مستور العصيمي وحبيب العازمي والميزاني أحداث دراماتيكيه !!!

طي
تم إغلاق هذا الموضوع.
X
X
 
  • التوقيت
  • إظهار
مسح الكل
المشاركات الجديدة
  • سلمان المرشدي
    عضو ماسي
    • Jun 2011
    • 520

    #31
    ياخوان لاداعي لبعض البلبله والي يقول عبدالله الميزاني مريض انا اقول بل الميزاني اصحئ من الجن علئ ماقالو 0 بعدين الميزاني شاعر كبير وانا من اشد المعجبين بتلك الهامه الشعريه لكن بنسبه لكون حبيب و مستور يتخوفون منه ياللعجب كلمه هزيله و تعود لمن قالها هولا فطاحلة قارعو روس شعراء الخليج في الماضي والحاظر و تفوقو عليهم بقوه كيف يخوفهم شاعر اذا كان ماهو بنقص منهم لن يزود عليهم 10 سنوات قدام حتئ ينافس حبيب العازمي

    هذا نظرتي والناس كلن ونظراته

    تعليق

    • ماجد العصيمي
      شبل مرجحين الموازين
      • May 2007
      • 1956

      #32
      تم النشر في الأصل بواسطة سلطان البقمي عرض المشاركة
      شفت له محاوره مع مستور فيها ابن مشيط
      وفهد العازمي وتركي عند مطيري اضنه حفل مزاين ولعب مع مستور حتى حطه
      في زاويه ضيقه والشعار كانوا واضحين في التصوير يضحكون على قناة الساحه
      والله ماني حافظ من الطاروق شي بس مستور نوى يضيعه وقام يجربع
      مستور لين نشب مستور معه وكان مستور يروغ في المعنى وحطه انه من الناس الخربانين في المعنى ورد عليه بمعنى انت الهرم الكبير بالمعنى
      ومع الزلامي طاروق مجنون ومعنى مخفي لاكن
      المعنى صاعقه في حق الزلامي وتخلص الزلامي منه


      لا تكتب هالكلام مره ثانيه ثم تلتقطك الناس على شهار

      تعليق

      • !! . مــآجـد . !!

        رابطة محبي الهيلا

        • Apr 2009
        • 1831

        #33
        تم النشر في الأصل بواسطة سلطان البقمي عرض المشاركة


        والله ماني حافظ من الطاروق شي بس مستور نوى يضيعه وقام يجربع

        مستور لين نشب مستور معه وكان مستور يروغ في المعنى وحطه انه من الناس الخربانين في المعنى ورد عليه بمعنى انت الهرم الكبير بالمعنى


        [align=center]ما بقي الا انت تقيم مسستور , والله هزلت . شخص لا يعرف البيت موزون او غير موزون يتحدث عن قامه شعريه مثل مسستور .

        بعدين اش جربعه .. !! شكلك متاثر من جربعت ضيف الله العضياني الي الان
        [/align]
        تم التعديل الأخير بواسطة !! . مــآجـد . !!؛ 27-Jun-2011, 05:20 PM.

        تعليق

        • سلطان ابن حامد
          شـــاعــر
          • Oct 2009
          • 432

          #34
          الله يشفي الشاعر عبدالله الميزاني

          الجميع يعلم ما يمر به من ظروف صحيـّه وهو في النهايه إنسان ضعيف تحت دبرة خالقه

          ليس لـ / التشهير أو لـ / الفرح عليه .. ولكن حفلة القرقاح وحفلة حبيب وحمدان وحفله ثالثه في الحجاز والحفله هذي !!!!!

          كلها كانت تصرفات عبدالله فيها خارجه عن المألوف


          أما بـ النسبه لـ شاعريـّة عبدالله فـ هناك من يقول أكبر شاعر وهناك من يقول ما عنده سالفه [ من خلال الردود ]

          ولـ نصل لـ كلمةٍ سواء

          من يقول ما عنده سالفه .. أكيد إنـّه حاول يفهم بيوت عبدالله ولم يصل إلى حل واصدر هذا الحكم

          لكن من يقول أنـّه أكبر شاعر إمـّا إنـّه لم يفهم بيوته وقال اكيد هذا دفن المعنى اللي يقولونه
          أو أنـّه متعصب


          أو أنـّه فهم أبياته ووجد عنده شعر ما هو عند غيره واصدر حكم أنه اكبر شاعر .. وفي هذه الحاله يعلـّم الإخوان اللي يقولون ما عنده سالفه ويقول لهم شوفوا وش قال وشوفوا وش معناه على شان الكل يستفيد


          شكرا
          تم التعديل الأخير بواسطة سلطان ابن حامد؛ 27-Jun-2011, 06:02 PM.
          توترتي هنيـّا : )

          تعليق

          • سلطان ابن حامد
            شـــاعــر
            • Oct 2009
            • 432

            #35
            تم النشر في الأصل بواسطة حمود بن خيشوم العصيمي عرض المشاركة
            بصراحه الميزاني متسيد ساحة المحاوره وما يقدرون شعراء عتيبه عليه اطلاقا صدقوني

            كم تعطينا ونصدقك

            متمكن وشائف نفسه وما أحد يرده عن دربه ويدفع ويشجع من اطراف ليسلك هذا المنحى العنيف لكسر كبرياء الشعراء ومشكلته الوحيده رداءة الصوت



            الزلامي يلعب معه شوي ولا يكمل ويرفض يقوم لطاروق آخر في مكه قبل فتره ومستور يقطع الطاروق وحبيب يجامله بابتسامات وضحكات للتخفيف من قوته وتركيزه الرهيب على المعتى يتكافى شره مايقدر يواجهه ويصافحه وهذا ذكاء من حبيب لو أظهر غير ذلك لزم عليه مواجهة الطوفان واستبدال الابتسامات بوقفت النظر والرد الكافي لتغطية رد الخصم وهذا أشك في نجاعته مع الميزاني لانه يملك مخزون يستخدمه لافحام مواجهيه وابو تركي الصوت مايساعده كثيرا وكذلك قوة الجسم تخيل لو عمل الحركه هاذي مع مستور أيام جبروت ابو تركي صدقوني ليكون رده قاسي جدا بعدة وسائل يحرزها ابو تركي باقتدار ورجوله

            كنت حاضر في حفله فيها خليف بن دواس رحمه الله وكان قد طلب الزلامي اكثر من 3 مرات في نفس الحفله ولم يجيب الزلامي .. وعند الرابعه وإلحاح أهل الحفل قام الزلامي ولعب معه يوم يقول [ يا خليف أنت نقطه براس قلمي ] وتبيـّن لمن كان وقتها يشك في عدم قدرة الزلامي على مجاراة المرحوم أن ّ الزلامي قادر .. لـ يثبت ذلك الزلامي ولكن دفع ثمن الإثبات بـ نزوله في الطاروق .. هل سـ يكررها الزلامي ؟؟؟ ما أتوقـّع وقس على ذلك مستور وغيره من كبار الشعار


            وش معنى التهرب منه وهم شعراء كبار لا تعوزهم مجاراته ليل كامل ماهو طاروق تهربهم هذا بهذا الشكل حقيقة أعطى نتائج عكسيه غير التي يقصدونها من انهم شعراء أعلام ولا يتنازلون يلعبون معه
            ويترفعون عن بعض الامور


            أنت طال عمرك تقول لا تعوزهم مجاراته .. يعني مافيه تهرب إلا من تصرّفات

            والان كلهم مستحيل يوقفونه عند حده وشاعر فرض نفسه وخلاص بعد هالحادثه الحل الوحيد مقاطعته
            وعدم الحضور معه تفاديا للاحراج شاعر مايعرف المجامله يدس السم فالعسل ويلعب بقوة البيت وهذا من حقه يملك موهبه نادره ولو كان شاعر عادي صدقوني يلعبون معه ويمشون الليل ولكن اللعب له فاتوره وضريبه باهضه ولو لجأ شعراء عتيبه لهذا الخيار فستفقد ساحة المحاوره علم مثل ما فقدت المسعودي ومطلق وصياف وستقتل هذه الموهبه بسبب الحصار والمقاطعه


            هل أنت واثق من أنـّه فرض نفسه .. وبعد هذه الحادثه بـ الذات .. هكذا يكون فرض الوجود ؟؟؟؟

            رأئي وامل عدم المؤاخذه ربما أصبت في بعض ماقلت وربما هناك ماخفي عني ويعرفه غيري


            تقديري لك دائما وأبدا
            توترتي هنيـّا : )

            تعليق

            • سلطان ابن حامد
              شـــاعــر
              • Oct 2009
              • 432

              #36
              عجبت لـ رد الاخ سلطان البقمي !!


              هل عبدالله الميزاني أشعر من المسعودي والثبيتي وابن تويم والرياحي وابو مشعاب وصيـّاف والسناني وشليويح وابن جرشان وغيرهم ؟؟

              الحقيقه إنـّي كل ما حاولت أجد له محاوره أستفيد منها لقيتها منتهيه بـ مثل هذه الحادثه !!!

              إلا طاروق كان بينه وبين مستور العصيمي في حفل اللغيصم في ام رقيبه وكان الميزاني هاك الليل طيـّب كما يبدو وأموره الصحيـّه زينه .. وحصل بينه وبين مستور طاروق أظن اللي نقله للمنتدى الأخ حمود بن خيشوم .. وكانت الغلبه والتفوق من الطبيعي لـ مستور ..!

              أنا لست هنا لـ / أضع مستور والميزاني على كفـّتي ميزان .. لأن الجميع يعلم من هذا ومن هذا

              لكن حشر مستور !!

              وما أحفظ شي !!

              لكن الشعار كانوا يضحكون !!

              ههههههههه أنت حكمت على ضحك الشعار هنا

              الحقيقه أنا لا أريد أن أسألك إلا سؤال واحد يا سلطان البقمي وأرجوا الإجابه بـ صدق

              كم عمرك ؟
              توترتي هنيـّا : )

              تعليق

              • صعيب المنال
                عضو نشيط
                • Mar 2010
                • 37

                #37
                يالربع والله كنت من المعجبين بشعر عبدالله الميزاني لكن بدت ريحته تطلع الله لا يبلانا بما بلاه واستبعد من ثلاث حفلات كان مدعوا فيها بسبب مشكلته تلك الليله

                والليله اللي قبلها كان مع عبدالحميد الفهمي في تبوك وحسب علمي حصل فيها شيء ما يسر البال أحد يخبرنا عن الحفله وش صار فيها بالضبط
                تم التعديل الأخير بواسطة صعيب المنال؛ 27-Jun-2011, 06:43 PM.

                تعليق

                • تركي الصفياني
                  عضو ماسي
                  • Apr 2010
                  • 863

                  #38
                  البينه بينه والخافيه خافيه


                  الله يطول بعمر عميد الشعر في الخليج السعوديه

                  مستور العصيمي


                  شكرا

                  تعليق

                  • ابو فايح
                    مشـرف عام
                    • Jul 2006
                    • 5343

                    #39
                    [align=center]لاهنتوا جميعا على مروركم وتشريفكم


                    أضحك من بعض الردود وبعض سطحيتها


                    ولكن ابو حامد كفى ووفى [/align]
                    عالم تويتر



                    abofayeh@

                    تعليق

                    • ابو شامه البرقاوي
                      عضو
                      • Sep 2010
                      • 28

                      #40
                      [align=center]مسكين سلطان البقمي قاهرينه شعار عتيبه يدور على شعار العتبان بس وشرايك نقول مثلك ان
                      نواف العازمي حشر فيصل الرياحي يوم غير الطاروق معه في الحفله الشهيره
                      اقول خلك في شعار البقوم من مرهب الى المرزوقي ههههههههههههههههههههههههههه[/align]

                      تعليق

                      • ماني بهايب
                        عضو فعال
                        • Nov 2008
                        • 110

                        #41
                        تم النشر في الأصل بواسطة سلطان البقمي عرض المشاركة
                        الميزاني شاعر كبير ويعلم الله ان اللي يعرف شعر المحاوره انه



                        يتمنى يسمع طاروق من سوار الذهب من حيث النقض والفتل الصحيح القوي


                        بالنسبه للموقف اللي حصل بينه وبين مستور انا متاكد انهم مخطين عليه

                        ودليل ان اللي غير مستور ودليل ذالك ان الطاروق في بدايته وفيه قوت ابيات



                        ودليل ذالك ان مستور لم يستاذن منه بتغيير الطاروق ودليل ذالك ان الطاروق



                        لم ينتهي ولم يشيب الطاروق ودليل فيه شعراء موجودين من اهل الحفل


                        لو شاب الطاروق غيروا الطاروق وليس مستور اللي يغير الطاروق



                        ودليل على ذالك كلمة سوار الذهب بقوله( فيه من يثمن ) يقصد مالك حق تغير


                        الطاروق ولا فيه خلاف حتى تغير والناس تثمن الكلام غيرك! والا هم ان


                        الطاروق في بدايته حسب كلام سوار الذهب وهذا من حقه ان يزعل


                        كل المؤشرات تدل على ان سوار الذهب ماعنده خطا ولو صار منه خطا تأكدو ان اللي يغير الطاروق شعراء اهل الحفل مايبيلها كلام وتأويلات

                        اتمنى ان نحصل على بداية الطاروق والمحاوره كامله حتى تتضح الرويه


                        للجميع
                        اهب اهب ههههههههههههههههه
                        يازقينك ياخلف المطاري تحسب ماحد بداري عن حركاتك وكاشفك من اول مشاركه
                        لكن المشكله اكثر ربعنا مشت علاهم تمويهاتك ابك انت ماتستحي

                        تعليق

                        • سطوع الإبداع
                          عضو نشيط
                          • Aug 2009
                          • 89

                          #42
                          ياجماعه انتم خليتم الموضوع الأهم ...


                          ورحتوا للكلام اللي مايفيد ...


                          طواريق الملعبه وش صار فيها ... ( ( ( غير طاروق مستور والميزاني ) ) )


                          اهم شي طاروق حبيب مع الخالدي والميزاني والعميري ...


                          والموال الرباعي ...

                          تعليق

                          • سلطان البقمي
                            عضو ماسي
                            • Mar 2011
                            • 717

                            #43
                            تم النشر في الأصل بواسطة سلطان ابن حامد عرض المشاركة
                            عجبت لـ رد الاخ سلطان البقمي !!


                            هل عبدالله الميزاني أشعر من المسعودي والثبيتي وابن تويم والرياحي وابو مشعاب وصيـّاف والسناني وشليويح وابن جرشان وغيرهم ؟؟

                            الحقيقه إنـّي كل ما حاولت أجد له محاوره أستفيد منها لقيتها منتهيه بـ مثل هذه الحادثه !!!

                            إلا طاروق كان بينه وبين مستور العصيمي في حفل اللغيصم في ام رقيبه وكان الميزاني هاك الليل طيـّب كما يبدو وأموره الصحيـّه زينه .. وحصل بينه وبين مستور طاروق أظن اللي نقله للمنتدى الأخ حمود بن خيشوم .. وكانت الغلبه والتفوق من الطبيعي لـ مستور ..!

                            أنا لست هنا لـ / أضع مستور والميزاني على كفـّتي ميزان .. لأن الجميع يعلم من هذا ومن هذا

                            لكن حشر مستور !!

                            وما أحفظ شي !!

                            لكن الشعار كانوا يضحكون !!

                            ههههههههه أنت حكمت على ضحك الشعار هنا

                            الحقيقه أنا لا أريد أن أسألك إلا سؤال واحد يا سلطان البقمي وأرجوا الإجابه بـ صدق

                            كم عمرك ؟

                            بالنسبه لكلمة يضحكون انا قلت الحفله شفتها في قناة الساحه والشعراء واضحين في التصوير ويضحكون اقصد لتوضيح الحفله عن غيرها من الحفلات اللي فيها سوار الذهب يعني تحديد الطاروق اللي انا اقصده بالضبط


                            بالنسبه السوالك عن كم عمري يقول المثل إذا تبي الشخص الصدوق يكذب


                            اسئله عن عمره ! والله ياسلطان عمري كبير يالله في حسن الخاتمه. بتحديد 38




                            وابي اقولك شي وانا اخوك هذه وجهات نظر انتم ليش تعصبون والموضوع نقاش عادي ياخي رد بوجهة نظرك وابا سلوب الحوار والنقاش كل انسان عنده




                            قناعه بما يرى لاداعي للخروج عن الموضوع والصحيح يبقى صحيح مايغيره الكلام

                            حتى لو انا اخطيت او انته يبقى مستور على حجمه وعبدالله على حجمه


                            اللي الله عطاهم مو انا انقص او ازيد منهم شي وانت كذالك

                            الدعوا وجهات نظر فقط لاغير انا اعجبني الطاروق وفي نظري انه خصم


                            ولعب لعب قوي اقوى من مستور في تلك الطاروق فقط اللي انا شفته


                            وان شالله انك تشوف الطاروق اللي انا اقصده ومن ثم إذا كنت شاعر

                            تعرف صحة كلامي من عدمه





                            وسلامتك
                            __________________________________________________ _________


                            وهذا طاروق اعجبني بقوه إذا كنت شاعر تعرف و تقدر تحدد مستوى عبدالله في هذه المحاوره





                            مستورالعصيمي

                            ياسلام الله بحفل مطيـر حمـران النواظـر
                            الرجال اللي مع الإعـلام مرفـوعاً علمهـا
                            الشعر من هيض والا غيض وافكار وخواطر
                            من لقى لـه فرصـةًً فـأول حياتـه يغتمنهـا



                            عبدالله الميزاني :




                            ياهلا يا مرحبا . يامرحبا حاضر بحاضر
                            الله الله يا مواطي رجلهـا مـدري قدمهـا
                            انت يامستور شاعر فيك شي من المشاعر
                            مير حنا ما نبي طبخه لحمها فـي شحمهـا



                            مستور العصيمي :




                            الشعر مايطلع الا من مشاعر وأنت شاعر
                            يعرفه من يعرف حقوق الرجال ويحترمها
                            أرضنا فيها العجايب والبحر فيه البواخر
                            خل صناع الحلي حول العقود اللي نظمها



                            عبدالله الميزاني :




                            أنطقوها باللسان وسجلوهـا بالدفاتـر
                            وش يورا خادم الدنيا وغيره ما خدمها
                            دقه البيبان ماهي شي مع دق الخناجر
                            والمنايا يالعصيمي موت مايرحم سهمها




                            مستور العصيمي :



                            الليالـي ماتعلـم بالـحـدث بـاطـن وظـاهـر
                            ميـر رعيـان الغنـم ماتفلـح الا فـي غنمـهـا
                            انت الأوسط من مطير ولا انت الأول ما أنت الأخر
                            ميـر غيـرك مايعلـم بالحلـوم اللـي حلمـهـا



                            عبدالله الميزاني :




                            انتهت هجرتك ياعبدالرسـول ولا تهاجـر
                            من بنى القبه على راس الشريف ومن هدمها
                            كل ماجينا نصب الكحـل مانلقـى محاجـر
                            والغشيم اليا لقى الصخره على دربه غشمها



                            مستور العصيمي





                            الهروج العوج للرجال مافيهـا تفاخـر
                            صل لّله واعبده واهل الصنم تعبد صنمها
                            نصها يم الحجول ونصها في ريع ذاخر
                            لي صحيبٍ ياكل التمره ويلحقها عجمها



                            عبدالله الميزاني :





                            ابتدأ التفصيل .. توصيل القلوب اليا الحناجر
                            كـل مابـروا تهامـه يالعصيمـي تتهمهـا
                            الصوابر بيض وأنته من زمان العام صابر
                            والغريبه راسها واخناعهـا يكتـم نسمهـا



                            وهذه محاوره اخرى مع الزلامي وللمعلوميه والله اني ماعرفت الميزاني الا من تلك المحاورتين وعرفت مستواه وهذا اللي خلاني اشيد به .......








                            عبدالله الميزاني

                            ياسلام الله سلام يعم ويخص الزلامي
                            الزلامي كان من عاد وثمود وسجلوها

                            ان بغيت اسرق سواد الكحل من عين الحرامي
                            من يصدق في امها ماهو مكذب باسم ابوها


                            رشيد الزلامي

                            مرحبا ترحيبة تغنيك عن شرب وطعامي
                            ياكذا والا كذا والا كذا والا اتركوها

                            العشيه شفت لي مجنون يقطع في النوامي
                            مير خش فهضبة دون البهيته لعنبوها


                            عبدالله الميزاني

                            والله اني مستعد ارجع النجدي تهامي
                            بس اخاف من النهايه خربوها صلحوها

                            يارشيد انته ذخيرة زيد يامال الرحامي
                            والعوالي كبوا الديره سنه عقب انزلوها


                            رشيد الزلامي

                            ماتهم الكلمه اللي ماتنقص من مقامي
                            وانت لاضويتها جاها رجال سرحوها

                            موكدين ان الليالي كلها برد وسلامي
                            قبل هذا الليل عاندني رجاجيل كلوها


                            عبدالله الميزاني

                            نوب توجعني كلاي ونوب توجعني عظامي
                            هب يالروقه ليا شافوا عماله وظفوها

                            ليه يوم تورد القرحان لحياض الهيامي
                            يحسبون لحملها بعض الاوادم وحملوها


                            رشيد الزلامي

                            انتبه يارجل تكلم بحشمه واحترامي
                            لاتخلينا نفتش في المخازن كلبوها

                            .... ميسم العتبان في جلمدك حامي
                            نزلوك الديره اللي معك عربان انزلوها


                            عبدالله الميزاني

                            اعرف انك عسكري والعسكري دايم نظامي
                            يالزلامي غيروا هذي الطبيعه غيروها





                            بعدها قام الزلامي بالتغيير وطلب عبدالحميد الفهمي وبعد طاروقهما قام عبدالله الميزاني وطلب رشيد مره اخرى:

                            رشيد بن الزلامي فيه من بعض العلوم علوم
                            ومن لاقد درى يدري وطلع العود من لونه

                            من اول كنت احسب مايحول من سماك نجوم
                            تشوف اللي لنا واللي علاكم ماتشوفونه


                            عندها رفض رشيد الزلامي اللعب مع الميزاني وطلب من عبدالحميد الفهمي اللعب بداله

                            رشيد بن الزلامي لو تريح مايجيه اللوم
                            تخالف ياعميل الخير قانونك وقانونه

                            ترى مافيه شي يخفى ترى مافيه شيّ يدوم
                            ترى دنياك مجنونه ترا دنياك ملعونه

                            تعليق

                            • سلطان البقمي
                              عضو ماسي
                              • Mar 2011
                              • 717

                              #44
                              تم النشر في الأصل بواسطة ماني بهايب عرض المشاركة
                              اهب اهب ههههههههههههههههه
                              يازقينك ياخلف المطاري تحسب ماحد بداري عن حركاتك وكاشفك من اول مشاركه
                              لكن المشكله اكثر ربعنا مشت علاهم تمويهاتك ابك انت ماتستحي




                              الذكا مو في الناس كلهم سبحان من يعطيه خلقه


                              اعجبتني بذكائك ومعك ناس آخرين اذكيا ودري انهم كشفوني الله لايضركم

                              تعليق

                              • الكاايد
                                عضو فضي
                                • Oct 2009
                                • 251

                                #45
                                سلطان

                                من الواضح انك ملم بتاريخ عبدالله ومطلع لمحاوراته مع عمالقة الشعر !

                                وهوه شاعر ولاننكر ذلك ولك الحق في متابعته

                                ولكن من الظلم ان تبخس الاخرين حقوقهم !


                                فأنت تقول .. يجربع! و راوغ في المعنى! .. وفي قرارة نفسك تعلم بإن هذا لايكون مع مستور

                                والشعراء الكبار ..


                                ثم تقول كلامي يختص في محاوراته وشعره فقط

                                وانا اقول كلامك واضح وربما كان الهدف الاساسي منه مقصوداً

                                فكلامك فيه تعدي وتجني على أحد رموز فن المحاورة ان وقف بين الصفوف أجاد وان تحدث افاد

                                سبح بحور ومحيطات الشعر فاخذ ما هوى وأراد بلغ مبتغاه وحقق مناه واثبت خطاه

                                ( مطر الشعر وملك المعنى )

                                مستور العصيمي

                                تعليق

                                العمل...