مصلح بن عياد و مستور العصيمي وشعر حقيقي

طي
X
 
  • التوقيت
  • إظهار
مسح الكل
المشاركات الجديدة
  • قاسي العتيبي
    عضو ماسي
    • Aug 2011
    • 660

    #1

    مصلح بن عياد و مستور العصيمي وشعر حقيقي

    مصلح بن عياد الحارثي

    ياسلام الله عليكم مـن هجـوسٍٍ ماتبـدل
    مايغيرهـا الزمـان ولايغيرهـا المكـانـي


    نعم والله بالرجـال اللـي فعايلهـم تجمـل
    واضحه مثل القمر والشمس وسهيل اليماني

    مستور العصيمي

    مرحبا بالشاعر اللـي كـل ماقـام يتحمـل
    اهرج اهرج مع عتيبه وانت مطلوق اللساني


    انت راعي حجـة تطلـب طلـب ولا تعلـل
    ماتجي لك ماتجي لـك ياعميلـي بالتمانـي

    مصلح بن عياد الحارثي

    كل ماعدل عصا دنياي عيت ماتعـدل
    والسنين الباقيه مدري تسع ولا ثماني


    حجتي وردتها للعـد وحبالـي مفتـل
    والعصيمي شاب راسه بيـن....و...

    مستور العصيمي

    الشعر ماهو حديثٍ مـن كتـاب الله منـزل
    وينها حجتك قلـي يافـلان ابـن الفلانـي


    كيف صناع السلاح امن السلاح امسى معزل
    وانت ساكن في ديار الخوف ولا في الاماني

    مصلح بن عياد الحارثي

    لشعر ماهو بمشروب السجاير والمعسل
    اهرج اهرج من السانك واتكلم من لساني


    انتظرني لين اجي ولا ازبن الرجل الموكل
    ماعلي خلاف باقي لي ثلاثه من خوانـي

    مستور العصيمي

    والله اني ماتعبت الا مـع النـاس المهبـل
    ترجم الكلمه ترانـي يالشبابـي ترجمانـي


    وان بغيت تعيدها ياصاحبي مصلح تفضـل
    يااهل الوادي نقول السيل اخير من السواني

    مصلح بن عياد الحارثي

    لاتحللها غلط واثـر الغلـط ماينتحلـل
    وانتبه للثالثـه والياهـداك الله هدانـي


    احتزمنا بالمجناند والخناجـر والمفتـل
    ثم جيناكم صلاة الصبح في الحزم البياني

    مستور العصيمي

    اسمعوا وش قال مصلح والدليله من تدلل
    تاجدون الفرق مابين الدقايق والثوانـي


    خطنا مشروع ماجينا مع خـط التسلـل
    ان بعدنا قمت تزهم وان قربنا ماتدانـي

    مصلح بن عياد الحارثي

    لاتضيق من الحقيقه وانت لك عقل مدبل
    حثها حث الركايب تلهـا تـل الحصانـي


    ويش ادور يالعصيمي باقي المرقاب حول
    كان ترضيك النصيحه طيعني قبل تعصاني
  • محمد الذيابـــي

    مشرف منتدى قصائد الاعضاء

    • Mar 2011
    • 12133

    #2
    ,,


    طاروووق رائع



    لا هنت يالغالي..
    التوقيع

    محمد الذيابـــي

    تعليق

    • سمي ابن وسام
      عضو نشيط
      • Jul 2010
      • 41

      #3
      مرحبا بالشاعر اللـي كـل ماقـام يتحمـل
      اهرج اهرج مع عتيبه وانت مطلوق اللساني


      صح الله السنتهم شعار من الوزن الثقيل

      تسلم يمينك ع النقل

      تعليق

      • منصف في زمن الظلم
        موقوف لمخالفة الأنظمة
        • Nov 2011
        • 142

        #4
        الله الله
        مستور ما يجامل والحارثي متماسك

        تعليق

        • سامي المهياء
          عضو نشيط
          • Jul 2009
          • 53

          #5
          لا هنت على النقل الرائع ،.،.،

          تعليق

          العمل...