انته عصيمي تغطرس تحسبنك عمنا !! بين حبيب ومستور

طي
تم إغلاق هذا الموضوع.
X
X
 
  • التوقيت
  • إظهار
مسح الكل
المشاركات الجديدة
  • ( نجم الحجاز )
    عضو نشيط
    • May 2011
    • 68

    #16
    طاروق رائع



    شكرا على النقل

    تعليق

    • سلمان المرشدي
      عضو ماسي
      • Jun 2011
      • 520

      #17
      شاعر مشاعر ياخي والله لاتعرف الشعر ولا انت تارك الناس تشارك

      سلطان البقمي شكرا لك تفسير حول الواقع


      ولازم تشارك معنا بعدين لاتحرمنا من معلوماتك المفيده

      تعليق

      • مزحم العتيبي
        عضو فضي
        • Aug 2010
        • 237

        #18
        تم النشر في الأصل بواسطة فيصل بن فهد الجهني عرض المشاركة
        المحاوره قويه جدا


        و لكن متى تاريخها .. لأن عندي علم ولا ادري عن التاريخ


        يمكن يكون المعنى عن قناة المرقاب .. و العلم عند الله


        و لكن فيه بيت لفت انتباهي لمستور .. و ما ادري وش يقصد :



        مامنك امر يالعازمي ماني مدور منك امر ... لاحيث دمك ياحبيب مايطابق دمنا



        و شكرا يا متابع على الطاروق
        يقصد ان الضعيف مايترك الحقد والنجاسة ويتكلم في امور ماتخصه

        تعليق

        • عـقـــــــــــاب

          رابطة محبي الهيلا

          • Jul 2011
          • 1002

          #19
          محاوره قويه و جميله فيها من البداع و .................... ولا يستغرب على الشعار الكبار

          سلطااان البقمي عز الله ان تفسيرك حول المعنى والله اعلم
          شاعر مشاعر ليتك امرحت وانا اخوك

          تقبلوا مروري بصدر رحب ( ابتسامه)

          تعليق

          • مزحم العتيبي
            عضو فضي
            • Aug 2010
            • 237

            #20
            سلطان البقمي

            انت استاذ في التحليل
            وشكرا على مجهودك الوافي

            تعليق

            • ثابت الادله
              عضو نشيط
              • Jun 2007
              • 44

              #21
              سلطان البقمي تسلم على التحليل وياليت تتواصل معي على الايميل

              asnafi_2007@hotmail.com

              تعليق

              • متابع هنا وهناك
                عضو نشيط
                • Apr 2010
                • 98

                #22
                الشكر موجه لكم جميعا دون استثناء على المشاركات


                استاذي ابوفايح اورد لك شكر خاص على تفاعلك واتمنى منك مشكورا التوضيح اكثر ان كان بالامكان

                استاذي سلطان البقمي مليون شكر لك ولايكفون على تفاعلك ايضا واخص بشكري لك لتحليلك المفصل


                اخوي شاعر مشاعر .. اتمنى ان تكون لنا عونا بالتركيز في موضوع المحاوره وعدم الخروج عنها

                تعليق

                • ضيف الله العضياني
                  عضو فعال
                  • May 2011
                  • 127

                  #23
                  والله ان المعنى في وادي وسلطان البقمي في وادي

                  الثلاثه اللي في منى توريه على شان الناس تفهم انه يقصد الجمرات الثلاثه وان مستور اكبرهم

                  وهو بيقصد الثلاثه اللي في منى الثلاثه الأشخاص اللي في منى في ذلك الوقت

                  وحبيب ما اتى بكلمة الثلاثه اللي في منى الا ليغطي المعنى عن تفكير الناس

                  ويبعدهم صلب الموضوع اللذي يصعب عليهم الوغول فيه بطريقه مباشره

                  تعليق

                  • مرزوق الوذيناني
                    عضو فعال
                    • Jun 2011
                    • 148

                    #24
                    تم النشر في الأصل بواسطة سلطان البقمي عرض المشاركة
                    السلام عليكم


                    الحقيقه انني ماكنت افكر ان احلل اي محاوره في هذا المنتدى من غير قصور في إدارته والاعضاء اللي يقدروني وقدرهم. لكن جيت بالصدف وحصلت اخي العضو:متابع

                    كتب اسمي هنا :وتقديراً له.. وتقديراً الطاروق والشعراء حبيت اكتب وجهة نظري وتحليلي الشخصي... وزادني حماس على التحليل ردود بعض الاعضاء بقوله

                    ان مستور قال لحبيب انت لست عتبي! ليه حبيب من افريقيا؟ البيت يحلل بالمعنى وليس بضاهر البيت:إليكم التحليل
                    :
                    :



                    :



                    بيب العازمي

                    الليل يامستور يابابور مدري يابحر
                    والظاهر انك في محل البحر والبابور انا:محل البحر يقصد بالبحر الامير والبابور انا يعني انا الشاعر)

                    انت اكبر الشعار في الخبرات والا في العمر
                    مثل اكبر اللي ماني بقايل ثلاثه في منى(يقصد انك الشيطان الاكبر في جمرات منى.الواضح ان حبيب زعلان من مستور.قد يكون مستور.

                    لم يقدم له خدمه في المغتره ،، يتضح من المعنى ان حبيب محارب في ذالك الوقت من مستور في البيوت التاليه:



                    مستور العصيمي

                    بالهون يابابور قدامك خطر خلفك خطر
                    عساك تصبح ثم تمسي ياحبيب بالهنا(عساك تكون شاعر وتاخذ نصيبك مع الشعراء يقصد الماده)


                    اظن مالك ياحبيب لانجوم ولاقمر
                    واللي يدور للعنى يالعازمي يلقى العنا(اللي يبي الشعر والرزق يواجه اخصام كبار)


                    حبيب العازمي

                    البرق يبرق في السماء والله يجينا بالمطر

                    اما يشيلك من هنا والا يشيلك من هنا(يقصد المبلغ اللي من الامير للشعراء

                    ياسيدي صدقني ان الرجل علمنا السحر
                    والله يعلم نصنا مسحور والا كلنا( كلنا نرغب المغتره عسى الله يرزقنا )


                    مستور العصيمي

                    ماجايك الا ماكتب لك والختام اقضم حجر(هههههه يقول محد معطيك شي )
                    وانا بخير وعافيه والحمدلله والثنا(يقول ماطلبت منه شي::> شكل مستور مسئول عن الشعراء ياخذون بتوصيته لشعراء يتضح في البيت الثاني ذالك)

                    شغل البنادم مايغلق في سنه والا شهر(انت ماتقنع الانسان من طمع)
                    والليله اللي جمعتنا ماتجي لي بالمنى(هذا الواضح ان مستور هو اللي يقيم الشعراء ومن ثم التوصيه لهم عند الامير .بقوله ماتجي لي بالمنى بمعنى اني لن اشهدلك )


                    حبيب العازمي

                    لاوالله الا ولعت لكن رجلك والجمر(زعل حبيب يقول اجل بيني وبينك النار)
                    انته عصيمي تغطرس تحسبنك عمنا(تحسب ان الرزق على يدك او شعري بشهادتك)

                    من عام الاول وانت في صدرك بلاء دوبه ظهر(توي اتأكد انك تحاربني)
                    وان مت يدفنك النفيعي موت منت بهمنا (يدفنك الشاعر اللي انت مشكل ثناي معه)


                    مستور العصيمي

                    مامنك امر يالعازمي ماني مدور منك امر(مالك فضل علينا نحن اكبر منك )
                    لاحيث دمك ياحبيب مايطابق دمنا (انت لست بشاعر بحجمنا )

                    انا ليا مني مشيت الدرب احدد بالنظر
                    وانته ليا منك مشيت الدرب منت بمثلنا(انا اعرف الشعراء اللي العب معهم نظري يكفيني رداً على يدفنك النفيعي)


                    حبيب العازمي

                    صدقت دمك مختلف سنة ظهر جن البقر
                    وان كانت غيرت الفصيله بي زايد قل لنا(اضن دمك مافيه حميا لربعك عتيبه خدماتك لشاعر غيري)

                    الاوله عديتها والمقبلات ادهى وامر
                    يالله ياربي على بعض العلوم امهل لنا(بيني وبينك الميدان والحرب في الايام المقبله)


                    مستور العصيمي

                    في ذمتي ماقط جبت الخير يالطير الغبر
                    مدري حفظت دروسنا والا نسيت دروسنا(مالنا من وراك مصلحه وماجبت لنا شي)

                    في القلب مدري وش دخل والعين داخلها السهر
                    ماكل نخله ياحبيب ينجني منها جنى (عزايمك لي بدون مصلحه الفايده منها السهر ماش ماده)


                    حبيب العازمي

                    وانته وش اللي جبت لي غير المشاكل والقشر(ههههه وحده بوحده
                    نبا نضد بك العدا وانته رفيق ضدنا (يعني تحسدنا في الرزق وتحاربنا في الشعر)

                    يابدو ياللي تعشقون المرجله مثل الحضر
                    الحضر ماقالوا مشاعيب المشاكل عندنا(الحضر مايحسدون بعضهم كلاً يشجع الاخر على التجاره)




                    هذا تفسيري الشخصي والله واعلم::

                    وان مت يدفنك النفيعي موت منت بهمنا

                    النفيعي مسؤال عن الشعراء فالمغتره وبرضوه مستورالعصيمي له كلمه ماتشوفون بعض الشعراء يتلزق مع مستور هههههههههه

                    وصراحة تحليل البقمي هو الصحيح والله اعلم


                    وتشكر على نقل المحاوره الجميله يامتابع

                    تعليق

                    • ابو نايــف
                      عضو نشيط
                      • Apr 2010
                      • 85

                      #25
                      سلطان البقمي مكسب للمنتدى وحلل المحاوره وماقصر ياليت اللي يشوف تحليله خطأ يرد علينا بالتحليل بدون شوشره

                      تعليق

                      • !! . مــآجـد . !!

                        رابطة محبي الهيلا

                        • Apr 2009
                        • 1831

                        #26
                        [align=center]شعراء كبار ومحاورة رائعهـ

                        ويبقى ابو تركي هو المعلم ..
                        [/align]

                        تعليق

                        • منصور عبيد
                          موقوف لمخالفة الأنظمة
                          • Aug 2011
                          • 60

                          #27
                          ياسيدي صدقني ان الرجل علمنا السحر
                          والله يعلم نصنا مسحور والا كلنا



                          هذا اعتراف واضح وصريح من حبيب العازمي بالاستاذيه لمستور العصيمي

                          وانه الي علمه الشعر




                          مامنك امر يالعازمي ماني مدور منك امر
                          لاحيث دمك ياحبيب مايطابق دمنا


                          هذا البيت واضح ومايبي شرح واستفزبه مستور حبيب

                          حتى ان حبيب رد على هالبيت ببيتين مو بيت واحد

                          محاوره رائعه

                          تعليق

                          • محمد العتيبي11
                            عضو نشيط
                            • Sep 2009
                            • 51

                            #28
                            المحاوره راقيه


                            محاوره ذهب والتحليل يفقده بريقهاااا

                            لاننا بختصار لن نصل الى عمقهااااا مهما اجتهدناااا

                            محاوره اطرافها حبيب ومستور وفي المغتره

                            تكفي قرائتهاااا عن قرائة عشرات المحاورات

                            وترضي الذائقه

                            مهماااا خفى معناها

                            استمتعو

                            تسلم يا نا قلهاااا

                            تعليق

                            • محمد العتيبي11
                              عضو نشيط
                              • Sep 2009
                              • 51

                              #29
                              ياسيدي صدقني ان الرجل علمنا السحر


                              والله يعلم نصنا مسحور والا كلنا


                              هذاااا المعناااا على ابو فايح


                              والمحللين

                              تعليق

                              • رباح دبيان البيضاني الحربي
                                عضو فضي
                                • Aug 2011
                                • 275

                                #30
                                محاوره رائعه بين عملاقان من عمالقة شعر المحاوره . وتسلم يامتابع على هالذوق الراقي . اما من ناحية المعنى لو اجيز لنفسي تفسير معنى محاوره او أويد احد بذلك على اي منبر انتشار . لاقلت ان البقمي لاقرب

                                وتقبلوا تحياتي

                                تعليق

                                العمل...