سفرالدغيلبي ضد عبدالله بن شايق وملفي المورقي ضد فلاح القرقاح New

طي
X
 
  • التوقيت
  • إظهار
مسح الكل
المشاركات الجديدة
  • قاسي العتيبي
    عضو ماسي
    • Aug 2011
    • 660

    #1

    سفرالدغيلبي ضد عبدالله بن شايق وملفي المورقي ضد فلاح القرقاح New

    فلاح القرقاح
    الوجه لأبيض مايحتاج لمبيـّض
    وصل سيل ٍ يدهم الضلع ويفيـّض
    جعل في عتيبة وفي غيرهم ريـّض
    الثناء والشكر لله سبحانه

    يالالاله يالال المعركة يابوشنب=يالالاله يالال لازم نحسم المعركة


    عبدالله بن شايق
    يافلاح الليل توه وأنا توي
    صافي ٍ جوك وأنا صافي ٍ جوي
    والقوي بالله ناجي ومتقوي
    الثناء والشكر لله سبحانه

    يالالاله يالال أنا معي سيف ٍ حدب=يالالاله يالال وسفر طريقه يسلكه


    ملفي المورقي
    خطوة ٍ توصل للأجواد مخلوفة
    بارك الله بالمعزب وبضيوفه
    والوجيه البيض ياناس معروفة
    الثناء والشكر لله سبحانه

    يالالاله يالال الملعبة نار وحطب=يالالاله يالال والضعف مافيه بركة


    سفر الدغيلبي
    اسر ليلك يابن شايق وبشرنا
    غيبتك طالت ولا من يخبرنا
    يمكن ندورك وأنته تدورنا
    الثناء والشكر لله سبحانه

    يالالاله يالال سيفك مع سيوف العرب=يالالاله يالال من تحت حكم المملكة


    فلاح القرقاح
    أنت من واجبك ضايق ومنتصل
    مير مدري من زمانك وش تحصل
    لاتقول لعمك إلبس وأنا أفصل
    الثناء والشكر لله سبحانه

    يالالاله يالال واجبك ياملفي وجب=يالالاله يالال مير اتجه للتهلكة


    عبدالله بن شايق
    خطوتي دايم ثقيلة وموزونة
    ماعليـّه من كلام ٍ يقولونه
    فيه وعل ٍ ينطح الضلع بقرونه
    الثناء والشكر لله سبحانه

    يالالاله يالال يامرحبا ومية رحب=يالالاله يالال والعقل ماهوب تنكة


    ملفي المورقي
    صاحبك ملفي يسير على كيفه
    في زمانه من ربيعه ليا صيفه
    ماتسمع شور غيره يابن ريفه
    الثناء والشكر لله سبحانه

    يالالاله يالال اللي معه حكمة وأدب=يالالاله يالال ماحط رأسه بشركة


    سفر الدغيلبي
    راحت الدعوى معا وقتها التالف
    جعلها والله مراح القطا الذالف
    وأنت حالف ماتجدد وأنا حالف
    الثناء والشكر لله سبحانه

    يالالاله يالال ودك ندور للسبب=يالالاله يالال والاّ سببها نتركه


    فلاح القرقاح
    الحكي والله لابيـّض ولا سوّد
    واترك اللي كل ماراح ماعوّد
    وأنت ياملفي بعرقوبك مجوّد
    الثناء والشكر لله سبحانه

    يالالاله يالال عان القمر كنه قرب=يالالاله يالال شفته في برج المملكة


    عبدالله بن شايق
    لايهمك شي والجولة الجولة
    أسمع أعذارك والأعذار مقبولة
    واستلم قاف ٍ ياعرضه وياطوله
    الثناء والشكر لله سبحانه

    يالالاله يالال تدري وش علاج الجرب=يالالاله يالال جارة وحك وحكحكة


    ملفي المورقي
    كل صاحب عرف يدري عن أحواله
    والغشيم يضيع فالوقت وأهواله
    كل هرج ٍ يسمعه ويتوحى له
    الثناء والشكر لله سبحانه

    يالالاله يالال النور يشرى بالذهب=يالالاله يالال والليل كل ٍ يتركه



    سفر الدغيلبي
    قد خذينا من صدوف الزمن عبرة
    نعتبر حتى من السلك والأبرة
    هذا علم ٍ لك ياطيبه وياكبره
    الثناء والشكر لله سبحانه

    يالالاله يالال تدري وش أسباب النشب=يالالاله يالال الدهولة والدربكة


    فلاح القرقاح
    يطرب الشاعر ليا شجعه صفه
    كل رجال يتمشى على شفه
    وأنت في كفة ودنياك في كفة
    الثناء والشكر لله سبحانه

    يالالاله يالال روحوا لأهل حمص وحلب=يالالاله يالال يأهل رهاط ومدركة


    عبدالله بن شايق
    العرب يابو سعد ليش تتهمني
    ليش تتهمني وتخطي وتظلمني
    ياسفر ياخوك طالبك تفهمني
    الثناء والشكر لله سبحانه

    يالالاله يالال عندي غضب لأهل الغضب=يالالاله يالال وعندي علوم ٍ مضحكة


    ملفي المورقي
    تعرف الشاعر مثل لاعب الكورة
    كل جمهور ٍ من الناس جمهوره
    ناجح ٍ بالفن والصوت والصورة
    الثناء والشكر لله سبحانه

    يالالاله يالال أقول لله العجب=يالالاله يالال كل سمكة فوق سمكة
  • قاسي العتيبي
    عضو ماسي
    • Aug 2011
    • 660

    #2
    أحب أخبركم بأنني قمت بإدراجها في قسم الصوتيات فيديو
    تحياتي

    تعليق

    • فهد علي العازمي
      شــــاعــر
      • Oct 2005
      • 3683

      #3
      مشكور يافاسي

      محاورة عادية جدا جدا

      وتقبل مروري وشكري

      تعليق

      • المر العذب
        موقوف لمخالفة الأنظمة
        • Sep 2011
        • 78

        #4
        اقل من عادية ياليت حبيب الجماهير الشاعر / حبيب العازمي حاضر في الحفله
        يعطي المحاوره على شان نستمتع في المحاوره
        .

        تعليق

        • سلمان المرشدي
          عضو ماسي
          • Jun 2011
          • 520

          #5
          محاوره عاديه جداً

          رغم ان ملفي ابدع ولعب على الحبلين وزملاه غافلين

          وهذه عوايد ابو وافي شااعر الهيلا

          تعليق

          • محمد بن سمار الحنان
            موقوف لمخالفة الأنظمة
            • Jan 2012
            • 839

            #6
            ملفي المورقي يغرد خارج السرب

            تسلم ياقاسي

            تعليق

            • محمد العبيدي
              عضو فعال
              • Oct 2009
              • 133

              #7
              ملفي زعلان على ابن شايق
              مدري علامه ؟

              أحس إنه مايبيه ولا يبي له شوفه !!!

              المحاوره عاديه جدآ

              كل التقديـــــــر ..

              تعليق

              • تركي الصفياني
                عضو ماسي
                • Apr 2010
                • 863

                #8
                المحاورة

                8 تحت الصفر هههههههههه

                صح السنة شعراء الهيلا

                تعليق

                • قاسي العتيبي
                  عضو ماسي
                  • Aug 2011
                  • 660

                  #9
                  تم النشر في الأصل بواسطة محمد العبيدي عرض المشاركة
                  ملفي زعلان على ابن شايق
                  مدري علامه ؟

                  أحس إنه مايبيه ولا يبي له شوفه !!!

                  المحاوره عاديه جدآ

                  كل التقديـــــــر ..
                  محمد العبيدي

                  ملفي ضد القرقاح
                  وسفر ضد بن شايق
                  في هذه الرباعية
                  كيف ملفي زعلان من بن شايق ؟؟؟؟

                  تعليق

                  • مرزوق الوذيناني
                    عضو فعال
                    • Jun 2011
                    • 148

                    #10
                    ياقاسي العبيدي صادق في هذه المحاوره

                    ملفي اكثر بيوته موجهه لابن شايق

                    تعليق

                    • محمد بن سمار الحنان
                      موقوف لمخالفة الأنظمة
                      • Jan 2012
                      • 839

                      #11
                      تم النشر في الأصل بواسطة المر العذب عرض المشاركة
                      اقل من عادية ياليت حبيب الجماهير الشاعر / حبيب العازمي حاضر في الحفله
                      يعطي المحاوره على شان نستمتع في المحاوره
                      .
                      وش فرق حبيب عن ملفي كلهم كبار

                      تعليق

                      • قاسي العتيبي
                        عضو ماسي
                        • Aug 2011
                        • 660

                        #12
                        ألف شكر لكل من أبداء رأيه الشخصي على المحاورة

                        تعليق

                        • ماجد ال مريتع
                          عضو نشيط
                          • Jan 2012
                          • 44

                          #13
                          صحت السنتهم جميعا
                          وبخصوص اللي يقول ملفي زعلان على ابن شايق
                          ماظنيت لان هالاثنين تربطهم صداقه داخل وخارج الميدان ولو تلاحظون اكثر شاعر لعب مع ابن شايق ملفي وهذا دليل على كلامي
                          والله لايجيب الزعل بينهممم
                          ومشكور ع النقلل

                          تعليق

                          • منصف في زمن الظلم
                            موقوف لمخالفة الأنظمة
                            • Nov 2011
                            • 142

                            #14
                            محاوره عاديه جدا
                            لانها اول محاوره تجمع ابن شايق وسفر من 16عام
                            كان فيها نقاش وعتب فقط
                            واتوقع تشكيل مجوعه جديده تضم المورقي وسفر وابن شايق والقرقاح والهاجري وتركي وزيد وابن عتقان والسناني
                            هدفها تحجيم بعض الشعراء ووضع البعض الاخر امام الامر الواقع وعودة ابن شايق اكبر دليل لانه لعب مع سفر وفيه حفله بداية الصيف تجمعه مع الهاجري والسناني فقط واخرى مع الهاجري وسفر وحفله تجمع ابن شايق والقرقاح والمورقي والسناني وتركي
                            هذا رائي الشخصي
                            اما الحفلات المذكوره ابلغني بها شخص مقرب من القرقاح
                            والمصيبه ان يكون هذا الكلام مرتب له فعلا من شخص نحبه كالقرقاح والله اعلم

                            تعليق

                            • قاسي العتيبي
                              عضو ماسي
                              • Aug 2011
                              • 660

                              #15
                              تم النشر في الأصل بواسطة ماجد ال مريتع عرض المشاركة
                              صحت السنتهم جميعا
                              وبخصوص اللي يقول ملفي زعلان على ابن شايق
                              ماظنيت لان هالاثنين تربطهم صداقه داخل وخارج الميدان ولو تلاحظون اكثر شاعر لعب مع ابن شايق ملفي وهذا دليل على كلامي
                              والله لايجيب الزعل بينهممم
                              ومشكور ع النقلل
                              مشكور على ابداء وجهة النظر

                              تعليق

                              العمل...