محاورة من ذهب سلطان بن وسام وذيب العمودي

طي
X
 
  • التوقيت
  • إظهار
مسح الكل
المشاركات الجديدة
  • فلاح الهاجري
    عضو ماسي
    • Jul 2007
    • 632

    #1

    محاورة من ذهب سلطان بن وسام وذيب العمودي

    [align=center]
    سلطان الهاجري


    عن حجاز المملكة عن نجد والشرقية =مرحبا باصحابنا جيراننا الغاليني

    شد حيلك واحتزم ياذيب بالجنبية = مار قل لصفوف شمر تنقسم قسميني


    ذيب الشمري


    بالنيابه عن شمال الكوره الارضيه =البقا باللى جميع اخبارهم تعنيني

    صفنا ما يقبل التقسيم فى برقيه =دافعٍ قومي ايقسّمهم ودافع ديني


    سلطان الهاجري


    ودي اسير عليكم بعد عيد ضحيه =وان طرالي شي ثاني جيتكم ذالحيني
    اجدع الجوال واخف ارقامه السريه =واطلع من العازل الصوتي لجل توحيني


    ذيب الشمري


    صاحبك ناويك يا سلطان نفس النيه =اقنع بفرض الكفايه قبل فرض العيني
    تحترق بالنار نصف اشواقك القلبيه =وجايز انه يلتغي عقلك قبل تلغيني


    سلطان الهاجري


    خلني ياذيب لين اقص راس الحيه =لاتروح الحبحبه تزحف علي السكيني
    قبل اشيد خيمتي فالفيضه المحميه =وضعها مهوب مزعلني ولا مرضيني


    ذيب الشمري


    بالخلال ومن خلال الرغبه الشعبيه=امسح اللى كنت كاتب فى قلمك الشيني
    لا تفكرها ليالي شارع الحلميه= فيه دسكٍ ما يعالج بالعلاج الصيني


    سلطان الهاجري


    والله اني مالويت الشوشه الملويه =لين شفت افكاركم تلعب علي الحبليني
    شي اكيد ان البشر مامورتن منهيه =بس لاتنسى ترى نص الميه خمسيني


    ذيب الشمري


    احفظ حقوقك وخل حقوقي الشرعيه = لا تسير براي نابليون واستاليني
    المطالب يالهواجر غير قانونيه =مالكم عندي مطالب وينكم غاديني


    سلطان الهاجري


    حارس الخزنه علامه يسرق الربيه =وان وصله الموت قام يصيح ويناديني
    علم اللي لابسن له مشلحن عاريه =قله انه هو سبب نكبتك يا مسكيني


    ذيب الشمري


    اختلف رمى الرجال وطاحت الطاقيه=والعرب شافت هلال العيد شوف العيني
    انت يا سلطان ضمن الجمله الفعليه=بالليال القادمه يطويك ما يطويني




    وسلامتكم وعذروني على القصور
    [/align]
  • فلاح الهاجري
    عضو ماسي
    • Jul 2007
    • 632

    #2
    ياليت احد من الشعار يفسرها وش كانو يلعبون عليه لن هذي من بعدها ما تقابل سلطان مع ذيب

    تعليق

    • مهجرس
      عضو فضي
      • Jun 2011
      • 210

      #3
      مشكور على نقل المحاورة يافلاح الهاجري

      و اعتقد ان معناهم سياسي

      و يدور حول موضوع الكويت و إيران


      هذا و الله اعلم

      تعليق

      • مجول بن جلال المقاطي
        عضو ذهبي
        • Jun 2011
        • 359

        #4
        من خلال الاخذ والعطاء بين الشاعرين مااتضح المعنا بشكل واضح واعتقد الشمري متعمدا ذلك لكن الاقرب شي خاص بين الشاعرين

        تعليق

        • ابن مغير
          عضو نشيط
          • Jul 2010
          • 94

          #5
          تم النشر في الأصل بواسطة فلاح الهاجري عرض المشاركة
          ياليت احد من الشعار يفسرها وش كانو يلعبون عليه لن هذي من بعدها ما تقابل سلطان مع ذيب

          [align=center]
          سلطان الهاجري وذيب الشمري لعبوا مع بعض فالصيفيه

          فالكويت وكان معهم سفر الدغيلبي ومعتق العياضي [/align]

          تعليق

          • محمد الذيابـــي

            مشرف منتدى قصائد الاعضاء

            • Mar 2011
            • 12133

            #6
            ,,

            لا هنت يالغالي.

            ,,,,,
            التوقيع

            محمد الذيابـــي

            تعليق

            • محمد بن طاري الشمري
              الذيب (سرحان)
              • Aug 2010
              • 24

              #7
              لاهنت اخوي فلاح على النقل ... وانا اوافق ابن مغير انهم تقابلوا بالكويت مع سفر ومعتق ..

              وهذه المحاوره اتمنى من الاخوان إبدآء أرائهم ,,, ولي عوده لاحقاً .


              مشكووور
              تم التعديل الأخير بواسطة محمد بن طاري الشمري؛ 26-Oct-2011, 05:53 PM.

              تعليق

              العمل...