طارق ابداعي بين العياضي والمورقي

طي
X
 
  • التوقيت
  • إظهار
مسح الكل
المشاركات الجديدة
  • الشخص العاقل
    عضو فعال
    • Aug 2010
    • 104

    #1

    طارق ابداعي بين العياضي والمورقي

    طاروق مبدع إلى اخر درجه بين شاعر ين مدعين في احد المنتديات بتاريخ 16/1




    معتق العياضي



    سلام ياأهل المنتدى اللي صمموه وضبطوه = وأصبح مثل بعض البيوت اللي يظلل ظلها
    هذا فلاح اللي عتيبه تالي الوقت أبغضوه = وإسكت لا قول إن القبايل ماتحبه كلها




    فلاح المورقي


    يامرحبا واللي يعرف الدرب لايمكن يتوه = وانا الدروب ادلها وانت الدروب تدلها
    ياحرب شاعركم مايدري فيه غير امه وابوه = وانا مع عتيبه تعقدون العقد ونحلها




    معتق العياضي


    الله يبارك فالأخو لاصار يعرف قدر أخوه = والغاية المقصوده إن طال الزمن ناصلها
    لا والله ألا حرب شاعرهم جدير ونصبوه = لكن حولي من يدورها يبا يحتلها




    فلاح المورقي


    ان كان معتق جزل قلنا جزل ولا فض فوه = وان كان لد العين عينه بالخلال انخلها
    ياحرب نصبتو سليل منير لكن ركدووه = اسيوفه اللي معه قدامي لاعاد يسلها




    معتق العياضي


    وجهة نظر مادام وجهك غير عن كل الوجوه = الله لايحـــرمني الجـــــزله وأنا عمن لـــها
    معتق سليل المجد ماباعوه ربعه وإشتروه = رميتها وسط البحر وأثرك ماتفطن لها



    فلاح المورقي


    معتق ضحية ورطوه اهل المشاكل واتركوه = ياصاحبي مالك ومال اهل المشاكل خلها
    اللي على درب الطمع فكو طريقه واقفلوه = ارجع على كلمتك ثم احفر لها وادفن لها




    معتق العياضي


    هذا فلاح وشلته لو حصلوا سم إشربوه = والكبد تذبحها السموم ولا تبرد غلها
    مامن وراك ألا الأجر حتى طريقك فككوه =يالمورقي ماعاد يبقالك دموع تهلها




    فلاح المورقي


    اسمك وقسمك من بعض معتق هل الخير اعتقوه = قدام لانرجع على دق العلوم وجلها
    المجرم المشبوه صادوه المباحث واسجنوه = واول نصيحه قالو ان فاتك فريضه صلها


    معتق العياضي



    إسمي يهز جبال ورجال المعرفه مانسوه = لو يكتب إسمي فوق ضلعان الحجاز يهلها
    هذي نصيحه طيبة لكنهم لو إنصحوه = سموعه الثنتين لا تعمل ولا يعملها


    فلاح المورقي


    مادام حرب اهل المكارم لزمو الصقر وشووه = هاذي طريقتهم على ماقيل وش نعمل لها
    ياطيب مشيك فالطريق اللي هل الخبره مشوه = مار المطبات الكبيره ماعرفت تزلها
  • محمد الذيابـــي

    مشرف منتدى قصائد الاعضاء

    • Mar 2011
    • 12133

    #2
    صحة السنتهم جميعاً

    كل الشكر لكــ يالغالي,,,
    التوقيع

    محمد الذيابـــي

    تعليق

    • مهجرس
      عضو فضي
      • Jun 2011
      • 210

      #3
      صحة السنت شبابنا

      و مشكور ع النقل

      تعليق

      • الحافي 1
        عضو فعال
        • Jul 2011
        • 154

        #4
        إسمي يهز جبال ورجال المعرفه مانسوه = لو يكتب إسمي فوق ضلعان الحجاز يهلها
        هذي نصيحه طيبة لكنهم لو إنصحوه = سموعه الثنتين لا تعمل ولا يعملها

        هذاك والله صياف الله يرحمه

        تعليق

        العمل...