مصلح بن عياد ومحمد المسعودي ( تحليل ونقاش )

طي
X
 
  • التوقيت
  • إظهار
مسح الكل
المشاركات الجديدة
  • ذيب الطائف
    عضو فضي
    • Aug 2009
    • 245

    #1

    مصلح بن عياد ومحمد المسعودي ( تحليل ونقاش )

    نبي معنى هالمحاورة اللي جرت بين مصلح بن عياد ومحمد المسعودي أعتقد في شهر 4 العام الماضي وحصل بيني وبين رجل تحدي هو يقول معناها قبلي وأنا أقول معناها سياسي وكانت تتكلم في حدث مهم قبل سنه أو أكثر تقريباً حسب تحليلي

    نبي آرائكم

    ونبي التحليل بيت بيت لأني أشوف المحاورة حصل فيها مرواغه ووقع أحد الشعار في فخ حسب ما أرى ...




  • سلطان البقمي
    عضو ماسي
    • Mar 2011
    • 717

    #2
    ذيب الطايف ... حاول تسجلها كتابيه ارسالي ضعيف ما يفتح معي اليوتيوب



    وان شالله نفيدك


    تحياتي

    تعليق

    • رائد الكيرعاني القحطاني
      شـاعـــر
      • Apr 2009
      • 1247

      #3
      المعنى كان سياسي عن الحرب مع الحوثيين



      وهو من اجمل الطواريق ان لم يكن اجملها اللي ناقش هذا المعنى وتداوله من كل جوانبه



      وكان مصلح يمثل الجانب السعودي والمسعودي العكس




      وبصراحه لعب هاااااادئ وجمييييييل



      وتبيّن لي ان محمد المسعودي هذا كااارثه

      واعجبني عدة بيوت


      انت تختلني بحيله وانا ماني ختول = ارهب المخلوق بالفعل قدام اقتله

      الله الله

      كل ما عدوك دول يبا يلحقك دول = تشربه ولا تعديه حطه واشتله

      يا سلام

      هيه يا مصلح خويّي على الكتف محمول = ما حسيته غير لليوم الاسود وارسله




      وسلامتك يا ذيب

      تعليق

      • ذيب الطائف
        عضو فضي
        • Aug 2009
        • 245

        #4
        تم النشر في الأصل بواسطة سلطان البقمي عرض المشاركة
        ذيب الطايف ... حاول تسجلها كتابيه ارسالي ضعيف ما يفتح معي اليوتيوب

        وان شالله نفيدك

        تحياتي
        هذي المحاورة يالبقمي مع أن تحليل مثل ماقال الأخ رائد الكيرعاني لكن ربما توجد وجهات نظر أخرى


        .................................................


        مصلح بن عياد:
        ياسلام الله لكم ياهذيل اهل الأصول..الآصالة والثقه بينكم متبادله
        يا محمد يا محمد سمعنا وش تقول..ضيقتك المشكله وانت اساس المشكله


        محمد المسعودي:
        مرحبا من شرع ربي ومن هدي الرسول..كل مخلوق محاسب بذنبه واعمله
        يوم اقول اقول لك مشكله تبغى حلول..وابن عياد أي كلمه تمره تزعله

        مصلح بن عياد:
        ماعلينا من هدير البعارين الفحول..المسامه عندنا والرسن والسلسله
        انت وش بك يوم صاحي ويومين مهبول..تعترض للثانيه مااقنعتك الآوله

        محمد المسعودي:
        لو تضيق الآرض بالحارثي عرض وطول..قال انا لي منزله ماوراها منزله
        الله أعطانا بصيره وميزه فالعقول..إن قريت الفاتحه وإن قريت الزلزله


        مصلح بن عياد:
        الشداد شداد ابويه على وسق الذلول..ريحونا يابشر مانحب المهزله
        انت ودك تدخل البيت ماقبلك دخول..الدروب مقفله والبيوت مقفله

        محمد المسعودي:
        لاتقول ابوي فارس وركاب الخيول..مات ابوك وورثته سيف في جذع انخله
        اعرف ادروب العرب فالطلوع وفالنزول..إن بغيت اهجم على البيت في يوم ادخله


        مصلح بن عياد:
        انشد اللي يامحمد يعرفون الفعول..من هو اللي ينقض الحبل واللي يفتله
        ياهل الجيش الحمر لاتدقون الطبول ..تعترضكم حذفة طالعه ومحوله


        محمد المسعودي:
        ياكثر عرافكم مار جا فيكم خبول..من هو اللي يعرف الميل ثم يعدله
        انت تختلني بحيله وانا ماني ختول..ارهب المخلوق بالفعل قدام اقتله


        مصلح بن عياد:
        البعير اللي تسوقه مقيد ومعقول..لاتسوق اشعيل يم الديار الممحله
        كل ماعدوك دول يبا ياصلك دول..تشربه ولا تعديه حطه واشتله


        محمد المسعودي:
        هيه يا مصلح خويي على الجنب امحمول..ماحزيته غير لليوم الآسود وارسله
        الك عندي ميسم محتمي وابرة كحول..طبنا معروف مااظن مصلح يجهله


        مصلح بن عياد:
        لو تزول جبال عيت طبوعك لاتزول ..تشتري بجينه وتبيع دمك بهلله
        كل ماشافوك زهران قالوا يامغزول..والعيون مكحله والمتون امحمله


        محمد المسعودي:
        كيف ابعطيك العسل وانت رجال امعسول..نعطي الجاهل علوم على قد جهله

        تعليق

        • ذيب الطائف
          عضو فضي
          • Aug 2009
          • 245

          #5
          تم النشر في الأصل بواسطة رائد الكيرعاني القحطاني عرض المشاركة
          المعنى كان سياسي عن الحرب مع الحوثيين



          وهو من اجمل الطواريق ان لم يكن اجملها اللي ناقش هذا المعنى وتداوله من كل جوانبه



          وكان مصلح يمثل الجانب السعودي والمسعودي العكس




          وبصراحه لعب هاااااادئ وجمييييييل



          وتبيّن لي ان محمد المسعودي هذا كااارثه

          واعجبني عدة بيوت


          انت تختلني بحيله وانا ماني ختول = ارهب المخلوق بالفعل قدام اقتله

          الله الله

          كل ما عدوك دول يبا يلحقك دول = تشربه ولا تعديه حطه واشتله

          يا سلام

          هيه يا مصلح خويّي على الكتف محمول = ما حسيته غير لليوم الاسود وارسله




          وسلامتك يا ذيب

          اهلا بالكيرعاني

          وحسب تحليلي انك اصبت المعنى لان المحاورة كانت في وقت الحوثيين واشكرك على تعليقك

          تعليق

          • خالد السويداني القحطاني
            شــــاعــر
            • Nov 2010
            • 331

            #6
            مشكور على النقل واضم صوتي لصوت رائد

            تعليق

            • سلطان البقمي
              عضو ماسي
              • Mar 2011
              • 717

              #7
              المعنى في الشعر فقط ليس في السياسه من بداية البيت الاول يقول مصلح

              مصلح بن عياد:
              ياسلام الله لكم ياهذيل اهل الأصول..الآصالة والثقه بينكم متبادله
              يا محمد يا محمد سمعنا وش تقول..ضيقتك المشكله وانت اساس المشكله

              الاصاله والثقه بينكم متبادله . يعني لايجب الكلام الزايد بينكم يقصد الطاروق السابق

              يقول يامحمد سمعنا وش تقول..شنو قال محمد؟؟ ضيقتك المشكله وانت اساس المشكله ... معناة فيه طاروق قبل مصلح فيه نقاش ساخن بين محمد وشاعر اخر هذلي


              وستمر الطاروق على هذا المعنى الخ




              والله اعلم
              تم التعديل الأخير بواسطة سلطان البقمي؛ 28-Apr-2011, 03:48 AM.

              تعليق

              • فهد الزهراني
                عضو مميــز
                • Mar 2007
                • 3237

                #8
                صراحة المسعودي هذا داهية ماكنت ادري عنه وكلما تابعت له طاروق طلع ادهى من اللي قبله

                غريبه وين الاعلام عنه وينه عن الظهور والمشاركة بما تستحق موهبته وشاعريته؟

                وبن عياد شاعر كبير وله ثقله وحضوره الجميل..

                بخصوص المعنى ...اعتقد ان رائد اقرب الى الواقع والله اعلم

                تعليق

                • ابو فايح
                  مشـرف عام
                  • Jul 2006
                  • 5343

                  #9
                  [align=center]أهلا يا ذيب


                  المحاوره مثل ما تكلم أخونا رائد أعتقد أنها سياسيه


                  والحارثي أعتقد أنه دخل من جهة تصريحات ايران ذلك الوقت رغم أنها السبب
                  ( ضيقتك المشكله وأنت ساس المشكله )


                  يا زين هالبيت

                  ياكثر عرافكم مار جا فيكم خبول***من هو اللي يعرف الميل ثم يعدله[/align]
                  عالم تويتر



                  abofayeh@

                  تعليق

                  • ابراهيم الجـــــذع
                    شـــاعــر
                    • Jun 2010
                    • 1909

                    #10
                    محاوره رائعه

                    اشكرك على نقلها

                    وما دام متحدين

                    اقول لكم المعنى لا هو سياسي ولا قبلي

                    ومحاولة تمرير المعنى موجوده لكن تم الرد عليها

                    هذي وجهة نظري
                    [poem=font="Arial,7,darkred,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
                    الذم ما يهفي للأجواد ميزان=والمدح ما طول قصار الأيادي[/poem]

                    تعليق

                    • ذيب الطائف
                      عضو فضي
                      • Aug 2009
                      • 245

                      #11
                      تم النشر في الأصل بواسطة محمد الجبرتي عرض المشاركة
                      مشكور على النقل واضم صوتي لصوت رائد
                      ونشكرك على المشاركه برايك

                      تعليق

                      • ذيب الطائف
                        عضو فضي
                        • Aug 2009
                        • 245

                        #12
                        تم النشر في الأصل بواسطة سلطان البقمي عرض المشاركة
                        المعنى في الشعر فقط ليس في السياسه من بداية البيت الاول يقول مصلح

                        مصلح بن عياد:
                        ياسلام الله لكم ياهذيل اهل الأصول..الآصالة والثقه بينكم متبادله
                        يا محمد يا محمد سمعنا وش تقول..ضيقتك المشكله وانت اساس المشكله

                        الاصاله والثقه بينكم متبادله . يعني لايجب الكلام الزايد بينكم يقصد الطاروق السابق

                        يقول يامحمد سمعنا وش تقول..شنو قال محمد؟؟ ضيقتك المشكله وانت اساس المشكله ... معناة فيه طاروق قبل مصلح فيه نقاش ساخن بين محمد وشاعر اخر هذلي


                        وستمر الطاروق على هذا المعنى الخ




                        والله اعلم
                        سلطان

                        بصراحه وجهة نظرك لم تقنعني لانك ركزت على بيت وتركت 23 بيت للشعار تناقشوا فيه المعنى وهذا ظلم ، الشئ الثاني ان غالبا بيت التسليم والترحيب لايكون فيه معنى وحتى في هذه المحاورة لم يكن في التسليم والترحيب شئ في المعنى بالذات وعلى فكره الطاروق هذا لم يكن فيه قبله طاروق لا لمحمد ولاغيره من شعار هذيل

                        تعليق

                        • ذيب الطائف
                          عضو فضي
                          • Aug 2009
                          • 245

                          #13
                          تم النشر في الأصل بواسطة فهد الزهراني عرض المشاركة
                          صراحة المسعودي هذا داهية ماكنت ادري عنه وكلما تابعت له طاروق طلع ادهى من اللي قبله

                          غريبه وين الاعلام عنه وينه عن الظهور والمشاركة بما تستحق موهبته وشاعريته؟

                          وبن عياد شاعر كبير وله ثقله وحضوره الجميل..

                          بخصوص المعنى ...اعتقد ان رائد اقرب الى الواقع والله اعلم
                          اهلا يافهد

                          وكلامك عن محمد المسعودي هذا شاعر ومن العمالقه وشاعر خبرته تتعدى 25 سنه لكن هو لم يحترف المحاورة وجعلها هوايه له لا احتراف ويعجبني فيه هدوءه وهو شاعر على الفطره بدوي قوة تركيب بيت ومجاراة في المعنى ورمزيه جميله وهو مبتعد عن الاعلام والاعلام ظالمه مع انه يتحمل الجزء الاكبر وشكرا على مشاركتك برايك

                          تعليق

                          • ذيب الطائف
                            عضو فضي
                            • Aug 2009
                            • 245

                            #14
                            تم النشر في الأصل بواسطة ابو فايح عرض المشاركة
                            [align=center]أهلا يا ذيب


                            المحاوره مثل ما تكلم أخونا رائد أعتقد أنها سياسيه


                            والحارثي أعتقد أنه دخل من جهة تصريحات ايران ذلك الوقت رغم أنها السبب
                            ( ضيقتك المشكله وأنت ساس المشكله )


                            يا زين هالبيت

                            ياكثر عرافكم مار جا فيكم خبول***من هو اللي يعرف الميل ثم يعدله[/align]
                            في البدايه شكرا لك على المشاركه برايك مع ان وجهة نظرك جميله ودخوله من جهة هذه التصريحات يكون يختلف كليا عن مناقشتهم للمعنى لان النقاش بيكون بين صلح ومحمد يمثل ايران باختلاف كلام رايد ان مصلح يمثل الجانب السعودي ومحمد يمثل الجانب الحوثي لكن يبقى المعنى سياسي وبصراحه رايك يخليني اسمع المحاورة مره ثانيه مع انه ربما يكون ناقشوا المعنى بالجهتين هذي مره وحده يعني محمد مثل ايران والحوثي في نفس الوقت لكن استبعدها

                            تعليق

                            • ذيب الطائف
                              عضو فضي
                              • Aug 2009
                              • 245

                              #15
                              تم النشر في الأصل بواسطة ابراهيم الجـــــذع عرض المشاركة
                              محاوره رائعه

                              اشكرك على نقلها

                              وما دام متحدين

                              اقول لكم المعنى لا هو سياسي ولا قبلي

                              ومحاولة تمرير المعنى موجوده لكن تم الرد عليها

                              هذي وجهة نظري
                              شكرا على المشاركه برايك في البدايه

                              لكن ان كان هناك محاولة لامشكله لكن حنا نتكلم عن المحاورة بشكل عام من البدايه للنهايه ربما كان هناك محاولة تمرير معنى وتر الرد عليها ودخلوا المعنى السياسي !

                              تعليق

                              العمل...