رشيد الزلامي و عبدالله العير ( رحمه الله )

طي
X
 
  • التوقيت
  • إظهار
مسح الكل
المشاركات الجديدة
  • قاسي العتيبي
    عضو ماسي
    • Aug 2011
    • 660

    #1

    رشيد الزلامي و عبدالله العير ( رحمه الله )

    عبدالله العير :
    سلام يا اصحابنا اللي جيتهم بالوعد=وانا لياجتني الدعوات لبيتها
    اصفى سما نجد لابارق ولامن رعد=وانا لمحت المزن ورعودها اوحيتها
    رشيد الزلامي :
    الله يحييك ترحيبٍ بليا عدد=قدمك رجالٍ ترحبك ليا جيتها
    بس المصيبه تجيهم وانت مامعك احد=قامت بك الارض واشتغلت عفاريتها
    عبدالله العير:
    البارحه يارشيد وليت الاول بعد=وشلون حال الجماعه يوم مريتها
    حنّا طراقي ولاحنّا من اهل البلد=لكن دعوتك هذي تعرف بويتها
    رشيد الزلامي :
    ان كان تنشد جماعتنا بحال السعد=ومطير ماهي على الدرب وتعديتها
    وش رايكم في عجوز بليس جابت ولد=واليا اسر الله ضحكتك وبكيتها
    عبدالله العير :
    الله ولا النشده اللي تاليتها نكد=وشلون موجتك للمطران فريتها
    اللي عطتك البريره وانت وسط المهد=قالوا لي انك بعد شيّبت جازيتها
    رشيد الزلامي :
    الله يعلم رشيد وقصده اللي قصد=مطير من قبل جيراني وحبيتها
    لاتحفر المقبره يطبق عليك اللحد=واللي عطتني البريره جيت وارضيتها
    عبدالله العير:
    الليله انته بعيرٍ تنتظم وتهبد=ماتنتثنّى يدينك مير ثنيتها
    اللي عطتك البريره حظها منقرد=عرضتها لاهب الكنّه وخليتها
    رشيد الزلامي :
    الموج اشوفه طفح والبحر جاله زبد=لكنّ ذيك البضاعه وين وديتها
    فزعتك عشرين واللي طاح واللي قعد=وخمخمتها في ظلام الليل واخطيتها
    عبدالله العير :
    حطيتها في بيوتٍ جودت بالعمد=وانته تباها لكنّك ماتحليتها
    الله يعذبك كيف اشغلتني بالنشد=عن حرجةٍ تطلب الميته وذكيتها
    رشيد الزلامي :
    اقول سبحانك الخلاق فردٍ صمد=عيون فتحتها وعيونٍ اعميتها
    يالعير دم الخواجه ماع مدري جمد=وارد عراوي دخل ماها على زيتها
    عبدالله العير :
    الله ليا راد له حاجه بليا جهد=حرّم عليك الزقاره وانت كنيتها
    ماعاد عند الخواجه دم كله نفد=اتعبت رجلك على دربه وعنيتها
  • محمد الذيابـــي

    مشرف منتدى قصائد الاعضاء

    • Mar 2011
    • 12133

    #2
    ,,


    صحة الالسن ولا هنت يالغالي,,
    التوقيع

    محمد الذيابـــي

    تعليق

    • ذعير العالي

      رابطة محبي الهيلا

      • Sep 2011
      • 1015

      #3
      صح السااااااااااااان أبوجميل

      والله يرحم العير

      تعليق

      • ذيب الخلا
        عضو نشيط
        • Apr 2010
        • 34

        #4
        شكرا أخوي قاسي على طرح هذي المحاوره والحقيقه أنا دائما ما أقرأ هذه المحاوره للاستمتاع
        شعار عمالقه ورحم الله الشاعر عبدالله العير وأطال في عمر ابو جميل

        تعليق

        • قاسي العتيبي
          عضو ماسي
          • Aug 2011
          • 660

          #5
          مشكورين جميعاً على مروركم

          تعليق

          • عايض جزاء العصيمي

            رابطة محبي الهيلا

            • Oct 2011
            • 1914

            #6
            صح لسان الشاعرين

            وسلمت على النقل

            تعليق

            العمل...