حبيب العازمي وفلاح الحنان فتل ونقض

طي
X
 
  • التوقيت
  • إظهار
مسح الكل
المشاركات الجديدة
  • قاسي العتيبي
    عضو ماسي
    • Aug 2011
    • 660

    #1

    حبيب العازمي وفلاح الحنان فتل ونقض

    [COLOR="Sienna"]

    حبيب العازمي
    هلا يامرحبا والعيد واحد والفرح عيدين=وشرفنا حضورٍ في محل طوال الأيماني
    وأنا الليلة معي سيفٍ على الشعار له حدين=أجرب حده الأول وأجرب حده الثاني

    فلاح الحنان
    يدوم لك البقاء يلي ترحب جعل فالك زين=ألا يازين مردود البرى مابين شجعاني
    عسى عيدك يعود ومن سمع وتعود معه سنين=وأنا وأنته على الدنيا تدورني وتلقاني

    حبيب العازمي
    ترا رد البرى مضمون لو إني غدأ لي دين=لكني ماغدأ لي دين عند فلان وفلاني
    أنا وأنته على الدنيا مثل باشا وعلي حسين=كبنك رجل حنّاني وأنا مانيب حنّاني

    فلاح الحنان
    أجل مشتال سيفك ياولد عازم ورايح وين=مادام إنك غني مافيه دين ولاش دياني
    تركنا علمنا في ربعنا الغالين عام ألفين=ومن بعده طرأ علمٍ على هاجوس الأنساني

    حبيب العازمي
    غزانا مع أول الغازين وأنته فأوسط الغازين=وذا الحينه ليا مريت مسرع ماتعداني
    وألا ياسبيع جتكم حبحبة حمراء على السكين=وقلتوا قنبلة يمكن تبيد الناس من داني

    فلاح الحنان
    أحسب إنك منول تلعب اللعبة على الحبلين=وأثرك اللي على مقطار واحد يالعريباني
    أنا مالي ومال الناس لا صاروا بها راضين=أشوف الحبحبة وبطينها بالحب ملياني

    حبيب العازمي
    أنا مانيب أبو وجهين ياطلاب أبو وجهين=هذاك صحيبك اللي تجرته كرزين دخاني
    مادام اللي زرعها من سبيع يعلم الباقين=أنا ما أقول غير أخوك لاجيته ولاجاني

    فلاح الحنان
    ذهبنا ياذهبنا لاتعود شمع وبلاتين=ترا مال الحمول ألا جملها يابليهاني
    تحسب إنا نبا نعفيك وأنته من رجال الدين=زرعت الحبحبة قدامنا في ذيك الأزماني

    حبيب العازمي
    وألا يالباب أبو ضبة وألا يالباب أبو قفلين=مفاتيحك غدت في منطقة غامد وزهراني
    ياكثر اللي على بالي لكن أحسب لها بعدين=حرامٍ من حزامي ماتحرك روس عدواني

    فلاح الحنان
    تذكرني علومٍ قد نسيناها لها عامين=وقف من دونها جيش المريكي والبريطاني
    نبا نجمع جماعتنا نبا ندحم على الجنبين=وأبا ألبسك تاج المعرفة كان الله أحياني

    حبيب العازمي
    كحلت الرمش فوق العين طال الرمش فوق العين=بكحلٍ مختلف ماهو كحل مدعوج الأعياني
    كثر خيرك مابي لك تاج لابكرة ولا هالحين=أنا تاجي على رأسي ورثته بعد جداني

    فلاح الحنان
    يدورن الليالي والدهر يمشي بلا رجلين=بغيت أصبح مع أهل الشرق لكن ليلهم جاني
    تم التعديل الأخير بواسطة قاسي العتيبي؛ 17-Sep-2011, 02:38 AM.
  • محمد الذيابـــي

    مشرف منتدى قصائد الاعضاء

    • Mar 2011
    • 12133

    #2
    ,’


    طاروق مميز



    مشكور ياقاسي فانت مميز أيضاً.


    تقبل تحيتي.


    ,
    ’
    التوقيع

    محمد الذيابـــي

    تعليق

    • فيصل بن فهد الجهني
      عضو ماسي
      • Oct 2010
      • 594

      #3
      أحسب إنك منول تلعب اللعبة على الحبلين=وأثرك اللي على مقطار واحد يالعريباني



      بيت قوي جدا من الحنان


      محاوره جميله .. اكتملت فيها فنون المحاوره في الفتل والنقض و الرمزيه



      لا هنت يا الذيب

      تعليق

      • قاسي العتيبي
        عضو ماسي
        • Aug 2011
        • 660

        #4
        محمد الذيابي - فيصل الجهني
        مشكورين على مروركم الكريم

        تعليق

        • صريح وجريح
          عضو نشيط
          • May 2010
          • 86

          #5
          بيض الله وجهك محاوره اكثر من رائعه

          يعجبني الحنان كلامه دايم حلووو ولا يهون حبيب

          نقض ذكي من الحنان يوم يقول :

          أجل مشتال سيفك ياولد عازم ورايح وين=مادام إنك غني مافيه دين ولاش دياني

          ودمتم سالمين

          تعليق

          العمل...