الشاعر صقر سليم يشهد للشاعر ممدوح العطياني

طي
X
 
  • التوقيت
  • إظهار
مسح الكل
المشاركات الجديدة
  • صلاح العطياني
    عضو
    • Sep 2005
    • 13

    #1

    الشاعر صقر سليم يشهد للشاعر ممدوح العطياني



    الشاعر صقر سليم يشهد للشاعر ممدوح العطياني




    صقر سليم

    ياممدوح وين تروح قدامك الباب = مقفل وحتى القفل فوقه حراسه
    ليا رحت قدمك ماعن الباب مجناب = ولن رحت خلفك صار فيها أنتكاسه


    ممدوح العطياني

    أنا واقف بمشعاب وبدون مشعاب = آآهم شي أبو تركي لايكثر حساسه
    أن كان ظنك زين فالظن ماخاب = وبيت الوفاء ثابت جداره وساسه


    صقر سليم

    ترى مانويت أقحمك في حرب الأحزاب = لكنك عليك أبليس يومي براسه
    وأنا ودي أنك مع طويلين الأشناب = وهذا مكانك كان عندك سياسه


    ممدوح العطياني

    وأنا مانويت أبحث ورى بعض الأسباب = بعد شفت في بعض العلوم ألتباسه
    ترى صاحبك ممدوح يحسب له حساب = ياكم واحدِ ياصقر حاسه وداسه

    صقر سليم

    هذا الشاعر اللي ينغزي به للأجناب = من أول حسبت الوضع ضحك ووناسه
    تبا تطحن العالم على الضرس والناب = مدرسك أبن مشهور فيها دراسه


    ممدوح العطياني

    هذا القاضي اللي ينصف لكل طلاب = وكلاٍ على ماقيل يعرف قياسه
    أي والله علمني ولاأنت بكذاب = تعلمت من علمه ومن قو بآسه



    تم التعديل الأخير بواسطة صلاح العطياني؛ 13-Mar-2012, 12:49 AM.
  • عجاب الدغيلبي
    شــــاعــر
    • May 2011
    • 415

    #2
    مشكور ياصلاح طاروق قوي للشعراء أقوياء
    بالنسبة لممدوح شاهد له قوة شاعريته قبل شهادة صقر مع احترامي الشديد لصقر وشهادته
    شكري وتقديري لك ياصلاح لكن عندك بعض الأخطاء في الكتابة
    ليا كان ظنك زين فالظن ماخاب
    أعتقد أنها كذا
    وكذلك
    أي والله علمني ولا أنته بكذاب
    أعتقد أنها كذا
    تم التعديل الأخير بواسطة عجاب الدغيلبي؛ 13-Mar-2012, 01:03 AM.
    [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    الأطلال تحكي سيرة الحب للعشاق=ماتنسى مادام إن المعالم توضحها
    ليا شفتها سبحت للواحد الخلاّق=عقود الزمن ماغيرت من ملامحها[/poem]
    [align=center]عجاب الدغيلبي[/align]

    تعليق

    • صلاح العطياني
      عضو
      • Sep 2005
      • 13

      #3
      أن كان ظنك زين فالظن ماخاب


      تعديل


      ليا صار ظنك زين فالظن ماخاب .. وبيت الوفاء ثابت جداره وساسه

      تعليق

      • محمد الذيابـــي

        مشرف منتدى قصائد الاعضاء

        • Mar 2011
        • 12133

        #4
        ..



        ممدوح العطيااني شاعر واعد وذكي والمستقبل أمامه



        نتمنى التوفيق له...
        التوقيع

        محمد الذيابـــي

        تعليق

        • مجري الهياب
          عضو فعال
          • Jul 2011
          • 165

          #5
          وأنا ودي أنك مع طويلين الأشناب = وهذا مكانك كان عندك سياسه


          عجيب يا صقر



          ترى صاحبك ممدوح يحسب له حساب = ياكم واحدِ ياصقر حاسه وداسه


          ياسلام

          تعليق

          • قيس العازمي
            عضو ماسي
            • Oct 2011
            • 903

            #6
            صحت اللسنة الشعراء



            والله يوفق ممدوح العطياني




            لاهنت على النقل ياصلاح

            تعليق

            • الرأي الآخر
              عضو ماسي
              • Mar 2007
              • 563

              #7
              بالتوفيق لممدوح في مسيرته الشعرية

              تعليق

              • عبدالاله المقاطي
                عضو فعال
                • Nov 2011
                • 185

                #8
                صح لسان ممدوح ويستأهل الطيب

                تعليق

                • ابو عاتق
                  شـــاعــر
                  • Mar 2004
                  • 205

                  #9
                  الله الله


                  تعلمت من علمه ومن قو باسه


                  الشاعر ممدوح العطياني يستأهل الشهاده وكفو لها

                  والشاعر صقر سليم مدرسه شعريه يستفاد منها الكثير والكثير

                  *
                  شكرًا لك ياصلاح العطياني وبالتوفيق

                  تعليق

                  • قاسي العتيبي
                    عضو ماسي
                    • Aug 2011
                    • 660

                    #10
                    الشاعر ممدوح العطياني من خلال ردوده يتضح أنه شاعر مبدع إذا كان هذه بداياته لا أقول إلا ماشاء الله عليه الله يوفقه

                    تعليق

                    • قاسي العتيبي
                      عضو ماسي
                      • Aug 2011
                      • 660

                      #11
                      تم النشر في الأصل بواسطة ابو عاتق عرض المشاركة
                      الله الله


                      تعلمت من علمه ومن قو باسه


                      الشاعر ممدوح العطياني يستأهل الشهاده وكفو لها

                      والشاعر صقر سليم مدرسه شعريه يستفاد منها الكثير والكثير

                      *
                      شكرًا لك ياصلاح العطياني وبالتوفيق
                      أبو عاتق الشاعر صقر لايعتبر مدرسة وأنا لا أقلل من شاعريته نقول عنه أنه شاعر قوي صح
                      بس مدرسة شعرية يستفاد منها الكثير والكثير لقد بالغت في مدحك له حيث أن مدرسة شعرية لا تطلق إلاّ على الشعراء العمالقة الفطاحلة الكبار الكبار بمعنى الكلمة

                      تعليق

                      • ابو عاتق
                        شـــاعــر
                        • Mar 2004
                        • 205

                        #12
                        تم النشر في الأصل بواسطة قاسي العتيبي عرض المشاركة
                        أبو عاتق الشاعر صقر لايعتبر مدرسة وأنا لا أقلل من شاعريته نقول عنه أنه شاعر قوي صح
                        بس مدرسة شعرية يستفاد منها الكثير والكثير لقد بالغت في مدحك له حيث أن مدرسة شعرية لا تطلق إلاّ على الشعراء العمالقة الفطاحلة الكبار الكبار بمعنى الكلمة
                        لو أنه مات كان مدحتوه وخليتوه مدرسه مثل فيصل الرياحي الله يرحمه

                        صقر سليم شاعر قوي بمعنى الكلمه ومدرسة نقض

                        وتشهدله محاوراته مع كبار شعراء عتيبه بالذات مع رشيد الزلامي وحبيب العازمي ووصل العطياني

                        يقول رشيد الزلامي

                        كل ماشفت البقيلي مر من قدامي
                        قلت مازال السحيمي في الملاعب باقي *

                        تعليق

                        • الغضنفر
                          عضو ماسي
                          • Dec 2011
                          • 700

                          #13
                          اولاً..الشاعر صفر سليم شاعر قدير ويعد منا افضل الشعراء في الساحه الشعريه مع وصل العطياني وسفر الدغيلبي وغيرهم ولاكن شهادته في الشاعر ممدوح العطياني في محلها ويستاهل المدح لنه شاعر جزل رغم صغر سنه وسوف يكون من اكبر شعراء اللملكه ودول الخليج وهومن الشعراء المطلوبين في المناسبات مع الشاعر الميدع العلم وصل الغطياني عند قبيلة العطيات بصفه خاصهااوقبيلة عتيبه عامه ولقبايل الاخري ولهم حضور مميز في جميع الاحتفلاات التمنى من الله العلي القدير التوفيق لهاذالشاعر المحبوب من الجميع لما يتمتع به من شعر واخلاق رفيعه ............



                          ثانياً .مليون شكر للاخ صلاح العطياني على النقل الرايع وصحة السنة الششششعار المبدعين
                          تم التعديل الأخير بواسطة الغضنفر؛ 15-Mar-2012, 10:42 AM.

                          تعليق

                          • قاسي العتيبي
                            عضو ماسي
                            • Aug 2011
                            • 660

                            #14
                            تم النشر في الأصل بواسطة ابو عاتق عرض المشاركة
                            لو أنه مات كان مدحتوه وخليتوه مدرسه مثل فيصل الرياحي الله يرحمه

                            صقر سليم شاعر قوي بمعنى الكلمه ومدرسة نقض

                            وتشهدله محاوراته مع كبار شعراء عتيبه بالذات مع رشيد الزلامي وحبيب العازمي ووصل العطياني

                            يقول رشيد الزلامي

                            كل ماشفت البقيلي مر من قدامي
                            قلت مازال السحيمي في الملاعب باقي *
                            وين صقر عند فيصل هههههههههههههههههههه
                            رحم الله فيصل بواسع رحمته فيصل أقروا به الجميع منذ دخوله للمغترة عام 1407هـ عندما لعب مع خلف بن هذال وأثبت وجوده ولعب المحاورة على أصولها الصحيحة لكن صقر لن ولم يصل ماوصل إليه
                            أبو بدر رحمه الله

                            صقر شاعر صح بس مدرسة شعرية مستحيل

                            بعدين شهادة الزلامي قد يكون له أهداف أخرى منها لعلها تمشي السوق عند قبيلة سليم أو مضايقة لشاعر آخر من نفس قبيلة سليم أو ماشابه ذلك

                            تعليق

                            • ابو عاتق
                              شـــاعــر
                              • Mar 2004
                              • 205

                              #15
                              تم النشر في الأصل بواسطة قاسي العتيبي عرض المشاركة
                              وين صقر عند فيصل هههههههههههههههههههه
                              رحم الله فيصل بواسع رحمته فيصل أقروا به الجميع منذ دخوله للمغترة عام 1407هـ عندما لعب مع خلف بن هذال وأثبت وجوده ولعب المحاورة على أصولها الصحيحة لكن صقر لن ولم يصل ماوصل إليه
                              أبو بدر رحمه الله

                              صقر شاعر صح بس مدرسة شعرية مستحيل

                              بعدين شهادة الزلامي قد يكون له أهداف أخرى منها لعلها تمشي السوق عند قبيلة سليم أو مضايقة لشاعر آخر من نفس قبيلة سليم أو ماشابه ذلك
                              الخبره والمغتره لاتحكم على الشاعر وأكبر دليل لذلك زيد العضيله وابن طمحي

                              وفيصل الرياحي مدرسه شعريه لكن مااحد قال مدرسه شعريه آلا بعد شبع الدود منه وذاك الوقت قالوا مدرسه

                              لو ان شعار عتيبه دفنوه مايقارب خمس سنين وانقذه الله بخلاف حبيب مع القصير مع بداية ظهور القنوات

                              وصقر سليم مدرسه شعر وشاعر ماقف ولايستهان به وقوي من بداياته

                              واكبر دليل انه اثبت وجوده مع فطاحلة الشعر قبل ظهور القنوات

                              *

                              تعليق

                              العمل...