منيف منقره وسلطان الهاجري في اول لقاء بينهم جديد..

طي
X
 
  • التوقيت
  • إظهار
مسح الكل
المشاركات الجديدة
  • الحاكم الحبيب
    عضو
    • Oct 2011
    • 8

    #1

    منيف منقره وسلطان الهاجري في اول لقاء بينهم جديد..

    سلطان الهاجري:
    النار شبت وزيدوها شوية حطب......اما على العازمي ولا على المنقره
    احدن يفرك دقن واحدن يفرك شنب.......وارفع يديني لربي واحمده واشكره
    المنقره:
    العام ضد العرب واليوم صف العرب........الله حسيبي على حكامك يانقره
    مافيه معدن نقي صافي سواة الذهب.......امورنا ميسره واقوالنا مدبره
    الهاجري
    اما ذبحك الوهم ولا ذبحك الجرب ........ولاغدالك على سكة تبوك غبره
    انته كثير الادب منته قليل الادب........وابواب متفتحه وابوابن مسكره
    منيف:
    مايشتكي من ثقيل الجسم غير الركب.......يالهاجري فاح معك المسك والعنبره
    الهاجري ماصدق والهاجري ماكذب.......واحد يثرثر ليا حصل هلة الثرثره
    الهاجري:
    انا تراني ماجيب علوم بلا سبب..........مير انته عظامك من الطرقه مكسره
    يامنيف يامنيف للموضوع راس وذنب........وانته كما الحارس اللي يحرس المقبره
    منيف:
    من يعتب الناس تقبله منه بعض العتب........كثر بالاحلام ترى احلامك مفسره
    مايحمي العين غير الرمش رمش الهدب........واشره على اللي تشوف ركابه مضمره..

    كفو يابومناحي..
  • الحاكم الحبيب
    عضو
    • Oct 2011
    • 8

    #2
    منيف وزيد

    منيف وزيد العضيله يلعبوا على الهاجري..
    منيف:
    يازيد قم سولف قبل يسري الليل.....قم واحتزم نسري مسار الذيابه
    وعلى القريب لا تمد الدرابيل......ومن الطرب تلعب ياقوس الربابه
    زيد:
    ان كان ودك في علوم الرجاجيل.....هات السؤال ولا لك الا الاجابه
    من دون حقي ماني بارد الحيل.......والذيب حطك بين ضرسه ونابه
    منيف:
    لقيت جرت فيل من عين الفيل......جرته بالوادي وهو فيل غابه
    مافيه تزوير ولافيه تظليل........شاهدتك ماهي شهادة صحابه
    زيد:
    عزي لكم يامثورين المفاتيل.......قالوا لي انه راح ينقل صوابه
    احسب حسابك فاليالي المقابيل......وان غاب لايثر عليكم غيابه
    منيف:
    يازيد قبل نكثر الحط والشيل.......كم عاوين يبغا العشا والعشابه
    ثياب من درويش وثياب تفصيل......واحسنهم اللي لالبسته مهابه
    زيد
    اللي ماهو قد السيوف المصاقيل......دون المهند لايجود نصابه
    كبرتها بالحيل بالحيل بالحيل.....قلاب ثوبه ويش حضرة جنابه
    منيف:
    يازيد انا لوكنت حبوب وحليل......يضيع حقي من يديني نهابه
    طلعت عليك الشمس يانجمة سهيل......وادخل على الله عن مقص الرقابه
    زيد:
    ماشفت من قسوتك غير البهاديل.......واللي ماهو بحليل لامرحباابه
    ياللي تكيل الكيل لا تبخس الكيل.......ترى المحصن مايفتش زهابه
    منيف:
    اللي نزل بالسيل لا يامن السيل........ياليت ابو ممدوح باول شبابه
    واللي تغطرس فوق روس الرياجيل.....ان جات له من فوق ماهي غراابه
    زيد:
    يامنقره راحت جمالك محاميل.......ومن التوابه زيد لا واعذابه
    شرب المنايا مثل شرب الفناجيل......بيتن سمعته وانت حسب حساابه
    منيف:
    محملاتن كلهن بنن وهيل......والحمل الاخر طاح ماينسراابه

    وسلاااااامتكم..
    تم التعديل الأخير بواسطة الحاكم الحبيب؛ 06-Oct-2011, 06:18 AM. السبب: خطا في ترتيب التنزيل

    تعليق

    • محمد الذيابـــي

      مشرف منتدى قصائد الاعضاء

      • Mar 2011
      • 12133

      #3
      لاهنت يالغالي
      التوقيع

      محمد الذيابـــي

      تعليق

      • عبدالملك القاضي
        عضو نشيط
        • Aug 2010
        • 95

        #4
        لاهنت على النقل

        المحاوره الأولى رائعه من الشاعرين..

        تعليق

        • الحاكم الحبيب
          عضو
          • Oct 2011
          • 8

          #5
          اشكركم على المرور..
          وقريبا اذا مو بكره بعد بنزلها فيديو على اليوتيوب وانقلكم الرابط..

          تعليق

          • طلب الشيباني
            عضو فعال
            • Aug 2011
            • 115

            #6
            المنقره شآعر جميل ومبدع اذا كآن بكآمل قوآه العقليه ..



            أما الهآجري لله دره كابتن طآئره أينما حل ..



            صحت السنتهم ولا هنت يا الذيب على النقل الرائع ..



            لا تحرمنا جديدك ..




            تحيآتي

            تعليق

            • الحافي 1
              عضو فعال
              • Jul 2011
              • 154

              #7
              والله ان النقر ما هو قليل شر با المحاوره مع الهاجري

              تعليق

              • الحاكم الحبيب
                عضو
                • Oct 2011
                • 8

                #8
                تم النشر في الأصل بواسطة طلب الشيباني عرض المشاركة
                المنقره شآعر جميل ومبدع اذا كآن بكآمل قوآه العقليه ..

                تحيآتي
                عساك ياخوي بقواك العقليه .....هههههههههههههههههههههههههههههــ

                تعليق

                • فهد علي العازمي
                  شــــاعــر
                  • Oct 2005
                  • 3683

                  #9
                  كفو يابومناحي..
                  كفو يا أبو مناحــي

                  حاول تنزلها الليلة وكان نزلتها يوتيوب لاتنسى ترسل لي رسالة خاصة

                  تعليق

                  • نبض الكلام
                    عضو فعال
                    • Sep 2011
                    • 104

                    #10
                    الحاكم الحبيب الف شكر على نقل هذه المحاوره الناريه

                    بين شعراء عمالقه في الساحه الشعريه بصراحه المحاوره شرسه وبقوه بعد

                    تعليق

                    • ابوزيدالعيسى
                      عضو نشيط
                      • Oct 2011
                      • 68

                      #11
                      لاهنت يا لحبيب

                      تعليق

                      • برق شمالي
                        عضو فعال
                        • Apr 2010
                        • 134

                        #12
                        شكرا لك ياحاكم على نقلها .... الحقيقة محاورة جميلة تشكر على نقلها


                        الأبيات هي فعلا كذا وإلا انت نقلتها مستعجل


                        احدن يفرك دقن واحدن يفرك شنب ؟؟

                        من يعتب الناس تقبله منه بعض العتب ؟؟

                        تعليق

                        • عاشق الطاروق
                          عضو فعال
                          • May 2010
                          • 193

                          #13
                          لاهنت على النقل

                          تعليق

                          العمل...