ماجد هلال ومحمد السواط ( الهلال والنصر)

طي
X
 
  • التوقيت
  • إظهار
مسح الكل
المشاركات الجديدة
  • محمد ابن رووق
    عضو مميــز
    • Jan 2009
    • 2632

    #1

    ماجد هلال ومحمد السواط ( الهلال والنصر)

    [align=center]ماجد :

    يامحمد ترى ماغاظني من قديم

    ـــــــــــ .. غير بأنّك تشجّع نادي الإتحاد !

    العقول السليمه ما تبا الاّ الزعيم !

    ــــــــــ .. فالعصور القديمه والعصور الجداد !


    محمد :

    مايروم العظايم غير رجلٍ عظيم ..

    ــــــ .. شي طبيعي تبا تغتاظ مني وكاد

    في حضور النمور يصير من غير ميم

    ــــــ .. كل نارٍ يولّعها تعوّد رماااد

    ماجد :

    يا العظيم آويٍ لك من مرض مستديم !

    ـــــــــــــــ .. إستمع لي قليل وخلّ عنك العناد

    وصفكم يا النمور بدون " راكم " سليم

    ـــــــــــــ .. توّكم عن فعايلنا بـ " سنّ المهاد " !


    محمد :

    الهلالي ميوله ماهو بـ مستقيم .!

    ــــ .. وانت ماجد هلال .. ولاهلالك مراد

    يكفي انّا نمثل لـ .. الوطن يافهيم

    ـــ .. إسمٍ اطلقْه ابو متعب علينا .. وساد

    ماجد :

    الهلالي بتشجيعه ، ورايه حكيم ،

    ـــــــــ .. يهزمك بالصباح ويهزمك بالهجاد !!

    صحّ نادي وطن في عام واحد يتيم ،

    ــــــــــ .. مير من يوم أخذنا نادي القرن باااد !


    محمد :

    إنتكس بيرقكـ ماعدت نادي خصيم

    ــــــ .. وخّر وخل غيركـ يطعم الاضطهاد

    ليت مانت بـ .. وحيد القرن حتى تقيم .

    ـــــ إمسيات الفرح في كل وادي وناد

    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــ

    الأشعآر الترجيحيّهـ :


    محمد السواط .. الإتحاد ..


    الأتحاد ان حضر قوّه
    ـــــــ ويزلزل الكون في غيابه
    يتوّه الخصم .. في جوّه
    ــــــ حتى .. جماهيره تهابه ..!

    ـــــــــــــــــــــ

    لعيبة الاتحاد بـ كل محفل نمووور ..
    ـــــــ اقدامهم لاجرت تعطب مضاريبها
    خصوصا اليا عدا في المستطيلات نووور
    ـــــــ تشوف كل النوادي عاويٍ ذيبها .!

    ـــــــــــــــــــــ

    نادي الوطن فاخر وريّسه دكتووور .
    ـــــــ .. طبيب جرح وحكمته وسط راسه .
    لايمكن يصيبه تحت رايته جور
    ــــــ .. قائد شجاع وكفو هذي الرئاسه

    ــــــــــــــــــــ

    أنا اتحادي وناديّ افتخر فيه
    ــــــــ وآشجعه .. واضمنه في كل جوله
    ويبقى هلال البطوله ند نغليه
    ـــــــ ونّافسه كل عامٍ في البطوله

    ـــــــ ،،ـــــــــــ،، ــــــــــــــ،، ـــــــــــــــــ ،، ـــــــــــــــــ،، ــــــــــــــــــــــ،،ـــــــــــــ،،


    ماجد هلال .. الهلال :

    ماجد هلال :


    يامشجّعين النوادي فالسعوديه !

    من لايشجّع زعيم الأنديه خاسر

    في ذمّتي كنّ ملك الكون فـ إيديّه

    لاشفت عيسى ، مع الشلهوب ، مع ياسر !!

    ــــــــــــــــــــــــــــــــــــ

    عن الزعيم " أصّ " يا أهل الإتهامات !

    ما للصحيح بـ تهمكُم أيّ عامل !

    أكثر جماهير ، والأكثر بطولات !

    يشهد على مانقوله " قرن " كامل !!

    ــــــــــــــــــــــــــ

    الحقّ ينقال ، وإن ماقيل ينشاف !

    ينشاف فالأوّل ، وينشاف تالي

    بالحنكه وبالتعامل حسب الأعراف،

    مافيه من يشبه الرمز الهلالي !!

    ـــــــــــــــــــــــــــــــــــ

    الشعر يوم إنفتح فالأنديه بابه

    يامحمد افهم كلامي واستمع شوري

    صحيح ناديك يلعب ونتباهى به

    لكنّ حدّه ينافسنا على الدوري !!

    ــــــــــــــــــــــــ[/align]
    تم التعديل الأخير بواسطة محمد ابن رووق؛ 04-Jun-2011, 06:56 PM. السبب: الهلال والاتحاد
  • محمد العتيبي

    مشرف منتدى شعراء قبيلة عتيبه

    • Mar 2005
    • 10789

    #2
    صح لساااانهم جميع ..



    ولاهنت على النقل




    .. مع انني ..ضد النوادي الرياضيه ..و مع .. الروح الرياضيه ..



    تحيتي
    [align=center][/align]








    [align=center]للتواصل عبر twitter تويتر


    al_bargawy@
    [/align]

    تعليق

    • فهد الشيباني
      شــــاعــر
      • May 2008
      • 1529

      #3
      صحت السن الشعار

      لاهنت يامحمد على النقل






















      ..
      ..



      ارسم لنفسك حدود الخطوه المنظومه
      واحذر احذر لاتزل اقدامك وتاكلها

      الحياه الفانيه في ناظري معدومه
      كان ماحددت قمه للهدف تاصلها

      تعليق

      • محمد ابن رووق
        عضو مميــز
        • Jan 2009
        • 2632

        #4
        تم النشر في الأصل بواسطة محمد العتيبي عرض المشاركة
        صح لساااانهم جميع ..



        ولاهنت على النقل




        .. مع انني ..ضد النوادي الرياضيه ..و مع .. الروح الرياضيه ..



        تحيتي

        اجمل شي الروح الرياضيه>>>>>د يشوت الكوره برا



        انا نصراوي تايب عن الكوره النصراويه ومع ذلك مع الاتحاد الليل يالسواط

        تعليق

        • محمد ابن رووق
          عضو مميــز
          • Jan 2009
          • 2632

          #5
          تم النشر في الأصل بواسطة فهد الشيباني عرض المشاركة
          صحت السن الشعار

          لاهنت يامحمد على النقل




















          ..

          ولسانك



          ولا انت يافهد

          تعليق

          • عبدالمجيد النفيعي
            مشرف القسم الإسلامي والاقسام العامة
            • Jul 2007
            • 2048

            #6
            أجل نصراوي تايب << وتقولون الجمهور الوفي

            الله يصلحك يامحمد كنت داري إن حنجرتك صفراء

            صح الله السن الشعراء وموضوع جميل أخوي محمد وعلى فكرة ترا مالي بالكورة
            تذكر

            قول الرسول صلى الله عليه وسلم :-"المسلم من سلم المسلمون من لسانه ويده"





            أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

            تعليق

            • محمد ابن رووق
              عضو مميــز
              • Jan 2009
              • 2632

              #7
              تم النشر في الأصل بواسطة عبدالمجيد النفيعي عرض المشاركة
              أجل نصراوي تايب << وتقولون الجمهور الوفي

              الله يصلحك يامحمد كنت داري إن حنجرتك صفراء

              صح الله السن الشعراء وموضوع جميل أخوي محمد وعلى فكرة ترا مالي بالكورة

              اكيد خصوصا بعيد عن القبليه الي طفشت العالم



              يعني بتسوي مطور يالنفيعي وتقول ريال مدريد


              ولو سألتك ابرز لعب عندهم تقول مسي

              تعليق

              • محمد الذيابـــي

                مشرف منتدى قصائد الاعضاء

                • Mar 2011
                • 12133

                #8
                شكرا على النقل
                التوقيع

                محمد الذيابـــي

                تعليق

                العمل...