عبدالحميد الفهمي وعبدالله الذيابي ( والوان شعبيه )

طي
X
 
  • التوقيت
  • إظهار
مسح الكل
المشاركات الجديدة
  • نبض الكلام
    عضو فعال
    • Sep 2011
    • 104

    #1

    عبدالحميد الفهمي وعبدالله الذيابي ( والوان شعبيه )

    [align=center]انقل لكم هذا القاف الجميل


    عبدالحميد الفهمي

    مرحبا ترحيب يضفي على الحضار = كل ضيفا له تحيه خصوصيه

    انته يا ابن سنان شاعر من الشعار = يوم بن شلاح والوان شعبيه

    عبدالله الذيابي

    البقا يامعزبا تكرم الخطار = من رجالا تكسب الطيب جبريه

    وانته ياعبدالحميد الك رمز اشعار = ياخوي الجن جني وجنيه

    عبدالحميد الفهمي

    عندنا العلم النقي عندك الاخبار = كل واحد له مهمه وله نيه

    مدريت ان الزمن بدل الادوار = تحسب الدنيا لحوناً حماسيه

    عبدالله الذيابي

    خلها في الميمنه لاتروح ايسار = لاتميلها لسوق الشريطيه

    مالعب في سد مارب يكود الفار = مير جعله مايطب السعوديه

    عبدالحميد الفهمي

    انت مراتن تحب السنع وامرار = تعشق التمثيل والدبلوماسيه

    لاتعلمني وانا عارف اللي صار = وانت تدري والتواريخ هجريه


    عبدالله الذيابي


    البنادم ليش ربي عطاه افكار = غير يفهم في الامور السياسيه

    اعرف ان النار ماتنطفي بالنار = واعرف ان الشمس ماهي كما الفيه


    عبدالحميد الفهمي


    كم عقولا كامله كم عقول اصغار = وين وديت الامور الاساسيه


    من يسلم لي عل الشيخ بن سمار = يخبره عني بكلمات سريه


    عبدالله الذيابي


    العلوم الثانيه ماتبا مشوار = تنفهم لو كان بالابتدائيه

    وش تبا بالرجل يا ابو علوم اكبار = عان منزاله بجنب البجاديه


    عبدالحميد الفهمي

    العلوم الثانيه ساس الاستقرار = وانت ربي خالقك للعبوديه

    انت يارجال ماتكتم الاسرار = مانقل لك غير الاشياء العموميه


    عبدالله الذيابي

    دين ربي يا اجودي ماعليه غبار = نفهمه خمسه وتسعين في الميه

    وانت لو رئيس تسوي مثل بشار = يوم شب النار في شعب سوريه



    اتمنا ينال اعجابكم [/align]
  • ابو فايح
    مشـرف عام
    • Jul 2006
    • 5343

    #2
    بدأ الطاروق بدايه جيده

    ولكن مال للسوالف في أخره


    لاهنت يا نبض الكلام
    عالم تويتر



    abofayeh@

    تعليق

    • مجري الهياب
      عضو فعال
      • Jul 2011
      • 165

      #3
      طاروق فاشل بقوه

      تعليق

      • سعيد مرزوق العبد
        موقوف لمخالفة الأنظمة
        • May 2012
        • 2072

        #4
        شعار لكن ماكل الليالي عيد

        طاروق عادي

        للامانه الفهمي شاعر مقبل علي خير

        تعليق

        • حسن الفهمي
          عضو
          • Oct 2011
          • 17

          #5
          [align=center]طاروق جميل ,

          ولو أن لي عتب - على الشاعر : عبدالله الذيابي - عندما قدم المُهم مِن وجهة نظرُه - على ما هو أهم - ولكِن للهِ درُكَ يا عبدالحميد الفهمي - عندما ألحيتَ عليهِ بقولكَ والقائلُ فيه : (( كم عُقولاً كامِلة كم عُقول إصغار - وين وديت الأُمور الآساسية )) ,

          صح لسان كُلاً مِنهُما ,[/align]

          تعليق

          • مصر
            عضو فعال
            • Dec 2009
            • 184

            #6
            الذيابي يصرف كلاما عاديا منذ بدأ المحاورة حتى يومه هذا

            تعليق

            العمل...