عيـــــار ثقيــــــــــــل

طي
X
 
  • التوقيت
  • إظهار
مسح الكل
المشاركات الجديدة
  • السامي الجعيد
    عضو ذهبي
    • Jul 2008
    • 307

    #1

    عيـــــار ثقيــــــــــــل

    [align=center]سلطان الهاجري



    يقول ابن مرعي هلا يامرحبا بالطيبيـن
    =====على الشحم والهيل والساعه على توقيتها


    الليل يامستور مادون الحلوق الا اليديـن
    =====لـولاك ماطلعـت سكينـي ولا حديتهـا




    مستور العصيمي



    يقول مستور البقا والله يعين المستحين
    =====اوحيتها ولا بعد يالهاجـري موحيتهـا


    سكينك اللي قلتها دور لها كبش سمين
    ===== ياليتها تشبعك من ذيل الطلي ياليتهـا





    سلطان الهاجري




    الك سنه ماغارتقرا في رياض الصالحيـن
    =====وشلون مكـه والمدينـه بعـد مامريتهـا



    ياحارس المرمى تعين من يسار ومن يمين
    =====احذر تمـرك كـورةٍ وتـروح ماصديتهـا






    مستور العصيمي



    الحمـد لله ماقريـت الا كتـاب المسلميـن
    =====وانته تدور لك على حاجه لكـن اخطيتهـا



    يلي تسوق الدول خل الدول يمشي من يمين
    =====فاتت عليك فـروض ياسلطـان ماصليتهـا





    سلطان الهاجري



    عز الله اني خابرك شاعر وراسك مايلين
    =====لكن شوف العنكبوت آويش سوى بيتهـا



    بيني وبينك حرب والسبه من بليس اللعين
    =====اثقل عليك من الحصاه ان شلتها وطيتهـا





    مستور العصيمي




    من غير قاصر فيك شاعر يارضي الوالدين
    =====ماني صحيب العنكبوت اللي عليّ اطريتهـا



    ترى السما لوطاح فوق الارض خلاها طحين
    =====حيثك تشوف الدرب بعيونـك ليـا لديتهـا



    سلطان الهاجري






    الكحل الاسود مايذر الاعلى الرمش الحسين
    =====وانته بغيت تكحل العذرى لكن اعميتها



    بالله يامستور كملك من تعلمت الرطين
    =====من يوم خاويت الخواجه في ظهر ونيتها



    مستور العصيمي



    ياصاحبي سلطان هذا الخبز من هذا العجين
    =====تراي مع شرواك قيد اخذتهـا واعطيتهـا



    الطيّب اللي في هذا الدنيا يعين ويستعيـن
    =====والروح في غير السنع متعبتها واشقيتهـا





    سلطان الهاجري



    الله على هاك الجمال اللي يجرن الحنيـن
    =====في لازمي سرحتها في لازمـي ضويتهـا



    انتم صبرتوا مار جعل الله يعين الصابرين
    =====واللي على بالي بديت بها شهر وانهيتها




    مستور العصيمي



    العب على الموال ياسلطان والخافي يبين
    =====ومدلـك يمنـاي مـع يمنـاك لامديتهـا



    حافظ عاى الاسرار لاتدري قلوب الغافلين
    =====طول علينا الليـل والالغـاز ماحليتهـا



    سلطان الهاجري



    اهب ياهالشايب اللي ماتشيبـك السنيـن
    =====ظلا يهجرس في طواريقي ليـا غنيتهـا



    انا دفنت السر في قبر الحسن ولا الحسين
    =====وانته ترى وضيت رجل ورجل ماوضيتها




    مستور العصيمي




    الرجل في دنياه لابده يدين ويستدين
    =====وانا ليا وردتها فوق العدود أرويتها



    نبا نخليها شوش تزين والاّ ماتزين
    =====طردت بالاقدام في دنياي لين احفيتها[/align]
  • محمد الذيابـــي

    مشرف منتدى قصائد الاعضاء

    • Mar 2011
    • 12133

    #2
    ,,

    لا هنت يالغالي.


    ,,,,,
    التوقيع

    محمد الذيابـــي

    تعليق

    • بن رفااع
      عضو فعال
      • Aug 2010
      • 152

      #3
      [align=center]لاهنت بيض الله وجهكــ[/align]

      تعليق

      • العفريت
        عضو ماسي
        • Jun 2006
        • 873

        #4
        الله الله

        يا سلام


        بيض الله وجهك ولا هنت

        تحياتي

        تعليق

        • قاسي العتيبي
          عضو ماسي
          • Aug 2011
          • 660

          #5
          طاروق فعلاً من العيار الثقيل
          لاهنت يالجعيد

          تعليق

          العمل...