أقوى المحاورات بين مصلح بن عياد وملفي المورقي...

طي
X
 
  • التوقيت
  • إظهار
مسح الكل
المشاركات الجديدة
  • بدر الشلوي
    عضو نشيط
    • Jul 2010
    • 76

    #1

    أقوى المحاورات بين مصلح بن عياد وملفي المورقي...

    [align=center]هذا الطاروق من حفله جمعت كلاً من مصلح بن عياد وملفي المورقي وحبيب العازمي وهي حفله قديمه جداً


    مصلح بن عياد:
    سلام يا قومٍ تحل النشايب
    يا نعم بالشجعان حاضر وغايب
    وأن كان يا ملفي طرى لك عجايب
    قدم لي الدعوى على صورتين
    أقوم ساعه وأتريّح ساعتين=من ياخذ الأجره يحاسب بالعمل
    أذكر مواجهنا على شمّخ النيب
    يوم ألتقينا عند عوج العراقيب
    عزالله أن ألكم علينا مواجيب
    قدم لي الدعوى على صورتين
    يا كبر حظك يا جبل بين جبلين=أليا أنتهيت من الجبل صادم جبل

    ملفي المورقي:
    يا مرحبا ترحيبةٍ تنعش الروح
    في منزلٍ بابه مشرّع ومفتوح
    للي يجي من ساير الناس ويروح
    قدم لي الدعوى على صورتين
    السالفه ما عاد فيها أغضاي عين=نبا نشيل الحمل في ظهر الجمل
    أي والله أذكر يوم جيتوا وجينا
    هذا الخبر في ماضيات السنينا
    لكن حنا فالواقف ثنينا
    قدم لي الدعوى على صورتين
    حنا نضد القوم بالجنب المتين=أن كان تدري ويش صار وش حصل

    مصلح بن عياد:
    ويش أنت قايل يوم قلتوا وقلنا
    نهار ودينا المراجل لا أهلنا
    أليا زعلت من الحقيقه زعلنا
    قدم لي الدعوى على صورتين
    خنذف ليا نادى المنادي حاضرين=أليا وصل صفك ترى صفي وصل
    أليا نويت أقول ياما وياما
    خايف على العتبان نقرا السلاما
    والفارس اللي فوق متنه وساما
    قدم لي الدعوى على صورتين
    يالله يا رب الثلاثه والثنين=يا رب ملفي لا يموت من الزعل

    ملفي المورقي:
    أذكر كلام دليم فالشيخ مقبول
    طريحنا منكم نشيله ليا الحول
    وطريحكم منا بالاكفان مشيول
    قدم لي الدعوى على صورتين
    حنا عتيبه من قديمات السنين=كم واحدٍ للي وصلنا ما وصل
    يالحارثي ياللي تفتل شواربك
    قدم الحساب الصعب والله لا أحاسبك
    أشوف تال الوقت هبت هبايبك
    قدم لي الدعوى على صورتين
    الحمد لله سالمين وغانمين=أمن المشاكل والتخلف والجهل

    مصلح بن عياد:
    اللي يعرّض غبة الهوش صدره
    ما هو سواة اللي يلقيه ظهره
    ياللي خذينا فيك ورده وصدره
    قدم لي الدعوى على صورتين
    حنا الشلاوى ننطح الجمع الرزين=جيناك ياللي من ورى الواد الفحل
    دليم هو وسحيم مثل الخواني
    يوم أن عشر القوم راحت ثماني
    ويش أنت خابر يوم ذاك المكاني
    قدم لي الدعوى على صورتين
    ودي نحدك حد يالجنب المتين=صرف الذهب ما هو كما صرف الهلل

    ملفي المورقي:
    جيتوا لا كنّا حظنا فوقكم قام
    حنا ربطنا شيخكم عشرة أيام
    تشهد لنا شمر وقحطان مع يام
    قدم لي الدعوى على صورتين
    الله يشهد والخلايق شاهدين=يالحارثي طقيت بابك وأنقفل
    أربع ليال مخيمٍ فوق مانا
    يشب ناره عندنا ما أحتسانا
    ما يدري أنه طايحٍ في يدانا
    قدم لي الدعوى على صورتين
    لو نصنا هاك الليالي غايبين=اللي حضر بالسيف والشلفا فعل

    مصلح بن عياد:
    يوم أختلط عج المقابيس وأبليس
    الله يعوضك في قطيع الخراريص
    ياللي معك نوماس عندي نواميس
    قدم لي الدعوى على صورتين
    ما تنقبلك دعواك غير بصورتين=يكتب لك القاضي على كاتب عدل
    الشيخ عندك والدبش روحوا به
    يوم أن أخو سكرى يحسب ذنوبه
    عقوبةٍ يا كبرها من عقوبه
    قدم لي الدعوى على صورتين
    الشيخ يا ملفي على سمن وسمين=واللي يصوبكم عجل ياصل عجل

    ملفي المورقي:
    ياللي تنومس يوم حصلت حاشي
    الناس ما تحسب حساب المواشي
    شيخك محجز فوق حيد الفراشي
    قدم لي الدعوى على صورتين
    ــــــــــــــــــــــــــــــــــــــــــــــــــ ـــــــــــ=ــــــــــــــــــــــــــــــــــــــ ـــــــــــ
    يالو دليم الطر زينٍ سلاحه
    لا واصباح الحارثي واصباحه
    والله ليومي به ويكسر جناحه
    قدم لي الدعوى على صورتين
    غزيت والعتبان فيهم طامعين=لكن نتفّ ريشكم مثل الحجل

    مصلح بن عياد:
    الشيخ جاكم ضيف ماهو بمجبور
    لا ميتٍ يقبر ولا عظم مشقور
    مقبول أخو حمده ليا غوّر الغور
    قدم لي الدعوى على صورتين
    يا راسك اللي راح أدق من الطحين=كب العسر وأدرج من الدرب السهل
    آلاد شدادٍ وآلاد الحطيبي
    أسلاحهم يوم الملاقا يصيبي
    يطيب لك وآلا على غير طيبي
    قدم لي الدعوى على صورتين
    الله من يومٍ يروع الغافلين=نقلط على المرعي تقول أنه همل

    ملفي المورقي:
    لا والله آلا جاء معصب وغازي
    وجماعته كلٍ برمحه ينازي
    ذابحته الحنطه وبر الحجازي
    قدم لي الدعوى على صورتين
    لكن ردوهم عتيبه مفلسين=على النقا ما فيه غدر ولا ختل
    ماذمكم من ماضيات الليالي
    لكن حنا مثل صم الجبالي
    معنا كثير الناس ماله مجالي
    قدم لي الدعوى على صورتين
    حنا نبا نعلمك بالعلم اليقين=ما عندنا فالمعركه سمن وعسل[/align]
  • العفريت
    عضو ماسي
    • Jun 2006
    • 873

    #2
    الله الله الله الله

    ياسلام ويا سلام

    المحاورة لها قرابة 17 سنه

    اذا عندك لها فديو تكفى تنزله

    لا هنت يابدر الله يعافيك

    تعليق

    • محمد الذيابـــي

      مشرف منتدى قصائد الاعضاء

      • Mar 2011
      • 12133

      #3
      طاروق بالتأكيد راااااائع,,,
      التوقيع

      محمد الذيابـــي

      تعليق

      • عايض جزاء العصيمي

        رابطة محبي الهيلا

        • Oct 2011
        • 1914

        #4
        بيض الله وجهك

        تعليق

        • ابو فايح
          مشـرف عام
          • Jul 2006
          • 5343

          #5
          [align=center]الله الله


          محاوره قبليه درجه أولى


          وهذا قليل من كثير من مصامخ شعري حدث بينهم


          لاهت يا بدر وبإنتظار المزيد[/align]
          عالم تويتر



          abofayeh@

          تعليق

          • عمر الحصيني
            عضو نشيط
            • Sep 2005
            • 47

            #6
            [align=justify]
            تم النشر في الأصل بواسطة بدر الشلوي عرض المشاركة
            [align=center]ملفي المورقي:
            حنا نضد القوم بالجنب المتين=أن كان تدري ويش صار وش حصل

            مصلح بن عياد:
            ودي نحدك حد يالجنب المتين=صرف الذهب ما هو كما صرف الهلل[/align]

            غريبة شاعر كبير مثل بن عياد كيف يكرر القافية !!؟

            عموما صحت الألسن وصحت القلوب

            ومشكور يا بدر مشكور


            ود و ورد


            صادق الإحساس


            [/align]

            تعليق

            • بدر الشلوي
              عضو نشيط
              • Jul 2010
              • 76

              #7
              الإخوه الكرام شاكر ومقدر لكم مروركم ومتابعتكم...

              شريط الحفله موجود عندي كاسيت فقط..

              الأخ عمر الحصيني:

              نعم أبن عياد كرر القافيه وبالتأكيد أنه لم ينتبه لذلك وهذه تحدث عموماً عند الشعار من باب عدم الأنتباه...

              تعليق

              • محمد المرشدي
                عضو ذهبي
                • Jan 2011
                • 332

                #8
                لا هنت يالشلوي وبيض الله وجهك



                وصح السنة العمالقه بن عياد وابو وافي


                والله يرحم دليم الطر المرشدي وكل المسلمين


                وفيه محاوره بين بن عياد وحبيب فيها شطر لحبيب


                يقول

                وجاها دليم المرشدي واطردها


                اللي يعرفها يحطها يالربع ولاهنتوااااا

                تعليق

                • فيصل بن فهد الجهني
                  عضو ماسي
                  • Oct 2010
                  • 594

                  #9
                  الهامور .. اذا روق للملعبه .. قسم محد يحده .


                  ملفي المورقي .. شاعر قوي جدا جدا جدا ...



                  ولا هان ابن عياد

                  تعليق

                  • ابن سند الهذلي
                    عضو نشيط
                    • Nov 2011
                    • 37

                    #10
                    محاورة قوية بكل ما تعنيه الكلمة


                    ولاكن أعتب على شعراء بحجم إبن عياد و ملفي المورقي

                    بالتطرق لهذه المواضيع والرجوع إلى العصبية القبلية بعد

                    ما ساد الأمن في هذه البلاد حفظ الله لها حكامها


                    ولا يمنع أن يتطرقون لهذا المعنى ولاكن بشكل غير مباشر بحيث

                    لا يتضح المعنى إلا للقليل وبدون ذكر أسماء من شاركوا في ذلك

                    المعركه


                    ربما هناك من يؤيدني ومن يعارضني ولاكن هذا رأيي .....




                    سلمت أخوي بدر الشلوي على النقل الله يبيض وجهك ولا يهينك

                    تعليق

                    • بدر الشلوي
                      عضو نشيط
                      • Jul 2010
                      • 76

                      #11
                      تم النشر في الأصل بواسطة ابن سند الهذلي عرض المشاركة
                      محاورة قوية بكل ما تعنيه الكلمة


                      ولاكن أعتب على شعراء بحجم إبن عياد و ملفي المورقي

                      بالتطرق لهذه المواضيع والرجوع إلى العصبية القبلية بعد

                      ما ساد الأمن في هذه البلاد حفظ الله لها حكامها


                      ولا يمنع أن يتطرقون لهذا المعنى ولاكن بشكل غير مباشر بحيث

                      لا يتضح المعنى إلا للقليل وبدون ذكر أسماء من شاركوا في ذلك

                      المعركه


                      ربما هناك من يؤيدني ومن يعارضني ولاكن هذا رأيي .....




                      سلمت أخوي بدر الشلوي على النقل الله يبيض وجهك ولا يهينك



                      ابن سند الهذلي...


                      كلامك في محله و وجهة نظرك نحترمها...

                      ولكن يكون في علمك أن هذه المحاوره قديمه لها قرابة 18سنه وكانت أغلب المحاورات بين الشعراء في ذلك الوقت هذا حالها لعدة أسباب منها أن يتقابل الشاعرين لأول مره فلا تكاد تخلو البدايات من هذه الأساليب...


                      تحياتي للجميع...

                      تعليق

                      • قاسي العتيبي
                        عضو ماسي
                        • Aug 2011
                        • 660

                        #12
                        صحت ألسنت الشعراء العمالقة العمالقة العمالقة صح

                        ملفي ومصلح إذا تقابلوا نخرج بشعر حقيقي

                        بدر الشلوي عزا الله إنك ماتجيب إلا الجزل ياجزل

                        شكري وتقديري لك

                        تعليق

                        • بدر الشلوي
                          عضو نشيط
                          • Jul 2010
                          • 76

                          #13
                          تم النشر في الأصل بواسطة قاسي العتيبي عرض المشاركة
                          صحت ألسنت الشعراء العمالقة العمالقة العمالقة صح

                          ملفي ومصلح إذا تقابلوا نخرج بشعر حقيقي

                          بدر الشلوي عزا الله إنك ماتجيب إلا الجزل ياجزل

                          شكري وتقديري لك

                          قاسي العتيبي

                          هذا من طيب أصلك ومشكور على المتابعه

                          تحياتي لك

                          تعليق

                          • عزارم

                            رابطة محبي الهيلا

                            • Dec 2010
                            • 2691

                            #14
                            محاوره لها طعم والله يرحم أموات المسلمين




                            شكرا لك ياطيب

                            تعليق

                            العمل...