حبيب وبن عتقان وطاروق فااااااااخر

طي
X
 
  • التوقيت
  • إظهار
مسح الكل
المشاركات الجديدة
  • محمد المرشدي
    عضو ذهبي
    • Jan 2011
    • 332

    #1

    حبيب وبن عتقان وطاروق فااااااااخر

    المحاورة في عام 1426 في حفل تخرج ابناء قبيلة عتيبه


    والمعنى بدايته والله اعلم انه عن الساحة والمرقاب ولكن الطاروق تطرق لاكثر من معنى ولم استطع كشف بقية المعاني


    صراحة انا معجب بهذا الطاروق الى حد كبير ولهذا كتبته لكم واتمنى ان يحوز على رضاكم وانتظر اراكم



    بن عتقان

    ياسلام الله سلام ن فيه معنى فالبدايه *** والمعاني بعضها مثل الرياح الموسميه

    قالوا حبيب يسوي برج ويبث الدعايه *** قلت ماهو مثل برج المملكه والفيصليه



    حبيب

    مرحبا بك فالبدايه والحقيقه فالنهايه *** تبتديها بالسلام وتختتمها بالتحيه

    كان بن عتقان حارس عند عمال البنايه *** ينتبه للمصري اللي نيته دايم رديه



    بن عتقان

    ياحبيب ماعليه خوف ومجهز عصايه *** واوجود اللي يبيها فالصباح وفالعشيه

    انت يوم انك تسويها كذا ويش الحكايه *** مالقيت الا تسوي فرع في سوق الحويه



    حبيب

    ياسليم اللي غذاكم تمر مدري دخن سايه *** تالي الايام صرتوا تاكلون مهلبيه

    كثرو الاطفال والشيبان في دار الرعايه *** ياحكومتنا الرشيده وسعوا فيها شويه



    بن عتقان

    اكلنا دايم حلال ولا على هاذي غطايه *** وانته اكلك ماتغير من عصور الجاهليه

    ازملاك اللي تسميهم ولاهم بزملايه *** ياحبيب ليش صاير فيك عله داخليه



    حبيب

    مالنا فاللي حضر مقصد ولا اللي غاب غايه *** عندنا للكبد مر وعندنا للقلب كيه

    انت جمال البعير اللي على ظهره حوايه *** الله انه يرحم السلمان رعيان الرعيه



    بن عتقان

    ارتكبتوا ياحبيب فاخر الهجره جنايه *** دوروا عقال يالروقه يحلون القضيه

    ليه يوم انك تحط اذنك لراعين الوشايه *** كيف تاخذ فالبعير الحر راس البربريه



    حبيب

    ان حصل مني خطاء محد ن مكلف في خطايه *** والخوي ياسليم منكم فالخلا خلى خويه

    اتمنى قبل اموت اقرا لحالي مية ايه *** وانت رجال ن مهاوي والهوى شدد طميه



    بن عتقان

    انت سويت الخطا واصبح مع العالم روايه *** مانخاوي غير اعز رجال ووجيه ن نقيه

    الشعر لسليم ورث وعندكم طبعا هوايه *** ماهناك خلاف لو تمسون فوق السمسمية



    حبيب

    ان جرحت اجرح واداوي والدواء طبعا دوايه *** وانت فالخط المعلق بين هاذيه وذيه

    كان بن عتقان وارث ماورث غير الغوايه *** والعرب تعرف بخوره عود ولا جاونيه



    بن عتقان

    اكلوا اصحابك لحمها مابقي غير الشوايه *** والشواية وش تسوي مع ثلاثة سمسريه

    ياحبيب طال عمرك قول لي يسعد مسايه *** المهم انه معي فالجيب ياحبيب هويه



    حبيب

    الصحن ماهوب ليه والعشاء ماهو عشايه *** مير دور واسطه لو كان عند السفرجيه

    كان تبغى العافيه بالله لا تبحث خفايه *** سالفه فيها جدال وذمتي منها بريه



    بن عتقان

    الله اكبر ياحبيب لو تمرى فالمرايه *** من يشوفك قال ضابط والشهاده جامعيه

    مابقى الا زيد يسعى بينكم فيه الكفايه *** عايده عيد رمضان وعايده عيد الضحيه



    حبيب

    انت ماتلحق مدى الصوره ولا تلحق مدايه *** ((تشهد الاصحاب ليه تشهد العدوان ليه))

    لو بن عقان اشاره في ميادين الرمايه *** والله اني لاكسره لو هو بلفح البندقيه



    وهنا المحاورة بالصوت والصوره لعضو منتدى الهيلا المبدع سعد الحارثي

  • فهد علي العازمي
    شــــاعــر
    • Oct 2005
    • 3683

    #2
    الف شكر لك على المجهود الرائع

    تعليق

    • مصر
      عضو فعال
      • Dec 2009
      • 184

      #3
      من أجمل وأروع المحاورات التي قرأتها من سنين .. شكرا جزيلا .

      تعليق

      • ابو فايح
        مشـرف عام
        • Jul 2006
        • 5343

        #4
        [align=center]طاروق قوي جدا


        مثل ما ذكرت يالخذامي فالبدايه كان حول القناه والمكتب


        وبعدها خبرة حبيب العازمي غيرت المعنى وراح معه ابن عتقان


        دائما ابن عتقان يحاول ينرفز حبيب ويقلل من قيمته ولكن الجبل شامخ .


        لاهنت يالخذامي على النقل الرائع .[/align]
        عالم تويتر



        abofayeh@

        تعليق

        • محمد المرشدي
          عضو ذهبي
          • Jan 2011
          • 332

          #5
          تم النشر في الأصل بواسطة فهد علي العازمي عرض المشاركة
          الف شكر لك على المجهود الرائع


          لاشكر على واجب يافهد ولاهنت على المرور

          تعليق

          • محمد المرشدي
            عضو ذهبي
            • Jan 2011
            • 332

            #6
            تم النشر في الأصل بواسطة مصر عرض المشاركة
            من أجمل وأروع المحاورات التي قرأتها من سنين .. شكرا جزيلا .


            لا شكر على واجب يالغالي ولاهنت على المرور

            تعليق

            • محمد المرشدي
              عضو ذهبي
              • Jan 2011
              • 332

              #7
              تم النشر في الأصل بواسطة ابو فايح عرض المشاركة
              [align=center]طاروق قوي جدا


              مثل ما ذكرت يالخذامي فالبدايه كان حول القناه والمكتب


              وبعدها خبرة حبيب العازمي غيرت المعنى وراح معه ابن عتقان


              دائما ابن عتقان يحاول ينرفز حبيب ويقلل من قيمته ولكن الجبل شامخ .


              لاهنت يالخذامي على النقل الرائع .[/align]

              يامرحبا بمشرفنا العزيز ابوفايح لكن السوال يابوفايح غير المعنى الى ماذا ودنا نستفيد يالغالي

              ولاهنت على المرور الاكثر من رائع

              تعليق

              • سلطان البقمي
                عضو ماسي
                • Mar 2011
                • 717

                #8
                بن عتقان

                ياسلام الله سلام ن فيه معنى فالبدايه *** والمعاني بعضها مثل الرياح الموسميه

                قالوا حبيب يسوي برج ويبث الدعايه *** قلت ماهو مثل برج المملكه والفيصليه

                بالمختصر يتكموون عن الشعر



                هذه المحاوره عن الشعر ومستوياتهم في الشعر



                يسوي برد ( يعني شاعر بحجم مستور والزلامي) هذا بيت المعنى
                حبيب

                مرحبا بك فالبدايه والحقيقه فالنهايه *** تبتديها بالسلام وتختتمها بالتحيه

                كان بن عتقان حارس عند عمال البنايه *** ينتبه للمصري اللي نيته دايم رديه
                __________________________________________________ __



                مرحبا بك فالبدايه والحقيقه فالنهايه *** تبتديها بالسلام وتختتمها بالتحيه

                الشطر الاول يقول مرحبا في البدايه والحقيقه في النهايه(يعني تعال ورني شعرك



                تبتديها بالسلام وتختتمها بالتحيه( تبدا بالسلام وتنتهي بالتحيه يعني تعطيني تحيه بالاخير لاني اكبر منك شعر


                ودليل الرد
                بن عتقان

                ياحبيب ماعليه خوف ومجهز عصايه *** واوجود اللي يبيها فالصباح وفالعشيه

                انت يوم انك تسويها كذا ويش الحكايه *** مالقيت الا تسوي فرع في سوق الحويه


                (واوجودي يبيها المحاوره يقصد

                حبيب

                ياسليم اللي غذاكم تمر مدري دخن سايه *** تالي الايام صرتوا تاكلون مهلبيه

                كثرو الاطفال والشيبان في دار الرعايه *** ياحكومتنا الرشيده وسعوا فيها شويه


                يقصد يجنا في المحاورات ناس مرضى نفسيه ياكلون مدري وش ياكلون

                وسعوا المستشفى لهم لايجونا)



                ودليل الرد



                هذا البيت يدل على كلامي وزعل ابن عتقان

                تعليق

                • سلطان البقمي
                  عضو ماسي
                  • Mar 2011
                  • 717

                  #9
                  بن عتقان

                  ياسلام الله سلام ن فيه معنى فالبدايه *** والمعاني بعضها مثل الرياح الموسميه

                  قالوا حبيب يسوي برج ويبث الدعايه *** قلت ماهو مثل برج المملكه والفيصليه

                  بالمختصر يتكموون عن الشعر



                  هذه المحاوره عن الشعر ومستوياتهم في الشعر



                  يسوي بردج ( يعني شاعر بحجم مستور والزلامي) هذا بيت المعنى
                  حبيب

                  مرحبا بك فالبدايه والحقيقه فالنهايه *** تبتديها بالسلام وتختتمها بالتحيه

                  كان بن عتقان حارس عند عمال البنايه *** ينتبه للمصري اللي نيته دايم رديه
                  __________________________________________________ __



                  مرحبا بك فالبدايه والحقيقه فالنهايه *** تبتديها بالسلام وتختتمها بالتحيه

                  الشطر الاول يقول مرحبا في البدايه والحقيقه في النهايه(يعني تعال ورني شعرك



                  تبتديها بالسلام وتختتمها بالتحيه( تبدا بالسلام وتنتهي بالتحيه يعني تعطيني تحيه بالاخير لاني اكبر منك شعر


                  ودليل الرد
                  بن عتقان

                  ياحبيب ماعليه خوف ومجهز عصايه *** واوجود اللي يبيها فالصباح وفالعشيه

                  انت يوم انك تسويها كذا ويش الحكايه *** مالقيت الا تسوي فرع في سوق الحويه


                  (واوجودي يبيها المحاوره يقصد

                  حبيب

                  ياسليم اللي غذاكم تمر مدري دخن سايه *** تالي الايام صرتوا تاكلون مهلبيه

                  كثرو الاطفال والشيبان في دار الرعايه *** ياحكومتنا الرشيده وسعوا فيها شويه


                  يقصد يجنا في المحاورات ناس مرضى نفسيه ياكلون مدري وش ياكلون

                  وسعوا المستشفى لهم لايجونا) هذا تحليل ابن عتقان وهو خاطئ



                  ودليل الرد


                  بن عتقان

                  اكلنا دايم حلال ولا على هاذي غطايه *** وانته اكلك ماتغير من عصور الجاهليه

                  ازملاك اللي تسميهم ولاهم بزملايه *** ياحبيب ليش صاير فيك عله داخليه




                  هذا البيت يدل على كلامي وزعل ابن عتقان


                  حبيب

                  مالنا فاللي حضر مقصد ولا اللي غاب غايه *** عندنا للكبد مر وعندنا للقلب كيه

                  انت جمال البعير اللي على ظهره حوايه *** الله انه يرحم السلمان رعيان الرعيه


                  ينتقده حبيب ويقول

                  انت جمال البعير اللي على ظهره حوايه *** الله انه يرحم السلمان رعيان الرعيه



                  انت جمال البعير (البعير هو الحمار ) الله انه يرحم شعار سليم رعيان المحاوره مثل الجبرتي)

                  ------------------------------------------------------------------------

                  لاحظ رد ابن عتقان يتشره على الروقه ليش حبيب يشبه بالحمار

                  بن عتقان

                  ارتكبتوا ياحبيب فاخر الهجره جنايه *** دوروا عقال يالروقه يحلون القضيه

                  ليه يوم انك تحط اذنك لراعين الوشايه *** كيف تاخذ فالبعير الحر راس البربريه



                  هذا كل مافي الامر وليس مكتب ولا غيره

                  تعليق

                  • محمد المرشدي
                    عضو ذهبي
                    • Jan 2011
                    • 332

                    #10
                    اعتقد ياسلطان البقمي انك جانبت الصواب فالتحليل وانا اخوك


                    البدايه عن القنوات الشعريه والباقي ماقدرت افسره


                    البدايه قال بن عتقان يسوي برج ويبث الدعايه بعني حبيب بدى يبث قناته ذيك الايام

                    بس برج حبيب اي قناته ماهو مثل برج المملكه والفيصليه يعني قناتك ماهيب مثل الساحه والصحراء

                    او الساحه وصدى مثلا


                    اما باقي المحاوره ماعرفت تفسيرها


                    ولاهنت على تحليلك يالغالي

                    تعليق

                    • سلطان البقمي
                      عضو ماسي
                      • Mar 2011
                      • 717

                      #11
                      تم النشر في الأصل بواسطة الخذامي عرض المشاركة
                      اعتقد ياسلطان البقمي انك جانبت الصواب فالتحليل وانا اخوك


                      البدايه عن القنوات الشعريه والباقي ماقدرت افسره


                      البدايه قال بن عتقان يسوي برج ويبث الدعايه بعني حبيب بدى يبث قناته ذيك الايام

                      بس برج حبيب اي قناته ماهو مثل برج المملكه والفيصليه يعني قناتك ماهيب مثل الساحه والصحراء

                      او الساحه وصدى مثلا


                      اما باقي المحاوره ماعرفت تفسيرها


                      ولاهنت على تحليلك يالغالي
                      انا ابخص بالمعنى وين جبت القناوات وين الرابط اللي انت شفته من البدايه

                      يدل على القنوات ؟ لو قناوات تبي تشوف المعنى يتسلسل في رابط لذالك




                      لاكن مافي رابط ابد .... الرابط هو الشعر بينهم يقوله انت تحاول تملك جمهور


                      وتنافس الكبار


                      فقط لاغير داخل الشعر

                      تعليق

                      • محمد المرشدي
                        عضو ذهبي
                        • Jan 2011
                        • 332

                        #12
                        طيب سلطان عطني معنى البرج والدعايه والمملكه والفيصليه


                        وانت تقول مافيه رابط فالبدايه البيت الذي فسرته لك في بداية المحاوره
                        تم التعديل الأخير بواسطة محمد المرشدي؛ 17-Mar-2011, 11:57 PM.

                        تعليق

                        • سلطان البقمي
                          عضو ماسي
                          • Mar 2011
                          • 717

                          #13
                          تم النشر في الأصل بواسطة الخذامي عرض المشاركة
                          طيب سلطان عطني معنى البرج والدعايه والمملكه والفيصليه


                          وانت تقول مافيه رابط فالبدايه البيت الذي فسرته لك في بداية المحاوره




                          سوال



                          هل برج المملكه والفيصليه مذكر او مؤنث ؟؟؟؟؟





                          لو القنوات ممكن يرسم المعنى على نجوم تقرب القنوات وليس مذكر



                          الا براج شعار كبار ورد حبيب قاطع للبيب اللي يعرف النقد



                          لاحظ الردود ولاحظ شرحي الاخير في متصفحي وربط



                          الردود والشرح تقتنع

                          تعليق

                          • مهنـا العتيبي
                            عضو ذهبي
                            • Nov 2010
                            • 305

                            #14
                            اي قناه ؟؟؟

                            المحاورة تاريخها 2006

                            والقناة افتتحت 2008

                            المعنى بعيد كل البعد عن القناه

                            هذا البيت اضحكني كثيراااا

                            كان بن عتقان حارس عند عمال البنايه *** ينتبه للمصري اللي نيته دايم رديه


                            هههههههههههههههههههههههههههههههههه

                            تعليق

                            • سلطان البقمي
                              عضو ماسي
                              • Mar 2011
                              • 717

                              #15
                              تم النشر في الأصل بواسطة مهنـا العتيبي عرض المشاركة
                              اي قناه ؟؟؟

                              المحاورة تاريخها 2006

                              والقناة افتتحت 2008

                              المعنى بعيد كل البعد عن القناه

                              هذا البيت اضحكني كثيراااا

                              كان بن عتقان حارس عند عمال البنايه *** ينتبه للمصري اللي نيته دايم رديه


                              هههههههههههههههههههههههههههههههههه



                              انا والله مدري متى تاريخها لاكن بعيده عن القنوات الموضوع في الشعر فقط

                              تعليق

                              العمل...