حمد هادي المسردي يضغط على رشيد الزلامي وخلف بن هذال !!!!!!!!

طي
تم إغلاق هذا الموضوع.
X
X
 
  • التوقيت
  • إظهار
مسح الكل
المشاركات الجديدة
  • مزحم العتيبي
    عضو فضي
    • Aug 2010
    • 237

    #1

    حمد هادي المسردي يضغط على رشيد الزلامي وخلف بن هذال !!!!!!!!

    السلام عليكم ورحمة الله وبركاتة










    اخواني اعضاء منتدى الهيلا


    قبل يومين في العمل كان معي اخوياي قحاطين وكبار في السن 35 -40 اعمارهم تقريبا

    المهم كنا نسولف وجا المجال في المحاورة وذكروا حمد هادي وقالو انه تحاور مع رشيد الزلامي محاورة نارية وعرضت في قناة الساحة قبل مدة ،، ويقولون ان حمد هادي جنن الزلامي وخلاه ينسحب ، انا مصدقت ان فية شاعر يبي يجنن الزلامي ، انا عارضت كلامهم بشدة

    ولكن قالوا نزيدك من الشعر بيت ان حمد بن هادي تحاور مع خلف هذال امام الامير سلمان وبدأ خلف هذال وسب حمد هادي وقام حمد هادي برد ناري<وجهة نظرهم ، وذكر خلف هذال بجهيمان ،، وبعد ذلك قام الامير سلمان بإنهاء المحاورة وتكريم حمد هادي وتوبيخ خلف هذال


    يالربع من منكم سمع بهذه المحاروات اللي ماقد سمعتها في حياتي (ربما تكون وهمية ) وهل صحيح ماذكروه القحاطين

    او اللي عنده المحاورتين كتابة ينزلها اللي لايهينة
  • مشاري الحبردي
    ذيـب الـهـيـلا
    • Aug 2006
    • 4888

    #2
    هالمحاورة هذي مرة عند الامير سلمان ومرة عند الامير خالد الفيصل ... مارسو على بر ..!!


    يارجال عساك سالم ... خص خلف هذال لو اعلمك بيوت له في المحاورة تلجم بها زملاك بالعمل .. !!

    بس للاسف بيوت سرية شوي ..

    تعليق

    • ثنيان المطيري
      موقوف لمخالفة الأنظمة
      • Jun 2011
      • 74

      #3
      اول مره اسمع عن هالموضوع لكن ان كان عندك الابيات يامشاري نزله

      تعليق

      • محمد المرشدي
        عضو ذهبي
        • Jan 2011
        • 332

        #4
        لقيت محاورة حمد المسردي ورشيد الزلامي


        حــــــــــمـــــــــــد:

        تفضل يالزلامي دوك هاذي حومـة الميـدان
        أنا وأياك نبغـى نشتـرك بـالأوان شعبيـه

        رشــــــــــيــــــــــد:
        هلا ترحيبت(ن) لو تنوز(ن) في كفة الميزان
        رجح ميزانه في صالحـي ميـه علـى ميـه

        نبى ندرس ولا خسران غير مدرس العميـان
        وأنا خابرك ناجح لـو بعـد طرقتـك هاذيـه

        حــــــــــمـــــــــــد:
        علامك تبتدي بنفـرزه يالشاعـر الفهمـان
        وأشـوف نيتـك مـن مبتداهـا شقلابانيـه

        نصيحه يالزلامي لا تغرك نزغـة الشيطـان
        وأنا من دون حدي ما قبلـة حلـول سلميـه

        رشــــــــــيــــــــــد:
        وأنا شايفك ضبياوي ولو الجد مـن قحطـان
        من أهل الدير اللـي كـل شغلتهـم حسينيـه


        تراء بعض الأوادم يسفحون السفاحة الذبـان
        توقع لا تطيح بحفـرت(ن) ماهـي خليجيـه
        حــــــــــمـــــــــــد:
        سبقتونا على شط الخليج وكل شي(ن) كـان
        تفحط يـا عميـل الخيـر فالـدار الكويتيـه

        لكن من قدم الحسنى يجازى مثلهـا بحسـان
        ورعى الثانيه ترجـع لـه السيـات مثنيـه

        رشــــــــــيــــــــــد:
        أضنك تدل قص الفقع فالدهنـاء وفالصمـان
        وأنا مـن خلقتـي والله مـا ذقـة الزبيديـه

        وأنا ماني بمتميجر ولا أشحذ واحد(ن) عريان
        ذلولـك لا تفكلهـا الرسـن وهيـه عمانيـه

        حــــــــــمـــــــــــد:
        أنا لي بين ربعي ياضعيف موقف(ن) قد بان
        على وضح النقاء يأهل العلـوم الخنفشاريـه

        نصحتك ما سمعت النصح الا ياطير بن برمان
        أشيل الخرجّ مير الخرجّ وسطه توجد الحيـه

        رشــــــــــيــــــــــد:
        كرمت ودمت ياوجه الرضاء يالرابح الخسران
        خسـار والخسـاره مـا معانيـه امعانـيـه

        أنا ودي تسير القافله مـع سكـة السلطـان
        ولـن زعلتنـي فصلتلـك غتـره حساويـه

        حــــــــــمـــــــــــد:
        تسير القافله يا صاحبي مع شـارع الريـان
        لكن ضيعـت درب القافلـه مثـل السنافيـه

        يابى يدفن عميلي مير ضني بدفـن الدفـان
        أنا راكب فرس والا الزلامي فـوق شهريـه

        رشــــــــــيــــــــــد:
        ليا طعتني سافر على أبو ظبـي يـا ظبيـان
        يابو رأس(ن) وأبو طاقيت(ن) من غير طاقيه

        أنا راكب على شهريت(ن) تطمربي الجرفـان
        أبشعبهـا دقايـق ثـم أسلمهـا الشورديـه

        حــــــــــمـــــــــــد:
        حليله يا جماعة بالمعاني حايـر(ن) بلشـان
        بعد ما جبتله من نوع سحر عمـان كوفيـه

        تراني يا عميلي بركبك ذليل فـوق حصـان
        يوديك الديـار اللـي عـن العالـم خلاويـه

        رشــــــــــيــــــــــد:
        الأ يالله تعوض بخير وش هالفاضي المليـان
        وأنا ماحب أطب السوق مع ناس(ن) حونشيه

        عسى طيارت(ن) جابتك تصبح مالها جنحان
        يجيها مع مغيب الشمس طايـرة(ن) خمينيـه

        حــــــــــمـــــــــــد:
        تراني في حياتي حالف(ن) ما ساير الخبـلان
        ولكن أجتمـع تزيـف مـع عمـلات دوليـه

        وأنا أشوف الزلامي يا جماعة خير جاه جنان
        من المعنى السمين مجـوده بالـرأس جنيّـه

        رشــــــــــيــــــــــد:
        أبحجزلك محل(ن) في شهار يداوي الوجعـان
        يابو كبد(ن) من الأيـام مطبوخـه ومشويـه

        أنا بنشدك لو قابلك عنتر فـارس الفرسـان
        تحمـل طعنتـه والأ يصيـر علـوم سريـه

        حــــــــــمـــــــــــد:
        الأ ياذيب ياذيب الندم ما عاد معـك أسنـان
        تـدور للعشـاء لكـن تعشـوك العبيـديـه

        حليله يارجال العرف عقب تجارتـه طفـران
        قليـل المعرفـه مستغنيـه عنـه السعوديـه

        رشــــــــــيــــــــــد:
        أنا محري أني أضرب فيك لين تغني الجدران
        يابو وجـه(ن) يحالـي لتهامـي والتهاميـه

        تحمل ضربتي لا ترتبك لا شفتنـي زعـلان
        ولا جايك سوى مشعاب والأ طعـن شبريـه

        حــــــــــمـــــــــــد:
        بنيت بيوت لكن يا خساره مـا لهـا بيبـان
        غدى دارك مـرف(ن) لرجاجيـل الشقرديـه

        تراء منته بناجح فاللغـز يـاورد الحصنـان
        على وضح النقاء ماهي على الخانات مبنيـه

        رشــــــــــيــــــــــد:
        لك الله لن عبطتك بالعقال أن تشقح الصيوان
        ما تصبح غير بين بقيق وقصـور النعيريـه



        اتمنى الاخوان يحللونها ونشوف من ضغط الثاني

        الله يرحم حمد ويبقي الزلامي على الطاعه

        تعليق

        • مزحم العتيبي
          عضو فضي
          • Aug 2010
          • 237

          #5
          تم النشر في الأصل بواسطة مشاري الحبردي عرض المشاركة
          هالمحاورة هذي مرة عند الامير سلمان ومرة عند الامير خالد الفيصل ... مارسو على بر ..!!


          يارجال عساك سالم ... خص خلف هذال لو اعلمك بيوت له في المحاورة تلجم بها زملاك بالعمل .. !!

          بس للاسف بيوت سرية شوي ..
          يامرحبابك يامشاري

          انا ماسمعت عنها الا قبل يومين ويقولون انها امام الامير سلمان

          وخلف هذال شاعر معروف واتمنى انك تزودني بابياتة (السرية)

          تعليق

          • مزحم العتيبي
            عضو فضي
            • Aug 2010
            • 237

            #6
            ثنيان الجش

            يامرحبابك ولاهنت على المرور

            تعليق

            • مشاري الحبردي
              ذيـب الـهـيـلا
              • Aug 2006
              • 4888

              #7
              ابشر يامزحم بالابيات بس عطني وقت لان الوقت ضايقني الحين

              تعليق

              • مزحم العتيبي
                عضو فضي
                • Aug 2010
                • 237

                #8
                تم النشر في الأصل بواسطة محمد المرشدي عرض المشاركة
                لقيت محاورة حمد المسردي ورشيد الزلامي


                حــــــــــمـــــــــــد:

                تفضل يالزلامي دوك هاذي حومـة الميـدان
                أنا وأياك نبغـى نشتـرك بـالأوان شعبيـه

                رشــــــــــيــــــــــد:
                هلا ترحيبت(ن) لو تنوز(ن) في كفة الميزان
                رجح ميزانه في صالحـي ميـه علـى ميـه

                نبى ندرس ولا خسران غير مدرس العميـان
                وأنا خابرك ناجح لـو بعـد طرقتـك هاذيـه

                حــــــــــمـــــــــــد:
                علامك تبتدي بنفـرزه يالشاعـر الفهمـان
                وأشـوف نيتـك مـن مبتداهـا شقلابانيـه

                نصيحه يالزلامي لا تغرك نزغـة الشيطـان
                وأنا من دون حدي ما قبلـة حلـول سلميـه

                رشــــــــــيــــــــــد:
                وأنا شايفك ضبياوي ولو الجد مـن قحطـان
                من أهل الدير اللـي كـل شغلتهـم حسينيـه


                تراء بعض الأوادم يسفحون السفاحة الذبـان
                توقع لا تطيح بحفـرت(ن) ماهـي خليجيـه
                حــــــــــمـــــــــــد:
                سبقتونا على شط الخليج وكل شي(ن) كـان
                تفحط يـا عميـل الخيـر فالـدار الكويتيـه

                لكن من قدم الحسنى يجازى مثلهـا بحسـان
                ورعى الثانيه ترجـع لـه السيـات مثنيـه

                رشــــــــــيــــــــــد:
                أضنك تدل قص الفقع فالدهنـاء وفالصمـان
                وأنا مـن خلقتـي والله مـا ذقـة الزبيديـه

                وأنا ماني بمتميجر ولا أشحذ واحد(ن) عريان
                ذلولـك لا تفكلهـا الرسـن وهيـه عمانيـه

                حــــــــــمـــــــــــد:
                أنا لي بين ربعي ياضعيف موقف(ن) قد بان
                على وضح النقاء يأهل العلـوم الخنفشاريـه

                نصحتك ما سمعت النصح الا ياطير بن برمان
                أشيل الخرجّ مير الخرجّ وسطه توجد الحيـه

                رشــــــــــيــــــــــد:
                كرمت ودمت ياوجه الرضاء يالرابح الخسران
                خسـار والخسـاره مـا معانيـه امعانـيـه

                أنا ودي تسير القافله مـع سكـة السلطـان
                ولـن زعلتنـي فصلتلـك غتـره حساويـه

                حــــــــــمـــــــــــد:
                تسير القافله يا صاحبي مع شـارع الريـان
                لكن ضيعـت درب القافلـه مثـل السنافيـه

                يابى يدفن عميلي مير ضني بدفـن الدفـان
                أنا راكب فرس والا الزلامي فـوق شهريـه

                رشــــــــــيــــــــــد:
                ليا طعتني سافر على أبو ظبـي يـا ظبيـان
                يابو رأس(ن) وأبو طاقيت(ن) من غير طاقيه

                أنا راكب على شهريت(ن) تطمربي الجرفـان
                أبشعبهـا دقايـق ثـم أسلمهـا الشورديـه

                حــــــــــمـــــــــــد:
                حليله يا جماعة بالمعاني حايـر(ن) بلشـان
                بعد ما جبتله من نوع سحر عمـان كوفيـه

                تراني يا عميلي بركبك ذليل فـوق حصـان
                يوديك الديـار اللـي عـن العالـم خلاويـه

                رشــــــــــيــــــــــد:
                الأ يالله تعوض بخير وش هالفاضي المليـان
                وأنا ماحب أطب السوق مع ناس(ن) حونشيه

                عسى طيارت(ن) جابتك تصبح مالها جنحان
                يجيها مع مغيب الشمس طايـرة(ن) خمينيـه

                حــــــــــمـــــــــــد:
                تراني في حياتي حالف(ن) ما ساير الخبـلان
                ولكن أجتمـع تزيـف مـع عمـلات دوليـه

                وأنا أشوف الزلامي يا جماعة خير جاه جنان
                من المعنى السمين مجـوده بالـرأس جنيّـه

                رشــــــــــيــــــــــد:
                أبحجزلك محل(ن) في شهار يداوي الوجعـان
                يابو كبد(ن) من الأيـام مطبوخـه ومشويـه

                أنا بنشدك لو قابلك عنتر فـارس الفرسـان
                تحمـل طعنتـه والأ يصيـر علـوم سريـه

                حــــــــــمـــــــــــد:
                الأ ياذيب ياذيب الندم ما عاد معـك أسنـان
                تـدور للعشـاء لكـن تعشـوك العبيـديـه

                حليله يارجال العرف عقب تجارتـه طفـران
                قليـل المعرفـه مستغنيـه عنـه السعوديـه

                رشــــــــــيــــــــــد:
                أنا محري أني أضرب فيك لين تغني الجدران
                يابو وجـه(ن) يحالـي لتهامـي والتهاميـه

                تحمل ضربتي لا ترتبك لا شفتنـي زعـلان
                ولا جايك سوى مشعاب والأ طعـن شبريـه

                حــــــــــمـــــــــــد:
                بنيت بيوت لكن يا خساره مـا لهـا بيبـان
                غدى دارك مـرف(ن) لرجاجيـل الشقرديـه

                تراء منته بناجح فاللغـز يـاورد الحصنـان
                على وضح النقاء ماهي على الخانات مبنيـه

                رشــــــــــيــــــــــد:
                لك الله لن عبطتك بالعقال أن تشقح الصيوان
                ما تصبح غير بين بقيق وقصـور النعيريـه



                اتمنى الاخوان يحللونها ونشوف من ضغط الثاني

                الله يرحم حمد ويبقي الزلامي على الطاعه
                محمد المرشدي


                يامرحبابك يالغالي واشكرك على المشاركة المميزه ولاهنت يالقرم

                فعلا محاورة قوية ولكن هل هي المحاروة الوحيدة بينهم او فيه محاورة غيرها ، اذا كان المحاورة اللي يقصدونها القحاطين هذي فاعتقد انهم كانوا واهمين ، الزلامي اعتقد متفوق في هذه المحاروة على المسردي ( وجهة نظر )

                واترك التحليل للاخوان الاكثر خبره

                تعليق

                • محمد المرشدي
                  عضو ذهبي
                  • Jan 2011
                  • 332

                  #9
                  تم النشر في الأصل بواسطة مزحم العتيبي عرض المشاركة
                  محمد المرشدي


                  يامرحبابك يالغالي واشكرك على المشاركة المميزه ولاهنت يالقرم

                  فعلا محاورة قوية ولكن هل هي المحاروة الوحيدة بينهم او فيه محاورة غيرها ، اذا كان المحاورة اللي يقصدونها القحاطين هذي فاعتقد انهم كانوا واهمين ، الزلامي اعتقد متفوق في هذه المحاروة على المسردي ( وجهة نظر )

                  واترك التحليل للاخوان الاكثر خبره
                  لاشكر على واجب يامزحم

                  والمحاوره ان كانهم يقصدون حقت الساحه هاذي هي اما غيرها ما ادري عنها


                  وانصحك لا قالوا جنن الزلامي قل هم بيت الزلامي الاخير :d

                  تعليق

                  • عقلية صريحة
                    عضو نشيط
                    • Mar 2010
                    • 63

                    #10
                    [align=center]
                    هالله هالله

                    هذي المحاوره اللي طلعت على الساحه[/align]

                    تعليق

                    • سعيدان العتيبي
                      عضو نشيط
                      • Oct 2010
                      • 89

                      #11
                      تراهم صادقين من جهة ومن جهة ثانية ماعندهم علم

                      محاورة المسردي مع الزلامي راح فيها وقام ابو جميل يصلي به شرق

                      ومحاورة المسردي مع خلف مغير بيتين منه وبيتين مع خلف بحضور الامير سلمان في جامعة الرياض

                      لانه يقول
                      ابا اوصيك واعلمك واخذ العلم ياسلمان
                      الى اخره

                      وبصراحة المسردي جاب بيت ماله رد لذلك وقفت المحاورة

                      تعليق

                      • غالب الذيابي
                        شــــاعــر
                        • May 2009
                        • 2210

                        #12
                        :
                        ::




                        حمد هادي المسردي في المحاورة يشعبها بدون عنان واغلب محاوراته ( مستلج)

                        الله يعفي عنا وعنه ،، اما النظم له بيوت في الحكمة قوية .

                        لكن المحاورة مايخارجني اقول انه شاعر محاورة.
                        :
                        :
                        :
                        :
                        [align=center]:
                        :
                        :[/align]
                        [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
                        إذا الكريمُ رأى الخمولَ نزيلـهُ=في منزل فالحـزمُ أن يترحـلا
                        كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا
                        سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا
                        لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا [/poem]
                        [align=center]صفحتي على التويتر[/align]

                        تعليق

                        • ابو فايح
                          مشـرف عام
                          • Jul 2006
                          • 5343

                          #13
                          [align=center]العلم ومافيه يا مزحم حسب ما سمعت من رجال ثقات


                          المسردي الله يرحمه كان مبتعد عن المحاوره أو كان لايريد اللعب ذلك الليل بتاتا


                          قال الامير من يقدر يقوم المسردي للعب قال خلف أنا وجاب بيتين خلف وقام المسردي الله يرحمه زعلان ورد عليها وفيها بيت جهيمان المهم الامير شاف الامور يمكن تخرب قال خلاص انتهت .



                          أما محاورة الزلامي

                          محاوره أغلبها استهزاء ببعضهم والزلامي ما ينتجاهد وفيها بيت فكرته مجنونه من الزلامي بيت الشهريه اللي ركبها ههههههه رد البيت بطريقه جهنميه على المسردي الله يرحمه واشوف المسردي ما ثمّن الله يرحمه .[/align]
                          عالم تويتر



                          abofayeh@

                          تعليق

                          • مزحم العتيبي
                            عضو فضي
                            • Aug 2010
                            • 237

                            #14
                            عقلية صريحة لاهنت على المشاركة وحياك الله

                            تعليق

                            • مزحم العتيبي
                              عضو فضي
                              • Aug 2010
                              • 237

                              #15
                              تم النشر في الأصل بواسطة سعيدان العتيبي عرض المشاركة
                              تراهم صادقين من جهة ومن جهة ثانية ماعندهم علم

                              محاورة المسردي مع الزلامي راح فيها وقام ابو جميل يصلي به شرق

                              ومحاورة المسردي مع خلف مغير بيتين منه وبيتين مع خلف بحضور الامير سلمان في جامعة الرياض

                              لانه يقول
                              ابا اوصيك واعلمك واخذ العلم ياسلمان
                              الى اخره

                              وبصراحة المسردي جاب بيت ماله رد لذلك وقفت المحاورة
                              مرحبابك ياسعيدان ولاهنت على المشاركة

                              ياسعيدان ممكن تجيب لي ابيات خلف اللي بدابها مع حمد هادي وتجيب رد حمد على خلف

                              وهل المحاروة صحيح امام الامير سلمان ومتى وعام كم

                              الله لايهينك

                              تعليق

                              العمل...