فالح الغنامي وعبدالله الميزاني و السبب ( صقر سليم )

طي
تم إغلاق هذا الموضوع.
X
X
 
  • التوقيت
  • إظهار
مسح الكل
المشاركات الجديدة
  • ابو فايح
    مشـرف عام
    • Jul 2006
    • 5343

    #1

    فالح الغنامي وعبدالله الميزاني و السبب ( صقر سليم )

    [align=center]محاوره سابقه فالقصيم في حفله لدى قبيلة مطير

    لعب الميزاني الطاروق الأول ورحب في محله

    ثم جاء صقر سليم ورحب فالطاروق الثاني بما أن الحفل عند خنذف وخصمه من شبابه وطلب فالح الغنامي ولكن كان للميزاني رأي أخر ويرى أن ترحيب صقر سليم خاطئ!!

    [/align]



    [align=center]صقر سليم [/align]
    [poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    يا لا لا لا لاله يا مرحبا عد نو المخيله = يا لا لا لا لاله في حلة أهل الوفاء وأهل الكرامه
    يا لا لا لا لاله أشوف فالح هروجه قليله = يا لا لا لا لاله إيدور متلطمن بالعمامه [/poem]




    [align=center]عبدالله الميزاني [/align][poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    يا لا لا لا لاله بعض التراحيب عيب وفشيله = يا لا لا لا لاله ما قالها غير لحجي تهامه
    يا لا لا لا لاله في سليم وسليم ماهيب أصيله = يا لا لا لا لاله ما هم حبوس الضعن والجهامه [/poem]




    [align=center]صقر سليم [/align]

    [poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    يا لا لا لا لاله هذا علشان أسوي جميله = يا لا لا لا لاله واللحجي اللي سفيه (ن) كلامه
    يا لا لا لا لاله ما دام وليا ان هذا حصيله = يا لا لا لا لاله لا والله إلا ردي (ن) مقامه [/poem]



    [align=center]عبدالله الميزاني [/align]
    [poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    يا لا لا لا لاله في ما نرى مال دمك فصيله = يا لا لا لا لاله عيت تقلك عظام الرخامه
    يا لا لا لا لاله مسيرتك يا ألف ليله وليله = يا لا لا لا لاله يا ابو يزن علم أبو دلامه [/poem]


    [align=center]صقر سليم [/align]

    [poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    يا لا لا لا لاله حنا رجال السيوف الصقيله = يا لا لا لا لاله وأنته تراعد عظامك هلامه
    يا لا لا لا لاله خربت سمعت كبار القبيله = يا لا لا لا لاله تومي رقبتك سوات النعامه
    [/poem]

    [align=center].
    .
    .
    .
    .
    .[/align]



    [align=center]بعد ذلك غير الميزاني وطلب فالح الغنامي منتقدا الشعراء الشباب وصقر سليم خصوصا [/align]


    [align=center]عبدالله الميزاني [/align]

    [poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    وألا يا فالح اللي جيت متعني وراك علوم = وراك علوم وقبور العرب تحمل نصايبها
    لقيت اربع طعش منكم تبيع ولا تعرف تسوم = وأثر بعض اللحى ما شيبها ألا من شواربها [/poem]



    [align=center]فالح الغنامي [/align]
    [poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    علوم الطيب ما تهضم حقوق القوم عند القوم = لكن الله يستر يابن غازي لا تخربها
    لقيت أربع طعش منكم يبيعون البصل والثوم = تراها سلعة(ن) خسران سا يمها وجالبها [/poem]



    [align=center]عبدالله الميزاني [/align]
    [poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    ليا لديت عينك للسماء طاحت عليك نجوم = سواهر قوم وألا قوم ما ضاعت مذاهبها
    دخيلك لا تزاحم فالطريق الدولي المزحوم = على ما في عقول يمكنا نخاطبها [/poem]


    [align=center]فالح الغنامي [/align]
    [poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    ليا لديت عيني للسماء أدري إني قوي عزوم = لكن الشمس تضوي مشرق الدنيا ومغربها
    يقولون العجايب سبع وأقول العجايب كوم = ترى دنياك هاذي يمكن إنك من عجايبها [/poem]


    [align=center]عبدالله الميزاني [/align]
    [poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    وألا يا كثر همي كل ما تملا الصدور هموم = وألا ليت البحور أمواجها تغرق مراكبها
    وألا يا طير ياللي ما تطير ولا تعرف تحوم = وأثر بعض الطيور زقومها أطول من مخالبها [/poem]


    [align=center]فالح الغنامي [/align]
    [poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    من كبار الحساني حسنة المعطى على المحروم = ليا شان الزمن نزل عباة الخير وإقلبها
    وألا يا طير كيف تطير في كبد السماء وتعوم = لكنك منت لاقي صيدة(ن) سهله تطير بها [/poem]


    [align=center]عبدالله الميزاني [/align]
    [poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    أنا أسمع لي ونين ولا ونين ألا من المحموم = متى تبرى من الحمه بعد ما الله بلاك بها [/poem]
    عالم تويتر



    abofayeh@
  • محمد العتيبي

    مشرف منتدى شعراء قبيلة عتيبه

    • Mar 2005
    • 10789

    #2
    الف شكر يالغالي ..



    لا تعليق ..
    [align=center][/align]








    [align=center]للتواصل عبر twitter تويتر


    al_bargawy@
    [/align]

    تعليق

    • سلطان البقمي
      عضو ماسي
      • Mar 2011
      • 717

      #3
      يا لا لا لا لاله يا مرحبـا عـد نـو المخيلـه
      يا لا لا لا لاله في حلة أهل الوفاء وأهل الكرامه
      يا لا لا لا لاله أشـوف فالـح هروجـه قليلـه
      يـا لا لا لا لالـه إيـدور متلطمـن بالعمامـه



      يفترض ان يقول في الترحيبه بالنيابه في حلال اهل الكرامه)لأن لضيف معازيب وشعارهم


      موجودين ..هذا اول شي ثاني شي يفترض مايرحب لأنه طالب شاعر ضيف مثله



      ثالث شي ..تمنيت من سوار الذهب ان يكون رده اخف من ذالك لاكنه زعلان جداً

      ومن حقه يوم قال لحجي تهامه يقصد ماتعرف سلوم العرب تقدم على معازيبك

      وترحب بضيوفها : لو مافيه شعار صح لكن شعار مطير موجودين ويحق له يزعل


      هذه من وجهة نظري

      تعليق

      • ܓܨ عبدالله البرقاويܓܨ
        عضو مميـــز
        • Sep 2009
        • 1405

        #4
        عبدالله الميزاني الله يشافيه بس
        هو كل صيفيه لازم يخربها
        شكرا الف ياابو فايح

        تعليق

        • سلطان ابن حامد
          شـــاعــر
          • Oct 2009
          • 432

          #5
          صقر سليم شاعر مبدع وقوي ويسير بـ خطى ثابته نحو القمـّه

          والحقيقه أنـّه يشرّف في كل محفل .. وعاقل وأديب يعطي الرجال حقوقها

          وترحيبته ما فيها شي لأن ّ الميزاني لعب قبله ورحـّب .. ترحيبته في محلـّها

          ومدح أهل الحفل [ في حلـّة أهل الوفاء وأهل الكرامه ]

          وطمرة الأخ في الله الميزاني غاديه .. رغم إنـّها غير مستغربه منه

          وأخطأ خطأ يحسب على أهل الحلـّه يوم يقول سليم ماهي أصيله ولحجي تهامه

          مدري كيف تجرأ على مثل هذه القبيله العريقه [ سليم بن منصور ]

          أمـّا فالح لله درّه يقول الشعر كما يجب أن يقال فعلا

          تقديري لـ / أبو فايح وحبـّة خشم
          توترتي هنيـّا : )

          تعليق

          • سلطان ابن حامد
            شـــاعــر
            • Oct 2009
            • 432

            #6
            تم النشر في الأصل بواسطة سلطان البقمي عرض المشاركة
            يا لا لا لا لاله يا مرحبـا عـد نـو المخيلـه
            يا لا لا لا لاله في حلة أهل الوفاء وأهل الكرامه
            يا لا لا لا لاله أشـوف فالـح هروجـه قليلـه
            يـا لا لا لا لالـه إيـدور متلطمـن بالعمامـه



            يفترض ان يقول في الترحيبه بالنيابه في حلال اهل الكرامه)لأن لضيف معازيب وشعارهم


            موجودين ..هذا اول شي ثاني شي يفترض مايرحب لأنه طالب شاعر ضيف مثله



            ثالث شي ..تمنيت من سوار الذهب ان يكون رده اخف من ذالك لاكنه زعلان جداً

            ومن حقه يوم قال لحجي تهامه يقصد ماتعرف سلوم العرب تقدم على معازيبك

            وترحب بضيوفها : لو مافيه شعار صح لكن شعار مطير موجودين ويحق له يزعل


            هذه من وجهة نظري

            أنت وجهة نظرك لـ حالها دائم .. لله درك بس
            توترتي هنيـّا : )

            تعليق

            • سلطان البقمي
              عضو ماسي
              • Mar 2011
              • 717

              #7
              تم النشر في الأصل بواسطة سلطان ابن حامد عرض المشاركة
              أنت وجهة نظرك لـ حالها دائم .. لله درك بس


              نعم هذه وجهة نظري" والموضوع موضوع نقاش لجميع الا عضاء بما فيهم



              سلطان حامد لكن سلطان حامد عينه على اسمي ولم يشوف الموضوع


              وهذه مشكلتنا في هذا المنتدى نحارب اسما ولا نتكلم بالحق في النصوص


              واعطيك مثال ممكن يقرب لك الرؤيه اكثر ابي منك شي واحد تروح ارشيف


              المحاورات ورشيف قصيد الا عضاء


              وتشوف التقييم خمس نجوم عشر نجوم على قصايد ناس معروفين في



              الساحه من شعراء نظم ومحاوره اما قصيد الا عضاء محد يقيمه



              مع انه افضل من بعض قصايد الشعراء المعروفين لكن مثل ماقلت الناس


              تطالع في الا سما وليس النصوص وهذا مما يدل على العين الثاقبه التي


              تقيم الشي .... انت ياسلطان حامد . علق على النص وخلنا نشوف رايك

              وترك سلطان البقمي وعلومه ممكن نحصل منك راي يتفق العموم عليه



              تحياتي لك

              تعليق

              • سلطان ابن حامد
                شـــاعــر
                • Oct 2009
                • 432

                #8
                ^

                طلع من الموضوع هههههههه

                نزل قصيده وعندي انا اصكها عشر نجوم
                توترتي هنيـّا : )

                تعليق

                • سلطان البقمي
                  عضو ماسي
                  • Mar 2011
                  • 717

                  #9
                  تم النشر في الأصل بواسطة سلطان ابن حامد عرض المشاركة
                  صقر سليم شاعر مبدع وقوي ويسير بـ خطى ثابته نحو القمـّه

                  والحقيقه أنـّه يشرّف في كل محفل .. وعاقل وأديب يعطي الرجال حقوقها

                  وترحيبته ما فيها شي لأن ّ الميزاني لعب قبله ورحـّب .. ترحيبته في محلـّها

                  ومدح أهل الحفل [ في حلـّة أهل الوفاء وأهل الكرامه ]

                  وطمرة الأخ في الله الميزاني غاديه .. رغم إنـّها غير مستغربه منه

                  وأخطأ خطأ يحسب على أهل الحلـّه يوم يقول سليم ماهي أصيله ولحجي تهامه

                  مدري كيف تجرأ على مثل هذه القبيله العريقه [ سليم بن منصور ]

                  أمـّا فالح لله درّه يقول الشعر كما يجب أن يقال فعلا

                  تقديري لـ / أبو فايح وحبـّة خشم


                  اسمحلي بتعليق بسيط وسع صدرك معي شوي



                  في محل اهل الوفا والكرامه يقولها شاعر مطير وهذا اللي زعل سوار الذهب

                  السلمي قال ترحيبة اهل المحل ماجاب غيرها وهذه هي المشكله


                  هل تتفق معي ولا تعارض؟؟ ودنا برايك في تعليقك
                  تم التعديل الأخير بواسطة سلطان البقمي؛ 03-Jul-2011, 08:49 PM.

                  تعليق

                  • سلطان البقمي
                    عضو ماسي
                    • Mar 2011
                    • 717

                    #10
                    تم النشر في الأصل بواسطة سلطان ابن حامد عرض المشاركة
                    ^

                    طلع من الموضوع هههههههه

                    نزل قصيده وعندي انا اصكها عشر نجوم

                    لالا ماطلعت من الموضوع هذه الحقيقه لاكن انتم تعكسون الحقيقه وهذا ردك

                    دليل على كلامي ليش ماتقول والله انك صادق ماعندك جرأة تقوله؟



                    بالنسبه لقصيدي مشكورين ومجملين لا حد يقيمه شوفوا غيره من قصيد الشباب





                    هذا نقاش للفايده مو حرب إذا جبنا شي مفيد

                    تعليق

                    • سلطان ابن حامد
                      شـــاعــر
                      • Oct 2009
                      • 432

                      #11
                      تم النشر في الأصل بواسطة سلطان البقمي عرض المشاركة
                      اسمحلي بتعليق بسيط وسع صدرك معي شوي



                      في محل اهل الوفا والكرامه يقولها شاعر مطير وهذا اللي زعل سوار الذهب

                      السلمي قال ترحيبة اهل المحل ماجاب غيرها وهذه هي المشكله


                      هل تتفق معي ولا تعارض؟؟ ودنا برايك في تعليقك
                      معقوله الى هذا الحد يصعب عليك التفكير !!!
                      توترتي هنيـّا : )

                      تعليق

                      • سلطان البقمي
                        عضو ماسي
                        • Mar 2011
                        • 717

                        #12
                        تم النشر في الأصل بواسطة سلطان ابن حامد عرض المشاركة
                        معقوله الى هذا الحد يصعب عليك التفكير !!!

                        لحول ولا قوة الا بالله ياسلطان هذه الترحيبه يقولها راع المحل حتى لو انه


                        انت عند ربعك تبي تقولها لسلمي صح ولا انا غلطان منت مرحب بهذه الكلمه؟


                        هل إذا قلتها تحسب عليك غلطه وانت المعزب؟؟؟؟؟؟ الغلط


                        لو قلت في حفل عتيبه مرحبا بالنيابه هذا هو الغلط !!

                        تعليق

                        • العفريت
                          عضو ماسي
                          • Jun 2006
                          • 873

                          #13
                          تبون الصدق بدون مجامله

                          صقر بدون قصد غلط في الترحيب خاصه وانه في اول الحفله وفيه شعراء من مطير موجودين

                          ماني مجامل البقمي لكن كلامه صحيح لو صقر اشار الى القبيله بالنيابه اهون خاصه وانه ضيف

                          مثال من المحاورات ولكم الملاحظه

                          فيصل الرياحي ومصلح بن عياد يحضرون في حفلات عتيبه مع مستور وحبيب ومصلحه مايرحب ب فيصل

                          لانهم ضيوف والمعازيب عندهم شعراهم وما كلفوا مصلح بالترحيب

                          لاتخلطون الاوراق ببعضها هذي سلوم قبايل مال الشعراء ولا العنصريه ولا القبول من شاعر على حساب

                          شاعر اخر

                          بالنسبه للميزاني رده فعله مبالغ فيها بكل صراحه يعني وضح الغلط وكمل القاف لاتكبر الموضوع وتخرج

                          الى اشياء اخرى _ لحجي , ينفي اصاله قبيله _

                          راي خاص فيه ما احد مجبور فيه

                          عبدالله الميزاني اكبر من بعض الانتقادات واقل من اللي يغلون في شاعريته

                          يعني له اخطاء في بعض التصرفات ويمكن ماله قبول عن البعض بسببها لكن لا نسقطها على شعره

                          المغالين في شعره اقل من ماتقولون يعتمد على الغرائب والتعقيد اللفظي وهذا اسلوبه ومن حقه

                          موهبته ولكن لايتوقع ببعض التركيبات ان وراها معنى كبير او قوى في قوة التركيب وغرابته

                          تحياتي

                          تعليق

                          • سلطان ابن حامد
                            شـــاعــر
                            • Oct 2009
                            • 432

                            #14
                            لا زلت أتردّد على الموضوع لـ / أقرأ بيوت أبو نقاء

                            وتمنـّيت أنـّك يا أبو فالح جبت لـ صقر طاروق بعد طمرة الميزاني هذي

                            ودي أقرأ وش قال أبو تركي
                            توترتي هنيـّا : )

                            تعليق

                            • حمود بن خيشوم العصيمي

                              رابطة محبي الهيلا

                              • May 2010
                              • 2107

                              #15
                              سوار الذهب حسبها تجاوز اصول وحب يعطي درس قاسي للشعراء الشباب وهذا في صالح الشعر حتى لو زعل صقر سليم في حينه عندما يراجع نفسه يعرف إنه مخطي وسوار الذهب مصيب ولايعرف انصاف الحلول يصرف كاش والمفروض يخفف قوة وعنف الدرس شوي ههههههه

                              تعليق

                              العمل...