خليف المطيري ورجاء الله الحربي وتشقيق الصور

طي
X
 
  • التوقيت
  • إظهار
مسح الكل
المشاركات الجديدة
  • قاسي العتيبي
    عضو ماسي
    • Aug 2011
    • 660

    #1

    خليف المطيري ورجاء الله الحربي وتشقيق الصور

    خليف بن دواس:

    انا بقريش انا بهذيل انا بسليم ابن عبـاد
    اخير الناس واهل الديره اللي لاح بارقها
    بنا فخر النبوه والرساله واطول الامجاد
    منار العالمين بدولـةٍ خضـرٍ بوارقهـا

    رجاءالله الحربي:

    انا حربي ولد حربي شبابي والسيوف احداد
    ليا قمنا نشب النار فـي خنـذف ونحرقهـا
    عسى مالله يكثر شكل ابو طارق مع الا جواد
    وجيه الخير مجتمعه وابـو طـارق يفرقهـا

    خليف بن دواس:

    اويش الخير فيكم يا لبقايا من ثمود وعاد
    بعد معطاكم الله سورة الطارق بطارقهـا
    على ظهر الجمل منّا لها قيد ورسن وشداد
    لهلها باقيه ومسيلمـه الكـذاب سارقهـا

    رجاءلله الحربي:

    واحد منا بميه من مطير عيال بـن شـداد
    وميه من شيوخ مطير نغرقهـا ونشرقهـا
    يقولون الرجال خليف راضع مع سعد حداد
    ويتخفى وراء البيبان لين يجيـه طارقهـا

    خليف بن دواس:

    لنا تاريخنا الهجري ولك تاريخك الميلاد
    تحسب انا كما حوت البحر تمسح عواتقها
    انا من علي صيحه يارجالله واسلم المقداد
    دخل في غرفة المياسه اللي كان عاشقها

    رجاءلله الحربي:

    لكم تاريخ في رعي الغنم والصدر والميراد
    ولو قال المطيري غيرهـا محـدٍ مصدقهـا
    يارواد الاراضي حرب في سطح القمر رواد
    ولا ياخليف روح وطبق المشلـح وعلقهـا

    خليف بن دواس:

    بسيف المجد نرحل من بلاد ونستحل ابلاد
    واخذنا من مغاربها واخذنا من مشارقهـا
    اممنا الجمع ونقود المعارك من وراء بغداد
    على ارضٍٍٍٍ بالحجاز ابمعجزه نثبت حقائقها

    رجالله الحربي:

    تقوله وانت رحت وجيت في ضبط البعير قـراد
    تهز الـراس بيـن ايديـك وعيونـك تبحلقهـا
    انا اعطيتك صابون قلوب واعطيتك صابون اكباد
    والى هالحين ربعك تغـرف البحـر بملاعقهـا

    خليف بن دواس:

    ولد عباد طول الوقت واقف لك على المرصاد
    يعرف الارض وانته صرت فاسق من فواسقها
    ولا ياعقلي اللي له على الماضي حنين افـواد
    متى ب/ايامنا ترجـع وراء وتعـود سبقهـا

    رجاءلله الحربي:

    تساوى فوق سطح الارض لا يجمد عليك اجماد
    ومن شايل بجيبـه صـورة مطيـري يشققهـا
  • محمد الذيابـــي

    مشرف منتدى قصائد الاعضاء

    • Mar 2011
    • 12133

    #2
    الله يرحم خليف بن دواس



    لا هنت يالغالي,,,
    التوقيع

    محمد الذيابـــي

    تعليق

    • مهجرس
      عضو فضي
      • Jun 2011
      • 210

      #3
      رحم الله بن دواس و رجاء الله المحمدي الحربي

      و مشكور ع النقل

      تعليق

      • ساطي .. الحربي
        عضو
        • Sep 2011
        • 9

        #4
        رحمه الله عليهم
        تم التعديل الأخير بواسطة ساطي .. الحربي؛ 28-Jan-2012, 08:54 PM. السبب: ..

        تعليق

        • تايه الغربه
          عضو نشيط
          • Jan 2012
          • 53

          #5
          الله يرحمهم نقل مميز
          وطاروق حماسي
          تحيتي لك

          تعليق

          • سامي المهياء
            عضو نشيط
            • Jul 2009
            • 53

            #6
            لا هنت على النقل الرائع،،،،،،،

            تعليق

            العمل...