


      ضامي الشوق
      الشايب اللي كسر الباكور
      شيطان يضرب راس شيطاني

      راحو رجال (ن) يحكمون الشور
      ماباقي الا صمع الأ ذاني


      سهيل
      الشـايب اللي ما يجيب العور
      قول وفعل مرحوم يالفـــــاني

      لو كان عقب له رجال صقور
      والحل عند حقوق الإنســـاني


      ضامي الشوق
      مشكور ياشيخ العرب مشكور
      لو كان ما عطيته ولا اعطاني

      منته بلا منهي ولا ما مور
      لكن طعت افلان وافلاني


      سهيل
      يا ضامي أنته ما عليك قصور
      وصلتهـــا لحدود لبنــــــــاني

      معذور يا الطيب وأنا معذور
      وختامها مسك (ن) وريحاني



      وسلامتكم

      منقووووول من منتدى قبيلتي الخاص .

      مع تحيات أخوكم / سهيـــــــ أبو احمد ـــــــل

      تعليق

      • سهيل 1
        عضو ماسي
        • Sep 2011
        • 635

        #4
        (( المحاورة الثالثة ))



        وهذه محاورة جرت أحداثها بين محدثكم سهيل وشاعراسمه ومعرفه : زملوق

        في منتدى رائع جدا من منتديات قبيلة ثقيف العريقة في مدينة الطائف .. ولولا الخشيه من الوقوع في فخ الدعاية

        للمنتدى لكتبت اسمه بأحرف من ذهب ... والبدعة كالعادة من شاعر القبيلة في المنتدى مرحباً بسهيل العتيبي



        زملوق

        سهيل اليا بدى يبشر بترحيب ن بعد خطاه
        تراحيب ن تسجل فالسجلات السعودية

        بعد قالو عتيبي قلت ونعم يارفيع الجاه
        عساك بخير وابشر بالوفى عند الغناوية


        سهيل

        يدوم الك البقى يالشاعر اللي قافه وسواه
        وقدم دلته وخلاص من تمر الحساويه

        عتيبي(ن) يشرفكــم وقدم للعرب يمنــــاه
        يحث خِطاه من نجدالعذيه للحجازيه


        زملوق

        لفيت الله يحيي من لفى والضيف ما نشناه
        نقدم له بعيرن فالضيافه مالقي زيه

        عتبي ن على وضح النقى كل العرب تنصاه
        واهل درع الحجاز تبشرت بقدوم نجدية


        سهيل

        بعيرك ما يناسبني لضيف العز ما ترضاه
        مسامح في هذا الضيفة ترى ما هي ضرورية

        عطه ......... يازملوق ولا واحد(ن)حِلياه
        ترى ما به حسايف من ورى سمن التهاميه

        زملوق

        سهيل اللي بغى المسرى مشى فالدرب بس اخطاه
        وان اقدم لضيف العز تقدير وموديه

        من اولها تشيل لك فبشت وتخفي الشلفاه
        وانا ماني مغمض يوم شفت الساريه حيه


        سهيل

        يمرر ياسر القحطاني التمريره بيسراه
        ويسعى للحكم ويقـول تمريـره على النيـــه

        أنا أقدر معازيب الوفا والطيب هي والله
        أبا أرضى من حضر في الملعبه وش رأيكم فيه


        زملوق

        ترى ماجد قبل ياسر نوى لكن مالله اعطاه
        وترى شاف الحكم شوتته فالميدان ملويه

        وراعي البل لا شاف الهيام يجود العرقاه
        عساها ما تهيم وتقعد الاوطان مرضية



        وسلامتكم ..

        وإلى اللقاء - إن شاء الله في محاورة أخرى

        تعليق

        • سعيد مرزوق العبد
          موقوف لمخالفة الأنظمة
          • May 2012
          • 2072

          #5
          صحة السنتكم

          في نظري الطاروق الاول يغطي علي طواريق كثيره فالميادين

          شكرا لك

          تعليق

          • سهيل 1
            عضو ماسي
            • Sep 2011
            • 635

            #6
            (( المحاورة الرابعة ))



            وهذه محاورة شعرية بين أخوكم سهيل وشاعر من جماعة الربع اسمه ومعرفه ( الجزل ) غاب عن المنتدى

            فترة طويلة .. وأخذه الحنين إلى منتدى ربعه وجماعته وعاد قائلا :




            مهما يطول البعد وتطول الاسفار
            نرجع بعون الله بخير وسلامه

            ماني من الي بدل الدار بالدار
            اعيش مع ربعي ليوم القيامه


            سهيل
            يا مرحبابك عدّ همّال الأمطار
            يالغائب اللي جيت حُب وكرامه

            الدار دارك يالجزل هات الأخبار
            واللي سواة الجزل عارف مقامه


            الجزل
            دام البقي قنطار يقفاه قنطار
            والي سكن بالدار يعرف نظامه

            مبطي وجيتلكم مسير ومرار
            ياهل المواقف والكرم والشهامه


            سهيل
            اللي يحب اثنين لابد يختار
            يختار ما بين الحلال وحرامه

            طرقي مسير ما أنت يا الجزل محتار
            دام الفشك والنار داخل حزامه


            الجزل
            من يحذف الطرقي على الدرب بحجار
            مايدري ان الله شديد انتقامه؟

            الي يشب النار يصبر على النار
            يونس صلاها لو ياصل تهامه


            سهيل
            ما نحذفه يا لين عّلم بالأسرار
            علّم علينا ثم قل احترامه

            ما عندنا ألا الموت قصاف الأعمار
            للي يعادينا نكسّر عظامه


            الجزل
            اهل العقول الي يحكمون الاشوار
            وليا اقدمو في علم مسكو زمامه

            واهل الخطا يبقى لهم بالزمن عار
            بوجيههم طول الليالي علامه


            سهيل
            أهل العقول يمين ما راحوا يسار
            وشعيل بيديني موثق خطامه

            أنت الذي شرّعت الأبواب ياجار
            فتحت باب الشر ويّا الندامه


            الجزل
            لو تعتذر ماعاد تنفعك الاعذار
            المعتدي عرفة بصمة بهامه

            حنا لها لا صار بالعلم ماصار
            ماهمنا سيناريو بو دلامه


            سهيل
            عزّ الله إنك شاعر علومك كبار
            مسلم وصائم كيف أبا أجرح صيامه

            وختامها يالجزل شاعر وبيطار
            لن جيت ولا رحت مرفوع هامه


            الجزل
            شهادتك ياسهيل في صدري شعار
            ياشاعر(ن)مثل الجواهر كلامه

            واختامها من صاحبك ورد وازهار
            ومشلح على متنك وفوقك عمامه


            وسلامتكم

            وإلى اللقاء في محاورة أخرى مع شاعر آخر من جماعة العربان

            تعليق

            • عثمان الثبيتي
              شــــــاعــــر
              • Jun 2011
              • 1664

              #7
              صح السانك ياسهيل مبدع يعطيك العافيه


              انكان طاب الوقت وانكان ماطاب=مايختلف نهج الشجيع وطموحه

              اما اقبلوني هكذا سلب وايجاب = والا ودعاً والعذر والسموحه

              اذا انقفل باب انفتح غيره ابواب = وكلً على ما قالوا ادرى بروحه

              تعليق

              • سهيل 1
                عضو ماسي
                • Sep 2011
                • 635

                #8
                تم النشر في الأصل بواسطة صامل العصيمي عرض المشاركة
                صح لسانك وبيض الله وجهك

                لكن من هي هذه الثريّا !!!!!!!!!!!!!

                لاعدمناك ...





                صح بدنك يا اخي صامل العصيمي ووجهك أبيض ..

                وهذه الثريا قصتها مع سهيل قصة قديمة جدا .. وسببت لي الكثير من المشاكل ..

                وأحيلك إلى هذا الرابط :

                تعليق

                • سهيل 1
                  عضو ماسي
                  • Sep 2011
                  • 635

                  #9
                  تم النشر في الأصل بواسطة سعيد مرزوق العبد عرض المشاركة
                  صحة السنتكم

                  في نظري الطاروق الاول يغطي علي طواريق كثيره فالميادين

                  شكرا لك


                  صح بدنك يا أخي سعيد وأسعد الله أوقاتك بالخير ..

                  شهادة أعتز بها وأضعها وسام على صدري من شاعر معروف

                  وكان ودي - والله - ألعب مع شعراء المنتدى المبدعين .. ولكن ما باليد حيله !!

                  وما معي غير الصبر .. والصبر فقط !!

                  ؟؟؟؟؟؟؟؟؟؟؟؟؟

                  تعليق

                  • سهيل 1
                    عضو ماسي
                    • Sep 2011
                    • 635

                    #10
                    تم النشر في الأصل بواسطة عثمان الثبيتي عرض المشاركة
                    صح السانك ياسهيل مبدع يعطيك العافيه

                    صح بدنك يا أخي عثمان ولا هنت على مرورك

                    تعليق

                    • سهيل 1
                      عضو ماسي
                      • Sep 2011
                      • 635

                      #11
                      (( المحاورة الخامسة ))


                      محاورة بين سهيل وشاعر من جماعة الربع مُعرفه ( المقدام ) وهو من شعراء الربع المبدعين والبداية كانت من أخيكم / سهيل


                      سهيل
                      راح حسني ثم مـات معمـر القذافـي
                      قص رأسه واحد (ن) من ربعنا شيباني

                      باقي (ن) بشار والإيرانـي المتعافـي
                      روسيا والصين ويا الشيعي اللبنانـي


                      المقدام
                      مرحبا ياسهيل ولا به شى عنا خافي
                      عزوتى الاد عمى ربعنـا العتبانـي

                      ما حسبنا يالعتيبى خذ كلام (ن) وافي
                      دولة الايمان زالت دولـة الطغيانـي


                      سهيل
                      شفت لك جِرّه يا ابن شيبان تمشي حافي
                      جرتك يا صاحبي ما هو بواحـد ثانـي

                      وقف الغارات يا سرحان ما جـا كافـي
                      خائف (ن) ذبحتك عند خميني الإيرانـي


                      المقدام
                      جرتى وان شفتها ترى سمانـا صافـي
                      جرتى يا صاحبى ما نى لـك الله جانـي

                      ما حسب سرحان فى موجة بحرنا الطافي
                      والخمينى لا تهابـة ضنـوة الشيطانـي


                      سهيل
                      أمنا اللي تحتضنا بالحضيـن الدافـي
                      كيف تِزعِلْها على ورعانهـا بالعانـي

                      من هبوب البرد يا ما غطتك بلحافـي
                      أعطت المسكين وأغنت واحد(ن)فقراني


                      المقدام
                      أمكم فى تالى الاوقات قلب(ن) جافـي
                      ضيعت من كثر ما جاها من الورعاني

                      اطلـب الله لا يغطـى امكـم السافـي
                      والعطاء يا صاحبي من وهبة الرحماني


                      سهيل
                      أمنا اللي لبستك الثوب الأبيض ضافي
                      علمتك وسلمتـك الموتـر اليابانـي

                      عيب واحد مشترك ببطاقة الصرافـي
                      يعرفونه ربعنا الحضران والبدوانـي


                      المقدام
                      جاك علمى ياسهيل الخير جعله لافي
                      موتري من وارد اللى صانعه الماني

                      موترك رايح ابه السيـر والحذافـي
                      مار لا تدري بك البدوان والحضراني



                      وسلامتكم .. وإلى اللقاء في محاورة قادمة إن شاء الله

                      تعليق

                      • سهيل 1
                        عضو ماسي
                        • Sep 2011
                        • 635

                        #12
                        (( المحاورة السادسة ))



                        وهذه محاورة بين أخيكم سهيل وشاعر من الجماعة في المنتدى الخاص معرفه ( سلطان الغرام ) والبداية

                        مع أخيكم سهيل والمعنى في بطن الشاعر .. ولا أظنه يخفى على متذوقي شعر القلطة ..

                        سهيل

                        هلا يا مرحبا بالشاعر اللي مخفِي الجرّه
                        ومهما يخفي الجرّه نعرف الذيب بعيونه

                        وقف له ضابط التفتيش قدامه ليا مـرّه
                        عرفت الاسم والعنوان وأنتم ما تعرفونه


                        سلطان الغرام

                        يدوم الك البقاء يا الشاعر الي مابرد حره
                        بعد ما انته عرفت الذيب معك الذيب وشلونه

                        تقصون الاثر من اطيب اثركم يا اهل مره
                        وربع سهيل من فعله هذا ما ظن يرضونه


                        سهيل

                        على ما قال غـرم الله تراهـا قـرّه وسـرّه
                        يحوف الذيب الأشهب ذيب ثاني ما اختلف لونه

                        من ذياب الحجاز الله يكافـي صاحبـي شـرّه
                        عيونه حُمر لا مثلـك ولا شكلـك يصيدونـه


                        سلطان الغرام

                        اشوف عيون مبيضه وشوف عيون محمره
                        وسلطان الغرام يقول معكم ماتقولونه


                        ياكم ذيب ٍ ليا جاني في عينه كحله اذره
                        لعيون الذيب ملح النار والبارود يعمونه



                        سهيل

                        لو عيونك سليمه ما وطتْ رجلينك الجمـره
                        شمالي (ن) ما يعرف بالقدم يمشي على هونه

                        لقى ديرهْ بعد وسم المطر بالخير مخضـرّه
                        وقام يبحلـق عيونـه وقـام يحـدّد سنونـه



                        سلطان الغرام


                        كثر خيرك وخير الله ياراع الفول والجره
                        شمالي مقلطه من السمينه يتعب صحونه


                        صناديق الذهب والماس كنز لعالم الذره
                        بسماء الامجاد مهما سهيل يرقاء ينقصر دونه



                        سهيل

                        ترى الفوّال فوله ينفع الجيعان ما ضـرّه
                        ولا هي مهنة العتبـان والله مـا يبيعونـه

                        أبا أرحبْ وأبا أكرمْ صاحبي سلطان وأبره
                        وأبا أربيه ثم أرضيه وأسـدد لـه ديونـه



                        سلطان الغرام

                        يبا يضيق الحجازي من مزوحي لو ابا ازره
                        ياقشر صدوركم يا اهل الحجاز الي تحبوونه


                        بعد صارت حلوق ابيار اهل السر من غره
                        عسا سيل الحياء من ماطره ما تقفي مزونه


                        سهيل
                        غراب البين ضيّع مشيته في وادي الحرّه
                        يقلد له حمامه من حمام الـورق مزيونـه

                        آبار أهل الحجاز محصّنه تحصين بالمرّه
                        وآبار أهل الشمال يخضها العساس وبشونه



                        وسلامتكم وإلى اللقاء في محاورة قادمة إذا ما طفشتوا ومليتوا من محاوراة سهيل ..

                        تعليق

                        • حمد عامر العتيبي
                          عضو نشيط
                          • Jun 2012
                          • 86

                          #13
                          سهيل
                          غراب البين ضيّع مشيته في وادي الحرّه
                          يقلد له حمامه من حمام الـورق مزيونـه

                          آبار أهل الحجاز محصّنه تحصين بالمرّه
                          وآبار أهل الشمال يخضها العساس وبشونه

                          هههههههههه

                          الله الله الله ,,


                          محاوره رااائعه يا سهيل صح لسااانك وصح لساان سلطان والله يبيض وجيهكم

                          تعليق

                          • سهيل 1
                            عضو ماسي
                            • Sep 2011
                            • 635

                            #14
                            تم النشر في الأصل بواسطة حمد عامر العتيبي عرض المشاركة
                            سهيل
                            غراب البين ضيّع مشيته في وادي الحرّه
                            يقلد له حمامه من حمام الـورق مزيونـه

                            آبار أهل الحجاز محصّنه تحصين بالمرّه
                            وآبار أهل الشمال يخضها العساس وبشونه

                            هههههههههه

                            الله الله الله ,,


                            محاوره رااائعه يا سهيل صح لسااانك وصح لساان سلطان والله يبيض وجيهكم
                            أخي حمد عامر

                            لا هنت على مروركم الكريم وانتظروا المزيد إن شاء الله

                            تعليق

                            • سهيل 1
                              عضو ماسي
                              • Sep 2011
                              • 635

                              #15
                              بسم الله الرحمن الرحيم


                              (( المحاورة السابعة ))

                              وهذه المحاورة هي آخر محاوراة أخيكم سهيل في المنتديات .. وقد جرت أحداثها في منتصف شهر شعبان
                              الماضي مع الأستاذ والشاعر المخضرم / عبدالله المنصوري ( مدير منتديات مكتب التربية والتعليم بجنوب الطائف ) وهو شاعر نظم ومحاورات معروف من خلال المناسبات والفعاليات التي تقام في تعليم الطائف ..
                              والبداية كانت مع الشاعر / عبدالله المنصوري


                              عبد الله المنصوري
                              سلام من شاعرٍ يعرف حقـوق الـرجال *** للشاعر اللي مقدم للـثريا طـلب

                              انا ادري انك سهيل وماعلى اسمك جدال *** لكن قلي من اللي يعسفون الصعب


                              سهيل
                              يا مرحبا من سهيل وعرفِكم ْ راس مال **** يالشـاعر اللي بقــانونه وسلم العرب

                              لو هي بســفك الدّمى ولا بخشمْ الريــال **** لن كـان طوّعتهـا وأغرقتهـا بالذهب


                              عبدالله المنصوري
                              ونعم بحـالك لكـن المـاء يفت الجبال *** والضامي اللي يمـر النهر مـاقد شرب

                              وسط السماء نجم والاخرى تروح زوال *** لكـن دخيلك تـرفق لايضيع التعب


                              سهيل
                              أبا آرد العِدّ واشرب من قراح ٍ زلال *** مــا همنـي لو يصـير الدّم ليـن الـركـب

                              الجـوع ما يقطعهْ يـا كود لقمهْ حـلال *** يا حلوها من سنام شعيل في أول رجب

                              عبدالله المنصوري
                              دور علاها وتلقاها على كـل جال *** واللي يناظـر سما يطرح عقاله غصب

                              انا رميت الاجـابه في يدين السؤال *** لكـن اشوف العتيبي مايكب النشب

                              سهيل
                              سلامة الرأس تكفي لو يروح العقال *** أعَلِمِك وش حصل ولا تعرف السبب

                              حقيـقة سـهيل مـا ظـني تعوّد خيــال *** وأنته جوابك يا أبو نياف فيـه العجب


                              عبدالله المنصوري
                              حـقيقة سهيل ماتفرح رجـال الشمال *** وانا جوابي قريته في غلاف الكتب

                              واللحم فوق الثرى والدود جايه مجـال *** والادمي بين منطـوقه وفعله غلب


                              سهيل
                              أنا جـنوبي عشــقتْ النــجمه أم الــدلال *** لـكـن عيّـا البــخت والحـظ مـا الله كـتبْ

                              وش ياجد الدود في جســم ٍ غدا كالخِلال *** جلدْ وعظم والضلوع العوج مثل الخشبْ


                              عبدالله المنصوري
                              الدود مـامـور والدنيا حرام وحلال *** واللي مشى في طريق الحق فاز وكسب

                              وانا اشوف البناء وصل لحد الكمال *** وابن النفيعي طـرب وابن النفيعي طرب


                              سهيل
                              كسبــان كسبـــان من شجع فريق الهلال *** واللي يشـجع فريق النصر صـدق انـكبْ

                              وابن النفيعي ما شجعهم على كل حــــال *** يشــجع الرااااااااقي اللي فوق هام السُحبْ

                              عبدالله المنصوري
                              الرااااااقي اللي تقوله ضيعـوه العيال *** لو انهـم لعبوا بجد انتصر ما انغلب

                              وختامها ياسهيل يطيب معـك المقال *** وتطيب لي معرفتكم ياعريب النسب


                              أرجو أن تكونوا أن قد استمتعتم بما ورد بين ثنايا هذه المحاورة وإلى اللقاء في محاورات قادمه إن شاء والسلام عليكم ورحمة الله وبركاته .

                              تعليق

                              العمل...